Böyük Azərbaycan yolçusu
63
dövlətçiliyin qorunmasına və inkişafına xidmət edir,həm də
BAXCP-nin daha da güclənməsinə çalışır.
Bünyamin Qəmbərli həm də müəllim kimi fəaliyyət
göstərir. Bünyamin bəy gənc nəslin düzgün tərbiyə olunması,
sağlam və mənəvi baxımdan güclü olması üçün öz əməyini,
bilik və bacarığını əsirgəmir.
50 illik yubileyi ərəfəsində Bünyamin Qəmbərlini təbrik
edir və düşünürəm ki, bundan sonra da o, uzun illər Azərbaycan
xalqına və dövlətçiliyinə layiqincə xidmət edəcək.
Böyük Azərbaycan yolçusu
64
FƏRƏC İBRAHİM
OĞLU QULİYEV
Milli Dirçəliş Hərəkatı
Partiyasının sədri,
Millət Vəkili
QAZAVATIN,
ƏBƏDİYAŞARLIĞIN MÜBARƏK!
Bu dünyada hər kəsin şəxsi, qrup və anlayanların da
anlamayanların da milli dövlət maraqları olur. Biriləri dövlət
marağının nə olduğunu anlamayacaq qədər cahil olduğundan
şəxsi və qrup maraqlarının təmininin girovuna çevrilirlər.
Amma Milləti yaşatmaq naminə yaşamağı görəv bilənlər
səadətlərini milli səadət icərisində axtararlar. Şəxsi və qrup
maraqlarını Milli maraqların içərisində axtarmaq, millətlə bir
tam olmağı anlamaq və millətin faydalı elementinə - millət adlı
binanın kərpicinə çevrilməkdir. Silahdaşım Bünyamin
Qəmbərli millət adlı binanın kərpicinə çevrilmək missiyasını
qəbul edənlərdəndir.
1989-cu ildə ” dünyanın ən mübariz xalqı ” adına layiq
görülən Azərbaycan xalqının bu adı almasında müstəsna
xidmətləri olan soydaşlarımız ikinci dəfə mustəqil Azərbaycan
dövlətinin bərpasına nail oldular. Bəziləri - xüsusilə milli
azadlıq hərəkatına mane olmağa çalışanlar, ən azından bu
Böyük Azərbaycan yolçusu
65
hadisələrə biganə, seyrçi qalanlar bu müstəqilliyin verildiyini
iddia etməyə cəhd etdilər. Amma həqiqət budur ki, milli şərəf
olan Milli Azadlıq verilmir, alınır. Azərbaycan bölündükdən
sonra həm Azərbaycanın güneyində, həm quzeyində daim
Azərbaycanın ədalətli status - kvosu olan tarixi - coğrafi
ərazisində milli dövlət qurma uğrunda ardıcıl, ziq-zaqlı
mubarizə getdi. Bu mübarizənin nəticəsi olaraq Azərbaycanın
güneyində də, quzeyində də dövlət qurmaq nəsibimiz
oldu.1918-20-ci illərdə movcud olmuş ADR - in süqutundan
sonra da milli mübarizə ən ağir şərtlər altında davam
etdirildi.1930-cu illərin sonuna qədər davam edən qaçaqçılıq
hərəkatı, ikinci dünya savaşı dönəmində M.Ə.Rəsulzadənin
siyasi, Düdənginiskinin hərbi rəhbərliyi ilə aparılan Azərbay-
can Legionlarının möhtəşəm mübarizəsi, M.Ə.Rəsulzadə başda
olmaqla mühacirət mübarizəsi, milli azadlıq hərəkatınin lideri
Əbülfəz Elçibəy simasında 60-70-ci illərdəki dissident
mübarizəsi milli azadlıq hərəkatı zəncirinin ayrılmaz həlqələri
idi.1980-ci illərin sonunda Azərbaycandakı leqal və kütləvi
milli azadlıq hərəkatı növbəti dalğa idi. Eyni zamanda həm
Rusiya müstəmləkəçiliyindən qurtulmaq, həm Ermənistan -
Rusiya silahlı qüvvələrinə qarşı döyüşmək, həm vətənimizin
bölünməsinə ən böyük etiraz olan sərhəd hərəkatını
reallaşdırmaq kimi ağır və şərəfli bir missiyanı həyata
keçirtmək Bizlərin üzərinə düşdü. Bu mübarizəni aparanların
ortaq ömürlüyündə qızıl hərflərlə yazılan müstəqil Şimali
Azərbaycan dövləti nəticəsi var. Bu nəticənin altında imza
qoyan silahdaşlarıımdan biri Bünyamin Qəmbərlinin yarım
əsrlik yubileyini təbrik etmək formal mahiyyətdədir, çünki belə
insanlar əbədiyaşar olur.
Qazavatın, əbədiyaşarlığın mübarək!
Böyük Azərbaycan yolçusu
66
SƏRDAR CƏLALOĞLU
Azərbaycan Demokrat
partiyasının sədri
VƏTƏN DAŞLARI
Üstündən 25 il vaxt keçdikdən sonra keçmiş hadisələrə
retrospektiv yanaşdıqda baş verənləri və bu hadisələrdə rol
almış insanları bir-bir yada saldıqda çox şey indi fərqli qiymət
almağa başlayır. Vaxtı ilə ozünü xalq hərəkatının liderləri
hesab etmiş insanlardan bir çoxu bu gün ya əks cəbhədə yer
tutmuş ya da hərəkatdan oz mənfəətlərini təmin edərək gözdən
itmişdi. Amma hərəkatın bütün ağırlığını öz üzərində daşımış
insanların bir çoxu hələ də millətinin və dövlətinin mənafeləri
uğrunda mübarizəsini davam etdirməkdədir.
“Daş düşdüyü yerdə ağır olar” demiş atalar. Məncə “ağır
daşlar düşdüyü yerdə qalar” desək səhv etmərik. Daş demişkən
böyük sairimiz Məmməd Arazın məşhur misraları yadıma
düşür
Vətən daşı olmayandan
Olmaz ölkə vətəndaşı.
Vətən Daşı olmaq nə deməkdir? Vətən daşı necə olmaq
olar? Əgər vətəni millətin qalası hesab etsək onda hər bir
Böyük Azərbaycan yolçusu
67
vətəndas həmin qalanin daşı olur. Qala daşları öz üzərilərində
düsmənin hücumlarının izlərini daşıdığı kimi Vətənin Daşları
da özündə millətinə qarşı atılan oxların izlərini öz taleyində
daşıyırlar. Vətən Daşı olmaq önde olmaq, birinci olmaq xalq
kütlələrinin qarşısında boğazdan yuxarı vətənpərvərlik nitqləri
söyləməklə olmur. Vətən Daşı vətənin ağrılarını ürəyində,
yükünü çiyinlərində daşımaqla olur. Burada Fazil Mustafanın
hafizəmin dərinləklərində bu günədək saxlanmıs əsgərlik vaxtı
dostlarından birinə seirle müraciəti yadıma düsür. ”Məni bir
daş kimi addamac yerinə Arazın ortasına qoyun üstümdən
keçib vətənimi birləşdirin.” Budur Vətən daşının həqiqi
missiyası. Bəzən o vətənin düşmənlərinə atılan bir daş olur,
bəzən Arazdan keçib parçalanmış vətənini birləşdirənlərin
ayağı altında addamac olur, bəzənsə böyük tarixi özündə
daşıyan qədim bir qalanın düşmüş daşının yerinə hörülmüş bir
daş olur. Yalnız onda insan olur ölkə vətəndaşı.
Belə Vətən Daşlarından biri də vətəndaş Bünyamin
bəydir. Azərbaycanda o adamlar özünə fəxrlə vətəndaş deyə
bilər ki, vətəni dövlətə çevirməkdə xidmətləri olub. Bünyamin
bəyin də fəxrlə ozünü vətəndaşı hesab etdiyi müstəqil Azərbay-
can dövlətinin yaradılmasında özünə məxsus xidmətləri olub.
Bünyamin bəyi hərəkatdan öncə gizli dərnəklər
dövründən tanıyıram. Özunə xas qaynar təbiətli, təhlükəyə
qarşı düsünmədən irəli atılan, hamının qorxub səsini kəsdiyi
vaxt ucadan haqqın yanında olduğunu bəyan edən gənc bir
fədaidir Bünyamin bəy. Bizim hərəkatda tam siyasiləsməmiş,
amma vətənpərvərliyi şübhə doğurmayan çoxlu insanlara rast
gəlmişəm, Bünyamin bəy belələrindəndir.
Bəli, bu gün çoxları vaxtı ilə hərəkatın fasadında
durduqlarına görə indi özlərinə böyük imtiyazlar tələb edirlər.
Amma elələri də var ki, heç vaxt fasadda durmağa cəhd
etməmiş, amma hərəkatın ağırlığını səssiz-küysüz mətanətlə bir
borc kimi özündə daşımışlar. Bünyamin bəy də belələrindəndir.
Böyük Azərbaycan yolçusu
68
Hərəkatımızın başa çatdığını hesab edənlər yanılırlar. Əksinə,
bu gün başlatdığımız xalq hərəkatı daha ciddi bir mərhələyə-
siyasi hərəkat mərhələsinə qədəm qoyub. İndi bölgədəki aparıcı
aktyorların da sırası xeyli genişlənib düşmənlərimiz artıb,
problemlərimiz çoxalıb. İndi həmişəkindən daha çox Vətən
Daşlarına ciddi ehtiyac yaranıb. Qarabağı qaytarmaq üçün
separatçıların başına çırpılacaq Vətən Daşı lazımdr...
Demokratik Azərbaycan binasının divarlarına hörülmək üçün
demokrat-Vətən Daşı tələb olunur. Başqa vətəndaşlarla
birlikdə millətin tarixinə hörülməyə Vətən Daşı tələb olunur.
Əgər vətən “Ey varmıdır Vətən Daşı” deyə hayqırsa inanıram
ki, ilk səs verənlərdən biri də Bünyamin bəy olacaq. Çünki o
bir çoxumuz kimi çox yaxşı bilir ki, Vətən Daşı olmayandan
heç vaxt olmaz ölkə vətəndaşı...
Dostları ilə paylaş: |