27
Biz necə işləyirik
2011-ci il ərzində Azərbaycanda maraqlı tərəfləri
bir çox istiqamətlərdə əməkdaşlığa cəlb etmişik:
Hökumətlə
Azərbaycan hökuməti ilə uğurlu və qarışıqlı faydalı
tərəfdaşlığımız davam edib və genişlənib.
•
Həyata keçirdiyimiz əməliyyatları müzakirə
etmək üçün Prezident İlham Əliyevlə bir neçə
görüş keçirmişik.
•
Aprel ayında Prezident İlham Əliyev BP
qrupunun baş icraçı direktoru Robert Dadlini
qəbul etdi. İyul ayında Prezident İlham Əliyev
BP AGT-nin prezidenti Rəşid Cavanşiri 60-illik
yubileyi münasibətilə qəbul etdi, onu “Şöhrət”
ordeni ilə təltif etdi.
•
Türkiyə ilə Azərbaycan arasında
hökumətlərarası saziş və Şahdəniz (ŞD) qazının
ixracı ilə bağlı digər əsas sazişlər imzalandı.
•
İyun ayında Xəzər neft-qaz sərgisində Rəşid
Cavanşir Prezident İlham
Əliyevi və onun
qonaqlarını BP-nin stendində qəbul etdi və
interaktiv model vasitəsilə BP-nin regionda
apardığı əməliyyatların miqyasını nümayiş
etdirdi.
•
Azərbaycan Respublikası Dövlət Neft Şirkəti
ilə hasilatın pay bölgüsü sazişləri, tranzit əraziyə
malik ölkə hökumətləri ilə sazişlər və digər
sazişlər çərçivəsində qarşılıqlı maraq doğuran
bir sıra məsələlər üzrə birlikdə işlədik.
•
İyul ayında BP-nin Rusiya/MDB üzrə iqtisadi
şöbəsinin rəhbəri və baş iqtisadçısı BP-nin
illik “Dünya energetikasının statistik icmalı”nı
hökumət orqanları, media, universitetlər və
biznes ictimaiyyətinə təqdim etmək üçün
Azərbaycana gəldi.
•
SD Mərhələ 2 layihəsi və Səngəçal
terminalının planlaşdırılmış genişləndirilməsi ilə
əlaqədar Ekologiya və Təbii Sərvətlər Nazirliyi,
Nəqliyyat Nazirliyi, Azərbaycan Arxeologiya və
Etnoqrafiya İnstitutu, Qaradağın yerli rəhbərliyi
ilə əməkdaşlıq etdik.
•
İqtisadi İnkişaf Nazirliyində iqtisadi siyasətin
təhlili və proqnozlaşdırma bacarıqlarının inkişaf
etdirilməsinə dəstək verdik.
•
Beynəlxalq Maliyyə Korporasiyasının
həyata keçirdiyi biznesə imkan yaradan
mühit layihəsinin bacarıqların yaradılması
komponentini tərəfdaşlarımızla birlikdə
maliyyələşdirdik.
Vətəndaş cəmiyyəti ilə
•
Azərbaycandakı sosial fəaliyyətimizlə bağlı
əminliyin təmin edilməsi, məsləhətlərin
verilməsi və problemlərin müəyyən edilməsi
məqsədilə BP tərəfindən təsis edilmiş
müstəqil şirkətdənkənar məsləhət qrupu
olan Azərbaycan Sosial Təhlil Komissiyası
(ASTK) ilə əlaqələrimizi davam etdirdik.
2011-ci ilin may ayında iş icrası ilə bağlı bir sıra
məsələlərin müzakirə olunması üçün ASTK
ilə görüşlərin keçirilməsinə şərait yaratdıq.
ASTK-nın Azərbaycanda BP-yə təqdim etdiyi,
bir sıra tövsiyələr verən beşinci hesabatı bizim
cavablarımızla birlikdə BP-nin Azərbaycan üzrə
veb-saytında yerləşdirildi.
•
Mineral Ehtiyatların Hasilatı ilə Məşğul olan
Sənaye Sahələrində Şəffaflıq Təşəbbüsü
çərçivəsində gəlirlərin şəffaflığına dəstəyimizi
davam etdirdik.
•
Şəfəq-Asiman blokunun üç-ölçülü seysmik
çəkilişlərinin ətraf mühitə potensial təsirləri
barədə vətəndaş cəmiyyəti ilə geniş
məsləhətləşmələr apardıq.
•
“BP Azərbaycanda davamlı inkişaf haqqında
hesabat 2010”u müzakirə etmək üçün yerli
QHT-lərlə görüş keçirdik.
•
BP-nin Azərbaycandakı fəaliyyətləri, Xəzər
regionu üzrə enerji məsələlərinə münasibətimiz
və ŞD Mərhələ 2 layihəsinin gedişi ilə
maraqlanan tədqiqatçılarla görüşdük.
•
2011-ci ildəki görüşlərimiz zamanı vətəndaş
cəmiyyəti təmsilçiləri icmalarla daha geniş
əməkdaşlıq və Azərbaycandakı gələcək
layihələrimizə daha çox cəlb olunmaqla bağlı bir
neçə mühüm təklif irəli sürdülər.
Əməkdaşlarla
•
Aktual məsələləri müzakirə etmək üçün bir
neçə ümumi yığıncaq keçirdik.
•
Daxili intranet səhifəsini müntəzəm
yeniləşdirdik.
•
İşçi heyəti üçün “Compass” jurnalının 2011-
ci ildə fəaliyyətlərimizi əhatə edən səkkiz
nömrəsini Azərbaycan (çap şəklində) və ingilis
(onlayn versiyasında) dillərində nəşr etdik.
•
İşçilər arasında fasiləsiz təkmilləşmə (FT)
mədəniyyəti aşılamaq üçün FT mövzusunda
doqquz video-hekayə hazırladıq.
•
BP AGT intranet şəbəkəsində əməyin
təhlükəsizliyi ilə bağlı, AGT regionu üzrə
prezidentin video-müraciəti də daxil olmaqla,
25 material təqdim etdik.
•
Öz işçilərimiz və onların ailə üzvləri arasında
sürücülük mədəniyyətinin yüksəldilməsi üçün
avtomobillərin təhlükəsiz idarə olunması üzrə iki
kampaniya keçirdik.
•
Yeni təşkilati model, əməyin təhlükəsizliyi və
ətraf mühit riskləri ilə bağlı təşkilati strukturu
müzakirə etmək üçün BP AGT üzrə 150 yüksək
vəzifəli rəhbərin yığıncağını keçirdik.
Maraqlı tərəflərlə əlaqələr
Dünyanın hər yerində
öz işlərimizi yerli icmaların faydalana biləcəyi tərzdə aparırıq;
Azərbaycanda davamlı inkişafa dəstək verir, təhsil təşəbbüslərinə
sponsorluq edir və gəlirlərin şəffaflığını təşviq edirik
BP-nin Azərbaycan Sosial Təhlil
Komissiyasını şirkətdənxaric müstəqil bir
orqan kimi təsis etməsi təqdirəlayiqdir və
bu, özlüyündə BP-nin sosial təsirinə necə
ciddi yanaşdığını nümayiş etdirir. İnanırıq ki,
bu, dünyanın hər yerində neft-qaz sənayesi
üçün ən yaxşı bir nümunədir.
Azərbaycan Sosial
Təhlil Komissiyası
Beşinci hesabat, avqust 2011
ASTK-nın hesabatı ilə tanış olun:
bp.com/caspian/asrc
Yerli kütləvi informasiya vasitələrinin nümayəndələri tikinti sahəsinə səfər zamanı