87
Xolerogen-anatoksin hər il 1 dəfə yeridilir. Revaksinasiya epidemioloji göstəriş
olarsa vaksinasiyadan 3 ay sonra aparıla bilər. Xolerogen 0,5 ml kürək sümüyünün ucu
nahiyyəsinə, ciddi olaraq dəri altına yeridilir. Revaksinasiya məqsədi ilə də 0,5 ml təyin edilir. 7-
10 yaş - 0,1-0,2 ml; 11-14 yaş - 0.2-0,4 ml; 15-17 yaş - 0,3-0,5 ml yeridilməlidir. Vaksinasiya və
ya revaksinasiyadan sonrakı immunitet 6 ay davam edir və xəstələnmə hallarının 2-3 dəfə
azalmasına səbəb olur. Peyvənd olunmuşlar xəstəliyin ağır gedişlərindən sığortalanır. Lakin tək-
tək hallarda ağır gedişli formalar peyvənd olunmuşlarda da qeyd edilə bilər.
Salmonelloz - salmonella cinsindən olan bakteriyaların çox sayda scro-tipləri
tərəfindən törədilən fekal-oral yayılma mexanizminə malik xəstəlikdir. Kliniki olaraq əlamətsiz
keçən bakteriyagəzdirənlikdən tutmuş, çox ağır gedişli septiki formalara qədər təzahür edə bilər.
Əksərən mədə-bağırsaq sisteminin zədələnməsi əlamətləri ilə keçir.
T ar i x i m ə I u m at. Epidemioloji və klinik cəhətdən Salmonelloza oxşar
xəstəlik həkimlərə çoxdan məlum idi və onlar bunu adi zəhərlənmələr kimi qəbul edirdilər. 1885-
ci ildə D.Y.Salomon və C.Smit donuzlarda ağır xəstəlik törədən bakteriyalar aşkar edərək onu
B.suipestifer (donuz taunu çöpləri) adlandırılmışdır. 1888-ci ildə A.Qertner xəstəlikdən ölmuş
adamın daxili üzvlərindən və onun istifadə etdiyi ətdən öz xüsusiyyətləri ilə B. suipestiferə
oxşar bakteriya aşkar edərək (B.enteritidis) salmonellozun bakterial mənşəli olduğunu
əsaslandırmışdır. Sonralar morfoloji və biokimyəvi xüsusiyyətlərinə görə onlara oxşar çox sayda
bakteriyalar aşkar edilmişdir. Belə ki, 1930-cu ildə 28, 1934 - 44, 1939 - 71, 1949 - 200, 1956 -
417 salmonella serovariantı məlum idi. 1934-ci ildə bütün bu bakteriyalar bir qrupda
birləşdirilərək, salmonella adı verilmişdir.
Etiologi yası. Törədici
Enterobakteriaceae ailəsinə,
Salmonella cinsinə aiddir.
Ucları girdə, 1,0-3,0 x 0,2-0,8 mkm ölçüdə, çöp şəklində bakteriya-lardır. Tək-tək variantları
(S.pullurum, S.qallinorum) istisna olmaqla əksəriyyəti hərəkətlidir. 8-12 ədəd qamçı bunu təmin
edir. Spor, kapsul əmələ gətirmir. Qram-mənfı, fakültativ anaerobdurlar. Ekzotoksin, o cümlədən
entero-toksinlər (termoləbil və tcrmostabil) və sitotoksin ifraz edirlər. Enterotoksinlər bağırsaqdan
maye və mineralların ifrazını sürətləndirir. Sitotoksin isə bağırsağın selikli qişa hüceyrələrində
zülal sintezi proseslərini pozur, mcmbrana təsir göstərərək sitopatik proseslərin inkişafına səbəb
olur. Bakteriyalar tələf olduqda endotoksin xaric olur ki, bu da intoksikasiya sindromunun
inkişafım şərtləndirir. Salmonellaların bəziləri hətta bağırsağın epiteliositlərinə invaziya etmək
qabiliyyətinə belə malikdirlər (S.enteritidis).
Antigen quruluşu mürəkkəbdir. Bakteriyanın somatik substansiyaları ilə
əlaqədar olan, bakteriya hüceyrəsi divarında yerləşən termostabil O- və qamçılarda yerləşən
termoləbil H-antigenlərinə malikdirlər.
O-antigen
fosfolipid-polisaxarid
kompleksdən
ibarətdir.
Onun
komponentlərindən biri Vi-antigen - virulentlik antigenidir. H-antigen 75-100°C qızdırdıqda, duz
turşusunun və alkoholun təsirindən parçalanır. Ancaq formalinə qarşı davamlıdır.
Antigen quruluşunda olan fərqlərə əsaslanaraq salmonellaların Beynəlxalq
təsnifatı (Kaufman-Uayt sxemi) verilmişdir. Belə ki, O-aııtigeninə görə salmonellalar A, B, C, D
və s. seroioji qruplara bölünür. Hazırda 60-dan artıq qrup məlumdur. Eləcə də hər qrup daxilində
H-antigeııinə görə seroioji variantlar ayrılır. Hazırda 2300-dən artıq seroioji variant məlumdur.
downloaded from KitabYurdu.org
88
Məlum sal-monellaların əksəriyyəti insan, heyvan və quşlar üçün patogendir. İnsanda 700-dən
artıq scrovar tapılmışdır. Bununia belə salmonellaların bir neçə sero-varianti epidemioloji
cəhətdən daha təhlükəli hesab edilir ki, bu da insanlar arasında qeyd edilən salmonellaların 85-
91%-ni əhatə edir. Bunlardan:S.lyphi
rmtrium, S.entenlidis, S.panama, S.newport, S.agona, S.derby, S.London, S.anatum,
S.heidelberg və s. Ayn-ayrı serovariantlarm törətdikləri xəstəliklər klinikasına görə demək olar ki,
bir-birilərndən fərqlənmirlər.
Salmonellalar xarici mühit faktorlarına davamlıdırlar. İnkişafı üçün əlverişli
temperatur 37°C hesab edilsə də, onlar +6-40°C arasında olan temperaturda inkişaf edə bilir, 42-
82°C-də dondurulmağa və qurudulmağa qarşı dözümlüdürlər. Otaq temperaturunda ayrı-ayrı
əşyalarda 45-90 gün, heyvan ifrazatlarında 3-4 il, torpaqda 18 ay, pH aşağı olan suda 40-60 gündən
5 ayadək, ət-kolbasa məhsullarında 2-4 ay, dondurulmuş ətdə 6 ay, süddə 20 gün, kərə yağında 4
ay, pendirdə 1 ilədək, yumurta tozunda 3-9 ay qala bilirlər. Hazır ət, süd məhsullarında onlar nəinki
qalır, hətta ərzağın orqanoleptik xüsusiyyətlərini dəyişdirmədən artıb-çoxalırlar. Salmonellalar
duzlamaya, hisə verməyə, turşuların təsirinə də davamlıdır. Onların tələf edilməsi üçün ərzağın
keyfiyyətli termiki işlənməsi vacibdir. Belə ki, 400 q ət parçasında olan
salmonellaları zərərsizləşdirmək üçün onu 2,5 saat qaynatmaq lazım gəlir.
Epide m iologiyas ı. Salmonelloz xəstəliyi hazırda dünyanın bütün
materiklərində rast gəlinən, çox yayılmış zoonoz infeksiyalardan biridir. Hər yerdə xəstəliyin rast
gəlmə tezliyi artmaqdadır. Bu xüsusən mərkəzləşdirilmiş ərzaq təchizatı olan iri yaşayış
məskənlərində - şəhərlərdə daha çox qeyd edilir.
İnfeksiya mənbəyi əsasən ev heyvanları və quşlardır. Bunula belə insanlar da
(xəstələr və gəzdirənlər) infeksiya mənbəyi kimi müəyyən rol oynayırlar. Salmonelloz
heyvanlarda özünü kəskin formada və bakteriyagəzdirənlik şəklində göstərə bilər. Kəskin formada
bakteriyalar hemotogen yolla heyvanların əzələlərinə, daxili orqanlarına yayılır. Heç bir əlamət
büruzə vermədiyinə görə bakteriyagəzdirən heyvanlar epidemioloji cəhətdən daha təhlükəlidir.
Onlar ifrazatları, ağız suyu, burun seliyi, südləri ilə bakteriyaları xaric edirlər.
Bakteriyagəzdirənlik həftələrlə, aylarla davam edə bilər. Belə heyvanları kəsdikdə ehtiyatsızlıq
ucbatından ətin bağırsaq möhtəviyyatı ilə çirklənməsi ehtimalı nəzərə alınmalıdır.
İri buynuzlu mal-qaranın və onların ətinin bakterioloji müayinəsində
salmonellalar 1-5%, donuzda 3-20%, qoyunda 2-5%, quşlarda (toyuq, ördək, qaz) 50%-dən artıq
hallarda aşkar edilir. Salmonella gəzdirənlik it, pişiklərdə (10%-dək), gəmiricilərdə də (40%-dək)
rast gəlinir. Salmonelloz infeksiyası vəhşi heyvanların - tülkü, canavar, ayı, meymun, marallar və
s.; quşların - göyərçin, sərçə, sığırçın, qağayı və s. arasında da geniş yayılmışdır.
Kərtənkələ, tısbağa, ilan, qurbağa, su iti, balıqlar və digər su heyvanlarında da aşkar edilir.
Göstərmək lazımdır ki, salmonellalar quşların nəinki ətinə və daxili or-qanlarına
yayılır, hətta onların yumurtalarını da yoluxdurur. Infeksiyalaşmış yumurta öz xarici görünüşü,
iyi, dadı və digər xüsusiyyətləri ilə normal yumurtadan fərqlənmir. Ona görə də çiy yumurta və
ondan hazırlanan məhsulların istifadəsi təhlükəlidir. Göstərdiyimiz kimi insanlar da (xəstələr və
bakteriya-gəzdirənlər) infeksiya mənbəyi kimi müəyyən rol oynayırlar və 1 yaşadək uşaqlar üçün
daha təhlükəli hesab edilirlər. Belə ki, uşaqlar bağırsaq infeksiyalarma qarşı daha həssas olurlar.
downloaded from KitabYurdu.org