23
Təhsil və inkişaf
2012-ci ildə biz AGT regionunda müxtəlif
təlimlərə 6,8 milyon dollara yaxın vəsait xərclədik.
Regionda keçirdiyimiz ümumilikdə 1 340 təlim
sessiyasında iştirakçıların sayı 10 000-ə yaxın
oldu. Bu sessiyaların 1 159-u və ya 86%-dən
çoxu Azərbaycanda keçirilib. Təlimlər əməyin
təhlükəsizliyi, texniki, idarəetmə və biznes
davranışları kimi müxtəlif mövzuları əhatə edib.
Davamlı peşə təlimi
Tam ştat işləyən yerli işçilərimizə öz ixtisas
sahələri üzrə əlavə dərəcələr və ya sertifikatlar
almalarına kömək məqsədilə maliyyə dəstəyi
göstərməklə onları öz təhsillərini davam etdirməyə
həvəsləndiririk.
2012-ci ildə midstrim, geoloji-geofiziki işlər,
əməliyyatlar, əməyin təhlükəsizliyi və əməliyyat
riskləri, insan resursları, maliyyə, eləcə də əlaqələr
və şirkətxarici işlər üzrə 36 əməkdaşımız bu
proqram çərçivəsində dəstək alıb. İl ərzində 10 BP
əməkdaşı tanınmış Britaniya təhsil müəssisələrində
təbiət fənləri üzrə magistr dərəcəsi verən
proqramlara muraciət etdilər. Daha 26 nəfər isə
BP-nin köməyi ilə magistratura səviyyəsində digər
təhsil imkanlarından faydalandı.
Dil təlimi
Yerli işçi heyətimiz üçün ingilis dili, Azərbaycanda
yaşayan əcnəbi əməkdaşlarımız üçünsə
Azərbaycan dili kurslarını davam etdiririk. 2012-ci
ilin sonuna təxminən 320 yerli əməkdaşımız ingilis
dili dərslərində iştirak edirdi. Səksəndən artıq
əcnəbi işçimiz isə Azərbaycan dili dərslərinə gedirdi.
Mütəmadi kurslarla yanaşı, əcnəbi əməkdaşlara
Azərbaycanın tarixi, mədəniyyəti və adət-ənənələri
barədə mühazirələr təklif edilir.
“Çəllenc” proqramı
Azərbaycanda gənc istedadların cəlb olunması
və inkişaf etdirilməsi üçün peşə ixtisasları üzrə
“Çəllenc” (“Sınaq”) adlanan proqramımız var.
Adətən, iştirakçılar – “çəllencer”lər proqram
müddətində 18 aydan 24 ayadək iki vəzifə yerinə
yetirirlər. Proqram başa çatanda məzunların BP-nin
biznes gündəliyinə və gələcək inkişafına tam töhfə
verməyə qadir olan səriştəli mütəxəssislər olması
gözlənilir.
2012-ci ildə Azərbaycanda 29 yerli çəllencer bu
proqramı uğurla başa vuraraq şirkətdə daha üstün
vəzifələrə irəli çəkildi. Azərbaycanda Çəllenc
proqramının iştirakçılarının sayı 158-ə çatdı.
Neft-qaz ixtisaslı məzunların
təkmilləşdirilməsi proqramı
BP-nin Neft-qaz ixtisaslı məzunların
təkmilləşdirilməsi proqramı Azərbaycanlı gənc
neft-qaz ixtisaslı məzunların BP daxilində uğurlu
karyera qurmaları üçün təlim almalarına imkan
yaradan beynəlxalq standartlara uyğun təlim və
təkmilləşdirmə vasitəsidir. Bu, regionda biznesin
inkişafına dəstək olmaq üçün BP-nin hər il
işə götürdüyü yerli məzunların sayını artırmaq
planlarına uyğundur.
Texniki münsiflər heyəti 19 çəllencer və 15 yay təcrübəçisinin ikinci regional “TexnoFest”ə təqdim etdiyi
layihələri qiymətləndirdi, avqust 2012-ci il.
Bağlılıq
BP-nin Azərbaycanda insan resursları üzrə vitse-
prezidenti Syu Adlam-Hill özünün dil öyrənmək
təcrübəsini paylaşır:
“Azərbaycanda beş ildən artıq yaşadıqdan
sonra çox istərdim ki, azərbaycanca sərbəst
danışdığımı deyə bilim… ancaq bilmirəm.
Buna baxmayaraq, fəxrlə çərçivəyə saldığım
bir şəhadətnamə mənim başlanğıc və ibtidai
mərhələdən keçərək orta səviyyənin 2-ci
mərhələsinə çatdığımı təsdiqləyir.
Çəkdiyim bu zəhmət Azərbaycandakı iş
həyatımı dəyişdi. İşdə olarkən sadə məsələlərdə
– salamlaşma, təşkilati işlər, vaxtaşırı tədbirlərdə
söylədiyim əvvəlcədən hazırlanmış nitqlər üçün
Azərbaycan dilindən istifadə edirəm.
İşdən kənarda isə özümü daha sərbəst
hiss edirəm. Bakıda şəhərə çıxarkən, ya da
bölgələrdə olarkən mükəmməl bilmədiyim
azərbaycancadan istifadə etməyim
vəziyyətdən çıxmaqda və heç vaxt təsəvvürə
gətirməyəcəyim münasibətlər qurmaqda
mənə kömək edib. Şəkidən başlamış ta Lahıca,
Naxçıvana qədər qonaqpərvər azərbaycanlı
ailələrinin qonağı olmuşam. Burada insanlar bir
əcnəbinin onların doğma dilində danışmağa
çalışdığını görəndə məmnun olurlar.
Mən isə bu ölkə barədə başqa cür dəyərləndirə
bilməyəcəyim şeyləri başa düşdüm. Əminəm
ki, Azərbaycan dili və mədəniyyətini öyrənmək
üçün göstərdiyim səylər BP və komandam
üçün daha yaxşı işləməyimə kömək edib.
Azərbaycana işləməyə gələn hər kəsə
Azərbaycan dilini öyrənməyə cəhd etmələrini
məsləhət görərdim. Hətta dili yalnız ibtidai
səviyyədə mənimsəyə bilsəniz belə, o sizə
sürətlə dəyişən bu valehedici ölkə ilə bağlılığın
tamamilə yeni bir səviyyəsini qurmağa kömək
edəcək. Mənim üçün bu, neçə gözəl dostluq
münasibəti ilə ömrümün sonuna qədər
mənimlə qalacaq bir bağlılıqdır”.
Biz necə işləyirik
BP Azərbaycanda. Davamlı inkişaf haqqında hesabat 2012
24
Neft-qaz ixtisaslı məzunların təkmilləşdirilməsi
proqramı (NİMTP) neft-qaz ixtisaslı məzunlara
yerüstü mühəndislik, geoloji-geofiziki işlər və
quyular üzrə ixtisaslaşmaq imkanı verən dünya
səviyyəli təlim proqramıdır. O, məzunlara öz texniki
biliklərini, biznes haqqında məlumatlarını, ünsiyyət
bacarıqları və ingilis dili biliklərini dərinləşdirməyə
kömək etmək üçün işlənib hazırlanıb.
NİMTP-yə qəbul prosesi hər il BP-nin məzunların
işə qəbulu proqramı çərçivəsində həyata keçirilir.
Bu proqram hər il sentyabr ayında başlayır və 11
ay davam edir. O, Bakıda, BP-nin İçəri Şəhərdə
yerləşən yeni Neft-qaz Təlim Mərkəzində keçirilir.
2012-ci ildə 55 nəfər Azərbaycanlı məzundan ibarət
ilk qrup proqrama qəbul edilib. Layihə Heriot-Uatt
Universiteti (Böyük Britaniya) və “TTE-Petrofac”
(Böyük Britaniya) şirkəti ilə birgə həyata keçirilir.
Texniklikdən mühəndisliyə proqramı
Texniklikdən mühəndisliyə təşəbbüsü uyğun
ixtisasa malik texnikləri təşkilat daxilində
mühəndis karyerasına həvəsləndirmək üçün
hazırlanıb. Ciddi seçim prosesi nəticəsində fərdi
təcrübə və səriştələri əsasında uğurlu namizədlər
müəyyənləşdirilir, cari və gələcək mühəndis-texniki
vəzifələr üçün namizədlərin siyahısına daxil edilir.
2012-ci ildə 60 texnik ərizə verdi, onlardan 26 nəfəri
müsahibə olundu, yeddi nəfəri isə dörd mühəndis
ixtisası üzrə namizədlər kimi seçildi.
“Apstrim ekselens” proqramı
BP-nin “Apstrim ekselens” proqramı 2012-ci ildə
daha da inkişaf etdirildi. Proqram əməkdaşlarımızın
öz səriştə və qabiliyyətlərini dərinləşdirməyin və
Qazma və quyuya müdaxilə işləri üzrə gənc mühəndislər Quyular şöbəsində.
arzu etdikləri vəzifələrə çatmağın yolunu öyrənmək
üçün şəffaf və obyektiv bir üsul kimi düşünülüb.
2012-ci ildə proqram sağlamlıq, ətraf mühit, insan
resursları, maliyyə və layihələr sahələrinə tətbiq
olundu.
Bu proqramın özəyini təşkilati bacarıqlarımızı
genişləndirmək məqsədi daşıyan özünəməxsus,
icra göstəricilərini diqqət mərkəzində saxlayan
inkişaf prosesi təşkil edir. O, həmçinin
əməkdaşlarımıza öz gələcək karyeraları ilə bağlı
aydın istiqamət verərək fərdi inkişafı dəstəkləyir,
eləcə də işçilərin öz bacarıq və qabiliyyətlərinə görə
uğur qazandıqları meritokratiya mühitini təmin edir.
Xəzər texniki təlim mərkəzi
Xəzər texniki təlim mərkəzi (XTTM) BP və
tərəfdaşları üçün Azərbaycan, Gürcüstan
və Türkiyədə daha böyük sayda işçi heyətin
milliləşdirilməsini həyata keçirməkdə misilsiz
xidmət göstərir. Bundan əlavə, Oman və İraqdakı
əməliyyatlarımızın XTTM-in xidmətlərindən istifadə
etməsi ilə bura BP qrupu üzrə yüksək ixtisaslı
kadrlar hazırlayan regional mərkəzə çevrilib.
İlk məzunların buraxıldığı 2004-cü ildən bəri
mərkəzin Hazırlıq proqramı çərçivəsində 800-dən
çox texnik təlim alıb. 2012-ci ildə 51 texnik məzun
olaraq qurudakı və dənizdəki obyektlərə yola salınıb.
XTTM-də əməyin təhlükəsizliyi göstəricisi
2012-ci ildə yeni səviyyəyə yüksəldi – mərkəz
xəsarətə görə vaxt itirmədən iki milyon adam-
saat iş və qəzasız qət edilmiş 1,3 milyon kilometr
göstəricisinə nail oldu.
İlhamverici obraz
“BP Azərbaycanda. Davamlı inkişaf haqqında
hesabat 2010”un üz qabığındakı foto
çoxlarına tanışdır. Fotodakı BP-nin qazma
mühəndisliyi üzrə çəllenceri Aysel Cavadova
indi Azərbaycanda BP-nin quyuya müdaxilə işləri
üzrə mühəndisidir.
2008-ci ildə Ayselin BP-nin məzuların işə qəbulu
proqramına qəbul üçün müraciəti uğurlu oldu.
O, quyular şöbəsində Çəllenc proqramına
qəbul edilərək bir illiyə qazma mühəndisliyi üzrə
çəllencer kimi dənizə – Dərinsulu Günəşli (DSG)
platformasına göndərildi. Bir çox şeyləri sıfırdan
öyrənmək lazım idi, lakin modullara bölünmüş
və hamilərin davamlı dəstəyini təmin edən
Çəllenc proqramının böyük köməyi oldu.
Onun məşhur fotosu elə o zamanlar, 2009-cu
ildə DSG-də çəkilmişdi. Ondan sonra Ayselin
karyerası quyuya müdaxilə işlərinə yönəldi. Öz
menecerinin məsləhəti ilə Aysel Sürətləndirlmiş
İnkişaf Proqramına (SİP) müraciət etdi. “SİP
çərçivəsində Alyaskaya Prudo-Bey yatağına
ezamiyyət həyatımda əsaslı dəyişikliyə səbəb
oldu, – Aysel deyir. – Prudo-Bey kifayət qədər
yaşlı bir yataqdır, hasilatı yüksək saxlamaq üçün
buraya müxtəlif əməliyyatlar və texnologiyalar
cəlb olunur”.
SİP üzrə təcrübəçi ilk altı ay ərzində dörd xidmət
xəttinin hər birində işləyir. Son olaraq, təcrübəçi
bölmələrin birinə təyin edilmiş müstəqil quyu
sahə rəhbəri kimi işləyir. İlk dəfə idi ki, Aysel
BP nəzarətçisi kimi başqalarına rəhbərlik edirdi.
Bu, yeni cavabdehlik və çətinliklərə malik
həyəcanverici bir təyinat idi. Alyaskaya birillik
ezamiyyətin sonunda Aysel həm SİP, həm də
Çəllenc proqramlarını uğurla bitirərək məzun
oldu.
İndi yenə Bakıdadır, BP ilə Xəzərdə olmağın
sevincini yaşayır. Onun davamlı inkişaf haqqında
hesabatın üz qabığındakı fotosu isə BP-nin
Xəzərdəki gələcək neft-qaz işlənmələrini irəli
aparmaq üçün yetişdirdiyi dünya səviyyəli
gənc Azərbaycanlı peşəkarların yeni nəslinin
ilhamverici bir obrazı olaraq qalır.
Biz necə işləyirik
BP Azərbaycanda. Davamlı inkişaf haqqında hesabat 2012