Damğalar, rəmzlər… mənimsəmələr
- 92 -
birləşdirən ittifaqın rəmzi - Ay damğası ilə əlaqəlidir. Daşkənd vilayətindəki
osamayli tayfasına isə, adından bəlli olduğu kimi, - açamay (Humay açası/
xaçı) işarəsi məxsusdur. Eyni zamanda, özbəklərdə - «balqalı» (baltalı),
- «qoştamqalı» (qoşa damğalı), - «sirqali» tayfaları da öz adlarını
damğa təsvirlərindən götürmüşlər.
141
Başqa bir misal. «Qıpçaq» etimologiyasına dair müxtəlif fikir və
mülahizələr mövcudddur və onların bir çoxu qədim rəvayətlər üzərində
qurulmuşdur. Fəzlullah Rəşidəddinin «Oğuznamə» əsərinə əsasən, bu kəlmə
«kabuk» (ağac qabığı) sözündən yaranmışdır. Rəvayətə görə, qıpçaqların
ulu babası körpə ikən ağac koğuşunda tapılmışdır. Digər tədqiqatçılar
qıpçaqların böyük hissəsinin ağbəniz və açıq saçlı olduğu barədə mülahizələrə
söykənərək, sözün kökündə «kuba», yəni «sarışın» kəlməsinin dayandığını
iddia edirlər. Başqa bir qənaətə əsasən, etnonim qədim türk kəlməsi olan
və sonralar hun hərb sənətində də yayılan «kapçaq» (mühasirəyə alan,
darmadağın edən) sözündən törənmişdir. Oljas Suleymenov isə onun
etimologiyasını bilavasitə damğa işarələri ilə əlaqələndirir. Məlumdur ki,
«süngü» adlanan rəmz bir tayfa, iki nizə işarəsindən ibarət damğasının
semantikası isə «iki tayfanın birliyi» kimi yozulur. Bu məntiqə əsaslansaq,
Hun və Xəzər imperiyalarının tərkibində olan arqun tayfasının damğa
işarələrindən birini «konfederasiya», «tayfa ittifaqı» kimi izah etmək
mümkündür. Oğuzlar bu işarəni «qoşa ox» adlandırırlar. O.Suleymenov
bu damğanın Mərkəzi Asiyada, Şimali Qafqazda, noqay çöllərində geniş
yayılmış adını - «eki pşak» (iki bıçaq) ifadəsini əsas götürərək, tayfa
birləşmələri əsasında yaranmış «qıpçaq» sözünü həmin işarə ilə bağlayır.
142
Əcdad (Atalar) kultu, ulu babaların ruhuna ehtiram göstərmək, tapınmaq,
onların adına qurbanlar kəsmək ənənəsi qədim türk inanclarının aparıcı
elementlərindən biri idi. Mərkəzi Asiya və Şərqi Sibirin türk tayfaları
arasında yayılmış adətə görə, keçə, parça və ya dəridən, ağacdan əcdadların
fiqurları - uyuqlar düzəldilir, içərisi yun, at tükü ilə doldurulur, onların üzərinə
tanınma və fərqləndirmə nişanları - mənsub olduqları tayfanın, nəslin damğa
işarələri həkk olunurdu. Altaylarda və uyğurlarda belə fiqurlar (uyuqlar)
«mənşə», «kök» anlamı verən «töz» və ya «tös», «tösün», «tanqara» (damğa),
141
«Tопонимы Угам-Чаткальского Национального Парка», http://www.orexca.com/rus/toponyms_ty-
an-shan.shtml
142
О.Сулейменов. «Аз и Я. Книга благонамеренного читателя». М., изд. Грифон, 2005.
Damğalar, rəmzlər… mənimsəmələr
- 93 -
«kuqurcaq» adlandırılır, evin yuxarı başından asılır, köç zamanı isə böyük
ehtiramla xüsusi torbalarda daşınırdı. Əbülqazi Bahadur xan Xivəli (1603-
1664) uyğurların bu adəti haqqında belə yazırdı:
«Bir kimsənin yaxını
öldüyü zaman onun surətini düzəldər və evdə saxlardılar». Uyğur ova
çıxarkən bu surətin önündə baş əyər, «əcdadların ruhları mənə kömək
olsun» deyib, tösünün dodaqlarına yağ çəkərdi». Nə qədər qəribə səslənsə
də, bu gün bostan və meyvə bağlarında, tarlalarda uyuqların qoyulmasının
ənənəsinin kökündə də həmin ayinin unudulmuş elementləri - məhsulun
mühafizəsi üçün onu əcdadlara tapşırmaq istəyi dayanır. Bu inancın bəzi
işartıları Azərbaycan xalçaçılıq sənətində istifadə olunan ornamentlərdə bu
gün də qalmaqdadır.
1.Azərbaycan xalçaçılığında əcdad kultu elementi. Haşiyə ornamentində nəslin ulu
əcdadı, baş hissəsində Qaba Ağacın (Dirilik ağacı, Həyat ağacı) rəmzinin stilizə olunmuş
variantı, sinəsində isə mənsub olduğu tayfanın damğası («At» - yəhər+ minici) təsvir
olunmuşdur. Bu işarə həm də oğuzların qaraevli tayfasına məxsus damğanın elementlərindən
biridir. Aşağı hissədə nəslin törəmə qollarının sayını göstərən dörd bərabərtərəfli çəpəki
açanın təsvirləri verilmişdir. 2.Azərbaycanın xalça sənətində əcdad kultuna dair daha bir
ornament. Təsvirin mərkəzində Humay Ananın rəmzlərindən olan «tumar» və «daraq»
damğa işarələri əks olunmuşdur.
Azərbaycanın Qobustan, Gəmiqaya, Kəlbəcər, Quşçu, Abşeron, Göyçə
qayaüstü təsvirlərindən, qədim maddi-mədəniyyət nümunələrindən, Şərqi
Sibir və Mərkəzi Asiya ərazilərindəki yazılı kitabələrdən, məzar daşlarından
göründüyü kimi, ibtidai damğalar sadə həndəsi fiqurlar (kəsişən və paralel
xətlər, dairə, üçbucaq, dördbucaq və s.) şəklində olmuş, zaman keçdikcə
onların sırasına ezoterik məna daşıyan piktoqramlar – totem quş, heyvan
və ağacların qrafik obrazları, silah və məişət əşyalarının, səma cisimlərinin,
mifik canlıların təsvirləri və s. əlavə edilmişdir. Qeyd olunduğu kimi, damğa
Damğalar, rəmzlər… mənimsəmələr
- 94 -
işarələrinin semantik izahı tarixi və etnoqrafik araşdırmalar üçün zəngin və
ən obyektiv məlumat qaynaqlarındandır. Şimali və Cənubi Qafqaz, Şərqi
Anadolu ərazilərindəki qədim maddi-mədəniyyət nümunələri, qayaüstü
təsvirlər üzərindəki damğa işarələri və Şərqi Avropa, Yaxın və Uzaq Şərq,
Krım, Mərkəzi Asiya, Şərqi Sibirdəki petroqliflər arasında paralellər türk
xalqlarının tarixən məskunlaşdığı nəhəng etnomədəni məkanın hüdudlarını
göstərməkdədir. Eyni damğa tiplərinin fərqli regionlarda aşkar olunmasına
və ya onların müxtəlif zaman kəsiklərində fərqli tayfaların və ya tayfa
birliklərinin rəmzlərinə çevrilməsinə gəldikdə isə qeyd etmək lazımdır ki,
bu, türk xalqlarının yaşayış məskənləri, onların miqrasiya istiqamətlərinin və
ayrı-ayrı tarixi olayların – hərbi-siyasi məqsədlər naminə konfederasiyaların
yaranması prosesinin göstəricisidir. Zaman keçdikcə bəzi sakral damğaların
populyarlığı, mistik gücünə inam o dərəcədə artmışdır ki, hətta ayrı-ayrı nəsil
və tayfalar onların adlarını daşımağa başlamışlar. Məsələn, Krım tatarlarının
«caytamqalı» (caytamqa/yay damğası
), noqaylarda
«sırğalı» anlamını
verən serkeli (serke/sırğa ), toyirmalı (toyirma/doyurma – iri qazanlarda
aş/xörək bişirmək üçün əyri qulplu çömçə ), qazaxlarda aşamay (Humay
Ananın açası/xaçı ) və taraqlı (taraq/daraq, dırmıx
) tayfalarının
və s. adları məhz damğa işarələri əsasında yaranmışdır.
Qeyd edildiyi kimi, mnemonik rəmz kimi türk damğalarını digər xalqların
tanınma-fərqləndirmə nişanlarından fərqləndirən əsas xüsusiyyət onların
lakonikliyi, əksər hallarda bir və ya iki fraqmentdən ibarət olmasıdır.
Bundan başqa, onların özəlliklərindən biri islam və xristianlığın türk xalqları
arasında yayılmasından sonra semantikalarının dəyişməsi, əksər hallarda
qrafik oxşarlığa görə ayrı-ayrı predmetlərin adlarını daşımalarıdır. Nəticədə,
müxtəlif xalqlarda eyni damğa işarəsinə fərqli adların verilməsinin şahidi
oluruq. Aşağıda geniş yayılmış türk damğa işarələrinin təsvirlərini, tiplərini,
bəzilərinin isə oğuz və qıpçaq adlarını diqqətə çatdırırıq:
Kosmoqonik (kainatın, dünyanın yaranışı) və dini inanclarla əlaqəli
damğalar: - Tenqri, Humay rəmzi, haça, aça, aşa, sarakay, haç,
xaç, aşamay, sarakay, elşən; - Günəş; - Günəş, Nurullah, baybike,
döngələk, domalaq, xalxa/halqa, altun top; - Ay;
- quyruqlu Ay,
- Günəş, təkər, batbay; - Dirilik/Həyat ağacı;
- Ay-Günəş (Ay-ulduz); - balalı Ay; - hörüklü Ay;
Dostları ilə paylaş: |