51
Kreditor qarzdorga qandaydir harakat sodir etish majburiyatini zimmasiga oladimi, degan savolni beradi. Qarzdor
shunday so`zlar bilan o`shanday harakatni sodir etishligi haqidagi majburiyatni zimmasiga olganini tasdiqlaydi. Dastlab
savol
va javobda spondeo ("tantanali qasamyod qilaman") degan faqat bitta fe’l (ibora) ishlatilgan,
stipulyatsiyaning o`zi esa "sponsii" (sronsio) degan nom bilan yuritilgan.
XII jadval qonunlarida ko`rsatganimizdek, Qadimgi davrdayoq majburiyatlar
faqat shartnomalardan emas, balki
deliktlardan (huquqbuzarliklardan) ham kelib
chiqqan. XII jadval qonunlariga ma’lum bo`lgan shunday deliktlardan ko`plari kelajakda
jinoyat sifatida ko`rila boshlangan. Lekin
kvirit huquqi bo`yicha xususiy huquqbuzarliklar turkumiga shaxsiy ozor
yetkazish (injuria), og`ir tan jarohati yetkazish, shuningdek, o`g`irlik (furtum) taalluqli bo`lgan.
Xalqlar huquqiga, xususan, XII jadval qonunlariga
ommaviy deliktlar (delictum publicum), ya’ni rim xalqi
nomidan jazolanadigan jinoyatlar ham ma’lum.
Qadimgi rim huquqi patriarxal
oilani mustahkamlaydi. Nikoh
erning xotin ustidan to`la hokimiyatini o`rnatgan.
Nikohga kirish uchun ikkala oila boshliqlarining roziligi
va nikohga
kiruvchilarning ham roziligi talab qilingan. Nikoh yoshi ayollar uchun 12
yosh bo`lgan, erkaklar uchun ko`rik-tekshiruv yo`li bilan o`rnatilgan. Xalqlar
huquqi bo`yicha faqat fuqarolar nikoh tuzishlari mumkin bo`lgan.
Nikoh er-xotindan birining vafoti bilan yoki ularning huquq layoqatini yo`qotishi bilan, shuningdek,
ajralish natijasida bekor qilingan.
Arxaik davrda rim huquqida o`lgan uy egasining mulkini
meros qoldirishning ikkita usuli mavjud bo`lgan.
Umumiy qoida bo`yicha meros o`lgan kishining ("hokimiyati ostidagilarga") bolalari yoki nabiralariga yoxud u bilan
yaqin tug`ishgan aloqalarida turuvchi boshqa agnatlarga o`tgan.
Mazkur davrda Rimda ko`p sud ishlari xususiy (fuqarolik) tartibda ko`rilgan.
Eng qadimgi davrdan boshlab sud tizimi va jarayonini tashkil etishning o`ziga xos
xususiyati shundan iborat ediki,
sud ishlarini yuritish 2 ta bosqich: "in yure" (in
jure) va "in yuditsio" (in judicio)dan iborat bo`lgan.
Sudda tomonlar va magistrat tomonidan qilinadigan diniy marosimlarga oid va qat’iy rasmiy harakatlar, imo-
isholar va so`zlar yigindisi "legis aksio" (Legis actio) deyilgan. Legisaksion jarayon degan nom ham shundan
kelib chiqqan. Beshta asosiy legisaksion formula ishlab chiqilgan. Ularning ichida eng ko`p tarqalgani
Legis actio per
sacramentum bo`lib, bunga ko`ra, tomonlar tantanali bayonotlar qilishlari bilan birga garovga narsa qo`yganlar.
Jinoyat ishlarida
ish yurituvchi magistrat inkvizitsiga oid (shaf-qatsiz, vahshiyona) tartibdan foydalangan.
4.Klassik va postklassik davrlarda Rim huquqi
Ulpian tavsiflanganidek, xalqlar huquqi rim davlati holatiga, xususiy
huquq esa - alohida shaxslarning foydasiga taalluqlidir.
Rim yuristlari o`rnatganidek, xalqlar huquqi "jamoat manfaati" ifodasi
sifatida xususiy huquqdan ustun turadi ("xususiy bitimlar xalq,lar huquqidan yuz
o`girishi mumkin emas"). Lekin klassik va postklassik davrning xalqlar huquqi
xususiy huquqqa nisbatan kam ishlab chiqilgan edi.
Ashyo huquqi tushunchasi hali rim yuristlariga ma’lum emas edi. Lekin ular ashyoviy da’volarni
(actiones in rem) majburiyat munosabatlari bilan bog`liq bo`lgan shaxsiy da’volardan (actions in
personam) aniq ajratganlar.
Ashyolar mansipatsiyali va mansipatsiyasiz (bunday bo`linish ilgarigi
ahamiyatini
yo`qotib borgan),
xarakatdagi va ko`chmas, bo`linadigan va bo`linmaydigan,
almashtiriladigan va almashtirilmaydigan va boshqalarga bo`lingan.
Rim davlati iqtisodiyoti agrar xarakterga ega bo`lgani uchun mulkiy munosabatlarda yer alohida o`rin
egallaydi. Yerlar qadimgi davrlardayoq alohida quldorlar qo`liga o`tib, xususiy egalikdagi yerlarni tashkil etardi.
Shuningdek, uzoq vaqtgacha
jamoat yerlari (ager publicus) sifatida ko`rilgan davlat yerlari ham mavjud bo`lgan.
Miloddan avvalgi 111 yilda agrar qonun qabul qilingan.
Pretor huquqi doirasida maxsus yuridik vositalar yordamida
pretor yoki bonitar mulkchilik deb ataladigan mexanizm
(tuzilish) tashkil etilgan.
Rim davlati chegaralarining kengayishi, unga yangi-yangi provinsiyalarning kiritilishi va
chet elliklar sonining
o`sishi munosabati bilan, shuningdek,
provinsial mulkchilik (rim fuqarolari uchun) va peregrinlar mulkchiligi ham
tan olingan.
Klassik va postklassik davrning rim huquqida
mulk huquqiga ega bo`lish usullariga katta e’tibor berilgan,
chunki mulkiy aylanishning rivojlanishi huquqiy munosabatlarda juda aniqlikni va mulk huquqiga ega bo`lishning
huquqiy asosi haqidagi masalada o`ta oydinlikni talab qilgan.
Deliktlar
XII jadval qonunlari
bo`yicha nikoh va
oila
Legisaksion
jarayon
Xalqlar huquqi
va xususiy huquq
Ashyo
huquqi
52
Tobora kam foydalanilayotgan mansipatsiya dominat davriga kelib amalda iste’moldan chiqib ketgan. Shu
bilan birga
"an’ana (traditsiya –
teaditio) mulk huquqidan voz kechishning asosiy usuli sifatida hal qiluvchi ahamiyat
kasb etgan.
Klassik davrda xususiy mulk egasi huquqlarini himoya qilishning fuqarolik-huquqiy shakllari yanada
rivojlangan. Ularning ichida ancha muhimi
vindikatsion da’vo bo`lgan.
Xususiy mulk egasining huquq va manfaatlarini himoya qilish uchun klassik va postklassik davrning rim
huquqida
negator va progibator da’volardan ham foydalanilgan.
Pretor huquqining rivojlanishi bilan ashyo huquqining yana bir mustaqil turi -
egalik (possessio) instituti
yuridik jihatdan batamom rasmiylashtirilgan.
Ashyo egasining manfaatlarini himoya qilish mulk egasining huquqini himoya qilish uchun xizmat qiluvchi
da’volar yordami bilan emas, balki pretorlik
interdiktlari (buyruqlari) vositasi bilan amalga oshirilgan.
Klassik davrda ashyo huquqining
begona ashyoga nisbatan huquq (jura in re aliena) kabi turi ham yanada
rivojlangan.
Bu davrda yunon huquqidan
emfitevzis - o`rnatilgan to`lovni to`lash bilan avloddan-avlodga meros bo`lib
o`tadigan yer ijarasi o`zlashtirib olingan edi.
Klassik davrda
garov huquqi ham rivojlangan. Bu vaqtda ishonchga asoslangan va garovga qo`yilgan ashyo
kreditorning mulki (feduksiya) hisoblangan garovning qadimgi shakli kamdan-kam qo`llaniladigan bo`lib qolgan edi.
Tovar muomalasining rivojlanishi bilan ko`proq
pignus degan garovdan foydalanila boshlangan. Imperatorlik davrida
yunon huquqining ta’siri ostida
ipoteka degan garov shakli ham rivojlangan.
Klassik
davrda
shaxsiy servitutlar ham rivojlangan va ishlab chiqilgan. Bular, odatda, vasiyatlarda nazarda
tutilgan. Bu begona ashyodan undan keladigan hosilni olish huquqi
(uzufrukt) bilan yoki bunday huquqsiz
(uzus)
foydalanishni nazarda tutuvchi servitutlar bo`lib, bunda servitut kimning foydasiga o`rnatilgan bo`lsa, o`sha shaxsning
umrbod mulki hisoblangan.
Rim huquqining majburiyat huquqi instituti klassik davrda ancha taraqqiy
etgan. Bu, albatta, tovar-pul munosabatlarining rivojlanishi bilan bog`liq bo`lgan edi.
Majburiyatlarga hech bo`lmaganda
xuddi ikkita shaxsning huquqiy aloqasi (juris
vinclum) sifatida qaralgan.
Klassik
davrda
ayniqsa
shartnomalar (kontraktlar)
ancha batafsil va aniq
ishlab chiqilgan. Lekin hamma shartnoma munosabatlari yuridik kuchga ega bo`lavermagan.
Gay Institutsiyalarida shartnomalar (kontraktlar) quyidagi to`rt asosiy guruh: verbal, literal, real va
konsensualga ajratilgan.
Verbal shartnomalar (lotincha verbum - so`z demakdir) qadimiy diniy shartnomalar - qasamlardan o`zining
boshlang`ich asosiga ega bo`lgan. Lekin uning tuzilishi uchun endilikda ilgarigidek ko`p qattiq shartlarga rioya etish
talab qilinmagan. Masalan, kreditorning savolida va qarzdorning javobida nafaqat
"spondeo" tantanali fe’lidan, balki
boshqa fe’llardan ham foydalanish mumkin bo`lgan. Stipulyatsiyaning tomonlari peregrinlar ham bo`lishi mumkin edi.
Savol-javob izhor qilishda hatto faqat lotin tilidan emas, balki boshqa tildan ham foydalanishga yo`l qo`yilgan.
Literal shartnomalar (lotincha littera - harf demakdir) savdo oborotida qabul qilingan maxsus yozma
shartnomalar hisoblangan.
Real shartnomalar (lotincha res - ashyo demakdir) tomonlarning kontrakt asosiy shartlari
bo`yicha kelishuvidan tashqari, shartnoma predmetini tashkil etgan ashyoni albatta o`tkazilishini talab qilgan.
Ashyoning o`tkazilmasligi majburiyat munosabatini keltirib chiqarmagan. Real shartnomaga hammadan avval
qarz
(mutuum) shartnomasi taalluqli edi. Real shartnomlaar guruhiga
saqlash (depositum) shuningdek, garovga oid
shartnomalar ham kirgan.
Ancha batafsil ishlab chiqilgan va uncha rasmiy bo`lmagan
konsensual shartnomalar (lotincha consensus -
rozilik, bitim, kelishuv - demakdir) boshqa guruhdagi shartnomalardan keyinroq tan olingan. Bu guruhdagi
shartnomalar qatorida avvalo
oldi-sotdi (emptio-venditio) shartnomasi asosiy o`rin tutadi.
Konsensual
shartnomalar jumlasiga, shuningdek,
ijara shartnomasi (locattio - conductio) kirgan. Ashyoni
ijaraga beruvchi ijaraga oluvchiga haq evaziga ashyoni vaqtincha berish (losatio-sondustio rerum) shartnomasida
ijaraga egalik qilish va foydalanish uchun topshirish majburiyatini olgan.
Ishchi kuchi ijarasi shartnomasi (locatio-conductio oper arum) ma’lum muddatga va belgilangan haq
evaziga tuzilgan, lekin bu shartnoma qullar asosiy ishchi kuchini tashkil etgan quldorlik tuzumi sharoitlarida unchalik
rivojlanmagan.
Klassik
davrda
deliktlardan (huquqni buzishdan) kelib chiqadigan majburiyatlar yanada rivojlangan.
Delikt
huquqining
rivojlanishida
Akviliy qonuni (miloddan avvalgi III asr) katta mavqega ega bo`lgan. Unda
mulkka zarar yetkazishdan kelib chiqadigan majburiyatlarning ilgari mavjud turlari tizimlashtirilgan.
Er hokimiyatiga asoslangan nikoh II asrga kelib qo`llanmay qo`ygan,
xotinning eri
uyida yashashi yillar o`tishi bilan er hukmronligining avtomatik vujudga kelishiga olib
kelmaydigan bo`lgan.
Er hokimiyatisiz nikoh (sine manu mariti)ning yangi shakli tarqala
boshlagan. Bunday nikohga kirgan ayol o`zining avvalgi oilasi bilan aloqasini uzmagan,
ma’lum mulkiy mustaqilligini saqlab qolgan, bolalariga nisbatan ba’zi huquqlarni olgan.
Konkubinat - erkaklar va xotinlarning rasmiylashtirilmagan doimiy birgalikda yashashi keng tarqalgan.
Bolalarni sotish amaliyoti tugagan va ularni ota tomonidan o`ldirilishiga esa postklassik davrda og`ir jinoyat
deb qaraladigan bo`lgan.
Vasiylik
instituti
ham qator o`zgarishlarga uchragan. Pretorlik edikti bilan vasiyning vasiyligidagilarning
Majburiyat
huquqi
Nikoh-oila
huquqi