Elbəyi CƏLALOĞLU
100
dən, bu müxtəliflikdən, bir sözlə kisrətdən çıxmaq üçün hər
bir kəslə ruhun dilində danışmağa hazırıq. Ruhun dili məh-
rəmlik dilidir. Məhrəmlik dili tamam başqa bir dildir. Onu
duyan kəslərin könlündən sözsüz, işarətsiz, yazısız yüz
minlərlə tərcüman zühur edər, buna görə də, məhrəmlik di-
lini anlayanların milli mənsubiyyətinin heç bir fərqi yoxdur.
O, sadəcə duyduğunu özünün mənsub olduğu dildə ifadə
etməkdə pərgar olmalıdır.
Kisrəti yox etmək bəşəriyyəti cəhalətdən xilas etməkdir!
Kisrəti yox etmək nəfsimizi yıxıb, “mən”imizi öldürməkdir!
Bu nailiyyəti əldə etmək Allahla vəhdətə yetişməkdir!
Nəfs nədir? Bu sualın sadə cavabı odur ki, birisindən
bərk inciyəndə ona uzun ömür və çoxlu var-dövlət arzula-
yın, bu onun bəlasıdır, bədbəxtçiliyidir, cünki qazanc ehti-
yacları ödəyənə qədər lazımdır, ondan sonrası ehtiyacı
olanlara verilmirsə, bu, hərislikdir. Hərislik Allahı unutmaq
deməkdir, qarşıda qıldan nazik, qılıncdan iti, oddan isti
olan sirat körpüsünü yada salmamaqdır, – Şəms Təbrizi bu
sözləri deyib acı-acı gülümsədi və sözünə davam elədi:
– Böyük Vəhdətə nail olmağın da çox sadə bir izahı var.
Belə ki, Allah da “mən” deyir, sən də “mən” deyirsən. Vəh-
dət aləmində iki “mən” ola bilməz. Vəhdətə nail olmaq
üçün “mən”lərdən biri ölməlidir. Ya O ölməlidir, ya da sən.
Allahın ölməsi mümkün olsa belə, bu, ən sadə halda kaina-
tın və bütövlükdə yaranışın məhvi demək olduğu üçün, in-
sanın öz “mən”ini öldürməsi gərəkdir. Bu, cismən ölmək
deyil, idrakını Allaha bağlamaqdır, Allahdan başqa nə var-
sa hamısına mənən göz yummaqdır. Necə ki, Allah səni to-
xum kimi yerə səpir, sən torpaqdan bitirsən, böyüdükcə Al-
laha doğru qalxırsan, hətta səndə yuxarıya doğru tullan-
maq, zirvələrə doğru uçmaq, sirli kəhkəşana nüfuz etmək
meyli də var. Deməli, bu, sənin daxilindən gələn və hələ də
özünün dərk edə bilmədiyin gizli bir səsdir. Sən onu ağlın
gücü ilə həyata keçirməlisən, yəni batində də Allaha doğru
yüksəlməlisən, Onunla vəhdətdə olmalısan. Cismani ölü-
mündən sonra isə sənin bədənin yenidən toxum kimi torpa-
Eşq dənizləri qovuşanda
101
ğa gömülüb təkrar dirçələcək, yenidən bitəcəkdir. Həyatda
birdəfəlik ölümə təhkim olunmuş heç nə yoxdur. Hər bir
ölümdən sonra doğuş var. Həyat biri digərinin içindən çıx-
maqla davam edən oyuncaqlar kimidir. Yeni doğulan
“oyuncaq” yeni dünyaya qovuşur. Belə ki, toxum torpağa
düşür, onun içindən bitki baş qaldırır, üz qabığı isə çürü-
yür. Bitkidən çiçək və bar əmələ gəlir, bu zaman, həmin
çiçəklərdən çəkdiyi şirəni həşəratlar həzmi-rabedən keçir-
dir, barla isə insanlar qidalanır. İnsanın gövdəsi ölərkən
onun içindən baş qaldıran ruh isə daha ali olan yeni bir
dünyaya qədəm qoyur. Bu dediyimiz ruhun yatablarla yük-
səlişidir, lakin bədən də birdəfəlik ölmür, o da bu sınaq
dünyasında yenidən doğulur, sənin bədəninin gələcək do-
ğuşda kim olacağı və ya nəyə çevriləcəyi isə sənin bu günki
kimliyindən, ən doğru və müqəddəs yolu tuta bilməyindən
asılıdır. Bu da axirətin bir əlamətidir. Gərək heç bir bər-bə-
zəyə, şəhvani hisslərə, şeytani əlamətlərə, dəbdəbəyə, dün-
ya malına uymayasan, nəfsin afətlərinə uymaq iblisə könül
vermək deməkdir.
Bundan başqa, insanı çaşdıran, ruhu həqiqətdən sapdı-
ran daha iki şey vardır, bunlar şəhvət və hiddətdir. Şəhvət
heyvani hisslərlə yaşamağın, insanlıqdan uzaq olmağın,
ədəbsizliyin göstəricisidir. Hiddət isə inamsızlıqdan, naşü-
kürlükdən və yenə də nəfsin afətlərinə qul olmaqdan doğan
bir şeydir. Dənizin dibindən tutmuş Aya qədər elə məxlu-
qat yoxdur ki, qidanı çəkəcək, yeyəcək ağzı olmasın. Lakin
nəfsin boğazı vəsvəsədən azad olanda ululuq vəhyinə qo-
naq olar. Allahla vəhdətdə olmağın üçün etdiyin çabalar,
eləcə də təsəvvüfü anlamağın sənin təkamülündür. Bunun
üçün sənin aldığın biliklər, topladığın təcrübələr, ədəbin,
vicdanın, doğuşdan gələn istedadın ətlə sümük kimi fitrə-
tində birləşməlidir. Bir sözlə, vəhdətə qovuşmaq üçün şüu-
run içindəki şüuru oyatmağın gərəkdir. Bütün bunları edə
bilmək Mərifətə yetişmək deməkdir, – söhbətin bu yerində
Şəms Təbrizi qısa ara verib ətrafına göz gəzdirdi. Bu vaxt
müridlərdən biri “mərifət” sözünə aydınlıq gətirməsini on-
Elbəyi CƏLALOĞLU
102
dan xahiş etdi. Mürşidi-kamil ona razılıq bildirərək söhbə-
tinə davam etdi:
– Mərifət elə bir məqamdır ki, oradan Həqiqətin qapısı
görsənər. Mərifət könülün Tanrı ilə diriliyidir. Yəni, diri
olanı öldür, bu diri olan sənin vücudundur. Ölü olanı isə di-
rilt, bu da sənin qəlbindir. Var olanı yox et, o da arzudur.
Yox olanı var et, bu da sənin niyyətindir. Mərifət qəlbdə, şə-
hadət dildədir. Cəhənnəmdən qurtulmaq istəsən, Haqq yo-
luna xidmət et, cənnət istəsən, bunu niyyət et. Əgər Tanrını
istərsənsə, üzünü Ona çevir ki, o anda, Onu tapasan.
Üzüüstə yatanlar, yaxud Allaha arxa çevirənlər günah etmiş
olarlar. Tanrı, – məni tanıyan mənə yönələr, məni istəyən
məni arayar, məni arayan məni tapar və o, məndən başqası-
nın üzünə baxmaz, – buyurdu. Dünyanın, insanın, eləcə də
bütün yaranmışların mənasını və mahiyyətinı anlamağa
yalnız Allahı dərk etməklə nail olarsan. Tanrıya qul olanlar
bu aləmdən ölmüş, Tanrıyla yenidən dirilmiş və Onun köl-
gəsinə çevrilmişlərdir, – Şəms Təbrizi bu sözlərdən sonra
adəti üzrə dayandı və əlini çay stəkanına uzatdı. Bu dəm
fürsətdən istifadə edən alimlərdən biri sual vermək üçün
izin istədi. Mürşidi-kamil “buyur” dedikdən sonra həmin
alim ayağa duraraq, sualını ona ünvanladı:
– Mən sizin söhbətlərinizdə bir neçə dəfə iştirak etmi-
şəm, sizin təlqin etdiklərinizi anlamağa çalışmışam. Siz de-
yirsiniz ki, Allah var! Amma o, görünmür, siz onu göstərin
ki, biz də inanaq, – Şəms Təbrizi sualı adi qarşıladı və heç
düşünmədən onun sualına qarşı əks sual verdi:
– Oturduğunuz yerdə biri sizi çomaqla vurarsa nə baş
verər? Alim, – yəqin ki, başım yarılar, mən də qaziyə şika-
yət edərəm, – dedi. Şəms Təbrizi isə, – əgər yarılmazsa, on-
da necə? – deyə soruşanda alim sualı belə cavablandırdı:
– Başım ağrıyar.
Bu zaman Şəms Təbrizi onun dilindən tutaraq cavab
verdi:
– Başınızın ağrısını bizə göstərə bilərsinizmi ki, biz də
ona inanaq, – alim bu sualdan çaşıb qaldı, Şəms Təbrizi isə,
Dostları ilə paylaş: |