AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
78
göstərir. BM-lərin bu meyilləri dərk etməsi və onları önləməsi çox vacibdir ki, bu
meyillər bizi məhv etməsin”.
“Beyin mərkəzləri”nin çoğrafiyasına gəldikdə isə ABŞ dünyada ən çoxsaylı
BM-ləri (1,815) ilə öndə gedir. Təkcə Vaşinqtonda 393 beyin mərkəzi mövcuddur.
3
Daha sonra Massaçusets (176) və Kaliforniya (170) ştatları gəlir. Dünya üzrə son-
rakı yerlərdə: Çin - 425, Hindistan-292, Britaniya - 286, Almaniya - 194 BM ilə
sıralanır.
3 http://thecable.foreignpolicy.com/posts/2012/01/18/brookings_tops_2011_think_tank_rankings)
AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
79
Son illərdə Avropa və Afrikada “beyin mərkəzləri”nin sayında artım nəzərə çar-
pır. Reytinq bütün dünya coğrafiyasını əhatə etməyə çalışır və qeyd edilir ki, hətta
Əfqanıstanda da 2 Think Tanks mövcuddur.
ABM-rinin yaranma dinamikasına gəldikdə tədqiqatdan məlum olur ki, dünya-
dakı 31 faiz BM on ildə -1980-1990-cı illərdə yaranıb. Afrikada 550, Avropada
isə 1798 “beyin mərkəzi”nin fəaliyyəti qeydə alınıb. Eyni zamanda, Asiyada 1198,
Latın Amerikası və Karib hövzəsi ölkələrində 722, Yaxın Şərq və Şimali Afrikada
329, Şimali Amerikada 1912, Okeaniya ölkələrində 39 “fikir fabriki”nin mövcud
olduğu göstərilir.
Bu mənzərə BM-lərin sırf Amerika fenomeni olduğuna dair qənaətə əks olan
proseslərin getdiyini göstərir.
Hesabatda Azərbaycan “10 və daha çox beyin mərkəzinin olduğu ölkələr ”
bölümündə də əks edilib. Burada qeyri-hökumət təşkilatlarından 13-nün “beyin
mərkəzi” kimi fəaliyyət göstərdiyi qeyd edilib. Ermənistan guya 14 beyin mərkəzi
olan ölkə kimi davamlı olaraq bu nominasiyada bir pillə yuxarıda durur. Halbuki
ölkəmizdə müvafiq mərkəzlərin sayı 13 rəqəmindən çoxdur, onun dəyişdirilməsinə,
daha yüksək pilləyə keçməsi üçün də işlər görülməlidir. (Azərbaycanda ABM-ri
haqqında bu tədqiqat dolayısı ilə həmin işlərdən biri hesab edilə bilər.)
Reytinqdə başqa nominasiyalarda yüksək yerlərə gəldikdə isə burada “Cənubi
Qafqaz ölkələrindən əsasən Azərbaycan daha yaxşı təmsil olunur. Ermənistandan
hər hansı “beyin mərkəzi” nə dünyanın, nə də Mərkəzi Şərqi Avropanın aparıcı “be-
yin mərkəzi” sıyahısına daxil edilməmişdir.
Azərbaycandan İqtisadi və Sosial İnkişaf Mərkəzi, Azərbaycan Respublikasının
Prezident yanında Strateji Araşdırmalar Mərkəzi, İqtisadi Tədqiqatlar Mərkəzi rey-
tinq- hesabatda bir neçə kateqoriya üzrə dünyanın ən güclü “beyin mərkəzləri” siya-
hısında yer almışdır. Bu mərkəzlər öz hökumətlərinin siyasətinə müsbət təsir edən
mərkəzlər kimi qiymətləndirilmişdir. Müasir Təhsil və Tədrisə Yardım Mərkəzi
təhsil sahəsində fəaliyyət göstərən qurumlar siyahısına daxil edilmişdir.
Think Tanks reytinqinə nəzər salarkən yerli ABM –nin inkişaf etdirilməsi ba-
xımından daha hansı işləri görmək olar? “Ətraf mühit”, “Səhiyyə”, “Enerji və re-
surslar”, “Elm və texnologiyalar” üzrə kateqoriyalarda Azərbaycandan BM-nin bu
reytinqdə olmaması ciddi düşündürməlidir. Məsələn, ölkəmizdə xüsusilə ekoloji
profilli olduqca çoxsaylı mərkəzlər, onların koalisiyası, eləcə də enerji və səhiyyə
sahəsində birliklər olduğu halda onların bu reytinqlərdə əks olunmaması düşün-
dürücüdür və məsələnin müzakirəsini gündəmə gətirir. Bu həm də kəmiyyətdən
keyfiyyətə keçilməsi üzərində düşünmək deməkdir
Reytinqin metodologiyasını hazırlayan “Analitik mərkəzlər və vətəndaş
cəmiyyəti” proqramının direktoru Ceyms Makgan hesab edir ki, “Bu gün dünya-
AZƏRBAYCANDA ARAŞDIRMA VƏ BEYİN MƏRKƏZLƏRİ
[yaranması, inkişafı və perspektivləri]
80
da BM-lər kəskin rəqabət şəraitində fəaliyyət göstərməli olurlar. Çoxsaylı meyarlar
içərisindən dördü əsas meyar kimi tətbiq edilir:
1. Təhlil və tədqiqatların ciddiliyi;
2. Aktuallıq;
3. Etibarlılıq, mötəbər mənbələrə əsaslanma;
4. Tədqiqatların əhatəsi.
Bu o deməkdir ki, tədqiqatlar təfərrüatlarına qədər reallığı əks etdirir və buna
görə də cəmiyyət aktual siyasi məsələlərin həllində onlara güvənə bilər. Rəylərə
deyil, faktlara əsaslandığı üçün etibarlıdır və nəticələri KİV-lərə, cəmiyyətə və siyasi
hakimiyyətə təqdim edilə bilər”.
Dəyərləndirmədə həmçinin mərkəzlərin insan və maddi resursları cəlb etmək və
istifadə edə bilmək qabiliyyəti, analitik-ekspert məhsulunun kəmiyyəti və keyfiyyəti,
konkret dövlətlərdə daxili və xarici siyasətin formalaşmasına təsiri kimi amillər əsas
götürülür.
Reytinq 20-yə yaxın meyar əsasında aparılır. Ümumilikdə isə “Global Go
To Think Tanks Rankings” üçün ABM-lərin fəaliyyətinin meyarları qismində
C.Makganın əsas hesab etdiyi meyarların geniş sırası bunlardır:
1. Analitik məhsul kimi jurnalların, kitabların və başqa nüfuzlu nəşrlərin çap
edilməsi;
2. Analitik, ekspert və alimlər elitasının təmsilçilərinin çalışması;
3. Təşkilatın araşdırmalarının resenziyalı jurnallarda, kitablarda və digər nüfuzlu
nəşrlərdə çap olunması:
4. Siyasət, kütləvi informasiya vasitələri və elmi elita ilə əməkdaşlıq
münasibətlərinin olması;
5. Akademik nüfuza malik olması (rəsmi akkreditasiya, qeydiyyatdan keçmə,
əməkdaşların konfranslarda iştirakçı və məruzəçi olması, onların məqalələrinin
tanınmış kitab və jurnallarda dərc edilməsi və s.);
6. Media imicinə, nüfuzuna malik olması (KİV-lərdə haqqında məlumatların yer
alması, müsahibə və sitatların əksini tapması);
7. Siyasi sistemdə, politoloqların rəyində nüfuza malik olması (brifinqlərin və
rəsmi görüşlərin keçirilməsi, icmal və şərhlərin, referatların nəşri, ictimai rəydə
və nəşrlərdə qanuni əksini tapması);
8. Mərkəzin maliyyə resurslarının həcmi, səviyyəsi (illik dövlət və özəl maliyyə
sənədləri və müqavilələri, ianələr, üzvlük haqları və s.);
9. Maliyyələşdirildiyi mənbənin ehtiyac və tələblərini ödəmək üçün müvafiq
altmüəssisələrin (filialların və s.) təşkil edilməsi;
10. Mərkəzin analitik elmi istehsalının ümumi həcmi (siyasi təklif və tövsiyələr, çap
Dostları ilə paylaş: |