56
ətrafında Baba xanın oğlu tərəfindən İran qoşunu toplanmışdır. Məlumatlardan aydın
olur ki, Ərzurum sərkərdəsi Yusif paşanın qoşunları ilə birləşərək
bizim sərhədlərə
yaxınlaşmaq istəyir.»
23
.
Lakin türk qoşunları məğlub olduqdan sonra Abbas Mirzə türklərlə birləşmək
fikrindən əl çəkdi və öz dostu ilə Naxçıvan qalası tərəfə üz qoydu. Burada vəziyyəti
qaydaya saldıqdan sonra Abbas Mirzə İrəvan qalası üzərinə getməyi qərara aldı
24
.
Abbas Mirzə Naxçıvanda Abbasqulu xanın iştirakı ilə Kəlbəli xanın yaxın adamlarına
və rus ordusunun Qafqaza gəlişinə müsbət münasibət bəsləyənlərə divan tutdu. Elə bu
səbəbdəndir ki, Naxçıvanın dörd nəfər adlı-sanlı sakini Şuşaya qaçmalı oldu. İran
ordusunun Naxçıvanda olması əhali üçün daha bır təhlükə yaradırdı. Çünki döyüşdə
məğlub olan İran komandanlığı hər an naxçıvanlıları Arazın cənub sahilinə köçürə
bilərdi. Bu haqda rus ordusunun ali baş komandanı İ. V. Qudoviç general-mayor
Nebolsinə açıq şəkildə bildirmişdi. İ. V. Qudoviç Nebolsindən tələb edirdi ki,
Naxçıvana tələssin, Naxçıvan əhalisinin iranlılar tərəfindən Arazdan o tərəfə
köçürülməsinə imkan verməsin.
Naxçıvan yürüşündən əvvəl qraf Qudoviçin general-mayor Nebolsinə verdiyi
təlimatda xüsusilə deyilirdi: «...Tezliklə ora getmək (Naxçıvana — rçd.) və Naxçıvana
qarşı hərbi əməliyyata başlamaq lazımdır. Əgər müqavimət göstərilsə şəhəri tutun.
Onlar könüllü şəkildə tabe olsalar yerli əhalini narazı salmamaq və sıxışdırmamaq.
Ümumiyyətlə, hər bir hərəkətiniz haqqında etibarlı erməni, yaxud tatar (azərbaycanlı)
vasitəsilə tez-tez məlumat verin»
25
.
Bu «Təlimatın» bir hissəsində deyilirdi: «Sizə tapşırıram ki, siz də Mehdiqulu
xana bildirəsiniz ki, yerli əhali tabe olduqda Naxçıvan kəndlərinin soyulub talanmasına
imkan verməsin»
26
.
Beləliklə, 1808-ci il oktyabr ayının 28-də general-mayor Nebolsinin
komandanlığı altında rus ordusu Qarabağdan Naxçıvan qalasına doğru hərəkətə başladı.
Eyni zamanda general-feldmarşal qraf Qudoviçin komandanlığı ilə rus ordusu İrəvan
qalasına doğru hərəkət etdi.
Naxçıvanlı Şıxəli bəy öz atlıları ilə birlikdə general-mayor Nebolsinin dəstəsinə
bələdçilik edirdi. Onların ardınca Mehdiqulu xanın komandanlığı altında Qarabağ və
Şəki qoşunları gəlirdilər. Bu dövrdə Şəki xanlığının idarəsi Xoyu tərk etmiş
Cəfərqulu
[79-80]
xana tapşırılmışdı. Bunlardan başqa bu yürüşdə könüllülərdən ibarət
erməni və gürcü dəstələri də iştirak edirdilər.
Naxçıvan uğrunda ilk döyüş Qarababada oldu. Burada İran şahzadəsi Abbas
Mirzənin 3000 piyadası, 10000 süvarisi, 12 adi topu və 60 ədəd qədim topu var idi
27
.
Qeyd etmək lazımdır ki, Abbas Mirzənin hərbi rəisləri arasında dəfələrlə Naxçıvanda
taxta çıxmış Abbasqulu xan da var idi. General-mayor Nebolsinin dəstəsi İran
qüvvələrindən sayca 4 dəfə az idi.
Əlverişli mövqedə yerləşən İran qoşunları birinci olaraq general-mayor
Nebolsinin dəstəsinə hücum etdilər. Qanlı və gərgin döyüşdən sonra İran qoşunları
23
AKAK, III cild, 946-cı sənəd
24. Gürcüstan Respublikası Mərkəzi Dövlət Tarix Arxivi, 2-ci fond, 183-cü sənəd. vərəq 399.
25
AKAK, III cild, 875-ci sənəd, s. 496
26
Yenə orada, vərəq 497
27
MDHTA, f. VUA, 4258-ci sənəd, 4-cü hissə (1808), vərəq 29
57
tutduqları mövqedən geri çəkilməyə məcbur oldular. Döyüşlərdə təcrübə qazanmış
general-mayor Nebolsinin komandanlığı ilə təcrübəli polkovniklər Lisaneviç,
Kotlyarevskinin və naxçıvanlı Şıxəli bəyin dəstələri Abbas Mirzənin qoşununu
məğlubiyyətə uğradıb geriyə qaçmağa məcbur etdilər. Bu döyüşdə İran tərəfi çoxlu top,
digər döyüş sursatı, canlı qüvvə və at itirdi. Xeyli sərbaz əsir alındı. İran qoşunları
yaralıları belə ataraq intizamsız halda Naxçıvana qaçdılar.
Rus ordusundan isə bu döyüşdə 37 nəfər həlak oldu, 6 nəfər itkini düşdü. Zabit
heyətindən 6 və əsgərlərdən 66 nəfər yaralanan oldu.
General-mayor Nebolsin nəfəs almağa imkan verməyərək düşməni Naxçıvana
qədər qovdu, Rus qoşunlarının irəliləmədiyini görən, birinci məğlubiyyətdən möhkəm
qorxmuş Abbas Mirzə Naxçıvan qalasını tərk edərək Arazı keçib Xoy istiqamətində
geriyə çəkildi. İran qoşunları geri çəkildikdən sonra Naxçıvan əhalisi başda naxçıvanlı
Şıxəli bəy öz dəstəsi ilə gəldiyinə görə, rus ordusuna müqavimət göstərmədi.
Beləliklə, general-mayor Nebolsin «... heç bir müqavimətə rast gəlmədən
Naxçıvanı tutdu.»
28
. Qraf Qudoviç mərkəzə göndərdiyi məktubda yazırdı: «... Naxçıvan
qalası müqavimətsiz olaraq Ümumrusiya ordusu tərəfindən tutuldu...»
29
.
Naxçıvan qalası rus qoşunları tərəfindən tutulduqdan sonra general-mayor
Nebolsin ali baş komandan qraf Qudoviçin adından Naxçıvan ağsaqqallarına,
ruhanilərinə və bütün xalqa müraciət etdi: «Siz böyük şöhrətə malik ordunun Naxçıvan
vilayətinə gəldiyini bilirsiniz. Rusiya ordusunun qalib silahının gücü ilə Abbas Mirzə
Baba xan oğlu öz ordusu ilə birlikdə məğlub edilərik böyük itki hesabıma Arazın o
tayına Xoy yolu ilə geri qayıtmağa məcbur oldu. Naxçıvan bizim ordumuz tərəfindən
tutuldu və Ümumrusiya imperiyasının himayəsinə keçdi hörmətli ağsaqqallar, ali
ruhanilər və bütün Naxçıvan xalqı! Mən böyük və humanist imperator adından sizi
Ümumrusiya imperiyasının yeni sədaqətli adamları kimi qorxmamağa və inandırmağa
çalışıram ki, öz yerlərinizə qayıdasınız və qalib rus ordusunun himayəsi altında
babalarınızın yurdunda yaşayasınız. Mən. sizi inandırıram ki, könüllü şəkildə qayıdanlar
əvvəlki hüquqlarına və mülkiyyətlərinə malik olacaqlar. Bu gündən etibarən həmişəlik
olaraq şöhrətli rus ordusunun himayəsi altında əmlakınız toxunulmaz qalacaqdır. Mən
sizdən tələb edirəm ki, həmişə Ümumrusiya taxt-tacına sədaqətli olasınız, həmişəlik
olaraq rus imperiyasının və mənim ordumun düşmənləri ilə hər cür əlaqəni kəsib sakit
yaşayasınız. Əlahəzrət imperatorun ordusu həmişəlik olaraq Naxçıvan vilayətində
qalacaqdır. Sizin verdiyiniz ərzağın, mal-qaranın və digər məhsulların dəyəri
ödəniləcəkdir. Əgər siz qayda-qanunu sədaqətlə yerinə yetirsəniz, o halda mən
imperator həzrətlərindən hər cür güzəşt etməyi xahiş edəcəyəm»
30
. Qudoviçin Naxçıvan
əhalisinə müraciətindən sonra «xristianların» törədəcəkləri dəhşətlərdən qorxub
qaçanlar şəhərə qayıtdılar. Bu sahədə Kəlbəli xanın oğlu Şıxəli bəyin böyük rol
oynadığı rus komandanlığının rəsmi sənədlərində qeyd olunmuşdur.
Rus komandanlığı Şıxəli bəyin cəsurluğunu xüsusilə qeyd etmişdi. General-
feldmarşal Qudoviçin bu döyüş haqqında raportunda Şıxəli bəyin göstərdiyi igidlik
barədə deyilirdi: «... Şıxəli bəy general-mayor Nebolsinin bölgəsində Naxçıvana qədər
28
MDHTA, f. VUA, AKAK, III cild, 895-ci sənəd, s. 508
29
Yenə orada, 458-ci sənəd, s. 248.
30
AKAK, III cild, s. 267.