18
BP Azərbaycanda Davamlı inkişaf haqqında hesabat 2011
BP Azərbaycanda Davamlı inkişaf haqqında hesabat 2011
İdarəetmə sistemləri
2011-ci ildə biz BP qrupunun
əməliyyatların idarə edilməsi sistemi kimi tanınan yeni idarəetmə
standartı əsasında fəaliyyət göstərdik
Əməliyyatların idarə edilməsi sistemi
BP-nin əməliyyatların idarə edilməsi sistemi
(ƏİES) bütün BP qrupunda təhlükəsiz,
standartlara uyğun və etibarlı əməliyyatlar
üçün vahid bir çərçivə təyin edir. Bu sistem
BP əməkdaşlarına çatışmazlıqları müəyyən
etmək və onları aradan qaldırmaqda, gündəlik
fəaliyyətdə real təkmilləşmələr aparmaqda
kömək etmək üçün hazırlanıb.
Azərbaycan-Gürcüstan-Türkiyə (AGT)
regionu üçün ƏİES-nin üç komponenti çox
mühüm əhəmiyyət kəsb edir:
•
Fəaliyyət elementləri: Bunlar bütün
əməliyyat subyektlərinin öz fəaliyyətində
davamlı şəkildə əməl etməli olduğu
tələbləri təsvir edir.
•
İcra göstəricilərinin təkmilləşdirilməsi
dövrəsi: Bu, öyrənmə daxil olmaqla
davamlı olaraq riskin azaldılması və
icranın təkmilləşdirilməsini təmin edən
ciddi, sistemli şəkildə yerinə yetirilən illik
planlaşdır-et-yoxla-düzəlt dövrəsidir.
•
Biznes prosesləri: Bunlar ƏİES-in tələblərini
yerli səviyyədə reallığa çevirən prosedur və
fəaliyyətlərdir.
2011-ci ildə ƏİES-in tam şəkildə işimizə və
biznes planlaşdırma proseslərimizə inteqrasiya
edilməsinə xüsusi əhəmiyyət verdik.
Öz güclü və zəif cəhətlərimizi başa
düşməyimiz əməyin təhlükəsizliyi və
əməliyyat riski (ƏTƏR) auditləri, ƏİES-dəki
boşluqların qiymətləndirilməsi və risklərin
qiymətləndirilməsinə yeniləşmiş bir yanaşma
vasitəsilə il ərzində daha da dərinləşdi.
Bu, bütün işlərimizdə daha çox aydınlıq və
diqqətin əldə olunması ilə nəticələndi. Bunun
göstəricilərindən biri əsas proseslər, məlumat
və sənədlərə girişi təmin edən onlayn portal –
ƏİES Naviqatorundan istifadənin əhəmiyyətli
dərəcədə artmasıdır. AGT regionun ƏİES
üzrə idarəetmənin ilk yerli təhlili BP AGT
prezidentinin sədrliyi ilə sentyabr ayında uğurla
keçirildi.
Əməyin təhlükəsizliyi və əməliyyat riski
üzrə funksional qrupumuz
İl ərzində AGT regionunun təşkilati strukturu
aktivlərə görə bölgü modelindən funksional
modelə dəyişdi. Biz də yeni ƏTƏR funksional
qrupu yaratdıq. Bu, BP qrupunun bütün
qrup tərəfindən həyata keçirilən biznes
fəaliyyətlərinin təhlükəsiz, etibarlı və
standartlara uyğun yerinə yetirilməsinə kömək
edən müstəqil bir qoludur. ƏTƏR buna dörd
üsulla nail olur:
•
Bütün şirkətdə əməyin təhlükəsizliyi və
əməliyyat risklərinin idarə olunmasında
istifadə olunan tələbləri, o cümlədən ƏİES-
dəkiləri müəyyən edir və təzələyir.
•
Birbaşa rəhbərlərdən asılı olmadan əməyin
təhlükəsizliyi və əməliyyat risklərinin
ixtisaslı müstəqil təftişlərini aparır –
əməliyyatlarımıza aid məsləhət, yoxlama və
əminliyi təmin edir.
•
Əməliyyatlar üçün dərin texniki ekspertizanı
təmin edir.
•
Təshihedici tədbirlərin görülməsi üçün
məsələlərə müdaxilə etmək və onların
həllini daha yüksək səviyyəyə qaldırmaq
səlahiyyətinə malikdir.
Fasiləsiz təkmilləşmə
2010-cu ilin əvvəlindən başlayaraq biz fasiləsiz
təkmilləşmə mədəniyyətini aşılayır, konkret
fasiləsiz təkmilləşmə layihələri həyata keçirir
və işçi heyət arasında fasiləsiz təkmilləşmə
səriştəsi yaradırıq. Bu sahədə xeyli irəliləyiş
əldə edilmişdir. 2011-ci ildə biz bu mədəniyyəti
bütün AGT regionunda bərqərar etmək
üçün bir neçə illik təşəbbüs çərçivəsində
davamlı fasiləsiz təkmilləşmə mədəniyyətinin
yaradılmasına daha sistemli yanaşma tətbiq
etməyə başladıq. Nəticədə, Azərbaycanda
BP tərəfindən il ərzində 200-dən çox fasiləsiz
təkmilləşmə layihəsi həyata keçirildi.
2
1
1. Səngəçal terminalındakı birləşmiş nəzarət binasında
proseslərin monitorinqi
2. Bakı dəniz limanında təhlükəsizlik yoxlanışları
19
Biz necə işləyirik
Təhlükəsizlik və insan haqları
Riskin sistemli şəkildə
qiymətləndirilməsi ilə bərabər yerli icma və hökumətlə əməkdaşlıq
insanları, əməliyyat və obyektləri qorumağımız üçün bir təməldir
BP-nin əməliyyatçısı olduğu obyektlərdə insan
və qurğuların təhlükəsizliyi üçün şirkət məsuliyyət
daşıyır. Buna görə də biz təhlükəsizliyi təmin
etməyin hər bir əməkdaşın vəzifəsi olmasını
aşılayan dəyərlər sistemi və fəlsəfəni təşviq edirik.
Azərbaycandakı obyektlərimizin kənar
perimetrləri müvafiq dövlət orqanları tərəfindən
mühafizə edilir. Boru kəmərlərinin təhlükəsizliyi
üçün Azərbaycan Respublikası Dövlət Xüsusi
Mühafizə Xidmətinin (DXMX) İxrac Boru
Kəmərlərinin Təhlükəsizliyi İdarəsi (İBKTİ)
məsuliyyət daşıyır. Dənizdəki obyekt və qurğuların
(platforma, sualtı boru kəmərləri, fiber-optik xətlər
və əməliyyat gəmiləri) təhlükəsizliyi Azərbaycan
Respublikasının hərbi donanması və sahil
mühafizəsi tərəfindən təmin edilir. Yükləmə
məntəqələri və təchizat bazası obyektlərinin
mühafizəsi üçün təhlükəsizlik xidməti göstərən
mühafizəçi podratçılarımız məsuliyyət daşıyır.
İcmalarla işimiz
Əməliyyatlarımız və boru kəmərlərimizin təsir
dairəsində olan icmalar təhlükəsizliyin davamlı
olaraq təmin edilməsində əsas maraqlı tərəflərdən
biridir. Biz boru kəmərləri boyunca yaşayan
icmalarla müxtəlif forumlar vasitəsilə görüşürük.
Azərbaycanda obyekt və əməliyyat
ərazilərimizin yaxınlığında yaşayan bir çox
icmaların nümayəndələri ilə məlumat mübadiləsi
aparmaq üçün görüşlər keçirdik. Belə görüşlər
BP sahə təhlükəsizliyi müşavirlərinin rəhbərliyi
ilə Təşkilatlararası Təhlükəsizlik Komitəsinin təşkil
etdiyi tədbirlər vasitəsilə keçirilir. Görüşlərdə
icmalarla əlaqə üzrə məsul şəxslər (İƏMŞ), yerli
hökumət nümayəndələri, torpaq sahibləri və
dövlət təhlükəsizlik orqanlarının nümayəndələri
iştirak edir. İl ərzində 136 icmanı təmsil edən
təqribən 3 800 nəfər icma üzvünün iştirakı ilə 108
görüş keçirilib.
2009-cu ildə açılmış 114 nömrəli qaynar
telefon xətti 2011-ci ildə də ixrac boru kəmərləri
boyu fəaliyyətini davam etdirib. Bu xəttin məqsədi
təsir dairəsində olan icma və şəxslər üçün
təhlükəsizliklə bağlı narahatlıqlarını daha sonra
birgə nəzərdən keçirilməsi məqsədilə BP və
dövlət təhlükəsizlik orqanlarına çatdırmaq imkanı
yaratmaqdır. 2011-ci ildə qaynar xətlə insan haqları
və ya təhlükəsizlik qüvvələri ilə bağlı heç bir şikayət
daxil olmayıb.
İxrac Boru Kəmərlərinin Təhlükəsizlik
Komitələrinin (İBKTK) kəmərlər boyunca
yerləşən 13 rayonda göstərdiyi fəaliyyətin
nəticəsini müzakirə etmək və 2011-ci ilin
prioritetlərini müəyyənləşdirmək üçün fevral
ayında Xəzər Enerji Mərkəzində görüş keçirilib.
Görüşdə həmçinin rayonlarda yaradılmış
İBKTK-ların başçıları, İBKTİ-nin məsul işçiləri,
Milli Təhlükəsizlik Nazirliyi, Daxili İşlər Nazirliyi və
Fövqəladə Hallar Nazirliyinin nümayəndələri ilə
birlikdə BP AGT-nin yüksək vəzifəli şəxsləri də
iştirak edib.
İBKTK-lar BP obyektləri üçün təhlükəsizliyin
təmin edilməsində mühüm rol oynayır, belə ki, hər
hansı bir hadisə və ya fövqəladə hal baş verərsə,
ilk növbədə yerli heyət, o cümlədən yanğın
söndürənlər, fövqəladə hallarda təcili yardım
heyəti, həmçinin regional səviyyədə texnika və
avadanlıqlar cəlb olunacaq. Komitələr həm də
qabaqlayıcı tədbirlərin görülməsində mühüm rol
oynayır, məsələn boru kəmərinin yaxınlığındakı
zonada tikinti işlərini nəzarətdə saxlayır.
Təhlükəsizlik və İnsan Haqları haqqında
Könüllü Prinsiplər
ABŞ və Böyük Britaniya hökumətləri, BP də daxil
olmaqla bir sıra enerji şirkətləri və insan haqları
ilə məşğul olan qeyri-hökumət təşkilatları (QHT)
tərəfindən 2000-ci ildə başlanğıcı qoyulmuş
Təhlükəsizlik və İnsan Haqları haqqında Könüllü
Prinsiplərin (KP) məqsədi enerji obyektləri və boru
kəmərlərini qoruyan polis, təhlükəsizlik qüvvələri,
özəl mühafizəçilərə lazımi təlim keçilməsi və
yaxından nəzarət edilməsi vasitəsilə hüquqların
qorunmasını təmin etməkdən ibarətdir.
2011-ci ildə İBKTİ-də KP üzrə təlim vermək
üçün “Equity International”ın sertifikatına layiq
görülmüş 76 təlimçi var idi. İl ərzində İBKTİ-
nin işə qəbul etdiyi 90 nəfər işə başlamazdan
əvvəl bu təlim kursunu bitirib. Biz mühafizə
xidməti göstərən özəl podratçılarımıza işə yeni
götürülənlər üçün ilkin təlimlər və təkrar təlim
kurslarını keçirməkdə kömək etdik. 2011-ci ildə bu
podratçımız tərəfindən 52 mühafizəçiyə cəmi 276
saat təlim keçirilib.
Dövlət və özəl təhlükəsizlik orqanları ilə
qarşılıqlı fəaliyyətimiz
2011-ci ildə şirkətin təhlükəsizliklə əlaqədar qayda
və öhdəliklərinin yerinə yetirilməsini yoxlamaq
məqsədilə BP qrupu BP-nin Azərbaycandakı
təhlükəsizlik şöbəsində şirkətin təhlükəsizlik və
əməliyyat riskinin auditini aparıb. Bu audit təsdiq
etdi ki, qarşımıza qoyulmuş məqsədlərə tam
uyğun olaraq fəaliyyət göstərmişik.
Mövcud müqavilə razılaşmalarına əsasən
100 nəfərdən çox mühafizəçiyə fövqəladə hallar
zamanı tədbir görülməsi üzrə təlim kursları keçirilib.
Səngəçal terminalında (ST) diqqəti podratçılarımız
üçün təhlükəsiz sürücülük qaydaları, avtomobil
sürüşməsi və bomba təhlükəsinə qarşı tədbir
görülməsi üzrə təlimlərə yönəltdik. Təhlükəsizliklə
bağlı mütəmadi yoxlamalar keçirilib və nəticələri
təhlükəsizlik üzrə əlaqələndiricilər tərəfindən
məruzə edilib.
2011-ci ildə Bakı-Tbilisi-Ceyhan/Cənubi Qafqaz
boru kəməri (BTC/CQBK) marşrutu boyunca
İBKTİ əməkdaşı olan atlı patrulların sayı artırılaraq
45-ə çatdı. Biz ST birləşmiş nəzarət binası
ilə İBKTİ-nin terminalındakı baş ofisi arasında
əlaqə yaradan optik lifli kabelin çəkilməsini başa
çatdırmaqla İBKTİ-yə köməklik göstərdik.
İkitərəfli Təhlükəsizlik Protokolundan irəli gələn
proseduraların işlənib hazırlanması istiqamətində
Azərbaycan hökuməti ilə əməkdaşlığımızı davam
etdirdik. 2011-ci ildə təhlükəsizlik şöbəmiz dörd
proseduranın ilkin variantını işləyib hazırlayaraq,
hökumətə təqdim etməzdən əvvəl daxili hüquqi
təftişə verdi.
Hökumətlə əməkdaşlığımızın bir hissəsi
kimi, Azərbaycanda BP-nin təhlükəsizlik şöbəsinin
nümayəndəsi bir qrup dövlət rəsmiləri ilə birlikdə
ABŞ səfirinin dəvəti ilə ABŞ-dakı əsas enerji
obyektlərinə səfər etdilər.
Şikayətlərlə bağlı məsələlərin həlli
2011-ci il ərzində BTC/CQBK marşrutu boyunca
şikayətlərlə bağlı məsələlərin həlli mexanizmi
qüvvədə qalıb. Boru kəməri marşrutu boyunca
yerləşən icmaların şikayət və müraciətlərinə altı
nəfər icmalarla əlaqə üzrə məsul şəxs (İƏMŞ) və
Səngəçal terminalında bir menecer baxıb. 2011-ci
ildə biz icmalardan 10 şikayət almışıq. Onlardan
beşi kompensasiya, üçü torpaq istifadəsi, biri
məşğulluq, digəri isə yol təmiri ilə bağlı olub.
Torpaq istifadəsi ilə əlaqədar bir şikayət istisna
olmaqla, doqquz şikayətin hamısı 2011-ci ildə öz
həllini tapıb.
Bu konkret şikayətlərdən başqa, biz
Azərbaycanda BTC/CQBK marşrutu boyunca
yerləşən ərazilərdə müxtəlif fəaliyyət növləri ilə
məşğul olmaq üçün icazə verilməsinə dair 221
ərizə qəbul etdik. Onların 205-i 2011-ci ildə, 16-sı
isə 2012-ci ildə həll edilib.
Biz, həmçinin Səngəçal terminalı ətrafında
yaşayan icmalardan fəaliyyətimizlə əlaqədar altı
müraciət almışıq. Onlar yerli sakinlərin məşğulluğu,
sosial investisiya, peşə təlimləri və infrastrukturun
yaxşılaşdırılması ilə əlaqədar olub. Bu müraciətlərlə
bağlı bizim podratçımız Qaradağ rayonundan 63
nəfəri işə götürüb. Biz həmçinin usta yanında
şagird proqramının əhatə dairəsini genişləndirərək
Səngəçal, Ümid, Sahil qəsəbələrinə əlavə olaraq
Əzimkənd icmasını da proqrama daxil etdik. Paralel
olaraq 2011-ci ildə Səngəçal kəndində tullantıların
idarə olunması layihəsi həyata keçirilib və
Əzimkənd icmasında məktəb yolu təmir etdirilib.
Ümid kəndində icma mərkəzinin təmirini isə 2012-
ci ildə başa çatdırmaq planlaşdırılıb.