istisna edilməklə, bütün hallarda diplomatik poçt mütləq toxunulmazlıq
hüququna malikdir və o, çəki, yaxud say ilə məhdudlaşdırılmır. Bu
sazişlərin şərtləri pozulduqda diplomatik poçt saxlanıla və hətta açıla
bilər.
Diplomatik təcrübədə diplomatik nümayəndəliyin öz dövlətinin
höküməti ilə əlaqədə olmaq azadlığının məhdudlaşdırılması hallarına rast
gəlmək olar. Onlar fövqəladə vəziyyətlərdə (məsələn, müharibə zamanı)
və ya yerləşmə dövlətinin iqtisadi maraqlarını qorumaq üçün (məsələn,
pul islahatının həyata keçirilməsi zamanı) tətbiq edilir. Bu
məhdudlaşdırılmalar yalnız qabaqcadan müəyyən edilmiş müddət ərzində
qüvvədə olur.
Diplomatik poçtun diplomatik kuryerlər vasitəsilə gətirilməsi
(daşınması) daha etibarlıdır. Diplomatik kuryerlər akkreditə edən
dövlətin xarici işlər idarəsində xidmət keçsələr də onlar diplomatik
personala daxil deyillər və onların heç bir diplomatik dərəcəsi yoxdur.
Diplomatik kutyerlərin elə də böyük həcmdə olmayan immunitetə malik
olmaları da bununla izah olunur.
Təcrübədə bir tərəfdən diplomatik kuryerlərə diplomatlarla eyni
həcmdə immunitet vermək meyli mövcuddur. Lakin digər tərəfdən
diplomatik kuryerlərin statusunun kifayət qədər tənzimlənməmiş qalması
tez-tez münaqişəli vəziyyətlərə gətirib çıxarır.
Konfliktlərin çoxu diplomatik kuryerlər gömrük nəzarətini
keçərkən kuryerlərə və onların baqajına Vyana Konvensiyası ilə qadağan
olunmayan şəxsi baxış keçirməklə bağlı yaranır. Bu cür şəxsi baxış
keçirmək imkanı bir sıra dövlətlərin qanunvericiliyində nəzərdə
tutulmuşdur.
Aeroportlarda diplomatik kuryerlərin texniki nəzarətdən keçmək
imkanı haqqında təcrübədə yaranmış məsələ Vyana Konvensiyası ilə
tənzimlənməmiş qalmışdır. Bu cür texniki nəzarətdən keçmək imkanı bir
sıra dövlətlərin qanunvericiliyinə zidd deyildir.
Diplomatik təcrübədə həmçinin diplomatik kuryerlərin yerləşmə
dövlətinin ərazisində sərbəst hərəkət etməsini məhdudlaşdıran hallara rast
gəlinir. Bu hallar Vyana Konvensiyasına uyğundur. Yalnız bir şərtlə ki,
bu məhdudlaşdırılma halları
93
diplomatik poçtun sərbəst çatdırılmasına maneə yaratmasın. Diplomatik
kuryerlərin status məsələlərinə Konvensiyanın Əlavə Protokolunun
maddələrində toxunulur. Bu Əlavə Protokolda ilk dəfə olaraq diplomatik
kuıyerlərin təyin olunması, sənədləşdirmə, diplomatik kuryerlərin
vətəndaşlığı, onların funksiyaları, funksiyalarının dayandırılması qaydası,
diplomatik kuryerlərin persona non qrata elan edilməsi və sair məsələlər
tənzimlənir.
Protokol
diplomatik
kuryerin
şəxsiyyətinin
toxunulmazlığını, müvəqqəti yaşayış yerinin toxunulmazlığını, yerləşmə
dövlətinin cinayət, inzibati və' mülki yurisdiksiyasına qarşı immunitet
hüququnu, həmçinin gömrük və vergi immunitetləri nəzərədə tutur. Bu
Protokolun 17-ci maddəsində nəzərdə tutulmuşdur ki, diplomatik
kuryerlərin müvəqqəti yaşayış yeri toxunulmazdır, lakin gözlənilməz
müdafiə tədbirləri tələb olunan təbii fəlakət və ya yanğın hallarında yerli
hakimiyyət orqanlarının bu müvəqqəti yaşayış yerinə daxil olması üçün
diplomatik kuryerlərin razılığı tələb oluna bilər.
Protokolun layihəsinin 3-cü maddəsində nəzərdə tutulmuşdur ki,
diplomatik kuryerin müvəqqəti yaşayış yerində karantin qaydaları və ya
idxal və ixrac üçün qanunla qadağan olunan predmetlərin olması
haqqında kifayət qədər ciddi əsaslar olduqda ora yerli hakimiyyət
orqanları tərəfindən baxışa və ya axtarışa məruz qala bilər: Belə axtarış və
ya baxış yalnız diplomatik kuryerin iştirakı ilə həyata keçirilməlidir. Belə
axtarış və ya baxış diplomatik kuryerin şəxsi toxunulmazlığını,
diplomatik poçtun mühafizəsini pozmamaq şərti ilə həyata keçirilməlidir.
Belə axtarış və baxış həyata keçirilərkən eyni zamanda diplomatik poçtun
çatdırılmasında gecikmələrə və ya hər hansı maneələrin yaranmasına
səbəb olmamalıdır. Diplomatik kuryer yalnız xidməti immunitetdən
istifadə edə bilər, yəni o yalnız öz vəzifə və funksiyalarını yerinə
yetirərkən bu xidməti immunitetə malikdir.
Beləliklə, diplomatik kuryerə yalnız xidməti immunitetin
verilməsi diplomatik kuryerlərin xaricdə təhlükəsizliyinə təsir etməyəcək.
94
Burada bu Protokolun iştirakçısı olan dövlətlər xidməti
immunitetin yalnız bəzi kateqoriyalı kuryerlərə və poçta aid olması
haqqında razılığa gəlmiş və öz üzərinə bu barədə öhdəlik götürmüşlər.
Beynəlxalq Hüquq komissiyasının mövqeyinə görə bu immunitetlər
gələcəkdə bütün kateqoriyalı kuryerlərə və ona uyğun poçtlara şamil
edilməlidir. Beynəlxalq hüquq komissiyasının bəzi üzvləri hesab edirlər
ki, bu Protokolun bəzi müddəalarının tətbiq edilməsi dövlətlərin
diplomatik təcrübəsində müxtəliflik əmələ gətirə bilər. Nəticədə isə
diplomatik kuryerin və diplomatik poçtun statusunun konsul kuryerləri və
konsul poçtunun statusu səviyyəsinə düşməsinə səbəb ola bilər.
Bütün deyilənlərdən başqa diplomatik nümayəndəlik fıskal
(maliyyə) immunitetinə və gömrük imtiyazlarına malikdir.
Nümayəndəliyin binaları bütün dövlət və bələdiyyə vergi və
rüsumlarından (konkret xidmətlərə görə ödəniş haqqından başqa) azaddır.
Diplomatik nümayəndəlik öz rəsmi istifadəsi üçün ölkəyə gətirdiyi və
ölkədən çıxardığı mallara görə gömrük rüsumları ödəməkdən azaddır.
Diplomatik nümayəndəliyin personalının imtiyaz
və immunitetləri.
Diplomatik nümayəndəliklərin personalının əsas imtiyaz və
immunitetləri bunlardır;
Şəxsiyyət, mənzil toxunulmazlığı, diplomatik toxunulmazlıq, yəni
diplomatik nümayəndəliyin yerli cinayət və mülki mühakimə
aidiyyatmdan kənar olması, habelə onun yerli inzibati hakimiyyətə təbe
olmaması, fıskal (maliyyə) immuniteti, gömrük imtiyazları, diplomatik
nümayəndənin şəxsi mükəlləfiyyətlərdən azad edilməsi aiddir.
Vyana Konvensiyasının 29-cu maddəsində deyilir ki, “diplomatik
agentin şəxsiyyəti toxunulmazdır”. O, heç bir formada həbs edilə, tutulub
saxlanıla bilməz. Yerləşmə dövləti ona lazımi hörmətlə yanaşmalı və
onun şəxsiyyətinə, azadlıq və şərəfinə qarşı ola biləcək qəsdin qarşısını
almaq üçün lazımi tədbirlər görməlidir. Hətta, ölkədən gedən səfir və ya
diplomat haqqında Vyana
95
Dostları ilə paylaş: |