18
Doğrayın siz məni səhradə ilanlar mələşən,
Görəcəksiz, sürünür hər tikəm Allaha sarı.
Sındırın, məndə nə var, sonra baxın hər sümüyə;
Hər çatım, hər sınığım, ey həkim, Allaha sarı.
Bitirin bir talada, sonra qazın mehvərimi;
Uzanar hər budağım, hər köküm Allaha sarı.
Ayırın tellərimi, dörd tərəfə bağlı tutun;
Dartınar hər kəkilim, hər tüküm Allaha sarı.
Məni zərtək alıb ay nuruna siz ərzə atın,
Şeşim Allaha tərəfdi, yekim Allaha sarı.
Eyləyin siz məni şam, sizlərə aydınlıq olum,
Baxın, şeytanə tərəf kim və kim Allaha sarı.
Tutmasın kimsə məni zirvədə qartallara tən,
Bir qərib quşcuğazam, cik-cikim Allaha sarı.
Allah-Təalanın bizə göstərdiyi və buyurduğu doğru
yol şəhərlərarası, qitələrarası, hətta planetlərarası yollara
bən zə məz və ya çox az bənzər. Bu, dünyalararası bir yol-
dur. Başqa sözlə, dünya səfəri deyil, Axirət yolçuluğudur.
Dün ya dan aralanmadıqca bu yolçuluq alınmaz.
Hikmət
Əbu Əli Dəqqaq həzrətlərinin yanına bir adam gələrək
dedi: “Mən sizi ziyarət etmək üçün çox uzaq bölgədən gəl-
dim”. Həzrət buyurdu: “Bu iş yolçuluq edərək dağı-dərəni
aşmaq işi deyildir. Bir addım ataraq nəfsini tərk et, məq sə-
din hasil olsun”.
Haqq yolun uzun, qısalt, qatla,
Qət edilməz bu yol atla.
Qula düşən bir addımdır,
Nəfsdən keç, qəlbə adla.
19
Nəfsi tərk etmək dünyanı tərk etməkdir. Çünki nəfsin
muradı odur. “Siz dünyanı istəyirsiniz, Allah isə Axirəti
istəyir” ( əl-Ənfal, 67). Öz istəyini Onun istəyinə fəda et mə-
yən Axirətini dünyasına qurban vermişdir. Fəqət tərki dün-
ya lıq dünyanın içindən çıxmaqla deyil, dünyanı içdən çıxar -
maqla olur.
Ey könül, Sevdiyimiz aləmlərdə yeganədi.
Aşiq o kimsədi ki, aləmlərə biganədi.
Xaliqin nəzdində o, əhli-məqamdan sayılar,
Amma xəlqin nəzərində dəli, ya divanədi.
Haqqın bir məzəmməti eşq əhlini iflic eylər,
Xalqın min töhmətinə amma mətin, mərdanədi.
Kim Ona versə könül, qəmxar bulmaz Ondan qeyri,
Qəmxarı olmayana külli-aləm qəmxanədi.
Çoxdu eşq əhlinə xam, eşqə də əfsanə deyən,
Ey dil, boş ver ki, deyən xam, deyilən əfsanədi.
Hədis
Allah Rəsulu ( salləllahu aleyhi və səlləm) buyurdu: “Kön-
lünüz doğru olmayınca imanınız doğru olmaz. Diliniz
doğru olmayınca könlünüz doğru olmaz. Əməliniz doğru
olmayınca diliniz doğru olmaz.”
Əshab soruşdu: “Ya Rəsulallah, dürüst olmanın əla-
məti nədir?” O Həzrət ( salləllahu aleyhi və səlləm) buyurdu:
“Darul-qürurdan (dünyadan) əl çəkməkdir və ölüm gəl mə-
dən öncə ölüm üçün hazırlaşmaqdır” buyuraraq bu ayəni
oxudu: “Artıq qəlbləri Allahın zikrinə qarşı qatılaşmış
olanların vay halına!” ( əz-Zumər, 22).
Dünya yükdür. Yolçu yola ən zəruri şeyləri götürər,
özünü yükləməz. Haqq yolda ən öndəkilər yükü ən az olan-
lar, ən arxadakılar yükü ən çox olanlardır. Dünyayla yola
çıxanların şələsi nə ağırdır! Bu dünyanı o dünyaya daşıya
bilməzsən. Ölüm adlanan qapıdan bir iynə belə keçməz!
20
Dünya qəfəs, dünya tabut,
Mülk eləmə bu dünyanı.
Təqva ilə burnunu tut,
Müşk eləmə bu dünyanı.
Kimsə qalmaz bu məskəndə,
Gecikən də, tələsən də.
Qəbrində tir-tir əssən də,
Kürk eləmə bu dünyanı.
Hər zərrənin qorxusu var,
Qulduru var, oğrusu var.
O dünyda sorğusu var,
Yük eləmə bu dünyanı.
İbrət
Salman Farsi ( radiyallahu ənh) ölüm yatağına düşəndə
Səad ibn Əbu Vəqqas ( radiyallahu ənh) onu ziyarət etdi.
Salman hönkür-hönkür ağlayırdı.
Səad “Səni ağladan nədir, ey Əbu Abdullah? Rəsu lullah
səndər razı olaraq vəfat etmişdi” dedikdə Salman bu cavabı
vermişdi: “Vallahi, ölümdən qorxduğum üçün və ya dün-
yaya bağlılığıma görə ağlamıram. Rəsulullah ( salləllahu
aleyhi və səlləm) bizdən söz almışdı. Demişdi ki: “Sizin dün-
yadan nəsibiniz ancaq bir yolçunun azuqəsi qədər olsun”.
İndi isə görürsən, ətrafımda bir sürü qaraltı var...”
Səad deyir: “Baxdım, ətrafımda təmiz bir tabaqdan
başqa bir şey yox idi”.
Ey milyonçu, əcəldən qorx,
Hər qəpiyin hesabı var.
Halaldısa, sorğusu çox,
Harmadısa, əzabı var.
Haqq arayan gec-tez bulur,
Muzd arayan tez yorulur.
Nə paylarsan sənin olur,
Nə toplarsan xarabı var.
21
Hər bir bidət qəbrə layiq,
Hər bir sünnət həşrə layiq.
Hər bir qulluq əcrə layiq,
Yalnız qulun savabı var.
Ey yolçu! Yanında dünyadan oğrunun əliboş, dilən çi-
nin əlidolu qayıda biləçəyi qədər azuqə saxla. Unutma ki,
Axirət dünyadan təkcə irəlidə yox, həm də yuxarıdadır.
Yüklə qabağa getmək zor, yuxarı qalxmaq ondan da zor-
dur. Adi bir əşyanı dəhlizin bu başından o başına daşı-
maqla bir mərtəbədən digər mərtəbəyə çıxarmaq eynimi?
İbrət
Bəyazid Bistami həzrətlərindən sordular: “Bu yüksək
mərtəbələrə nəylə yetişdin?” Buyurdu ki, dünyadan heç
bir şey daşımadan.
Qəm sarayı – dünya budur!
Bu sarayda gülməkdən qorx.
Haqqa sarı gedən udur,
Haqqa qarşı gəlməkdən qorx!
O dünya bar, bu dünya bağ,
Göz yaşıyla o bağa yağ.
Bağban kimi ölməyə bax,
Padşah kimi ölməkdən qorx!
Alim var ki, atəşdədi,
Cahil var ki, behiştdədi.
Hər kim olsan, təqva şərtdi,
Bilməməkdən, bilməkdən qorx!
Adəm oğlu dünyanı çox böyük görür. Çünki gördüyü
budur. Bu dünyadan dəfələrlə böyük olan digər dünyanı
isə görməyib, ancaq haqqında eşidib və “Kimsə o dünyanı
görüb qayıtmayıb” prinsipi ilə hərəkət edərək gördükləri
ilə müqayisədə eşitdiklərinə ciddi yanaşmır. Ayələrdə, bir
Dostları ilə paylaş: |