53
TÜRKİYƏNİN QURU QOŞUNLARI KOMANDANI
İLKƏR BAŞBUĞUN
RƏHBƏRLİK ETDİYİ NÜMAYƏNDƏ
HEYƏTİ İLƏ GÖRÜŞ
Prezident sarayı
6 mart 2007-ci il
Azərbaycan Respublikasının Prezidenti İlham Əliyev
martın 6-da Prezident sarayında Türkiyənin Quru Qoşunları
Komandanı İlkər Başbuğun rəhbərlik etdiyi nümayəndə heyətini
qəbul etmişdir.
Dövlətimizin başçısı Azərbaycan–Türkiyə münasibətlərinin
çox sürətlə inkişaf etdiyini bildirdi. İki ölkə arasında bütün
sahələrdə, o cümlədən hərbi sahədə əməkdaşlığın uğurla həyata
keçirildiyini vurğulayan prezident İlham Əliyev əlaqələrimizin
daha da gücləndiriləcəyinə əminliyini ifadə etdi. O,
ölkələrimizin mühüm beynəlxalq layihələrin həyata keçirilmə-
sində birgə iştirak etdiyini və Azərbaycan–Türkiyə əməkdaşlı-
ğının region üçün böyük əhəmiyyəti olduğunu bildirdi.
İlkər Başbuğ Türkiyənin prezidenti Əhməd Necdət Sezərin
salamlarını Azərbaycanın dövlət başçısına çatdırdı. Ölkəmizə
ikinci dəfə səfər etdiyini bildirən qonaq dedi ki, bu səfərindən
məqsəd Azərbaycanda ordu quruculuğu sahəsində həyata
keçirilən işlərlə tanış olmaq, iki ölkənin silahlı qüvvələri arasın-
da gələcək əməkdaşlıq məsələlərini müzakirə etməkdir.
Prezident İlham Əliyev Türkiyə prezidenti Əhməd Necdət
Sezərin salamlarına görə minnətdarlığını bildirdi və onun da
salamlarını Türkiyənin dövlət başçısına çatdırmağı xahiş etdi.
55
DÜNYA AZƏRBAYCAN VƏ TÜRK DİASPOR
TƏŞKİLATLARI RƏHBƏRLƏRİNİN
I FORUMUNDA
Bakı, Heydər Əliyev adına saray
9 mart 2007-ci il
Martın 9-da Bakıda dünya Azərbaycan və türk diaspor
təşkilatları rəhbərlərinin I forumu başlanmışdır. Əvvəlcə işti-
rakçılar Fəxri xiyabana gedərək türk dünyasının böyük oğlu,
ulu öndər Heydər Əliyevin məzarını ziyarət etmiş, abidəsi
önünə əklil qoymuşlar.
Onlar görkəmli oftalmoloq alim, akademik Zərifə xanım
Əliyevanın da məzarını ziyarət etmişlər.
* * *
Sonra forum iştirakçıları Şəhidlər xiyabanına gələrək Azər-
baycanın müstəqilliyi və ərazi bütövlüyü uğrunda mübarizədə
canlarından keçmiş Vətən övladlarının məzarları üstünə tər
qərənfillər düzmüş, «Əbədi məşəl» abidəsini, şəhid türk
əsgərlərinin şərəfinə ucaldılmış abidəni ziyarət edərək əklil
qoymuşlar.
---------------------------------
Forumda Xarici Ölkələrdə Yaşayan Azərbaycanlılarla İş üzrə Dövlət
Komitəsinin sədri Nazim İbrahimov, Şimali Kiprin lideri Mehmet Əli Tələt,
Qazaxıstanın YUNESKO yanında səfiri, yazıçı Oljas Süleymenov, Litva
Respublikası Hökuməti yanında Milli Azlıqlar və Miqrasiya Departamentinin
Baş direktoru Antanas Petrauskas, Özbəkistan Beynəlmiləl Mədəniyyət
Mərkəzinin direktoru Nasriddin Muhammadiyev, Latviya Respublikasının
İctimaiyyətin İnteqrasiyası üzrə Xüsusi Tapşırıqlar naziri Oskar Kastensin,
Qırğızıstan Respublikasının müşaviri Bolodtbek Şəmşiyev və Estoniya
Respublikasının Milli Münasibətlər naziri Paul Erik Rummo çıxış etdilər.
57
AZƏRBAYCAN RESPUBLİKASININ PREZİDENTİ
İLHAM ƏLİYEVİN
DÜNYA AZƏRBAYCAN VƏ TÜRK DİASPOR
TƏŞKİLATLARI RƏHBƏRLƏRİNİN
I FORUMUNDA NİTQİ
Bakı, Heydər Əliyev adına saray
9 mart 2007-ci il
Hörmətli xanımlar və cənablar!
Əziz qonaqlar!
Mən sizin hamınızı Azərbaycanda ürəkdən salamlayıram,
ölkəmizə, öz doğma vətəninizə xoş gəlmisiniz!
İndi nümayiş etdirilən bu kiçik filmdə bir daha gördük ki,
Türkiyə–Azərbaycan birliyi nə qədər güclüdür, xalqlarımızın
həyatında onun nə qədər böyük əhəmiyyəti var. Biz əsrlər boyu
bir yerdə olmuşuq. Amma müxtəlif tarixi hadisələr bizim
xalqlarımızı bir-birindən ayrı salmışdır. Yalnız Azərbaycanın
dövlət müstəqilliyinin bərpasından sonra bizim birliyimiz də
bərpa olundu və bu gün Türkiyə və Azərbaycan – iki qardaş
ölkə bərabər addımlayır. Biz bütün tədbirlərdə bərabər iştirak
edirik, aramızda ən yüksək fikir birliyi var. Bəlkə də dünyada
ikinci belə ölkələr yoxdur ki, bir-birinə bu qədər bağlı olsun.
Həm xalqların etnik mənsubiyyəti baxımından, həm siyasi
baxışlar, həm də ortaq maraqlar baxımından. Biz elə etməliyik
ki, birliyimiz daha da güclənsin, hərtərəfli olsun. Təbii ki, bu
işlərdə xaricdə yaşayan soydaşlarımızın da fəaliyyəti çox
əhəmiyyətlidir.
Azərbaycan müstəqilliyinin 15 ilini yaşamışdır. Artıq bu kiçik
tarix göstərdi ki, ölkəmiz müstəqil dövlət kimi yaşaya, inkişaf edə
bilir. Əgər biz müstəqilliyimizin ilk illərinə nəzər salsaq görərik ki,
o vaxt ölkəmizin durumu çox acınacaqlı idi. İqtisadi tənəzzül,