İslam Qəribli
100
dünyanın dolaşıq işləri qarşısında aciz qalmışlar? Niyə dünya
zülm və sitəm səhnəsinə çevrilib və nədən “Bu zülmabadi-giytidə
(ədalətsizlik, zülm yeri olan dünyada) fəqət bir namı var ədlin?”.
Çox təəssüflər olsun ki, ədalətin ancaq adı olan bu dünyada
zülmsevənlərin nə qədər desən yarı-yoldaşı, dostu var və
məzlumların halına rəhm eləyən yoxdur. Müstəbidlər “calisi-
ovrəngi-istiğna” (maddi cəhətdən tam təmin olunmuş taxt-tac
sahibi) olmuş, azadlıqsevənlərə isə zillət nəsib olmuşdur. Bütün
bunlara səbəb nədir? Təbii ki, M. Hadi verdiyi sualların heç birinə
konkret cavablar vermir və bütün beytlərin axırında “Bilməm ki?”
sualı ilə oxucusuna müraciət etməklə onu bu barədə düşünməyə
vadar edir. Şeir aşağıdakı düşündürücü misralarla tamamlanır:
Həzaran bülbülan baği-fənada naləpərvərdir,
Nə məcbur eyləmiĢ bunları əfğanə, bilməm ki?
Ürək al qana dönmüĢ, Hadiya, hüzni-ümumidən,
Bu hüznü bəxĢ edən kimdir dilü vicdanə, bilməm ki?
Nəsibi xuni-dildir bu fəna mülkündə əhrarın,
Əcayib bir müəmmamı bu tilsimxanə, bilməm ki?(138, 25).
“Amali-istiqbal, yaxud ümid və əməllər” şeirini(139, 15-16)
şair “Amali-istiqbal” adı ilə “Firdovsi-ilhamat” kitabına da
salmış(377, 76-77) və mətndə bir neçə düzəlişlər də etmişdir.
(Şeirin jurnal variantı və kitabdakı mətn tutuşdurularaq M.
Hadinin sonrakı kitablarına salınmışdır. Bax: 1978, səh.17; 2005,
səh. 31-32). Belə ki, ikinci misranın son sözü “iqbal” “amal”la,
üçüncü: “Sənsən qılan insanları azadeyi-zillət” misrası “Sənsən
bizə hər dəmdə əməlbəxşi-səadət”lə əvəzlənmiş, “Amali-
təfəyyüzlə olur şəxs hünərvər” misrası “Firdovsi-ilhamat”a
düşməmiş, “Vabəstədir ancaq...” sözləri ilə başlanan altıncı beyt
yeddinci beyt kimi, “Ümid eliyor...” sözləri ilə başlanan yeddinci
beyt doqquzuncu beyt kimi, “Ümid olamazsa...” sözləri ilə
başlanan doqquzuncu beyt isə səkkizinci beyt kimi verilmişdir.
Bundan başqa, şeirin on üçüncü: “Dərguş qılın tövsiyeyi-
əqlpəsəndi, Ümmid ilə yazdım sizə atidəki “bəndi””,- beytindın
sonra:
Məhəmməd Hadi və mətbuat
101
“Ümmid ilədir binayi-aləm,
Ümmid mühəndisi-cahandır.
Zövqavəri-fikr, qəlbü candır,
Ümmid ilədir bəqayi-adəm”(139, 31),-
bəndi verilmişdir ki, bu dörd misra jurnalda “Ümid insan üçün pək
böyük və pək müqəddəs olan bir istinadgahi-mətindir” cümləsi ilə
başlayan və nəsrlə yazılmış bir mətnin daxilində getmişdir. Nəsrlə
yazılmış sonluğu məqalə də adlandırmaq olar və “Mabədi var..”
qeydi ilə bitən, “Əbdülsəlimzadə” imzası ilə dərc olunan bu
yazının davamı, əfsuslar olsun ki, sonralar ya yazılmamış, ya da
yazılsa da dərc edilməmişdir. Bu şeirdə və şeirə nəsrlə əlavə
olunmuş sonluqda “Azərbaycan poeziyasında intibah, azadlıq və
hürriyyət mücahidlərindən biri olan M. Hadi”(431, 31) azadlıq,
mədəniyyət barədə düşüncələrini qələmə alır, Xristofor Kolumbun
Amerika qitəsini kəşf etmək üçün bu işə ümidlə girişməsindən söz
açır, “öz romantik təbiətinə uyğun olaraq fransız ədibi Viktor
Hüqodan gətirdiyi sitatlarla”(36, 32) (“Həyat həqiqətlə,
mövcudiyyət də xəyal və ümid ilə qaimdir”, “Mövcudiyyət
vicdandır, vicdan isə ümidlə, əməllə qaimdir” və s.) fikrini
qüvvətləndirir və bu qənaətə gəlir ki:
Ümmid ilə insan ediyor teyyi-mərahil(139, 31).
İnsan ümid ilə mərhələləri keçib başa çatdırır – İ. Q.)
Jurnalın 3-cü nömrəsində M. Hadinin iki şeiri nəşr
olunmuşdur. “Bədaye” adlanan birinci şeir on bir beytdən(140,
39), “Kitabi-həyat” şeiri isə müxəmməs formasında olmaqla on üç
bənddən ibarətdir(141, 41). Jurnalda “Məhəmməd Hadi” imzası
ilə dərc olunmuş bu əsərlərin birincisini “Mənaziri-təbiət”,
ikincisini isə adını saxlamaqla şair kiçik söz və ifadə dəyişiklikləri
ilə “Firdovsi-ilhamat” kitabına da salmış(377, 22-23 , 23-26),
sonrakı nəşrlərdə də şeirlər “Firdovsi-ilhamat”da olduğu kimi çap
olunmuşdur(379, 381; 20, 21-22, 34, 34-36). Birinci əsərdə əsas
mövzu həqiqətin tərənnümüdür. Şairin fikrincə, həqiqət nəzərləri
ilə baxılarsa dünyanın Turi-Sina (Ərəbistan yarımadası ilə Misir
arasında yerləşən Sina yarımadasında Allah ilə Musa
İslam Qəribli
102
peyğəmbərin danışdıqları yer - İ. Q.), ağaclardan bir ağızdan “ya
Mysa” kəlməsinin eşidilməsinin şahidi olmaq olar. Şairə görə,
həqiqət olmayan yerdə rəzalət ayaq tutub yeriyir, bütün
qaranlıqlar, pisliklər hökmfərma olur. “Həqiqi abid olsa, bir
ibadətxanədir aləm”,- deyən M. Hadi bu fikirdədir ki:
Büluri-kainata inikas etdikcə hürriyyət,
Təcəddüdpərvəranə rənglərlə çöhrəpiradır(140, 39).
“Kitabi-həyat” şeiri üsyankar təbiətli şairin fəryad və
şikayətlərinin hələ yaradıcılığının ilk illərində belə poeziyasının
əsas mövzularından biri olduğunu təsdiqləyir. Şeirin ilk bəndində
şair bildirir ki, yer üzü fəlakət səhnəsi, insanlar bəla oxlarına bir
hədəfdir. Göylər, səmalar möhnət oxlarından deşilərək “göz-göz
olmuş” və beləliklə:
Dəsti-cəlladi qəzadan zəxmdar olmuĢ cahan(141, 41).
“Bütün əskiliyə qarşı üsyan edən, haqsızlığa qarşı meydan
oxuyan və ona ilham verən ən ziyadə sərbəstliyi, hürriyyəti
şeirlərində tərənnüm edən”(3, 152) şair bildirir ki, “ürəyi
azadlıqsevərlərin qəlbi kimi yaralı olan” dünya şivən səhnəsidir,
buna səbəb isə “bizdə asari-mürüvvət hissinin yoxluğudur”.
Cahan “bir sürü cəllad əlindən əşkbar olmuş”, tərəqqi istəyənlər
zindan künclərinə atılmış, zaman-zaman haqq deyən dillər
kəsilmiş və:
Dari-zülm olmuĢ cahan, yoxdur ədalətdən niĢan,
Təlxi-abi-cövr ilə aludədir nasutiyan(141, 41).
İşlərin bu qədər qarmaqarışıq olmasının səbəbi, şairin
fikrincə, dünyada həqiqət və hürriyyətin olmamasındadır. “Hüzni-
ümumi çəkməkdən dil yarədir”,- deyən şair bu əqidədədir ki,
oxucusu onu başa düşəcək, dünyanın yaxşılıqlarını yox,
pisliklərini qabarıq şəkildə verdiyi üçün onu qınamayacaqdır.
Əsərdə məqsəd yatmış vicdanları oyatmaq, daşlaşmış ürəkləri
yumşaltmaqdır ki, bu baş ideya şeirin son bəndlərinin birində belə
ifadə olunur:
Xameyi-möhnətnəvisim qəlbi-səngi mum edər,
ġeiri-cansuzum fərəhpərvərləri məhmum edər,
Dostları ilə paylaş: |