Məhəmməd Hadi və mətbuat
103
Qəm nədir dərk etməyən qafilləri məğmum edər,
Bu məsaibgahi-dəhrin nolduğun məlum edər,
Möhnətü yəsü ələmlə dilfigar olmuĢ cahan(141, 41).
Jurnalın 8 dekabrda çıxan dördüncü nömrəsində M. Hadinin
26 beytdən ibarət olan bir şeiri - “Hissiyyati-madəranə və yaxud
övlad bəsləmək hissləri” çap olunmuşdur(143, 55-56). “Firdövsi-
ilhamat” kitabına “Hissiyyati-madəranə” adı ilə daxil edilmiş bu
şeirin mətnində dəyişiklik edilməmiş(377, 69-72) və şeir sonrakı
nəşrlərə
də
“Firdovsi-ilhamat”da
olduğu
kimi
daxil
edilmışdir(379, 381; 24-25, 34-38). Əsas mövzusu ana-bala
sevgisindən ziyadə təlim-tərbiyə ilə bağlı olan bu əsərində şair
analara xitabən deyir:
Biədəb bəsləməyin tiflanı,
Mərifətpərvər edin tiflanı(143, 55).
“Məhəmməd Hadi” imzası ilə çap olunan bu əsərində
cəmiyyətin tərəqqisində anaların, qadınların rolunu yüksək
qiymətləndirən şair daha sonra yazır:
Nə zaman kəsbi-ülum etsə nisa,
Cismi-millət tapacaq onda Ģəfa.
Elmlə ruha müdavat olunur,
Elmlə kəsbi-füyuzat olunur.
Elmdir Ģəmsi-səhabi-əzəli,
Elm tənvir edər afaqi-dili(143, 56).
“Məhəmməd Hadi Şirvani” imzalı mürəbbe formasında 9
bənddən ibarət “İsmət, yaxud əfif olan zatların xəsaili” adlı şeir
jurnalın 18 dekabr 1906-cı il 5-ci nömrəsində çap
olunmuşdur(144, 73-74). “Firdovsi-ilhamat”a(377, 38-39) və
sonrakı nəşrlərə düşən(379, 381; 27-28; 40-41) bu şeirin sonuncu
bəndinin ilk - “Şeiri-rənasında söylər arifi-Rumi” misrasına türk
şairi Ziya Paşanın (1825-1880) aşağıdakı iki misrası ilə verilmiş
izah kitablara düşməmişdir:
Lənət ola ol malə ki, təhsilinə anın,
Ya irz, ya namus, ya qeyrət ola alət(144, 74).
Mövzu və ideyaca jurnalda çap olunan əvvəlki şeirlərdən bir
o qədər də fərqlənməyən bu əsərdə baş leytmotiv insanın öz
İslam Qəribli
104
şəxsiyyətini qorumaq üçün yollar axtarması, yaşayışında kimsəyə
boyun əyməməsidir. Şair bu əqidədədir ki:
Kimsəyə qılmaz təməllüq həqpərəstan nan üçün,
Çaki-ismət eyləməz alicənaban nan üçün,
Abi-nayabi-ifafi tökməz insan nan üçün,
Tərki-məslək eyləməz ərbabi-irfan nan üçün(144, 74).
Mürəbbe şəklində olan “Nidaül-vətən” şeiri(145, 80) M.
Hadinin 1908-ci ildə çıxmış “Firdovsi-ilhamat” kitabına düşsə
də(377,
46),
1920-ci
ildən
sonra çıxan kitablarına
düşməmişdir(379, 381). “Dünyada əməlimiz fəqət emari-
vətəndir” misrası ilə başlanan bu əsərdə vətənin “gülşəni-
rənası”nın solmasından, “vicdani-münafiq” (ikiüzlü, riyakarların
vicdanı) kimi “bünyanı” (özülü, təməli) pozulmuş, cahillərin
fikirləri kimi halı pərişan vətənin vəziyyətindən ürək ağrısı ilə söz
açan şair bildirir ki, bizlərdə vətən məhəbbəti olmayınca, vətənin
şan və şərəfi hifz, himayə edilməyincə nə vətənə, nə də millətə
nicat yoxdur. Laqeydliyimizdən vətəni:
Bir hala gətirdik ki, olub layiqi-nifrət(145, 80).
Şeirin jurnal variantı ilə kitabdakı mətni arasında bir neçə
fərq vardır. Belə ki, on birinci misranın başlanğıcındakı “Bir dəsti-
zülam ilə” sözləri “Zülzali-cəhalətlə” sözləri ilə, 18-ci misranın
son “afətzədəganə” sözü isə “qəflətzədəganə” sözü ilə
əvəzlənmişdir. Şeir belə bir düşündürücü bəndlə tamamlanır:
Bülbül kimi ərbabi-qələm qıldı təranə,
Ġrcayi-nüfuz etmədi qəflətzədəganə,
Təsir eləməz vəhy ola səngdilanə,
Bu nami-bəla calibi-ənzari-vətəndir(145, 80).
Jurnalın 29 dekabr 1906-cı ildə işıq üzü görmüş 6-cı
nömrəsində M. Hadinin üç əsəri çap olunmuşdur. Bunlardan
birincisi “Dəli şairə dəlilər mühibbi olan bir quşun köməyi.
Tövsiyeyi-mürğ” adlı şeir, ikincisi “Müctəhid ağa Təbatəbayi
həzrətlərinin məktubu” sərlövhəli tərcümə, üçüncüsu isə “Bakı
tarixindən bir nəbzə” adlı iri həcmli bir məqalədir. Şeirin altında
“Dəlilər mühibbi”, tərcümənin altında “Mütərcim M. H.”, mə-
Məhəmməd Hadi və mətbuat
105
qalənin altında isə “M. Hadi” imzası qoyulmuşdur(147; 85, 86-86,
86-90) .
Şeir jurnalın birinci nömrəsində (134, 10-11) “Dəli şair”
imzası ilə çap olunmuş “Heyrət, yaxud bir mələyin insanlara
xitabı” adlı on iki beytlik bir şeirə cavab kimi yazılmış, vəzn,
qafiyə və rədif sistemi belə saxlanılmışdır. Yeri gəlmişkən qeyd
edək
ki, “Füyuzat”in birinci nömrəsində çıxan şeri
tədqiqatçılardan biri M. Hadinin şeiri hesab etmişdir ki, bizcə bu
fikir doğru deyil(42, 11). Şeirin M. Hadinin olmadığını sübut üçün
bircə faktı söyləmək yetərlidir. Altıncı nömrədə çıxan şeiri M.
Hadi öz əsəri kimi “Firdovsi-ilhamat”a daxil etmiş(377, 105-106),
birinci nömrədəki şeiri isə məhz başqa müəllifin olduğu üçün
kitabına salmamışdır (Bizcə, şeirin müəllifi Əlı bəy
Hüseynzadədir). M. Hadinin bu əsəri sonrakı kitablara da
salınmış(379, 381; 29, 42), başlıq istisna olmaqla (həm “Firdovsi-
ilhamat”da, həm də sonrakı nəşrlərdə şeirin sərlövhəsi belədir:
“Tövsiyeyi-mürğ”), jurnal mətni ilə kitablardakı mətn tam eynidir.
Xitab eylər bizə bir mürğ, der: insanlar, insanlar!
Nədir tutmuĢ cahanı naləvü əfğanlar, insanlar?!(147, 85), -
beyti ilə başlanan şeir bir quşun insanlara tövsiyəsi, müraciəti kimi
təqdim olunsa da, əslində məqsəd və məram bambaşqadır. M.
Hadi şeirlərində görünməkdə olan ümumi kədər - “hüzni-ümumi”
bu əsərin hər beytində görünməkdədir. Quşun dilindən: “Niyə
insanlıq gülzarını yandırırsınız?” sualı bir qədər sonra acı ittihama
çevrilir. İnsana ədalətlə hökm etmək buyuruğu Allah tərəfindən
verilsə də (“Atılmış guşeyi-nisyanə nəssi-təhkumu bilədl”), o,
buna əməl etmir. Murdar nəfsinə uyaraq qan tökür, məzlumun
haqqını yeyir, bu azmış kimi nə haqq söz, nə də Tanrıdan gələn
fərmanlar ona təsir etmir. İnsanın cahilliyi ucbatıtından “cahan bir
qətlgah olmuş”, o isə hələ də cəhalət eydinə - bayramına qurbanlar
kəsməkdə davam etməkdədir. Bu hala heyvanlar lənət oxuduğu
halda (lənətxandır heyvanlar), insanlar pis əməllərdən əl çəkmir.
Buna səbəb nədir? Səbəb şairin yaradıcılığında təkrar-təkrar rast