3
Giriş
Fəsil 1
1. Giriş
Türk və Müsəlman dünyasında ilk demokratik və dünyəvi dövlət olan
Azərbaycan Respublikası 1918-ci ildə yaradılmışdır. Təxminən 2 il sonra
dövlət Sovet İttifaqının tərkibinə daxil edilmişdir. İttifaq dağıldıqdan
sonra keçmiş Sovet İttifaqından ayrılmış bir çox dövlət kimi Azərbaycan
da 1991-ci ildə yenidən müstəqilliyini bərpa etmişdir.
Azərbaycan Cənub-Şərqi Asiyada, Xəzər dənizinin sahilində yerləşən
ölkədir. Ölkənin böyük hissəsi Asiya qitəsinin, Qafqaz dağlarından
şimalda yerləşən kiçik bir parçası isə, Avropa qitəsinin ərazisinə düşür.
Ən hündür zirvəsi olan Bazardüzü dağı 4,485 m hündürlüyə malikdir.
Şərq sahillərini Xəzər dənizinin suları yuyan Azərbaycan cənubdan İran,
qərbdən
Ermənistan, şimaldan isə Rusiya və Gürcüstanla həmsərhəddir.
Naxçıvan Muxtar Respublikası Ermənistan Respublikası ilə sərhədə malik
anklav əmələ gətirir. NMR qərb istiqamətində Türkiyə Respublikası
ilə kiçik sərhəddə malikdir. 86,600 km² əraziyə malik ölkə Avstriyaya
nisbətən bir qədər böyük, ABŞ-ın Men ştatına nisbətən isə, bir qədər
kiçikdir. Təxminən 9.5 milyon nəfərlik əhaliyə malik Azərbaycanın
paytaxtı Bakı şəhəridir. Ölkənin rəsmi dili olan Azərbaycan dili əhalinin
90%-nin, rus
dili isə, 2%-nin doğma dilidir.
Azərbaycanın iqtisadiyyatı neft və təbii ehtiyatlardan çox asılıdır. Ölkə
inkişafının əsasını təşkil edən ixrac mədaxili də neft hasilatından asılıdır.
Tikinti, bankçılıq və daşınmaz əmlak kimi qeyri-neft sektorlarının da
inkişafda olduğuna baxmayaraq, yəqin ki, neft ixracatı Azərbaycan
iqtisadiyyatının əsas hərəkətverici qüvvəsi olaraq qalacaq. Beynəlxalq
səviyyədə tanınan layihələr olan Bakı-Tbilisi-Ceyhan, Bakı-Supsa və
Bakı-Novorossiysk neft kəmərləri Azərbaycan iqtisadiyyatına və onun
regiondakı strateji mövqeyinə öz töhfələrini verməkdə davam edəcək.
Neft hasilatı və ixracından başqa Azərbaycanı beynəlxalq bazara çıxara
biləcək digər mənbə zəngin qaz ehtiyatlarıdır. Azərbaycan və Avropanı
birləşdirəcək Cənub Qaz Dəhlizi layihəsi istismara verildikdən sonra ölkə
daha bir uzunmüddətli və dayanıqlı gəlir mənbəyi əldə edəcək.
Balıqçılıq və arıçılıq da daxil olmaqla, heyvandarlıq və bitkiçilik üzrə
kənd təsərrüfatını zənginləşdirmək üçün müxtəlif topoqrafik və iqlim
zonalarına malik olmasına baxmayaraq, Azərbaycan qida məhsullarının
xalis idxalçısı hesab olunur. Əsas problem torpaq sahələrinin parçalanması
və təbii ehtiyatların deqradasiyasından qaynaqlanan kənd təsərrüfatında
aşağı məhsuldarlıqla bağlıdır. Bitkiçilik və heyvandarlıq sahələrinin
4
Azərbaycanda orqani̇k kənd təsərrüfati
Hazırkı durum və gələcək inkişaf potensialı
düzgün idarə edilməməsi torpaq eroziyasına, şoranlaşmaya, torpaqda
üzvi maddələrin və torpaq münbitliyinin azalmasına, bataqlıqlaşmaya,
deqredasiyaya və səhralaşmaya səbəb olmuşdur. Bütün qeyd olunan
amillər kənd təsərrüfatının inkişafına və davamlı ərzaq istehsalına zərər
vurmuşdur. Müstəqilliyin əldə olunması torpaqdan istifadə və kənd
təsərrüfatının aparılması praktikalarında struktur dəyişiklikləri labüd
etmişdir. Bu mərhələdə iqtisadi inkişaf baxımından əsas diqqət neft və
qaz mənbələrinə yönəldilmişdir. Kənd təsərrüfatı, hazırda Azərbaycanda
iqtisadi inkişaf, məşğulluğun təmin edilməsi və yoxsulluqla mübarizədə
əsas vasitə hesab olunur. Ümumi Daxili Məhsuldakı (ÜDM) payı hələ
də az olmasına baxmayaraq, iqtisadiyyatın şaxələndirilməsi və ərzaq
təminatının yüksəldilməsi baxımından, əsas diqqət kənd təsərrüfatı
başda olmaqla qeyri-neft sektoruna yönəldilmişdir.
Azərbaycan iqtisadiyyatına töhfə baxımından kənd təsərrüfatı neft və
tikinti sahəsindən sonra üçüncü yeri tutur. ÜDM-dəki payı 8% olmasına
baxmayaraq, ümumi işçi qüvvəsinin 38%-i məhz bu sahədə çalışır.
Müqayisə üçün deyək ki, neft sahəsində ümumi işçi qüvvəsinin cəmi
1%-i çalışır. Kənd təsərrüfatı torpaqlarının 99.8%-i özəlləşdirilmişdir
ki, bunun da, 66.8%-i ailə təsərrüfatlarının, 32.8%-i isə,məhsulu öz
ailə ehtiyacları üçün istehsal edən təsərrüfatların payına düşür. Kənd
təsərrüfatı torpaqlarının yalnız 0.2%-i kənd təsərrüfatı müəssisələrinin
balansındadır. 2.7 milyard ABŞ dolları, yaxud sənaye istehsalının 41%-i
həcmində istehsal gücünə malik kənd təsərrüfatı sənayesi bu baxımdan
həlledici rola malikdir. Əsas sahələr kimi ət və süd məhsullarının emalı,
həmçinin, meyvə və tərəvəz konservləşdirməsini göstərmək olar. Emal
sahəsinin 99.8%-i kiçik və orta-həcmli özəl təsərrüfatların payına düşür
(Anonim, 2011).
Azərbaycan institutlaşdırılmış bazar əsaslı iqtisadi islahatlar baxımından
yalnız məhdud inkişafa nail olmuşdur. Geniş dövlət və özəl sektor
təcrübəsi və strukturlaşmış iqtisadi səmərəliliyin olmaması, xüsusilə də,
qeyri-neft sektorunda uzunmüddətli inkişafın qarşısında duran maneədir.
Qeyri-neft sektorunda intensiv xarici sərmayələrin olmaması və Dağlıq
Qarabağ regionunda münaqişə ocağının hələ də qalması Azərbaycan
iqtisadiyyatının inkişafının qarşısında duran digər maneələrdir. Rusiya və
digər keçmiş Sovet ölkələri ilə zəifləmiş ticarət əlaqələri yenidən inkişaf
etdirilir, eyni zamanda, Türkiyə və Avropa ölkələri ilə ticarət əlaqələri
qurulur. Uzunmüddətli perspektivlər neftin dünya bazarlarındakı
qiymətindən, Azərbaycanın artmaqda olan qaz hasilatı üçün ixrac