201
ciət eləmiş, Ənqa quşu ildırım vasitəsilə öldürülmüşdür, bu-
nunla da onun nəsli kəsilmişdir. Bəzi mənbələrdə Ənqa Simurq
kimi də təsvir edilir.
Əzrail – Ölüm mələyidir, ona Mələkülmövt də deyilir.
Əhmədi-Mürsəl – Məhəmməd peyğəmbəri adlarından
biri.
Əhmədi-Muxtar – Məhəmməd peyğəmbərin adların-
dan biri.
Əsədulla-Əbutalib-Əliyul Mürtəza – Həzrət Əlinin lə-
qəbi.
Əfrasiyab – Turan dövlətinin eradan əvvəl yaşamış ha-
kimlərindən biri olmuşdur. “Şahnamə”də o, Əfrasiyab adlanır,
ancaq türk mənbələrində onun adı Alp-Ər Tunqadır. Qədim
göytürk, Uyğur, Qaraxanilər kimi türk dövlətləri sərkərdələri
ilk hökmdar olan Əfrasiyabın bahadırlıq ənənələrini davam
etdirmişdir. İgid hökmdarın xaincəsinə öldürülməsi türk dünya-
sını sarsıtmış, onun haqqında mərsiyələr, bahadırlıq dastanı ya-
zılmış, bu dastanın müəyyən hissələri “Şahnamə” vasitəsilə gə-
lib bizə çatmışdır. Mərsiyələr isə Mahmud Kaşğarinin “Divani-
lüğət-it-türk” kitabıda saxlanmışdır. Əfrasiyab igidlik, qəhrə-
manlıq, dəyanət rəmzi kimi yad edilir.
Əshabi-Kəhf – Əshab-sahiblər, Kəhf-mağara deməkdir.
Eramızın ikinci əsrində Dəpyanus adlı zalım bir padşahın
zülmündən altı nəfər qaçmış, yolda bir çoban da Qitmir adlı iti
ilə onlara qoşulmuşdur. Onlar bir mağarada sığınacaq tapmış
və üç yüz doqquz il orada yatıb qalmış, ayılanda nə qədər
yuxuda olduqlarını hiss etməmişlər.
Zal – Firdovsinin “Şahnamə” poemasının qəhrəman-
larından birdir. Samın oğlu, Rüstəmin atasıdır. Əsatirə görə?
doğulanda tükləri ağ olmuş, atası onu ana südündən məhrum
etmiş, qurda-quşa yem olsun deyə Elbrus dağına tullamışdır.
Simurq quşu onu tapıb yuvasına aparmış, öz balası kimi
bəsləmişdir. Zal böyüyərək məğlubedilməz bir pəhləvan kimi
şöhrət tapmışdır.
202
Zöhrə – Ulduz adıdır, qədim iranlılar ona Nahid,
romalılar Venera, ərəblər isə Zöhrə demişlər. Bu ulduza el
arasında karvanqıran da deyilir. Qədim İran miniatürlərində
əlində dəf rəqs edən gözəl bir qadın kimi əks etdirib. Şərq
ədəbiyyatında və mifologiyasında eşq ilahəsinin rəmzi kimi
məhəbbətlə tərənnüm olunur. Zöhrə müğənnilərin və musiqiçi-
lərin himayədarıdır. O, həm də Şərqdə geniş yayılmış “Tahir və
Zöhrə” dastanının qəhrəmanıdır.
Zöhhak – “Şahnamə”də zülmkar şah surətidir.
Zümrüd – Əsatiri Simurq quşuna verilən addır. Bu quş
Günəşlə, Ayla əlaqədar kosmik obrazdır. Nağıllarımızda xeyir-
xah qüvvələri təmsil edir, müsbət qəhrəmanların köməkçisidir.
Züleyxa – Misir hökmdarının arvadıdır. O, öz qulu
Yusifə aşiq olmuş, ondan istədiyi cavabı ala bilmədiyi üçün
ona böhtan atmışdır.
Züleyxa və Yusiflə bağlı Tövratda, Quranda çoxlu
hekayətlər mövcuddur. Züleyxanı öz quluna aşiq olmaqda
qınamışlar. Züleyxa Misirin kübar qadınlarını evinə qonaqlığa
çağırmış, yeməkdən sonra süfrəyə portağal-naringi gətirtmiş-
dir. Qadınlar bıçaq alıb meyvəni soymağa başlayarkən Züleyxa
Yusifi otağa buraxmışdır. Rəvayətə görə, bütün qadınlar
Yusifin gözəlliyini görüb özlərini itirmiş və portağal əvəzinə
barmaqlarını kəsmişlər. Sonralar Yusif Misirin hökmdarı ol-
muş, Züleyxa da öz arzusuna çataraq onunla qovuşmuşdur.
İbrahim Xəlil – Babildə doğulmuşdur, peyğəmbərlər-
dən biridir. Deyilənlərə görə Kəbənin əsasını o qoymuşdur.
Onun övladı olmadığı üçün Allaha dua edir, oğlu olduğu
təqdirdə onu qurban kəsəcəyini bildirir. Allah-taala ona bir
oğul bəxş edir. O, övladının adını İsmayıl qoyur. İsmayıl böyü-
yür, ancaq ata oğlunun qurbanlıq olduğunu yadından çıxarır.
Lakin bir gecə peyğəmbər yuxusuna girir. İbrahim Xəlil oğlunu
İsgəndər dağının başına çıxarır, əlinə bıçaq alıb oğlunu kəsmək
istəyir, ancaq bıçaq kəsməyir. O, hirslənib bıçağı daşa çalır, daş
iki bölünür. Allah-taalanın buyuruğu ilə Cəbrayıl bir qoç gətirir
203
və İbrahim Xəlil qoçu qurban kəsir. İndiki qurbanlıq bayramı
isə bu hadisə ilə bağlı yaranmışdır.
İsa – Xristian dininin banisidir, peyğəmbərdir. “İncil”də
yazıldığına görə, o, insanların xilaskarıdır. İsanın möcüzələri
çox geniş yayılmışdır. O, ən ağır xəstələri sağaldır, ölüləri
dirildir, kor doğulanların gözlərinə işıq verirmiş.
İsanın süfrəsi də bir möcüzə kimi göstərilmişdir. Bu
süfrədə behiştdən gələn yeməklər olarmış və heç bir zaman
qurtarmazmış.
İsa Fələstində yeni bir din təbliğ etdiyinə görə, düşmən-
ləri tərəfindən çarmıxa çəkilərək öldürülmüşdür. O, ölümündən
üç gün sonra dirilmiş və mələklər tərəfindən göyün dördüncü
qatına qaldırılmışdır. Deyildiyinə görə, məşhər günündə yeni-
dən dünyaya qayıdacaq və şər qüvvələr üzərində qələbə
çalacaqdır.
İsgəndər (e.n. 356-323) – Makedoniyalı İsgəndər, İs-
gəndər Zülqərneyn (ikibuynuzlu), İsgəndəri-Kəbir və başqa
adlarla məşhurdur. Dünyada şöhrət tapmış məğlubedilməz sər-
kərdədir. Onun qalib yürüşləri bir çox əfsanə, əsatir və nağıl-
ların mövzusu olmuşdur.
Rəvayətə görə o, Xızrla birlikdə zülmətə getmiş, dirilik
suyu içmək istəmişdir. Dirilik suyunu içmək yalnız Xızra qis-
mət olmuşdur.
İsrafil – Dini mənbələrdə İsrafil öz Suru ilə möcüzə
yaradan səmavi şəxs kimi təsvir olunur. Göstərilir ki, qiyamət
qopandan, yer üzü alt-üst olandan sonra İsrafil öz Surunu
çalacaq, sağ qalmış insanları oyadacaq və yer üzündə yenidən
həyat başlanacaq.
Yəqub – Yəhudilərin peyğəmbəridir. Yusif peyğəmbə-
rin atası, İbrahim Xəlil peyğəmbərin isə nəvəsidir. Deyilənə
görə, Yəqubun doğma, ögey on iki uşağı olmuş, ən kiçiyi
Yusifi o, hamıdan çox istəmişdir. Yəhudə onun böyük oğlu,
Yusifin ögey, İbn Yamin (Binyamin) isə onun kiçik oğlu,
Yusifin doğma qardaşıdır.
Dostları ilə paylaş: |