184
Əcəlim yetişib, vədəm dolubdur,
Günlərdə bir gün rəngim solubdur.
Deyəsən ki, Miskin Rəcəb ölübdür,
Xəbər çatsın Dağıstana, mən ölsəm.
AŞİQ OLDUĞUM
Səhərdən çıxdı yollara
Yoluna qurban olduğum.
Gəl bizə bir doğru danış,
Dilinə qurban olduğum.
Soyuq sular axar dağdan,
Qızıl güllər qoxar bağdan.
Əcayib qucmalı çağdan
Belinə qurban olduğum.
Kiçi Aşıq söylər halı,
Sənsiz neylər dünya malı?
Anası bir kaftar qarı,
Qızına qurban olduğum.
* * *
Qax rayonunun İlisu kəndində oldum. Yunis Təhməzovla
görüşdüm. O da aşıq şeirinin vurğunlarından biridir. Yaşı yet-
mişi keçmişdi. Yunis dayı Molla Cümənin böyük bir əlyaz-
masını mənə hədiyyə verdi. Burada Mola Cümənin 200-ə qədər
şeiri toplanmışdır. Şeirlər şəkillər üzrə düzülmüşdür. Bu əlyaz-
ması üzərində uzun illər iş aparmışam. Molla Cümənin şeir-
lərini çap elətdirmişəm. Ancaq əlyazmasının son səhifələrinə əl
vurmamışam. Burada müxtəlif aşıqların şeirləri, dastanlardan
parçalar vardır. Salah, Yusif, Heydər, Şeyda, Şair, Musa, Donu,
Ehraklı Rəcəb, Qax rayonunun Zəyəm kəndindən olan Aşıq
185
Camal, Varxiyanlı Məhəmməd, Tifarqanlı Abbas və digər aşıq-
ların şeirləri, «Abbas və Gülgəz», «Əsli və Kərəm», «Novruz
və Qəndab» dastanlarından mahnılar vardır.
Mən İlisuda Molla Nazim haqqında çox eşitmişdim.
Ancaq şifahi dildən heç bir şeirini əldə edə bilməmişdim. Bu
əlyazmasında Molla Nazimin də bir şeirinə rast gəldim. Həmin
şeirlərdən bir neçəsini də aşağıda verirəm.
İLİSULU MOLLA NAZİM
GÖYÇƏK
Bulut kimi dallarına tökülmüş,
Yarıtan zülflərin sonalı Göyçək.
Həsrətindən əlif qəddim bükülmüş,
Bəyaz mərmər təki xınalı Göyçək.
Xınalı barmağın, ağ əlin nazik,
Cığalı zülflərin sonası nazik.
Sənə əcəb vermiş sığalı nazik,
Sən baxtı canansan, analı Göyçək.
Dodaqların yaqut, mərcan, ləlinən,
Dilin şirin, şəkər, nəbat, balinən.
Nazim ilən bu yar eşqin alinən,
Sən boyat əlləri xınalı, Göyçək.
DÜŞƏN YAR
Yenə bu könlümə saldın bir talan,
Pünhan yerdə gəlib yada düşən yar.
Əzəl mənim ilə danışıb gülən,
İndi yadlarinən bayramlaşan yar.
186
Tiğləyibsən ciyər bağrım dəlginən,
Xəzəl kimi saralıban solginən.
Hara getsən, qayıdıban gəlginən,
Gah bir ərin ölsün, gah da boşan, yar.
Məhəmmədin könlünü dəlməyəsən,
Bu dünyada bir mətləb almayasan.
Günün qara keçsin, heç gülməyəsən,
Həmişə ağlamaq olsun peşən, yar.
GEDİRƏM
Mən bülbüləm, gül düşübdür yadıma,
Vətən sarı çox həvəsdi gedirəm.
Qan ağlaram, kimsə yetməz dadıma,
Yürəgi qaralı, yasdı gedirəm.
Dərin-dərin dəryalara boylama,
Tığ vuruban ciyər bağrun teyləmə.
Çox minnətdi, məni yoldan eyləmə,
Bu qədər danışmaq bəsdi, gedirəm.
Məhəmmədəm, neyçün könlüm almadın,
Gözdən axan qanlı yaşı silmədin,
Dedim, bayramlaşaq, razı olmadın,
Ol səbəbdən səndən küslü gedirəm.
AŞIQ CAMAL
Aşıq Camal Qax rayonunun Zəyəm kəndində anadan
olub, orada da yaşayıb-yaratmışdır. Əsil adı İsadır, Camal
təxəllüsüdür. Anadan olduğu və öldüyü illər belə təxmin edilir
187
(1830-1908). Bizdə olan əlyazmasında onun bir neçə şeiri
vardır.
GƏRAYLILAR
GÜLXANIM
Dünən bir gözəl görmüşəm,
Adı Gülxanım, Gülxanım.
Təzədən dərdə düşmüşəm,
Dərdi bil, xanım, bil, xanım.
Gedib ollam ona nökər,
Nökər olan cəfa çəkər.
Dişi inci, dili şəkər,
Dodaq bal xanım, bal xanım.
Aşıq Camal neylər nazı,
Əlinə götürməz sazı.
Allahım yazaydı yazı,
Mənim ol, xanım, ol, xanım.
QURBAN MƏN OLUM
Gözəllər yola çıxanda
Yoluna qurban mən olum.
Mehrin bizə doğru danış,
Dilinə qurban mən olum.
Soyuq sular çıxar dağdan,
Gül, bənəfşə çıxar bağdan.
Yeriyib qucmalı çağdan
Belinə qurban mən olum.
188
Aşıq Camal neylər malı?
Sənsiz keçər necə halı?
Anası bir halım qarı,
Gülünə qurban mən olum.
QOŞMALAR
GƏLMƏDİ
Gecə-gündüz yollarına baxaram,
Hanı mənim barabarım, gəlmədi.
Məni saldı beylə müşkül hallara
Bietibar biilqarım gəlmədi.
Genə dərdim ziyad oldu bu gündən
Yaramın həsrəti heç çıxmaz candan
Nə səbəbdir, yüzün döndərdi məndən?
Bu insafsız biqərarım gəlmədi.
Şahbazın qəmzəsi mənə yağıdır,
Bundan ayrı bal da yesəm, ağudur.
Aşıq Camal, ağlamağın çağıdır,
Cümləsi gəldisə, yarım gəlmədi.
GEDİRƏM
Seyr elədim İstambulun elini,
Qədəm basıb İsfahana gedirəm.
Yeddi ildir yarın həsrətindəyəm,
Alışıban yana-yana gedirəm.
Mən yarın yolunda çox çəkdim cəfa,
Getməsəm, olaram, şəksiz, bivəfa.
Dostları ilə paylaş: |