171
İçində var fisti-fəsad
Batırdı şeytan Göynüyü. –
Molla Cümə burada o zaman camaatın danışdığına-
yozduğuna işarə edir ki, guya bu, iblis, şeytan işidir. Kənd
əhlindən kiminsə işlətdiyi çox ağır günahların cəzasıdır.
5. Ən yaxın dostlarından biri, cavan yaşlarında vəba xəs-
təliyindən ölən Mustafaya dediyi müxəmməsdir. 1961-ci ilin
oktyabrında Qax rayonunun Qaxbaş sakini, 70 yaşlı Aşıq Rəfi-
nin dilindən yazıya alınmışdır. “Hop-hopnamə”də var.
6. “Hünü” rədifli müxəmməsi 1961-ci ildə Baş Göynük-
də olduğumuz zaman Molla Cümənin nəvəsi Mövlud Əzizov
bizə təqdim etmişdir. Bizdə olan əlyazmalarında da var.
7. Müxəmməsi ilk dəfə 1935-ci ildə H.Əlizadə əlyazması
əsasında çap etdirmişdir.
8. Müxəmməsi ilk dəfə 1935-ci ildə H.Əlizadə əlyazması
əsasında çap etdirmişdir.
DEYİŞMƏLƏR
1.Aşıq Könül ilə deyişmə Molla Cümə yaradıcılığında
mühüm yer tutur. Aşığın dünyagörüşünün, poetik aləminin
açılmasında bu nümunələrin müəyyən dərəcədə əhəmiyyəti
qeyd edilməlidir. Molla Cümənin bu deyişməsi ilə əlaqədar
müəyyən rəvayətlər də dolaşır. Rəvayətin birində deyilir ki,
Dağıstanın Qadrux kəndində Könül adlı bir aşıq olmuşdur.
Aşıq Könül Zaqatalada ikən Molla Cümənin də bu rayonda
olduğunu eşidir və təsadüfən Carbazar kəndindən, çayxanadan
gələn Cümə ilə rastlaşır. Qayda belədir, iki aşıq harda qarşılaş-
sa deyişməlidirlər. Beləliklə, Aşıq Könül deyişmək niyyətində
olduğunu bildirir. Elə oradaca əlavə edir ki, hətta evinə gedib
Molla Cüməni orada tapmamışdır. Onun sorağı ilə buraya gəlib
çıxmışdır.
172
Aşıqlar çayxanaya gəlirlər. Cavanlar Cümədən deyişməyi
xahiş edirlər. Aşıqlar deyişirlər. Molla Cümə üstün gəlir.
Könülü çayxanada qoyub çıxıb gedir. Bu hadisə Aşıq Könülə
bərk təsir edir. O biri tərəfdən cavanlar da Könülü qınayır və
qızışdırırlar. Aşıq Könül təzədən faytona minir və Aşağı
layisqiyə Molla Cümənin evinə gəlir. Böyük sənətkar bir az
bundan əvvəl üstün gəldiyi qonaq kimi qəbul edir və hörmətini
əsirgəmir. Aşıq Könül məqsədini bəyan edəndə Molla Cümə
hər şeyi anlayır və yarışa hazır olduğunu bildirir. Meydan
yenidən qızışır. Bu dəfə də Molla Cümə Aşıq Könülü bağlayır,
adəti üzrə sazını əlindən alır. Aşıq Könül, axı, qonaq olduğuna
görə də Molla cümə sazını ona qaytarır və qonaq kimi də onu
yola salır. Zaqatala əlyazmasının əvvəlində belə bir qeyd
vardır: “Aşıq Könül gəlir Layisqiyə, Molla Cümə ilə deyiş-
məyə, Cümə də çəltik bağlamaqdan gəlirmiş. Elə doqqazın
qabağında da deyişirlər”. Həmin deyişmə əlimizdə olan iki
əlyazmasında vardır. İlisu və Zaqatala əlyazmalarında. Hər iki
əlyazmanı diqqətlə oxuyub nəzərdən keçirmiş, müqayisələr
aparmış və yoxlamışıq. 1961-ci il Balakən rayonunun İtitala
kəndində olarkən Aşıq Məhəmməd Həsrətovun dilindən də
deyişmənin müəyyən hissəsini yazıya almışıq.
2. Molla Cümə ilə Xəyyat Mirzənin deyişməsində Molla
Cüməyə aid olan müxəmməs 1930-cu ildə H.Əlizadə tərəfin-
dən çap etdirilimişdir. Bu həmin müxəmməsin ikinci nəşridir.
3. Qafiyə və təcnis. Şeirin müyyən bəndlərini H.Əlizadə
“Aşıqlar” (1936) kitabında vermişdir. Həmin şeir İlisu, Şəki
əlyazmalarında “Hophopnamə”də vardır. Biz son əlyazması
əsasında çapa hazırladıq. Orada belə bir qeyd verilmişdir:
“Göftarı – Molla Cümə”. Bu da bir qəribə sözdür ki, bir bəndi
qafiyə (qoşma-P.Ə.) bir bəndi təcnis. Oxuyan arif bundan çox
mətləb götürər, amma hərif bir şey qanmaz”. Sonda isə
aşağıdakı sözlər yazılmışdır: “Bu əlli bir bənd qafiyə-təcnisi
oxuyub qədrin bilən ona bir dilcavabı rəhmət oxunsa sağ olsun,
oxumasa...”
173
4. Qızla gəlin. İlk dəfə Nurəddin Hacızadə tərəfindən
toplanmış və “Azərbaycanı öyrənmə yolu” məcmuəsində
(1930) çap edilmişdir. Sonra H.Əlizadənin “Aşıqlar” (1936)
kitabında verilmişdir. Şəki və İlisu əlyazmalarında vardır.
MÜXTƏLİF ŞEİRLƏR
1. Şeir 1961-ci ildə Qax rayonunun mərkəzində Diniyev
Nəbinin dilindən yazıya alınmışdır.
2. “Bax” rədifli şeir 1961-ci ildə Qax rayonunun Zərnə
kəndində Əbdülmənaf Əfəndiyevin dilindən yazıya alınmışdır.
Sonra əlyazması nüsxəsilə tutuşdurulub dəqiqləşdirilmişdir.
3. Şərti olaraq “Vəsiyyət” adlandırdığımız bu şeir çox
maraqlı quruluşa malikdir. Şeir ilk dəfə 1961-ci ildə Qax rayo-
nu İlisu kəndində Cəmil Həmzəyevin dilindən yazıya almışıq.
Əlyazması nüsxələri də vardır.
4. “Hacı Kərimi həcv” şeirini biz 1961-1962-ci illərdə bir
neçə variantını yazıya almışıq, variant fərqləri yoxlanıb dəqiq-
ləşdirilmişdir. Bu şeirin çox qəribə bir tarixi vardır. Bu tarixi
bizə Balakəndə Aşıq Məhəmməd və Şəkinin Aşağı Layısqi
kəndində 100 yaşlı İdris Mustafayev danışmışdır.
Qax rayonunun Qıpçaq kəndində Hacı Kərim adlı bir
varlı olmuşdur. Bu adam çox xəsis, zalım və kinli imiş. Molla
Cümənin xalq içərisində nüfuzu, xususilə həcvləri onu çox
narahat edirdi. Hacı Kərim özünü aşığa üzdən dost kimi
göstərir, camaatın yanında guya ona hörmət etdiyini söyləyirdi.
Ancaq onun bütün bu zahiri hərəkətləri müqabilində aşıqdan
nəinki tərifli şeir, hətta bircə dənə xoş kəlmə də ala bilməmişdi.
Çünki onun daxili simasını Molla Cümə çox yaxşı bilirdi.
Nəhayət, aşıqdan intiqam almaq üçün onun əlinə fürsət
düşür. Cüməni biabır etmək, ona mənəvi zərbə vurmaq qərar-
ına gəlir. Bu əhvalatın şahidi olan İdris Mustafayev nəql edir
Dostları ilə paylaş: |