160
Adın yazıb aça bilməm,
Dost-düşməni seçə bilməm,
Götürüb mən qaça bilməm,
Aparım hayana, Ceyran?
Hacıbalanı gəl dindir,
Dayan qarşımda, bax, güldür,
Kəs başımı, məni öldür,
Ya da yetir cana, Ceyran!
TÜTÜN
Zəhmətinən yer üzünə düzülür,
Yarpağı döşənir torpağa tütün.
Əvvəlinci dib yarpağı üzülür,
Nazınan qoyulur damağa tütün.
Hər növündə ayrı tam, ləzzət olur,
Dostlar arasında keyf-izzət olur,
Qədrini bilməyən kəs bədzad olur,
Qutuynan çıxarsan qabağa tütün!
Al-əlvan açılıb başında güllər,
Ətrini əks edir düzənli çöllər.
Dəstə-dəstə dərir qızlar, gəlinlər,
Oxşayırsan göyçək yanağa tütün!
Toy-məclisində bəxtəvvərlərin,
Yanan ürəklərin eyləyir sərin,
Hacıbala fikri olmasın dərin,
Dönübsən şəkərə, qaymağa tütün.
161
3. Şəki əlyazmasının əvvəlində bu barədə belə bir qeyd
vardır: “Molla Cümə həyatında bir dəfə belə olsun, Mollalıq
etməmişdi. Yazı bilmiş olduğu üçün Molla Cümə deyərək
adlandırmışlar. O, heç bir vaxt mollalara verilən zəkat, xüms və
başqa vergilərə ömründə yaxın durmamışdır. İbaxlıda (Qax
rayonunda kənd) bir molla xalq qarşısında öz dolanacağından
şikayət edir. Molla Cümə bunu eşidir, ona buğda vəd edir.
Molla gəlib aşığın evindən onu aparanda Molla Cümə onu
danlayır. Belə işlərin əsil din xadiminə yaraşmadığını söyləyir.
4. Əlbəttə, biz onun şeirlərini toplamaq üçün ekspe-
disiyaya gedərkən bu məsələ barədə də maraqlandıq və çoxlu
rəvayətlər eşitdik. Onlardan bəzilərini burada gətirmək istə-
yirik. Hələ uşaq vaxtı mən eşitmişdim ki, Molla Cüməni öz
həyətlərində öldürüblər. O zaman həyətə soxulan kənar adam-
lar özbaşınalıq etmiş, aşıq gəlib işə qarışmış, azğınlaşmış şəxs-
lər isə onu öldürmüşlər. Təxminən belə bir rəvayəti biz Qax
rayonunun Zərnə kəndində aşığın yaradıcılığının gözəl bilicisi
olan Əbdülmənaf Əfəndiyevdən də eşitdik: “Arvadı və qızı
çörək bişirirlərmiş, şübhəli adamlar gəlib həyətə doluşur,
qarışıqlıq salırlar. Bu zaman aşıq yaxınlaşır, dözə bilmir,
acıqlanır, o zaman onu doğrayırlar”.
1961-ci ildə Şəkidə ekspedisiyada olarkən internat mək-
təbinin dil və ədəbiyyat müəllimi Cahangir Qazıyevlə tanış ol-
duq. O, bir neçə il idi ki, aşığın şeirlərini toplamaqla,
tərcümeyi-halını öyrənməklə məşğul idi. C.Qazıyev o zaman
“Şəki fəhləsi” qəzetində Molla Cümə haqqında dərc etdirdiyi
bir məqaləsini lütflə bizə təqdim etdi. Məqalədə Molla Cümə-
nin ölümü haqqında aşağıdakı sözlər yazılmışdı. “1920-ci ilin
may ayının əvvəllərində XI Qızıl Ordunun hissələri Şəkidən
Zaqatalaya doğru gedərkən bu yolun ətrafındakı kəndlərin
varlıları orduya müqavimət göstərmək fikrinə düşürlər. Burada
atışma başlayır. Bir çoxu yoxsul kəndli ordu ilə orduya qarşı
mübarizə aparanların arasında qalır. Molla Cümə də yoxsul-
ların yanında idi. Bu vaxtı ona güllə dəyir”.
162
Şəkinin Baş Göynük kəndində olan, sənəti etibarı ilə
feldşer olan Yaqub Əkbərov doğma dayısı Mahmud müəllimin
hekayətini olduğu kimi bizə nəql elədi. Mahmud o zaman
Aşağı Layisqidə müəllimlik edirmiş. Şəki, Zaqatala tərəfdə
qarışıqlıq düşən vaxtı, yəni sovet hakimiyyətinin qurulmasına
qarşı Zaqataladan olan Hafiz Əfəndinin düzəltdiyi müqavimət
və mübarizə zamanı məhz burada, Aşağı Layisqidə qaçhaqaç
düşür (Aşağı Göynük, Aşağı Layisqi Şəki ilə Qaxın arasındakı
yolun üstündəki kəndlərdir). Çünki XI Qızıl Ordunun əsgərləri
ilə Hafiz Əfəndinin adamları arasında atışma olur. Camaat
dağlara çəkilir. Bu zaman Mahmud müəllim də qaçırmış, özü
də atnan qaçırmış. O, danışır ki, atnan gedirdim. Bir də gördüm
ki, Molla Cümə çiynində də saz yol ilə çox sakitcə yeriyir. Nə
qədər təkid etdim, gəl min ata qaçaq, razı olmadı, cavab verdi
ki, mən aşıq babayam, mənə heç kim heç nə eləməz, heç bir
yerə qaçmıram, qonşu kəndə gedirəm. Mən atla uzaqlaşandan
sonra güllə səsi eşitdim. Məncə bu güllə Molla Cüməyə dəydi.
Hər halda bu rəvayətlərdə müəyyən həqiqət ünsürü olsa da,
xalq arasında tez-tez təkrar olunan danışıqlardır. Çoxlu rəva-
yətlər təxminən bu məzmuna gəlib çıxır.
Molla Cümənin qızı Reyhan xanım atasının ölümü haq-
qında belə danışır: “Əvvələn, atam nə özü kənddən çıxıb, nə də
ailəsini heç yerə qaçmağa qoymamışdır. O zaman Aşağı Layis-
qi kəndinin əksər camaatı dağlara qaçmışdı. Ancaq Molla
Cümə ailəsi ilə birlikdə kənddə qalıb. Onda elə bir qənaət olub
ki, sənətkar adamdır, ona heç kim heç nə eləməz”.
Qızı Reyhanın yadında qaldığına görə, axşam çağı kən-
din bir neçə hörmətli adamı ilə birlikdə Molla Cüməni də
evindən aparıblar. Ondan sonra aşıqdan bir xəbər çıxmamışdır.
Bir neçə gündən sonra meşədən meyidi tapılmışdır. Reyhan
xanım dəqiq bilmir ki, atasını çağırıb aparan adamlar kim olub,
onu qəsdənmi öldürüblər, yoxsa səhvən, birdən qarışıqlığamı
düşüb, atışma zamanı ona güllə dəyib və s.
163
Şəkinin Aşağı Layisqi kəndində yaşı yüzə çatmış İdris
Mustafayev (O, Molla Cümənin uşaqlıqdan dostu olmuşdur)
söyləyir ki, doğrudan da, ordunun hücumu kəndə, camaata çox
zərər vurdu. Bu atışma zamanı səhvən çox adamlara güllə
dəydi. Onlar da yaralandı, yaxud da öldülər. İ.Mustafayev
davam edir: “Təxminən mayın axırları idi, nisbətən ara
sakitləşmişdi. Bir də yolun kənarında olan kolluqdan nəsə ağır
bir qoxu hiss edilir, camaat şübhələnir, gedib baxırlar, bir neçə
insan cənazəsi tapırlar. Molla Cümənin meyidi də onların
arasındaydı”. İdris dayı göstərir ki, Molla Cüməni yolun alt
tərəfində şəxsən mən özüm bax bu əllərimlə basdırmışam, özü
də üzü aşağı yatırılmışdı. Bir neçə yerdən qılınc yarası vurul-
muşdu, sifəti tanınmaz olmuşdu, aşığı yalnız paltarından tanı-
dıq. İdris Mustafayev davam edir ki, kəndin bu mötəbər adam-
larını aparan və məhv edən o zaman müxtəlif yollarla hətta
orduya belə soxulan, özü də əslən Şəkinin Səbətli kəndindən
olan ermənilər idilər. Onlar Molla Cüməni tək aparmağa
ehtiyat etmiş, çünki bu, müəyyən şübhə doğura bilərdi, bir çox
işlərin üsütünü açardı, həm də xalq buna qətiyyən icazə
verməzdi. Ona görə də kəndin ən hörmətli adamlarından –
qocalardan bir neçəsini seçmiş və aldadıb aşıqla birlikdə aparıb
tələf etmişlər. Beləliklə, 1920-ci ilin may ayının axırlarında
Molla Cümə vəhşicəsinə öldürülmüş, qəbri də Aşağı Layisqidə,
yolun kənarındadır. Bütün bu dediklərimizi Şəki əlyazmasının
əvvəlində verilən aşağıdakı qeydlərdə tamamlayırıq: “1920-ci
ildə bolşeviklər Nuxaya gəldiyi vaxt Nuxa, Zaqatala arasında
hərbi gedişat sürətləşirdi. Şuranın gəldiyi bütün ətraf kəndlərə
yayılır və bütün bir çox camaat, əhali qaçmağa başlayır. Bu
xəbəri eşidən Aşağı Layisqi kəndindən də olanlar qaçmağa
başlayır, Molla Cüməyə bu xəbər çatınca heç yerə tərpənməyir.
“Getməyin, bu hökumət ancaq biz kəndlilərindir” – deyə hərə-
kət göstərməyir və öz qonşularını da qaçmağa qoymayır.
Bundan bir az qabaq erməni – müsəlman ziddiyyəti olduğu da
məlum idi. Odur ki, həmin Aşağı Layisqi kəndinə gəlmiş
Dostları ilə paylaş: |