Мащмуд аллащманлы
Yüklə 41,6 Mb. Pdf görüntüsü
|
189 Ollam qabağında Bağdad xəlifə, Mən dərdliyəm, yar, dərmana gedirəm. Aşıq Camal yola tikmiş gözünü, Bəndə poza bilməz xuda yazanı. İsfahanda Nadir şahın qızını Puta içib Zərnişana gedirəm. YAXIN GƏL Hərdəm-hərdəm nə daldadan baxarsan, Gözəllər sultanı, xanı, yaxın gəl. Çıx daldadan, boyun görüm, yar, sənin Yandırma oduna məni, yaxın gəl. Hərdəm-hərdəm al qumaşı geyirsən, Eşq əlindən piyaləni içirsən. Eşitdim ki, təzə qəzəl deyirsən, Oxuduğun mahnı hanı, yaxın gəl. Aşıq Camal səni yadlara qıymır, Tutubdur yaxandan, heç əldən qoymur. Uzaqdan baxmaqdan gözlərim doymur, Elimin şöhrəti, şanı, yaxın gəl. QIRMIZI Yenə məni dərdə saldı bu gözəl, Yaşıl çarşab, corabları qırmızı. Onu gördüm, fikrim uçdu başımdan, Qaşı qələm, yanaqları qırmızı. Mən ki gördüm şahlar mehribanını, Tamam alır görənlərin canını. 190 Dərdli idi, kəsdirmişdim yanını, Diş mirvari, dodaqları qırmızı. Ərz eyləyim, sən dərdimi biləsən, Mən fəqirlə danışasan, güləsən. Ağlayıram, göz yaşımı siləsən, Mənə çəkdin bu dağları qırmızı. Könlüm evi uçdu, dözə bilmərəm, Dərdimi Fatmaya yaza bilmərəm. İsayam, bu dərdə dözə bilmərəm, Könlüm istər barmaqları qırmızı. QALMIŞAM Fələk məni saldı qəm dəryasına, Qəmər atlı yüzə-yüzə qalmışam. Gecələr sübhə tək əfqan eylərəm, Göz yaşımı süzə-süzə qalmışam. Gəzirəm elləri dili salamlı, Mənə irast düşməz bir xoşkəlamlı. Sinəsi dəftərli, dəsti qələmli, Dərd tükənməz, yaza-yaza qalmışam. Aşıq Camal deyər xan diyə-diyə, Vücudum saraldı dərd yiyə-yiyə. Məcnun təki «a Leyli» diyə-diyə Bu dağları gəzə-gəzə qalmışam. 191 AŞIQ RƏCƏB OLSUN Mənim könlüm pərişandır, Doldur piyaləni, doldur, Ədalət xana ərz olsun. Dəsdim bu canında boldur. Gəlmiyəndən yaralıyam, Yanaqları qızıl güldür, Dərdə, dərmana ərz olsun. Çeşmi məstanə ərz olsun. Dərdin saxlaram ölüncə, Sidqinən sevmişəm mərdi, Saralıb bənzim solunca. Neylərəm yatan namərdi? Əcəl piyalə dolunca Qayğulu Rəcəbin dərdi Cümlə insana ərz olsun. Ali sultana ərz olsun. DE GƏLSİN (Hurinin dilindən) Məndən xəbər apar butam Rəcəbə, Baxmasın dağlarda qara, de, gəlsin. Vaxtlı-bivaxt mənim gözüm yoldadı, Əglənməsin, şanlı yara de, gəlsin. Aşıqlar can qoyur bablı babına, Qəndim-şəkər axar dil-dodağına. Mən də mail oldum eşq kitabına, Bülbül isə ahı-zara, de, gəlsin. Bülbül deyər, bağda gülşən itibdir, Avara düşmüşəm, məskən itibdir. Əli sazlı cavan oğlan itibdir, Ciyər olu həzar para, de, gəlsin. 192 Bir dərdə düşmüşəm, tapılmaz dərman, Yarəb, harda qaldı həkimi-loğman? Başına döndüyüm, eylə bir ehsan, Bəlkə, bu dərdimə çarə de, gəlsin. Gecə-gündüz çəkdiyim əzabdır? Yarı görmək kisvə qılan savabdır. Huri deyər, sevdigim aşıq Rəcəbdir, Gizlin deyil, var, aşkardı, de, gəlsin. SEVDİGİM Nə ovqatsız səfər oldu, bilmədim, Yollar mənə yaman oldu, sevgilim. Külək qalxdı, qar-qar əsdi, sovruldu, Çün gədiklər duman oldu, sevdigim. Sevdiyim yadıma düşdü o vaxtı, Sərasər bağrıma xançallar taxdı. Göy guruldayıb, ildırım çaxdı, Dünya axır zaman oldu, sevdigim. Sinəmə çəkmisən dügünü, dağı, Gözdən axan yaşın qandı fərağı, Gah çökür qaranlıq, gah dolu yağır, Axdı sellər, ümman oldu, sevdigim. Bir yanı bəladı, bir yanı qara, Cəhənnəm desələr, cəhənnəm dara. Ol xudam göndərdi fərağın mənə, Cəbrayıl güman oldu, sevdigim. Dilim ahu-fəğan edərdi mənim, Gözüm yaşı sel tək gedərdi mənim. 193 Xəstə Rəcəb deyər, budur dərmanım, Əgdi qəddim, bükdü belim sevdigim. OLMUŞ Qazılar canımda arzuman qalmış, Mənim yarım əğyarinən yar olmuş. Gözlərim qan-yaş tökmüş, bidad eyləmiş, Həmişə dilimdən ahu-zar olmuş. Cavan ölmüş, məni atəşə salmış, Atmış peykan oxu, bağrımı dəlmiş. Tiğa almış əlinə, gərdanə çalmış, Necə qanlar etmiş o xun-xar olmuş. Sinən təzə yağmış bəyaz qar imiş, Qoynundakı yumru-yumru nar imiş. Çünki qələm yazmış beylə var imiş, Mənsur təki çəkmiş məni dar olmuş. Cünun olmuş canın fəda eyləmiş, Dürlü yarım məni gəda eyləmiş. Qəsdi durmuş, məni cüdu eyləmiş, Yurdundan oynatmış dərbədər olmuş. Rəcəb çox Huriyə iltica etmiş, Gözləmiş yolları, gəlməmiş batmış. Məni bəgənməmiş, sən ona getmiş, Görüm o da məni təki kor olmuş. Müdriklərin dediyinə görə, Aşıq Rəcəb Azərbaycanda fəaliyyət göstərdiyi kimi, Molla Cümə də tez-tez Dağıstan ellərinə gedərək məclislər aparmışdır. Bizim qənaətimizə görə, bu iki böyük sənətkar bir-birilə görüşmüş, hətta çox yaxın olmuşlar. Təsadüfi deyildir ki, Aşıq Rəcəb vəfat edəndə Molla Yüklə 41,6 Mb. Dostları ilə paylaş:
|