198
Axsaq Laçın Molla Cüməyə xəbər göndərir ki, oğluma toy
edirəm, arzum budur ki, toyu sən çalasan, ona görə də heç kimə
söz vermə və kənddən də çıxma, bu günlərdə ismarışı alan kimi
gələrsən. Molla Cümə ona inanır və oturub evdə gözləyir.
Ancaq günlər keçir, heç bir xəbər-ətər çıxmır. Bir gün Molla
Cümə yanında da şagirdləri Şəkiyə gəlir. Qulağı çalır ki, Axsaq
Laçın toyunu eləyib qurtarıb. Toya Şəkinin Səbətli kəndindən
Aşıq Dülgəroğlu çağrılıb. Dülgəroğlu milliyyətcə ermənidir,
ancaq şeirlərini azərbaycanca qoşub, sazda da çox gözəl çalıb-
oxuyur.
Aşıq həcvlərində varlıları, zülmkarları birbaşa adı və
ləqəbilə tənqid edirdi. “Axsaq Laçın”a da Molla Cümənin kini,
nifrəti həddini aşır. Ona görə də bəzən ədəbdən kənar sözlər
işlədir. Şirəli, axıcı, xalq dilinin poetik zənginliklərindən istifa-
də ilə qoşulan həcvlər az bir zamanda xalqın dilində əzbər
olurdu. Bu həcvlər, əlbəttə, bir sənətkarın şəxsi, necə deyərlər,
giley-güzarı deyildi, el tənəsi, el qəzəbi, el nifrəti idi. Ağsaq-
qalların dediyinə görə, aşığı el içərisində hörmətdən salmaq
istəyən varlılar, dindarlar özləri hörmətdən düşür və el
içərisində bədnam olurdular.
Haqqında bəhs etdiyimiz bu həcvin yaranmasına səbəb
olan bu əhvalat Molla Cümənin tərcümeyi-halı ilə bağlı başqa
bir hadisə ilə əlaqədardır. Onu da buraya əlavə edək. Molla
Cümə Axsaq Laçının onu ələ saldığını, ona mənəvi zərbə
vurduğunu biləndən sonra Şəkidə, şagirdləri də yanında olan
çayxanalardan birinə girir. Demə, toyu çalıb kəndə qayıdan
Dülgəroğlu yolüstü həmin çayxanaya gəlibmiş, camaatın xahi-
şilə çalıb-oxuyurmuş. Bu vaxta qədər Dülgəroğlu Molla Cümə-
ni görməmiş və tanımayırmış, yalnız adını eşitmiş və bir çox
şeirlərini də bilirmiş. Uzaqdan qiyabi surətdə Dülgəroğlu hələ
gənc, istedadlı Cüməyə böyük rəğbət və hörmət bəsləyirmiş.
Bu səbəbdən Molla Cümənin gəlişinə heç məhəl qoymur,
əhəmiyət vermir. Hətta salamını da belə almır. Onun bu
hərəkətindən Molla Cümə təsirlənir. Aşıq Məhəmməd Həsrə-
199
tovdan yazıya aldığımız “Dost gərək əzəl deyə dosta salam
əleyküm” misrası ilə başlayan divanisini oxuya-oxuya məclisə
daxil olur. “Molla Cümə şagirdindən usta salaməleküm” deyə
sözünü tamamlayır. Dülgəroğlu Cüməni tanıyır, yaxına gəlir,
görüşür, şad olur, məclis yenidən qızışır. Cümə maraqlı, təsirli
və hazırcavab sözlərilə tamaşaçıları, hətta Dülgəroğlunu da
valeh edir. Onda Dülgəroğlu təklif edir ki, çayxanada yığılan
bütün nəmər Molla Cüməyə çatsın. Ancaq Molla Cümə heç
nəyə məhəl qoymayıb şagirdlərilə birlikdə çayxananı tərk edir.
Molla Cümənin geniş əhatəli yaradıcılığındakı həcvlərin
nəşri və tədqiqi həm aşığın dünyagörüşünün, həm də XIX əsr
aşıq poeziyamızın bir sıra özünəməxsus xüsusiyyətlərinin
aşkarlanmasında mühüm əhəmiyyəti ola bilər.
1990
Molla Cümənin əsərlərində işlənən tarixi, əfsanəvi, əsatiri
şəxs və obrazlar
Adəm – Tanrının gildən yaratdığı ilk insandır, bəşəriy-
yətin atası sayılır. O, həm də ilk peyğəmbərdir. Allah Adəmdən
sonra Həvvanı yaratmış və hər ikisi cənnətə göndərilmişdir.
Onlar şeytanın sözü ilə qadağan edilən buğdanı yedikləri üçün
cənnətdən çıxarılmışdır.
Bilqeys – Yəmən ölkəsinin qədim Səba şəhərində
hökmdar olmuş, şəhəri abad edərək onu şöhrətləndirmişdir.
Bilqeys Süleyman peyğəmbərin şan-şöhrətini, müdrikliyini
eşitmiş, onu ziyarət etmək üçün Fələstinə gəlmiş, öz məsləkini
qurban verərək peyğəmbərə məhəbbət bağlamışdır. Bilqeysin
Süleymanla məhəbbət macəraları bütün Şərqə yayılmışdır.
Bilqeysin adı məhəbbət, sədaqət rəmzi kimi hədislərdə, qədim
hekayətlərdə və başqa mənbələrdə çəkilmişdir.
200
Bubbu quşu – nağıllarda olan Hüd-hüd (şanapipik)
quşudur. Ona Süleymanın quşu da deyilir. Çünki bu quş guya
Süleyman peyğəmbərlə Bilqeys arasında xəbər aparıb gətirir,
Bilqeysin sirlərini açırmış.
Qaf – Əfsanəvi Simurq quşunun yaşadığı ehtimal olu-
nan dağın adıdır. Belə bir mülahizə də var ki, Qaf Qafqaz
dağıdır.
Qarun – Əsatirlərdə həddindən artıq dövlətli və həm də
xəsis bir surət kimi təsvir olunur. Eramızdan əvvəl yaşamışdır.
Əvvəllər çox yoxsul olan Qarun yəhudilərin peyğəmbəri Musa-
nın vasitəsilə böyük mal-dövlət sahibi olmuşdur. Qarun mal-
dövlətindən zəkat verməkdən boyun qaçırdığı üçün Musanın
bədduası ilə guya bütün sərvəti ilə diri-diri yerə batmışdır.
Qara daş – Kəbədə göydən gəlmiş olan müqəddəs bir
daşdır, ziyarətçilər mütləq onu öpməlidirlər.
Davud – Süleyman peyğəmbərin atasıdır. Davudun o
qədər gözəl səsi var imiş ki, oxuyanda bütün heyvanlar, quşlar
toplaşıb onu dinlərmişlər.
Zəm-zəm – Kəbənin yanında bir su quyusudur. Müsəl-
manların əqidəsinə görə onun suyu müqəddəsdir.
Əyyub – İslam mənbələrinin birində söylənir ki, Əyyub
adında bir peyğəmbər olub. O, çox varlı imiş və Allahı çox
sevirmiş. Məlaikələr onun paxıllığını çəkərək allaha deyir:
“Əyyuba hədsiz var-dövlət verdiyinə görə səni çox sevir”.
Allah Əyyubu imtahana çəkir, əvvəl əmlakını, sonra övladını
və nəhayət sağlamlığını əlindən alır. Bunlara baxmayaraq
Əyyub Allaha olan məhəbbətini daha da artırır, Allah yenə onu
mükafatlandırır. Hətta Əyyubun bədəninə qurd da düşür. An-
caq o yenə də Allaha inamını itirmir.
Ənqa – Əfsanəvi bir quşdur, guya Qaf dağında yaşayır,
tükləri zərif, boynu uzun, üzü insan üzünə bənzəyən və hər bir
heyvandan bir əlaməti olan bir quşdur. Yaşadığı ərazidə nə
qədər quş, heyvan varsa hamısını ovlayırmış, heyvan olmadıq-
da isə insanları aparırmış. Əsatirə görə xalq peyğəmbərə müra-
Dostları ilə paylaş: |