111
Cəbrayılov Şakir Əbiş oğlu
Cəbrayılov Şakir Əbiş oğlu 1941-ci
ildə Bakı şəhərində anadan olmuşdur.
1960-cı ildə Bakı şəhərinin 220 №-li
orta məktəbini bitirmişdir. Həmin il
Azərbaycan Dövlət Universitetinin
“Mexanika-riyaziyyat” fakültəsinin
axşam şöbəsinə daxil olmuşdur. Əmək
fəaliyyətinə 1960-cı ilin sentyabr ayında Bakı Tökmə-
Qablaşdırma zavodunda çilingər şagirdi vəzifəsində
işləməklə başlamışdır. Azərbaycan Dövlət Universitetini
1968-ci ildə bitirdikdən sonra bir müddət Bakı şəhərinin 234
№-li orta məktəbində fizika-riyaziyyat müəllimi işləmişdir.
Ş. Ə. Cəbrayılov öz elmi fəaliyyətinə 1969-cu ilin aprel
ayında Az.ETKTİ və Tİ-də kiçik elmi işçi vəzifəsində
işləməklə başlamışdır. 1970-ci ildə institutun əyani aspiran-
turasına daxil olub Moskva şəhərinə ezam olunmuşdur.
1973-cü ildə Ümumittifaq Elmi Tədqiqat Kibernetika
İnstitutunda öz elmi işini başa çatdırıb həmin ildə
M.L.Lomonosov adına Moskva Dövlət Universitetində
"Kənd təsərrüfatı məhsulları istehsalının zonadaxili inkişafı
və yerləşdirilməsinin iqtisadi-riyazi modelləşməsi"
mövzusunda namizədlik dissertasiyasını müdafiə etmişdir.
Namizədlik dissertasiyası müdafiə etdikdən sonra bir
müddət Az.ETKTİ və Tİ-də kiçik elmi işçi və böyük elmi
işçi vəzifələrində çalışmışdır. 1975-ci ildə Azərbaycan SSR
Dövlət Plan Komitəsi yanında ETİİ-də bölmə rəisi
vəzifəsinə təyin edilmişdir. Həmin institutda işlədiyi zaman
112
Ş.Ə.Cəbrayılov planlaşdırmada hesablama işlərinin avtomat-
laşdırılması sisteminin tətbiqi, keçmiş İttifaq səviyyəsində
bir sıra mühüm planlaşdırma məsələlərinin riyazi
modellərinin ilk quruluşunu vermiş, həmin modellərin
işlənməsində zəruri hesab edilən alqoritm və proqramların
tərtibində, onların İttifaq səviyyəsində tətbiqində xüsusi
fəallıq göstərmişdir. 0, 1982-ci ildə Az.ETKTI və Tİ-yə
qayıtmış və orada ASK-da planlaşdırma və idarəetmə
şöbəsinə başçılıq etmişdir.
Yüksək elmi nailiyyətlərinə görə Ş.Ə.Cəbrayılov on
birinci beşilliyin qalibi medalı ilə təltif edilmişdir. 1990-cı
ildə Moskvada Ümumittifaq Xalq Təsərrüfatı Sərgisinin
ASK pavilyonunda "İdarəetmənin mütərəqqi formaları"
mövzusunda keçirilmiş beynəlxalq seminar-müşavirəyə
dəvət olunmuş və orada geniş məruzə etmişdir.
Uzun illər elmi fəaliyyəti və praktiki iş təcrübəsinin
nəticəsi kimi "Bazar iqtisadiyyatına keçid şəraitində
Azərbaycan Respublikası aqrar-sənaye kompleksinin idarə
edilməsinin təşkilati-iqtisadi mexanizminin təkmilləş-
dirilməsi" mövzusunda doktorluq dissertasiyasını başa
çatdırmış, 1995-ci ildə Azərbaycan Dövlət İqtisad
Universitetində müdafiə etmişdir. Ş.Ə.Cəbrayılov bir neçə
monoqrafiya, kitab, tövsiyə, təklif və 100-dən artıq
məqalələrin müəllifidir. Onun xaricdə 23 tövsiyə, təklif və
məqalələri çap olunmuşdur.
Ş.Ə.Cəbrayılov tərəfindən çap olunmuş əsərlərdən
"İttifaq və respublika səviyyəsində kənd təsərrüfatının idarə
edilməsinin təşkili" (1985, Moskva, 2,5 ç.v.); "ASK
sistemində planlaşdırmanın təkmilləşdirilməsinə dair
113
metodiki tövsiyələr" (1987, Moskva, 5,25 ç.v.); "Azərbaycan
SSR-in ASK-nın inkişafının elmi təminatı" (1987, Bakı, II
ç.v.); "Bazar iqtisadiyyatına keçid şəraitində Azərbaycan
Respublikasının ASK-nın idarə edilməsinin iqtisadi
mexanizmi" (1993, Bakı, 19,75 ç.v.); "Yeni təsərrüfatçılıq
şəraitində Azərbaycan Respublikasının rayon ASK-da
struktur yenidənqurmanın iqtisadi-riyazi modelləri" (1993,
Bakı, 15,2 ç.v.); "Bazar iqtisadiyyatı şəraitində Azərbaycan
Respublikasının ASK-nın inkişafının təhlili, proqnozlaş-
dırılması və optimallaşdırılması və optimallaşdırılmasının
iqtisadi-riyazi modelləri" (1994, Bakı, 10 ç.v.); "Aqrar-
sənaye kompleksinin idarə edilməsinin bazar strukturları"
(1999, Bakı, 9,6 ç.v.) və başqalarını qeyd etmək olar. Uzun
müddət AMEA-nın Kibernetika İnstitutunda fəaliyyət
göstərmiş İxtisaslaşdırılmış Müdafiə Şurasının üzvü
olmuşdur.
Rəhbərliyi ilə bir neçə tədqiqatçı dissertasiya müdafiə
edərək, iqtisad elmləri namizədi elmi dərəcəsi almışdır.
114
İbrahimov Eldar Rza oğlu
İbrahimov Eldar Rza oğlu 12 mart 1945-
ci ildə Naxçıvan Muxtar Respublikasının -
Naxçıvan rayonunun (indiki Babək rayonu)
Cəhri kəndində anadan olmuşdur. 1970-ci
ildə Azərbaycan Kənd Təsərrüfatı İnstitu-
tunu, sonra isə Bakı Sosial İdarəetmə və
Politologiya İnstitutunu bitirib. 1980-1985-ci
illərdə Azərbaycan Kommunist Partiyası Naxçıvan Vilayət
Partiya Komitəsində təlimatçı, Naxçıvan MSSR Dövlət Kənd
Təsərrüfatı İstehsal-Texniki Təminat Komitəsinin sədri
vəzifələrində işləmişdir. 1986-1988-ci illərdə Naxçıvan MSSR
Dövlət Aqrar-Sənaye Komitəsinin sədr müavini, 1988-1991-ci
illərdə isə Naxçıvan MSSR Nazirlər Soveti sədrinin birinci
müavini - Dövlət Aqrar-Sənaye Komitəsinin sədri, Vilayət
Partiya Komitəsinin büro üzvü olmuşdur. 1993-1995-ci illərdə
Naxçıvan MR Baş nazirinin birinci müavini, Dövlət İqtisadiyyat
və Planlaşdırma Komitəsinin sədri vəzifələrində çalışıb.
1985-1990-cı illərdə Naxçıvan MSSR Ali Sovetinin deputatı,
1990-1995 illərdə Azərbaycanın xalq deputatı və müstəqil
Azərbaycan Respublikasının 1995, 2000, 2005-ci illərdə üç
çağırış Milli Məclisinin deputatı seçilmiş və Milli Məclisin Aqrar
Siyasət Komitəsinin sədridir.
Respublika Prezidentinin başçılığı ilə nümayəndə heyətinin
tərkibində 1994-cü ildə Çin Xalq Respublikasında, 1996 və
2005-ci illərdə isə Pakistan İslam Respublikasında səfərdə olub.
Parlament nümayəndə heyətinin üzvü kimi müxtəlif ölkələrdə və
beynəlxalq qurumlarda respublikanı layiqincə təmsil edib.
Dostları ilə paylaş: |