124
nun rəsmi opponenti olmuş və hazırda 5 nəfər dissertantın
elmi rəhbəridir. İ. İbrahimov 1993-cü ildən Elmi-Tədqiqat
Kənd Təsərrüfatının İqtisadiyyatı və Təşkili İnstitutunun,
2011-ci ildən isə Azərbaycan Dövlət Aqrar Universitetinin
ixtisaslaşdırılmış müdafiə şurasının üzvüdür.
İslam İbrahimov sözə, şeirə bağlı insandır. O, doğulub
boya-başa çatdığı Tovuzun Əlibəyli kəndinin adını özünə
təxəllüs götürmüşdür. İ.İbrahimov (Əlibəyli) Azərbaycan
Yurnalistlər Birliyinin və Azərbaycan Yazıçılar Birliyinin
üzvüdür. Nəcib poetik duyğuları, hissləri nəğmələşib,
misralara çevrilib və onun «Sevirəm de. . .» (2000), «Unuda
bilmirəm . . .» (2004), «Duyğulu anlarım . . .» (2011) şeirlər
kitabı nəşr olunmuşdur. «Araz» Ali Ədəbi mükafatı, «İlin
vətənpərvər adamı», «Şərəf» və «Qızıl Qələm» mükafatı
laureatıdır. Şerlərinə bəstələnmiş mahnılar tanınmış
mügənnilər tərəfindən oxunur.
İslam İbrahimov həm də publisist məqalələri ilə tanınır.
Onun «Nizami poeziyasında kənd təsərrüfatı», «Səməd
ürəklərdə yaşayır», «Zirvələr oğluyam deyən şair . . .» və s.
məqalələri maraqla qarşılanmışdır.
Maraqlı, mənalı həyat yolu keçən, zəngin elmi axtarışları
ilə seçilən, çoxşaxəli fəaliyyəti ilə vətənə, xalqa iqtisadiyyat
elminin incilərini bəxş edən təcrübəli mütəxəssis, görkəmli
alim, xeyirxahlığı və sadəliyi ilə insanların qəlbinə yol açan
gözəl insan İslam İbrahimov həyatının müdriklik dövrünü
yaşayır.
125
Əhmədov İsa Vəli oğlu
Əhmədov İsa Vəli oğlu 1941-ci il
iyulun 1-də Qazax rayonunun Qaymaqlı
kəndində anadan olmuşdur.
1959-cu ildə Qaymaqlı kənd orta
məktəbini qurtarmışdır. Elə həmin il
Azərbaycan Kənd Təsərrüfatı İnstitu-
tunun “İqtisadiyyat” fakültəsinə daxil
olaraq, 1964-cü ildə oranı bitirmişdir.
İnstitutu bitirdikdən sonra təyinatla Azərbaycan Elmi-
Tədqiqat Kənd Təsərrüfatının İqtisadiyyatı və Təşkili
İnstitutuna işə göndərilmişdir. 1967-ci ilə kimi həmin
institutda kiçik elmi işçi və mühəndis-proqramlaşdırıcı
vəzifəsində çalışmışdır. Elə həmin ildə Ümumittifaq Elmi-
Tədqiqat Kənd Təsərrüfatının İqtisadiyyatı İnstitutunda
İqtisadi hesablamalarda riyazi üsulların və elektron
hesablayıcı maşınların tətbiqi ixtisası üzrə aspiranturaya
daxil olaraq, 1971-ci ildə göstərilən ixtisas üzrə namizədlik
dissertasiyasını müdafiə etmişdir. Aspiranturanı qurtardıqdan
sonra SSRİ Kənd Təsərrüfatı Nazirliyinin Baş Hesablama
Mərkəzinə təyinatla işə göndərilmişdir.
1972-ci ildən 1979-cu ilə kimi Azərbaycan Elmi-
Tədqiqat Kənd Təsərrüfatının İqtisadiyyatı və Təşkili
İnstitutunda “İqtisadi tədqiqatlarda riyazi üsullar” şöbəsinin
müdiri işləmişdir.
1979-cu ildən 2000-ci ilə kimi Azərbaycan Dövlət Kənd
Təsərrüfatı Akademiyasında İdarəetmə və hüquq kafedra-
126
sının müdiri və elmi işlər üzrə prorektor vəzifəsində
işləmişdir.
2000-ci ilin iyunundan Dünya Bankının Kənd
Təsərrüfatının inkişafına Yardım Agentliyində informasiya
xidməti qrupunun başçısı vəzifəsində işləmişdir.
Aqrar-sənaye kompleksinin idarəetmə problemlərinə
dair 200-dən yuxarı elmi əsərin, о cümlədən, 8 monoqra-
fiyanın, 28 kitabçanın, 2 dərsliyin, 6 dərs vəsaitinin
müəllifidir.
Onun rəhbərliyilə 19 nəfər iqtisad elmləri namizədi
hazırlanmışdır.
Əsas tədqiqatları aqrar-sənaye kompleksinin idarə
edilməsi problemlərinə həsr edilmişdir.
1995-ci ildə Birləşmiş Millətlər Təşkilatının sosial-
iqtisadi şurasının məsləhətçi üzvü, Beynəlxalq İnforma-
siologiya Akademiyasının həqiqi üzvü seçilmişdir. O,
Akademiya xəttilə keçirilən "Dünya informasioloqları"
müsabiqəsinin qalibi olmaqla xüsusi diploma layiq
görülmüşdür.
Dövlət Aqrar İslahat Komissiyasının üzvü olmuşdur.
Aqrar islahatların qanunçuluq əsaslarının və hüquqi-
normativ bazasının hazırlanmasında fəal iştirak etmişdir.
Keçmiş SSRİ məkanında idarəetmə sistemi və
idarəetmə sisteminin hüquqi təminatı üzrə keçirilən
seminarlarda, elmi konfrans və simpoziumlarda respub-
likamızı layiqincə təmsil etmişdir.
Bolqarıstan, Macarıstan, İspaniya, Çexiya, Kanada və
Amerika Birləşmiş Ştatlarında, Birləşmiş Millətlər
127
Təşkilatının, Kənd Təsərrüfatı və Ərzaq Təşkilatının
keçirdiyi elmi seminar və simpoziumlarda iştirak etmişdir.
Aqrar islahatların qanunvericilik və hüquqi-normativ
əsaslarını öyrənmək məqsədilə Türkiyə, Fransa, Albaniya,
Almaniya, Hollandiya, İtaliya və Yunanıstanda ezamiy-
yətlərdə olmuşdur.
128
Əhmədov Afət Tərlan oğlu
A.T.Əhmədov 1938-ci il iyunun 15-
də Biləsuvar rayonunda anadan olmuş-
dur. O, 1962-ci ildə S.Ağamalıoğlu
adına Azərbaycan Kənd Təsərrüfatı
İnstitutunun "Kənd təsərrüfatının
iqtisadiyyatı" fakültəsini bitirmiş və
Azərbaycan Elmi-Tədqiqat Kənd
Təsərrüfatının İqtisadiyyatı və Təşkili
İnstitutuna təyinatla işə göndərilmişdir. O, burada kiçik elmi
işçi vəzifəsində fəaliyyətə başlamışdır. 1965-1968-ci illərdə
institutun əyani aspirantı olmuş və 1969-cu ildə iqtisad
elmləri namizədi elmi dərəcəsi almışdır. 1971-ci ildə baş
elmi işçi, 1973-cü ildə institutun elmi katibi, 1975-ci ildə
şöbə müdiri vəzifələrində çalışmışdır. 1980-ci ildə köçürmə
yolu ilə Azərbaycan Kənd Təsərrüfatı Nazirliyində "Kənd
təsərrüfatı elm və təbliğatı baş idarəsinin" rəis müavini
vəzifəsinə irəli çəkilmişdir. 1982-ci ildə doktorluq
dissertasiya işi ilə əlaqədər olaraq, yenidən Az.ETKTİ və Tİ-
yə qayıdaraq şöbə müdiri vəzifəsində çalışmışdır.
A.T.Əhmədov 1996-cı ildə iqtisad elmləri doktoru,
2000-ci ildə isə professor adına layiq görülmüşdür. 1997-
2003-cü illərdə Azərbaycan Respublikası Prezidenti yanında
Ali Attestasiya Komiyassiyasında ekspert Şurasının Üzvü və
elmi katibi olmuşdur.
Kənd təsərrüfatında əmək ehtiyatlarından istifadə;
əməkqabiliyyətli əhalinin məşğulluq problemi; əməyin elmi
təşkili; əməyin stimullaşdırılmasının; mütərəqqi formala-
Dostları ilə paylaş: |