81
şərait yaradır. Səpin üçün ayrılmış qıçaların döyümü zamanı qıçanın
uc hissəsində bakteriyalarla sirayətlənmiş dənlər ayrıca yığılmalıdır.
Toxumluq dənlərin içərisində olan xırda və xəstə dənlər çeşidlən-
məli və kənarlaşdırılmalıdır.
Qarğıdalı dənində olan xəstəliklərə qarşı radikal və səmərəli
mübarizə yolu toxumun dərmanlanmasıdır. Dərmanlama səpinə
2-3 ay qalmış və ya səpinqabağı aparılır. Səpinə qədər dərmanlama
zamanı sərfiyyat norması 0,3-0,4 kq/t miqdarında azaldıla, səpin-
qabağı dərmanlamada isə norma həmin miqdarda artırıla bilər. To-
xumun dərmanlamasında 75%-li Vitavaks (2 kq/t), 2,5%-li Premis
(1,5-2 kq/t) preparatlarından istifadə olunur.
82
KARTOF (Solanum tuberosum L.) BİTKİSİNİN
XƏSTƏLİKLƏRİ
Dünya ədəbiyyatlarından öyrənilmiş məlumatlara görə, kartof
bitkisi üzərində 100-dən artıq müxtəlif mənşəli xəstəlik qeydə
alınır.
Azərbaycanda 2000-2015-ci illərdə aparılan marşrut müşahidə-
ləri, stasionarlarda keçirilən müşahidələr və istehsalçıların təqdim
etdikləri materialların analizi və təhlilləri üzrə qeydə alınmış və
təyin edilmiş xəstəliklər mənşəyinə görə 2 qrupa bölünmüşdür:
1. Qeyri-infeksion və ya fizioloji proseslərin funksional pozun-
tuluğundan, qida çatışmazlığı və ekoloji amillərin təsirindən baş ve-
rən xəstəliklər;
2. Parazitar, infeksion və ya müxtəlif, virus, bakteriya, miko-
plazma və göbələk növləri tərəfindən törədilən xəstəliklər.
Qeyri-infeksion xəstəliklər
Azərbaycanda tərəfimizdən kartof üzərində qeydə alınmış, təsər-
rüfat əhəmiyyəti ilə seçilən, kartof bitkisində məhsul itkisi yaradan
başlıca qeyri-infeksion xəstəliklər aşağıdakılardır:
Şor su stresi
Abşeron bölgəsində quyu və qrunt suları ilə suvarılan qumsal
torpaqlarda yazı isti keçən illərdə kütləvi quruma müşahidə edilir.
Kolun bir hissəsi və ya bütün yaşıl hissə 2-5 gün ərzində tamamilə
soluxur və quruyur (Şəkil 35). Abşeron yarımadasının torpaq-iqlim
şəraiti kartof becərilməsi üçün əlverişli deyil. Suvarma suyunun şor
olması məhsulu tamamilə məhv edir.
Yarpaq kənarlarının yanığı
Xəstəlik Azərbaycanda, əsasən, Cəlilabad rayonunun aran əra-
zilərində bataqlıq yerləri olmuş meşə zolağı torpaqlarda və kalsium-
83
la zəngin Abşeron yarmadasının, dağ, Qobustan, Siyəzən rayonları-
nın qumsal torpaqlarında rast gəlinir. Xəstəliyin əmələ gəlməsinə
səbəb kalium elementinin bitkiyə daxil ola bilməməsi, bununla da
kalium çatışmazlığıdır. Kartofun yarpaqlarının kənarları və bəzən
yarpaq ayasının bütün sahəsində əvvəlcə qırışlar sonradan bu hissə-
lərdə bürünc rəngli ləkələr olan hissələrdə toxumalar məhv olur.
Əvvəlcə aşağı yarus yarpaqları quruyur, sonradan quruma orta və
yuxarı yaruslara keçir. Çiçəkləmədən əvvəl xəstəlik meydana
gələndə, məhsul itkisi yüksək olur, çünki xəstəlik kök yumrularının
əmələ gəlməsinə mane olur (Şəkil 36).
Gövdə və yarpaqların qonur ləkəliyi
Xəstəlik başlıca olaraq qumsal torpaqlarda daha geniş yayıl-
mışdır. Xəstəliyin ilkin əlaməti aşağı yarus yarpaqlarının saralma-
sıdır. Sonradan qurumuş və gövdə üzərində asılı qalmış bu yar-
paqlar müxtəlif saprotrofların qida mənbəyinə çevrilir. Suvarmadan
sonra nəmlənmiş xəstə yarpaqlarda fakultativ parazitlər bitki
üzərinə keçir. Qumsal torpaqlarda humusun zəif olması və su itkisi
yumruların ölçülərinin kiçik olmasına, saxlama zamanı isə tezliklə
quruyub, xarab olmasına səbəb olur. Xəstəlik şiddətləndikcə gövdə-
nin yerüstü hissəsinin aşağı yarusunda qonur ləkəliklər dərinləşir.
Gövdənin eninə kəsiyi zamanı borulaşma və gövdənin parenxima-
sının bərkiməsi müşahidə olunur. Xəstəlik bitkinin düzgün qidalan-
maması, selləmə-suvarma nəticəsində qələvi torpaq metallarının
yuyulması, dəmir və alüminiumun həll olması və həddindən artıq
sorulmasından əmələ gəlir (Şəkil 37).
Kalium çatışmazlığı
Başlıca olaraq qumsal və torflu torpaqlarda müşahidə edilir.
Xəstəliyin əlaməti yumrularda təpə tərəfdən qeyri-konsentrik dairə-
vi ləkəliklərlə görünür. Sonradan bu ləkələr dərinləşərək yaralara
çevrilir. Yaraların ətrafı quru çürüməyə məruz qalır. Xəstəliyə qarşı
vaxtında mübarizə aparılmadıqda 45-50%-ə qədər məhsul ziyan ola
84
bilər. Xəstəliyin əlamətləri müşahidə edilmiş yumrular toxumluq,
saxlanma və uzaq məsafələrə daşınmaya cəlb olunmamalıdır. Xəstə-
lik müşahidə olunan torpaq və bitki analiz olunmuş və makroele-
mentlərdən fosfor və kaliumun kəskin çatışmazlığı aşkar edilmişdir.
Xəstəliyin aradan qaldırılması və sonrakı illərdə bu halla rast-
laşmamaq üçün torpağa makroelementlərin (N, P, K) optimal miq-
darda verilməsi başlıca tədbirlərdən sayılır (Şəkil 38).
Kalsium (Ca) çatışmazlığı
Ca elementi hüceyrədə gec həll olan və ya həll olmayan forma-
da yarpaq və zoğların təpə tumurcuqlarının inkişafında başlıca əhə-
miyyətə malik olan elementdir. Xəstəliyə, əsasən, qumsal torpaqlar-
da rast gəlinir. Torpaq strukturunun pozulması, qumsallıqda uzun
sürən yağmurlar və ya selləmə suvarmadan sonra torpaq yuyulur.
Mənimsənilən Ca, Mg və humusun torpağın dərin qatlarına getməsi
nəticəsində kartofun yerüstü və yeraltı hissələrində qida çatışmazlığı
yaranır. Yarpaqların təpə tərəfdən əvvəlcə saralması müşahidə
edilir. Yarpaqlar kənarlardan yuxarıya doğru əyilir və qayıqvari
forma alır. Ca elementinin kəskin çatışmadığı sahələrdə zoğun təpə
hissəsində olan yarpaqlar narıncı-qırmızı rəng, bəzən açıq-yaşıl rəng
alır (Şəkil 39).
Magnezium (Mg) çatışmazlığı
Mg bitki yarpaqlarının xlorofil dənələrinin tərkibinə daxildir.
Yaşıl kütlənin formalaşmasında yaxından iştirak edən mənimsənilən
Mg
2+
ionu çatmadıqda yarpaqlarda saralma müşahidə edilir. Başlıca
əlamət yarpaqların nekrozu və parenximanın qonurlaşması, sonda
təpə yarpaqlarının qurumasıdır. İlk əlamətlər aşağı yarus yarpaq-
larda, sonradan orta yarusda müşahidə edilir. Xəstəlik qumsal və
zəif gillicəli torpaqlarda müşahidə edilir. Xəstəliyin aradan qaldırıl-
ması üçün (MgSO
4
) maqnezium-sulfat, maqnezium-bromat, dolo-
mit kimi maddələr torpağa verilməlidir.
Dostları ilə paylaş: |