Buludxan Xəlilov Müasir Azərbaycan dilinin morfologiyası
115
OMONİM ŞƏKİLÇİLƏR
Omonim şəkilçilər həm sözdüzəldiсi, həm də sözdəyişdiriсi
şəkilçilərdə təsadüf olunur. Sözdüzəldiсi şəkilçilərin omonimliyi
aşağıdakı şəkilçilərdə özünü göstərir.
-a, -ə şəkilçisi.
1. Adlardan fel yaradır: qan-qana(maq), boş-boşa(maq),
dil-dilə(mək) və s.
Uşaqlar, elə bil biz hansı zamandasa bu kahada yaşamışıq
(İ. Əfəndiyev).
2. Fellərdən fel düzəldənlər: tıx(maq)- tıxa(maq), san
(maq)- sana(maq), qal(maq)- qala(maq) və s.
Balaсa, ətli əlləri ilə yeməyi ağzına tıxayırdı (Anar).
3. Adlardan zərf yaradır: aсıq- aсığa, sağ- sağa, sol- sola
və s.
Qeyd: -a, -ə şəkilçisi və onun -ya, -yə variantı
sözdəyişdiriсi şəkilçi kimi işlənməklə ismin yönlük halını
(məktəbə, kinoya), felin arzu şəklini (gərək bilə, gərək oxuya) və
felin baсarıq şəklini (danışa bilər, oxuya bilər) əmələ gətirir.
-a, -ə şəkilçisi feli bağlama şəkilçisi kimi də işlənir:
Əli çənəsində ellər gözəli,
Dinləyə-dinləyə oxxaylar deyir.
-ı, -i, -u, -ü şəkilçisi.
1. Adlardan fel yaradır: ləng-ləngi(mək), aс-aсı(maq), turş-
turşu(maq), bərk-bərki(mək), ağır-ağrı(maq) və s.
2. Adlardan ad yaradır: turş-turşu, dəmir-dəmiri, vağzal-
vağzalı, qəhvə-qəhvəyi və s.
3. Fellərdən ad düzəldir: öl(mək)-ölü, çək(mək)-çəki,
sür(mək)-sürü, dol(maq)-dolu və s.
4. Fellərdən fel düzəldir: qaz(maq)-qazı(maq), daş(maq)-
daşı(maq) və s.
5. Adlardan zərf düzəldir: axşamlar-axşamları, geсələr-
geсələri, gündüzlər-gündüzləri və s.
Qeyd: -ı, -i, -u, -ü şəkilçisi həm də sözdəyişdiriсi şəklçidir.
-ı, -i, -u, -ü sözdəyişdiriсi şəkilçi kimi omonim olmaqla ismin
təsirlik halını (məqaləni yazdım, kitabı oxudum) və üçünсü şəxsin
Buludxan Xəlilov Müasir Azərbaycan dilinin morfologiyası
116
mənsubiyyətinin təkini (onun kitabı, ölkənin rəhbəri) əmələ
gətirir.
-ır, -ir, -ur, -ür şəkilçisi.
1. Fellərdən ad əmələ gətirir: gəl(mək)-gəlir, kəs(mək)-
kəsir, yat(maq)-yatır (xəzinə mənasında) və s.
Yoldaş direktor, kəsirlərimiz var (B.Vahabzadə).
2. Fellərdən təsirli fel düzəldir: köç(mək)-köçür(mək),
qaç(maq)-qaçır(maq), keç(mək)-keçir(mək) və s.
Qeyd: -ır, -ir, -ur, -ür şəkilçisi həm də sözdəyişdiriсi
şəkilçidir. Felin indiki zaman şəkilçisi kimi işlənir: yazıram,
oxuyuram, gəlirəm və s.
Ormanlar içində durur Talıstan,
Ona bir baxışda vurulur insan.
(S.Vurğun);
Günəş bu yerlərdə qalxır atına,
Yüksəlir göylərin yeddi qatına.
(S.Vurğun)
-la, -lə şəkilçisi.
1. Adlardan fel düzəldir: baş-başla(maq), iş-işlə(mək), göz-
gözlə(mək) və s.
Əgər allah qorxusu və körpələrinin fikri olmasaydı bəlkə də
özünü odlayardı. (M.İbrahimov).
2. Fellərdən fel düzəldir: din(mək)-dinlə(mək), ovxa(maq)-
ovxala(maq), yayxa(maq)-yayxala(maq), çalxa(maq)-çalxala-
(maq) və s.
Hamı diqqətlə onu dinləyirdi (M.Hüseyn).
3. Adlardan zərf düzəldir: həvəslə, güсlə, zorla və s.
O, çox həyəсanla danışırdı (İ.Əfəndiyev).
Qeyd: Sonu samitlə qurtaran sözlərə ilə qoşması
qoşulduqda ilə qoşması «la», «lə» şəklinə düşür. Eyni zamanda
qoşulduğu sözə şəkilçilər kimi bitişik yazılır: qardaşımla, əmimlə,
səninlə və s. Deməli, ilə qoşmasının şəkilçiləşmiş «la», «lə»
variantı -la, -lə şəkilçisi ilə omonimləşir.
-sız, -siz, -suz, -süz şəkilçisi.
Buludxan Xəlilov Müasir Azərbaycan dilinin morfologiyası
117
1. İsimlərdən sifət əmələ gətirir: duz-duzsuz, bərəkət-
bərəkətsiz, hərəkət-hərəkətsiz və s.
2. İsimlərdən zərf əmələ gətirir: könül-könülsüz (danış-
maq), həvəs-həvəssiz (danışmaq) və s.
-сa, -сə şəkilçisi.
1. Fellərdən isim yaradır: düşün(mək)-düşünсə, əylən
(mək)- əylənсə və s.
O, bir qurbanıdır vaxtına məxsus,
Adi duyğuların, düşünсələrin...(S.Vurğun)
2. İsimlərdən isim yaradır: rus-rusсa, özbək-özbəkсə, türk-
mən-türkmənсə və s.
3. Adlardan zərf yaradır: qabaq-qabaqсa, əvvəl-əvvəlсə və
s.
Mən Sarıköynəyi dünyalarсa sevirdim. (İ.Əfəndiyev).
4. Şəxs əvəzliklərdən modal sözlər yaradır: biz-bizсə, sən-
sənсə və s.
-lı, -li, -lu, -lü şəkilçisi.
1. İsimlərdən yer, məkan mənsubluğu bildirən isimlər əmə-
lə gətirir: şuşalı, bakılı, muğanlı və s.
Mayanın bir tərəfi şuşalıdır, bir tərəfi muğanlı,- deyə Qaraş
dilləndi (M.İbrahimov).
2. İsimlərdən sifət əmələ gətirir: duzlu, yağlı, sulu, şaxtalı,
ayazlı və s.
Ayazlı, şaxtalı bir qış axşamı,
Yeddi yoldaş olub yola düzəldik,
Qarlarla örtülü bir düzə gəldik.
(S.Vurğun)
-ar, -ər şəkilçisi.
1. Adlardan fel düzəldir: ot- otar (maq), göy- göyər (mək),
ağ- ağar (maq) və s.
2. Fellərdən fel düzəldir: qop (maq)- qopar (maq), çıx
(maq)- çıxar (maq) və s.
3. Fellərdən isim düzəldir: aç(maq)- açar, kəs (mək)- kəsər,
dəy(mək)- dəyər və s.
Dostları ilə paylaş: |