Йапонийа сяфярнамяси
17
- Təklif realdırmı?
- Əlbəttə. Elə buna görə sizə zəng vurmuşuq.
Səfəriniz bir-iki aydan sonra, fevralın ortaları üçün
müəyyənləşdirilib. Sizin adınıza məktub gələcək.
Mənim adıma ingilis dilində rəsmi məktub gəldi.
Bir neçə gündən sonra 19 dekabr 2008-ci ildə göndərilmiş
həmin məktubun Senday şəhəri Tohoku Universitetinin
Şimal-Şərqi Asiya Tədqiqatları Mərkəzinin professoru
Hiroki Oka tərəfindən rus dilinə çevrilmiş nüsxəsini də
aldım. Beləliklə, mənim adıma yüksək mədəniyyət və
ehtiramla yazılmış eyni məzmunlu də’vətnamədə özündə
yüksək yapon mədəni müraciətini əks etdirən aşağıdakı
mə’lumat və təklif öz əksini tapmışdı:
«Əziz professor Şahin F.Fərzəliyev.
Yaponiyaya gəlmək, «Tarixi ən’ənələr və postsovet
rejimi ölkələrində tədqiqat və təhsil metodlarının yenidən
işlənməsi üzrə tədqiqatlar» mövzusu üzrə bizim elmi-
tədqiqat işimizə öz köməyinizi əsirgəmədiyinizə və
təklifimizi qəbul etdiyinizə görə Sizə öz minnətdarlığımı
bildirmək istərdim.
Mənim adım Oka Hirokidir, Yaponiyanın Tohoku
Universitetinin Şimal-Şərq Asiya Tədqiqatları Mərkəzinin
professoru və bu proyektin rəhbəriyəm. Yaponiya Maarif
Nazirliyinin himayəsi və maddi yardımı ilə 2007-ci ildə
başlayan bu elmi-tədqiqat proyekti Rusiya, Azərbaycan,
Corciya (Gürcüstan – Ş.F.), Özbəkistan və Monqolustan
da daxil olmaqla, sabiq sovet ölkələrinin yaxın keçmişdəki
tarixşünaslıq və təhsil ən’ənələrini öyrənmək və onlara
yardım etmək məqsədi daşıyır. 2008-ci ilin fevralında biz
Monqolustan və Özbəkistanın iki xarici tədqiqatçısı ilə öz
ilk görüşümüzü keçirdik. Bu dəfə isə yuxarıdakı proyekt
Şahin Fazil
18
üzrə Azərbaycan və Corciya tədqiqatçıları ilə görüşmək və
göstərilən mövzunu müzakirə etməklə şərəflənirik.
Burada, hal-hazırda Sizin də’vətinizlə bağlı
sənədlər hazırlığı və viza prosesi reallaşmaq üzrədir. Biz
tezliklə onları Sizə göndərəcəyik.
Siz lütfən öz mühazirənizin adını bizə yollayın.
Həmçinin xahiş edirik ki, mühazirənizin xülasəsini 15
fevral tarixinədək göndərəsiniz. Seminar 2009-cu ilin
fevral ayının 21-də keçiriləcəkdir.
Nəzərinizə çatdırırıq ki, səyahətiniz zamanı sizin
ölkənizlə Yaponiyanın Senday Universiteti arasındakı
mövcud xərclər (expences) tərəfimizdən ödəniləcəkdir.
Xahiş edirik ki, bizimlə əlaqə saxlayasınız.
Səmimiyyətlə Hiroki Oka – Yaponiya Tohoku Universiteti
Şimal-Şərqi Asiya Tədqiqatları Mərkəzi.
Tel./ Fax. 81-22-795-60-83
19.12.2008».
Elə həmin gün Hiroki Okanın başqa bir məktubu da
evimə göndərildi.
Mən bu məktubu günorta vaxtı almışdım.
Axşamüstü poçtalyon dr. Hiroki Okanın başqa bir
məktubunu da evimə gətirdi. İngilis dilində olan məktubda
yazılmışdı:
Hörmətli professor Şahin Fərzəliyev
«Tarixi ənənələrin araşdırılması (dəqiqləşdirilməsi)
və postsovet ölkələrində yeni tədqiqat və təhsil meylləri»
adlı elmi-tədqiqat layihəmizdə bizimlə edəcəyiniz əmək-
daşlığa görə sizə minnətdarlığımızı bildiririk. Bu layihənin
Йапонийа сяфярнамяси
19
həyata keçirilməsində məqsədimiz Rusiya, Mərkəzi Asiya
ölkələri, Gürcüstan, Azərbaycan və Monqolustan da daxil
olmaqla, SSRİ-nin təsir dairəsində olmuş ölkələrdə tarix
və ənənəvi mədəniyyətə dair fikirlərdə yaranan son
dəyişiklikləri öyrənməkdir.
Elmi toplantımız 2009-cu il fevralın 21-də
Yaponiyanın, Senday, Tohoku Universiteti, Kawauchi
Elmi tədqiqat Forumu 4F, tərəfindən Kawauchi Campus-
da keçiriləcək.
Toplantıda bir saatlıq
mühazirə edəcəyinizi
gözləyirik. Təxmini proqramımız belədir:
I mühazirə: Prof. Kiknadze Vasha (Gürcüstan,
İ.Cavaxişvili adına Tarix və Etnologiya İnstitutu) (10:00-
11:00)
II mühazirə: Prof. Shahin Farzaliyev (Azərbaycan,
AMEA Tarix İnstitutu) (11:10-12:10)
Elmi mühazirələr (13:30-16:15)
Prof. Hiroki Oka (Tohoku Universiteti, Şimal-Şərqi
Asiya Tədqiqatlar Mərkəzi)
Prof. Seiichi Kitagava (Tohoku Universiteti,
Beynəlxalq Mədəni Tədqiqatlar Mərkəzi)
Prof.
Takaşi
Kuroda
(Tohoku
Universiteti,
Beynəlxalq Mədəni Tədqiqatlar Mərkəzi)
Prof. Hiroki Takakura (Tohoku Universiteti, Şimal-
şərqi Asiya Tədqiqatlar Mərkəzi)
Müzakirələr (15:45-17:00)
Aşağıda Yaponiyaya viza üçün tələb olunan
sənədləri göndəririk. Zəhmət olmasa konsulluğumuza
gəlib bu sənədləri nəzərə yetirməklə viza üçün ərizə verin.
Konsulluğun ünvanı belədir:
Yaponiyanın Azərbaycandakı səfirliyi
Şahin Fazil
20
Hyatt Tower III, 6
th
floor, Izmir str/ 1033? Az 1065,
Baku, Azerbaijan
Tel: (994-12) 4907818-19
Fax: (994-12) 4907818-20
Azərbaycandan Sendaya təyyarə bileti idə daxil
olmaqla bütün xərclər bizim hesabımıza ödəniləcək.
Ümidvarıq ki, sizinlə Sendayda görüşəcəyik. Əgər
hər hansı sualınız olsa Prof. Hiroki Oka ilə əlaqə saxlayın
(E-mail:
okah@cntas.tohoku.ac.jp
, Tel/fax. 81-220795-
6083)
19 dekabr 2008-ci il
Hörmətlə: CNEAS Tohoku universiteti, Prof.
Hiroki Oka
Bu məktubu aldıqdan sonra mən təklif olunan
mövzu üzrə Yaponiyada edəcəyim mühazirə haqqında
düşünməyə başladım. Demək, postsovet rejimi ölkələrində
mövcud olmuş tarixi ənənələr və oradakı tədqiqat və təhsil
metodlarının yenidən işlənməsi üzrə tədqiqatlar.
Özü də, əlbəttə, yeni tədqiqatlar. Mən bu mövzu
üzrə, İnstitutumuzun «Sovet dövrü» şö’bəsinin müdiri
tarix elmləri doktoru, professor Adil Məmmədov, habelə
tarix
üzrə
fəlsəfə
doktoru
İlqar
Niftəliyevlə
məsləhətləşdim (Azərbaycanın orta əsrlər tarixi ilə, əgər
daha konkret desəm XV-XVI əsrlərdə mövcud olmuş
dövlətlərimizin tarixi ilə məşğul olduğum üçünbu sahədə
mütəxəssis alimlərmizlə məsləhətləşmədən müasir tarix
üzrə elmi məqalə yazmaq və onu Yaponiya kimi bir
ölkədə alimlərin nəzərinə yetirmək, əlbəttə, mənə çətin
olardı). Belə bir mühazirə hazırlamağı qərara aldım: «XX
əsr Azərbaycan milli tarixşünaslığı: tarixi təcrübə və
Dostları ilə paylaş: |