|
![](/i/favi32.png) Mm-dən mühazirələrin kanspektiFiltrasiyaedici əleyhqazlar
|
səhifə | 44/79 | tarix | 23.12.2023 | ölçüsü | 1,17 Mb. | | #157440 | növü | Mühazirə |
| Mm-d n m hazir l rin kanspektiFiltrasiyaedici əleyhqazlar daha geniş yayılmışdır (ümumi hərbi, mülki və s. üçün). Bu əleyhqazlarda iş prinsipi bundan ibarətdir: insanın həyat fəaliyyəti üçün vacib olan hava filtrlərdən keçərək zərərli qazlardan təmizlənir.
İzoləedici əleyhqazlar - insanın tənəffüs orqanlarını xarici havadan tam təcrid edir. Tənəffüs oksigen balonlarında olan qazın hesabına təmin edilir. Bu cür əleyhqazlardan havada çox yüksək konsentrasiyada zəhərli qazlar olduqda istifadə olunur.
Respiratorlar - tənəffüs orqanlarını radioaktiv maddələrdən, bakterial mühitdən, zərərli tüstülərdən qorumaq məqsədilə istifadə olunur.
Dəriqoruyucu vasitələrin təyinatı dərinin açıq nahiyələrinə, paltarlara, ayaqqabılara və ləvazimata maye halda olan zəhərli maddələrin, infeksion xəstəliktörədicilərin, radioaktiv maddələrin düşməsinin qarşısını alır. Dəriqoruyucu vasitələr də iki cür olur: tabel və əlaltı. Tabel vasitələri filtrasiyaedici geyim komplektindən ibarətdir. Əlaltı vasitələr isə radioaktiv tozlardan qorunmaq üçün əlavə önlük, başlıq bərkidilmiş adi paltar da ola bilər.
Mühazirə 13 Mülki müdafiənin mühafizə qurğuları
Mülki müdafiənin əsas məqsədlərindən biri əhali və obyektlərin kütləvi qırğın silahlarının təsirindən qorumasıdır. Bu işi təşkil etmək məqsədilə kompleks tədbirlər keçirilməli, əhalinin yaşaması və fəaliyyəti, mülki müdafiə obyekt və qüvvələrinin durmadan işləməsi üçün maksimum əlverişli şərait yaradılmalıdır. Bu məqsədlərin həyata keçirilməsi ilə mülki müdafiə rəisi, qərargah rəisi və müxtəlif xidmət rəisləri məşğul olmalıdır.
Mülki müdafiənin əsas qorunma üsullarından biri mühafizə qurğularından istifadə edilməsidir. Sülh və müharibə dövrlərində baş vermiş fövqəladə hadisələr zamanı əhalinin sığınacaqlarda yerləşdirilməsi, xüsusən, böyük şəhərlərdə əhalinin təxliyə edilməsi mümkün olmadıqda çox böyük əhəmiyyətə malikdir. Təkcə müharibə dövründə deyil, sülh şəraitində də baş verən fövqəladə hadisələrdə əhalinin sağlamlığı və həyatının qorunmasında mülki müdafiənin sığınacaq və qurğularından istifadə olunur. Mühafizə qurğuları fondunun daha da mükəmməlləşdirilməsi, gücləndirilməsi aşağıdakı yollarla həyata keçirilir:
- sosial-məişət obyektlərinin yerləşdirilməsi üçün şəhərin yeraltı ərazisinin istehsal, təsərrüfat məqsədilə və əhalinin mühafizəsi üçün istifadə edilməsi;
- zirzəmi və digər yeraltı ərazilərdəki sığınacaqların daha da yararlı olması məqsədilə mükəmməlləşdirilməsi üçün qeydiyyata alınmalı, insanların mühafizəsi üçün metropolitenlərdən də istifadə edilməlidir;
- təhlükəli dövrlərdə çatışmayan qurğular daha sadələri ilə əvəz edilməlidir.
Son dövrdə əhalinin mühafizəsi üçün mülki müdafiə vasitələrindən istifadə edilməsi qaydası yaradılmışdır. Sülh dövründə bunlardan təşkilatların, müəssisələrin, idarələrin ehtiyacları üçün istifadə edilir. Kimin hansı mülkiyyətində olmasından asılı olmayaraq onların balansında mülki müdafiə vasitələri varsa onları qorumalı və lazım olduğu zaman 12 saat müddətində yararlı vəziyyətə gətirməlidirlər.
Mühafizə qurğularının təsnifatı aşağıdakı xüsusiyyətlər üzrə aparılır:
- təyinatına görə – texnika və mülkiyyətin qorunması, əhalinin mühafizəsi (sığınacaqlar, radiasiya əleyhinə sığınacaqlar və sadə sığınacaqlar);
- konstruksiyasına görə – açıq tipli ( xəndək, boşluq), qapalı tipli (sığınacaqlar və radiasiya əleyhinə sığınacaqlar ).
Əhalini müharibə və sülh dövründə fövqəladə hallar zamanı baş verən təhlükələrdən qorumaq üçün kollektiv mühafizə üsullarından istifadə olunur (mülki müdafiənin mühəndis qurğuları). Əhalinin müharibə və sülh dövründə ən etibarlı mühafizə vasitəsi sığınacaqlardır.
Dostları ilə paylaş: |
|
|