Mühazirə 13 Sığınacaqlar və onların xüsusiyyətləri
Sığınacaqlar - insanların qəzalardan, sülh şəraitində baş verən təbii fəlakətlərdən, həmçinin müharibə dövrü üçün xarakterik fövqəladə hadisələrin, kütləvi qırğın silahlarının və müasir adi qırğın vasitələrinin zədələyici amillərinin təsirindən qorunmsı üçün nəzərdə tutulub. Sığınacaqlar zəhərləyici maddələrdən və bakterial vasitələrdən, yanğın zamanı alovun, yüksək hərarətin və zərərli qazların təsirindən, partlayışlar zamanı dağıntılardan mühafizə edir. Bir sözlə mühafizə qurğuları insanları FH bütün zədələyici amillərindən qoruyur.
Sığınacaqlarda həyat fəaliyyətini təmin edən qəza-xilasetmə dəstələri və əhalini mühafizə edən məntəqələr yaradılır: ərzaq, ilkin tibbi yardım, zədələnmiş insanları toplayan, qızdırıcılar və s. Sığınacaqlar sülh dövründə yaradılır və lazım olan vasitələrlə təchiz olunur. Şəraitə uyğun olaraq sığınacaqlar binaların daxilində və kənarda quraşdırıla bilər. Daxili sığınacaqlara binaların tərkibində olan zirzəmilər, xaricdə quraşdırılanlara isə binadan kənarda quraşdırılmış sığınacaqlar aiddir.
Sığınacaqların təsnifatı. Sığınacaqlar aşağıda sadalanan xüsusiyyətlərə görə təsnif olunur:
- mühafizə xüsusiyyətlərinə görə;
- yerləşdiyi əraziyə görə;
- həcminə görə;
- tikilmə müddətinə görə;
- konstruksiya materiallarına görə;
- elektrik enerjisi ilə təminatına görə;
- filtr-ventilyasiyaların quraşdırılmasına görə;
- sülh şəraitində istifadə məqsədinə görə.
Həcminə görə sığınacaqlar:
- kiçik həcmli – 150 insan yerləşən;
- orta həcmli – 150 – 600 insan yerləşən;
- böyük həcmli – 600-dən çox insan yerləşə bilər.
150 nəfərdən az tutumu olan sığınacaqlar o halda inşa edilir ki, həm yerli şərait, həm də iqtisadi nöqteyi-nəzərdən sərfəli olsun. 1000-2000 nəfərlik tutumu olan sığınacaqlar inşa edilərkən tikintinin adambaşına düşən maya dəyəri aşağı düşür.
Yerləşdiyi əraziyə görə:
- tikililərdə (binanın zirzəmi və baza hissələrində);
- metropolitendə və dağ-mədən faydalı qazıntılarının istismarından sonar qalan boşluqlarda;
- binadan kənarda yaradılanlar (bina tərkibində olmayanlar).
Tikildiyi yerinə görə:
binanın zirzəmilərində;
binanın xaricində tikilənlər.
Tikilmə müddətinə görə:
- sülh dövründə əvvəlcədən tikilənlər;
- boş meydançalarda yaradılan tez tikilən sığınacaqlar.
Tikilmə materiallarına görə:
- meşə materiallarından tikilənlər;
- daş divarlılar;
- dəmir-betonlu (dəmir-betonlular tikiliş növünə görə bir neçə növə bölünür: dəmir-monolit, monolit və dəmir. Geniş yayılan dəmir-monolitlərdir);
- parçadan tikilənlər.
Enerji təminatına görə:
- şəhərin elektrik xətləri ilə təmin olunanlar;
- şəhərin elektrik xətləri ilə yanaşı, həm də qoruyucu mənbə ilə təmin olunanlar.
Filtr-ventilyasiyaların quruluşuna görə:
- sənaye istehsallı ventilyasiya qurğuları;
- sənaye istehsalına uyğunlaşdırılmış sadələşdirilmiş ventilyasiya qurğuları.
Sığınacaqların hava təminatı, adətən, 2 rejimdə həyata keçirilir:
- təmiz vertilyasiya (I-ci rejim);
- süzücü vertilyasiya (II-ci rejim);
- atom elektrik stansiyaları yerləşən rayonlarda, kimyəvi təhlükəli sahələrdə, mümkün subasma və yanğın zonalarındakı sığınacaqlarda tam və ya hissəvi təcrid rejimi (III-cü rejim) tətbiq edilir.
Sülh dövründə sığınacaqlar bir neçə məqsədlə istifadə olunur:
- istehsalat müəssisəsi kimi;
- anbar kimi;
- təmir briqaların və növbətçi personalın istifadəsi üçün;
- müalicə müəssisələrinin yardımçı məntəqəsi kimi;
- idman, qarajlar, dayanacaqlar, nəqliyyat və piyada tunnelləri kimi.
Yerin altında quraşdırılmış (zirzəmi) sığınacaqlar ona görə etibarlıdır ki, onlar yerin alt qatında davamlı materiallarla tikilir, giriş və qəza çıxışları ilə təmin olunur. Zəhərli havanın içəri daxil olmaması üçün sığınacaqlar hermetikləşdirilir, filtr-ventilyasiya qurğuları quraşdırılır və işlək hala gətirilir. Insanlar sığınacaqlarda bir neçə müddət, hətta dağılmış sığınacaqlarda belə bir neçə sutka qala bilərlər. Yanğınlardan, kimyəvi maddələrdən etibarlı mühafizə sığınacaqları əhatə edən bölgədən, sanitar-gigiyena qaydalara əməl etməkdən və sığınacaqlarda təmin olunmuş şəraitdən asılıdır.
Ən geniş yayılmış sığınacaqlar istehsal, ictimai və yaşayış binalarının zirzəmi və yarımzirzəmilərində quraşdırılmış sığınacaqlardır. Həmçinin binalardan kənarda da sığınacaqlar quraşdırılır. Belə sığınacaqlar üstdən və yanlardan torpaqla örtülür. Onlara yeraltı keçidlər və qalereyalar, metropoliten və dağ oyuqları daxildir.
Şəkil 3.1. Sadə sığınacaqlar
Sığınacaqlar əhalinin çox yerləşdiyi ərazilərdə quraşdırılmalıdır. Bütün sığınacaqların giriş və çıxış qapıları işarələrlə göstərilməlidir. İnsanların daldalanmasının təşkili, planlaşdırılması və təminati müvafiq mülki müdafiə xidmətlərinə həvalə edilir. Onlar əsas planlaşdırma sənədlərini hazırlayır, sığınacaq və daldalanacaqlara gedən yolları müəyyənləşdirir və yerləşdiriləcək insanlara bu barədə məlumat verirlər. Sənədləri tərtib etməzdən əvvəl qurğuların yerləşdirilməsi və müdafiə sistemləri dəqiqləşdirilir. Qurğuların çatışmazlığında isə digər zirzəmi və yeraltı əraziləri sığınacaq kimi istifadə edirlər. Tez salınan sığınacaqların yerini dəqiqləşdirirlər, əhalinin sayına uyğun sığınacaqlar hazırlanır və insanların fəlakət və ya hər hansı bir silahdan qorunması üçün tez yerləşdirilməsi planlaşdırılır. Müdafiə qurğularına insanların qəbul edilməsi, istismar qaydalarına düzgün əməl olunması, insaneların oradan çıxarılması və digər bu kimi işlərin yerinə yetirilməsi üçün xüsusi dəstə yaradılır və bu dəstələrin şəxsi heyəti sığınacaqlara nəzarət edir.
Müasir dövrdə müasir kütləvi qırğın silahlarından insanların mühafizəsinin effektivliyi yalnız qoruyucu qurğuların birbaşa insanları qəbul etməsinə hazır olması və texniki sazlığı, mürəkkəb avadanlıqlarla təmin edilməsi ilə deyil, eyni zamanda qoruyucu qurğularda xidmət göstərən heyətin hazırlığından da asılıdır. Qoruyucu qurğuların xidmət heyəti hökmən müxtəlif ekstremal hallarda düzgün qərar qəbul etməyi bacarmalı və yaranan problemləri vaxtında, düzgun aradan qaldırmalıdır.
Sığınacaqlarda insanların yerləşdirilməsinin planlaşdırılması, təşkili və təminatı müvafiq xidmətlər tərəfindən həyata keçirilir. Onlar planlaşdırıcı sənədləri işləyib hazırlamalı, qoruyucu qurğuları sexlər, şöbələr, iqtisadi obyekt xidmətləri arasında paylaşdırmalı, sığınacaqlara giriş marşrutlarını qeyd etməli, sığınacaqlardakı qaydalarla istifadəçiləri tanış etməlidirlər.
Sənədlərin hazırlanmasından öncə sığınacağın tutumu və mühafizə qabiliyyəti dəqiqləşdirilməlidir. Onlar azlıq təşkil edəndə mühafizəedici xüsusiyyətə malik zirzəmilərdən və digər tikililərdən istifadə nəzərdə tutulmalıdır. Tez qurula biləcək sığınacaqların tikintisi üçün yerlər müəyyən edilməlidir. Sığınacaqlar əhalinin sayına uyğun olaraq bölüşdürülür. Bu zaman onların yaxınlıqdakı evlərdə yaşayan insanlarla dolması nəzərdə tutulur. Başlıca prinsip – sığınacaqlara daxil olmaq üçün az vaxt sərf etməkdir.
Sığınacaqlarda əsas və köməkçi otaqlar olur. Əsas otaqlarda insanlar yerləşdirilir. Köməkçi otaqlara süzücü-vertilyasiya qurğuları yerləşən otaq, sanitar qovşağı, dəhlizlər, ehtiyat elektrik sistemi, dizel qurğusu otağı aiddir, böyük ölçülü sığınacaqlarda isə ərzaq məhsulları və tibbi məntəqələri üçün otaqlar da olur.
Müasir sığınacaqlar – texniki cəhətdən mürəkkəb mühəndis qurğuları, ölçmə cihazları ilə komplektləşdirilmişdir. Sığınacaqlar sığınan insanları nüvə silahının zədələyici amillərinin təsirindən, müasir adi qırğın vasitələrinin, həmçinin, bakterial, zəhərləyici maddələrin təsirindən, güclü təsirli zəhərləyici maddələrin, nüvə enerjisi qurğularında qəzalar zamanı parçalanan radioaktiv maddələrin təsirindən və yanğınlar zamanı yanma məhsullarının və alovun təsirindən mühafizə edir.
Sığınacaqlar aşağıdakı tələblərə cavab verməlidir:
- insanları nüvə, kimyəvi və bakterial silahların zədələyici amillərindən, yanğının, təbii fəlakətlərin təhlükələrindən qorumalıdır.
- subasmayan ərazilərdə tikilməlidir.
- giriş və çıxış qapılarının hər ikisi eyni dərəcədə mühafizə qabiliyyətinə malik olmalıdır, onların dağılması zamanı isə qəza çıxışı olmalıdır.
- çıxışlarda tezalışan və güclü tüstülənən materiallar olmamalıdır.
- binanın hündürlüyü 2,2 metrdən az və döşəmənin yerdən hündürlüyü 20 sm-dən az olmamalıdır.
- filtr-ventilyasiya qurğuları havanı zərərli maddələrdən təmizləməli və sığınacaqdakı insanları normalara uyğun təmiz hava ilə təmin etməlidir.
Sülh dövründə sığınacaqları istehsal və təsərrüfat məqsədilə istifadə etdikdə onların mühafizə xüsusiyyətləri nəzərə alınmalıdır. Belə sığınacaqların fövqəladə hal rejiminə keçirilməsi üçün mümkün qədər az vaxt sərf edilməlidir.
Sığınacaqda daldalananlar müvafiq sanitar-texniki şərtlərlə təmin olunmalıdır. Bu şərtlərin əsas göstəriciləri aşağıdakılardır:
- karbon qazının miqdarı (1 – 3%);
- tempratur (23 – 31C0) ;
- havanın nəmliyi (70 – 80%);
Sığınacağın daxili avadanlıqları əsas və köməkçi otaqlardır.
Əsas təyinatlı otaqlar:
- insanların yerləşməsi üçün otaqlar;
- idarəetmə heyəti üçün;
- tibbi yardım otaqlarından ibarətdir.
Yardımçı təyinatlı otaqlar:
- filtr-ventilyasiya otaqları;
- sanitariya qovşağı;
- giriş və çıxışlar;
- tibb otağı;
- ərzaq üçün anbardan ibarətdir. Sığınma otaqları (SO) – əhalinin daldalanması və yerləşdirilməsi üçün bir, iki və üçmərtəbəli taxtlar (narlar) yerləşdirilən otaqlardır.Bir insan üçün sığınacaqda döşəmənin 0,5 m2 və 1,5 m3 daxili həcmi nəzərdə tutulur. Sığınacaqlarda qorunanların rahatlığı üçün lazımi şərait yaradılmalı, yəni uzanmaq üçün ikimərtəbəli taxtlar, aşağıda isə oturacaqlar düzəldilməlidir. Oturacaqların sayı qorunanların 80%-i, taxtların sayı isə – ikimərtəbəli variantda – 20%-i, üçmərtəbəli variantda – 30%-i əhatə etməlidir. Oturacaqların ölçüsü 45×45 sm, taxtların ölçüsü – 0,55×1,8 metr olur. Sığınacaqda adamların daldalanması üçün nəzərdə tutulan otaqların ayrı-ayrılıqda sahəsi 25 m2-dən, ümumi sahəsi 75 m2-dən az olmamalıdır. Adamların daldalanması üçün otaqların sahəsi ikimərtəbəli taxtlar qoyularkən hər adam üçün 0,5 m2, üçmərtəbəli taxtlar qoyularkən isə 0,4 m2 hesablanmalıdır. Otaqlarda daxili havanın həcmi hər adam üçün ən azı 1,5 m3 olmalıdır.
Otaqların hündürlüyü onlardan sülh dövründə nə məqsədlə istifadə ediləcəyindən asılıdır, lakin döşəmədən üst örtük konstruksiyaların ən aşağı hissəsinədəki məsafə 3,5 m-dən çox olmamalıdır. Otağın hündürlüyü 2,15 m-dən 2,9 m-dək olan hallarda ikimərtəbəli taxtlar, bundan artıq olanda isə üçmərtəbəli taxtlar qoyulmalıdır. Sülh dövründə istismar şəraitinə görə hündürlüyü ən azı 1,85 m olan binalardan da sığınacaq kimi istifadə etməyə icazə verilir. Belə hallarda burada ancaq birmərtəbəli taxtlar qoyul- malıdır. Daldalanan adamların oturması üçün oturacaqlar hər adam üçün 0,45 x 0,45m, yuxarı mərtəbələrdə uzanma yerləri isə 0,55m x 1,8 m hesabı ilə müəyyən edilir. Taxtların döşəmədən hündürlüyü birinci mərtəbədə 0,45 m, ikinci mərtəbədə – 1,4 m və üçüncü mərtəbədə 2,15 m olmalıdır. Ən yuxarıdakı mərtəbədən otağın üst örtüyünə (tavanına) və ya tavan konstruksiyasının aşağı hissəsinədək məsafə ən azı 0,75 m götürülür.
Daldalanan adamların oturması və uzanması üçün yerlər stasionar ola bilər (sığınacaq tikilərkən düzəldilir). Əgər belə taxtlar sığınacaqlardan sülh dövründə təsərrüfat ehtiyacları üçün istifadə etməyə maneçilik törədirsə, onları sığınacağı mühafizəyə hazırlıq rejiminə keçirərkən düzəldirlər. Sığınacağın geniş sahəli otaqlarını 50-75 nəfərlik otaqlara bölmək lazımdır.
Dostları ilə paylaş: |