Artavazd isə məcburiyyət qarşısında öz ordularını Antoninin ixtiyarına verdi.
Antoninin sərkərdələri ona məsləhət gördülər ki, bu böyük qüvvə Ermənistan
ərazisində qışladıqdan sonra yazda Atropatenaya hərəkət edib oranı işğal etsin
299
.
Antoni isə ordu başçılarının bu təklifini rədd edib təcili Araz çayını keçib
Atropatena ərazisinə daxil oldu. Antoninin bu səfərində Statyanusun başçılıq etdiyi
10 min nəfərlik əsgəri qüvvə və qalauçuran alətlər də olmuşdur. Antoni
Atropatena hökmdarlarının qış iqaməti yerləşən Verranı hücumla aldıqdan sonra
Fraaspaya tərəf hərəkət etməyə başladı.
Geridə qalan Statyanusun orduları parfiyalıların ağır zərbələrinə məruz
qalıb darmadağın edilməklə özü də onlar tərəfindən öldürüldü
300
. Antoni
Atropatenanın dağlıq hissəsi ilə deyil; düzənliklərdə Fraaspa şəhərinə yaxınlaşırdı.
Fraaspa coğrafi cəhətdən möhkəm və əlverişli strateji mövqeyə malik olan ərazidə
yerləşirdi. Son zamanlarda müasir Təxt-e Süleymanda aparılan arxeoloji qazıntılar
nəticəsində atropatenalıların yay iqaməti yerləşən Fraaspa şəhərinin yerində
möhkəm bir qalanın divarları aşkar edilmişdir. Antoni atropatenalılar tərəfindən
məhz bu qala ətrafında məğlub edilmişdir. Antoni Fraaspa şəhərini mühasirə etdi.
Şəhərin uca hasarlarına yaxınlaşdıqda mühasirə alətlərini, mancanaqları özü ilə
gətirmədiyinə peşman oldu.
Şəhərin divarları ətrafında çoxlu səngər tikdirdi ki, bəlkə şəhəri
mühasirədə saxlayıb onu fəth edə bilsin.
Yeni hakimiyyətə keçmiş Parfiya şahı IV Fraat böyük bir qüvvə ilə
Statyanusun 10 min nəfərlik ordusunu darmadağın etdikdən sonra Antonini
izləyirdi. Şəhərin Antoni tərəfindən alınması uzanırdı. Havalar get-gedə soyumağa
başlayırdı. Digər tərəfdən Antoninin 100 min nəfərlik ordusunun azuqə ehtiyatı
qurtarmaq üzrə idi. Ermənistan çarına gəldikdə o, şəhərin alınmasının uzandığını
görüb, 16 min nəfərlik ordusu ilə Ermənistana geri qayıtdı.
Ermənistan şahı Artavazd Antoninin bu səfərdə müvəffəqiyyət qazana
bilməyəcəyini əvvəlcədən bilirdi. Ona görə də onun Atropatena üzərinə payız
fəslində hücum etməsi əleyhinə idi. Digər tərəfdən Fraaspa şəhərinin
atropatenalılar tərəfindən möhkəm müdafiə edildiyini və parfiyalıların düzənlikdə
göstərəcəyi hərbi məharəti qabaqcadan dərk edirdi. Nəhayət, Antoni məğlub
edildikdə ölkəsinin gələcək müqəddəratı onu düşündürməyə bilməzdi. Antoni
azuqənin azaldığını nəzərə alıb süvari dəstələrinin bir hissəsini atlarını otarmaq və
piyada hissələrinə azuqə əldə etmək məqsədi ilə Fraaspaya birgünlük yol olan
otlaqlara göndərmişdi. Bu dəstə otlaqlara çatmamış parfiyalıların hücumlarına
məruz qaldı. Parfiyalıların şiddətli ox yağdırmalarını görən Antoni
piyada əsgərlərə
parfiyalılara hücum etmək əmrini vermişdir. Bu zaman parfiyalılar adətləri üzrə
qəsdən qaçmışlar
301
. Bu hadisəni görən Antoni sevinmişdi. Lakin parfiyalılar geri
299
Plutarx. Antoni, XXX, VIII.
300
Yenə orada.
301
Abbaspur Məhəmmədəli şuştəri. Göstərilən əsəri, s. 109.