Müəllim məsələsi yalnız bizim deyil, hər bir millətin ölüm-dirim məsələsidir

Məsləhət görülən ədəbiyyat

1. 
   Əliyev V. Tərbiyəçi hazırlığı prosesində peşə keyfiyyət­lə­rinin forma­laş­dırıl­ması yolları. Bakı: 2010.
   
2. 
   Həmzəyev M. Pedaqoji psixologiya. Bakı: Maarif, 1991.
   
3. 
   Kazımov N. Pedaqoji ustalığın problemləri. Bakı: Çaşı­oğ­lu, 2009.
   
4. 
   Məmmədov F.M., Ələsgərova F.M. Pedaqogikadan mə­sə­­­lə və suallar. Bakı: Maarif, 1993.
   

Məğələ 4. Tərbiyəçinin pedaqoji etikası
Məşğələnin məqsədi: Pedaqoji etika anlayışının mahiyyə­ti­nin açılması, pedaqoji etikanın kateqoriyalarının nələrdən ibarət olduğunun aydınlaşdırılması, pedaqoji etikaya yiyələn­mə­yin yolları və bu sahədə praktik bacarıqlara yiyələnmək üzrə tapşırıqların yerinə yetirilməsi.
Təchizat: plakatlar, işçi vərəqləri, tapşırıq mətnləri və s.
Məşğələnin planı:
I. Nəzəri biliklərin yoxlanılması.
II. Tərbiyəçinin pedaqoji etikasına aid tapşırıqların yerinə yetirilməsi.
III. Pedaqoji taktın düzgün müəyyənləşdirilməsinə aid tap­şı­rı­ğın yerinə yetirilməsi.
Məşğələnin gedişi:
I. Nəzəri biliklərin yoxlanılması:
1) “Etika” və “Pedaqoji etika” anlayışlarının mahiyyəti, uy­ğun və fərqli cəhətləri.
2) Pedaqoji etikanın kateqoriyaları.
3) Pedaqoji taktın funksiyaları və prinsipləri.
4) Pedaqoji etikaya yiyələnməyin yolları.
II. Tərbiyəçinin pedaqoji etikasına aid tapşırıqların yerinə yetirilməsi:
1. Tələbələrlə əvvəlcə pedaqoji etikanın kateqoriyalarına dair müsahibə aparılır: Pedaqoji etika özündə hansı kateqori­ya­ları əks etdirir?
Tələbələrin cavabları dinlənilir və təkrarı çıxmaqla yazı lövhəsində qeyd edilir. Sonra pedaqoji etikanın kateqoriyaları pedaqoji borc, pedaqoji ədalətlilik, pedaqoji vicdan və düzgün­lük, pedaqoji şərəf, pedaqoji avtoritet yazılmış plakat lövhədən asılır. Cavablar müqayisə edilir izahat işləri aparılır.
2. Tələbələr qruplara ayrılır və onlara aşağıdakı məzmunda qrup işlərinin aparılması tapşırılır: