136
Türk oğuz bəgləri, bodun esidin:
Ücə Tenri basmasar,
Asra Yir təlinmeser
türk bodun, ilinin,
törünin kim artadı?
Udaçı erti. Türk bodun, ögün!
(Gül Tigin abidəsi.732-ci il. Bitik Taş həkk yazısı.
Şərq tərəf. 22-ci abzas )
Və yaxud:
İltəris kağan, bilgə Tonyukuk
kazğantuk üçün
Kapağan kağan, türk sir bodun yorıdukı...
Türk bilgə kağan türk sir bodunığ,
oğuz bodunığ igidü olurur.
(Tonyukuk abidəsi. 716-cı il, II Daş.
Şimal tərəfi, 61-62-ci sətirlər)
Mən bu şeir parçasının ritmini hələ çox gənc olan
bir şairin tamamilə başqa sosial mövzuda qələmə
aldığı aşağıdakı misralardan ayıra bilmirəm:
Kasıb komaların qadınlarının
xəyalları yoxluqlarda,
arzuları heçliklərdə,
ümidləri olmazlarda var-gəl edir...
Külək adamı sorğu-suala tutur,
nimdaş paltonun deşiklərindən...
Yağış qeyri-romantik tərzdə
birbaşa ayaqqabının içinə yağır...
(Ramil Əhməd. Kasıb komalardan qalxan tüstülər. Şeir vaxtı.
Poeziya almanaxı. “Təhsil”Bakı-2013.Səh: 160).
137
İnsan üçün azadlıq kimi başa düşülən anlayışın sırf
siyasi mənada olması zəruri deyil. Başlıc məsələ
azadlığın necə duyulmasıdır. Azadlıq hüquqi aktdan
ziyadə, hiss, duyğu olaraq qəbul edildikdə, daha
möhtəşəm olur. Sanıram, öz kimliyinə maska
taxmamış, özəlliyini xüsusi sosial bir qəlib içində
gizləməmiş, vəzifə, məqam, rütbə çalarları ilə
özgələşməmiş əsl səmimi lirik qəhrəmanın özgürlüyü
hər cür konstitusyon azadlıqdan daha ucadır. Aşağıda
müxtəlif iki şeirdən parçaları müqayisə edin:
dörd dənə dörd
4x6 fotoşəkil çəkdirdim...
Hərəsində bəlli idi öz adım.
Biri mən idim,
Biri Əli, biri Alik,
O birisini tanımadım...
(Alik. Kamakura.Vektor nəşrlər evi. Bakı-2011.
“4 dənə 4x4 fotoşəkil” şeiri. Səh: 61)
Yaxud:
Yaşlandıq
Köhnə konstitusiya-qanun məcəlləsi tək
Ordudan təqaüdə çıxan hərbçilər kimi,
Köhnəlmiş hərbi sursat, yararsız silah kimi
Sazişlərdə qorxutma, çəkindirmə bəndi tək,
Köhnə xütbələr kimi...
(Həsən əl-Mətruşi.“Yaşlanmış xəyallar” şeiri. Bədii
tərcümələr və
Ədəbi əlaqələr Mərkəzinin nəşri, Dünya ədəbiyyatı seriyası. №2,
2016,Oman ədəbiyyatı. səh: 212)
Ramil Əhmədin şeir parçasında adi təhkiyə ilə
“danışan” bir gəncin XXI əsrin elmi-texniki nailiyyətləri