208
findən pozulduğunu iddia edir. Bu sahədə araşdırmalar aparmadan hamı-
ya məlum olan iki faktı xatırlatmaq olar. Birincisi, Xocalı hadisələri ərə-
fəsində İranın vasitəçiliyi ilə cəbhədə atəşkəs əldə edilməsinə cəhd gös-
tərilməsi, ikincisi isə yenə elə İranın vasitəçiliyi ilə Şuşanın
işğal edilmə-
si ərəfəsində əldə edilmiş atəşkəsin ermənilər tərəfindən pozulması. Öz
fikirlərinin əsaslandırılması üçün Təhlükəsizlik Şurasının sonuncu qətna-
məsindın çox-çox sonra, yəni Azərbaycan ərazilərinin işğalının başa çat-
masından sonra, 1993-cü ilin fevralında və 1994-cü ilin martında Azər-
baycan tərəfinin döyüşləri dayandırmağa razı olmadığını bildirir (194).
Yəni Azərbaycan Təhlükəsizlik Şurasının bütün qətnamələrindən sonra
Ermənistan silahlı qüvvələrinin yeni hücumlarına müqavimət göstərmə-
sini erməni təbliğatının sınanmış nümayəndəsi qəbahət sayır. Bütünlükdə
isə Təhlükəsizlik Şurasının qərarının icra olunmasında heç bir məntiqə
sığmayan təsəvvür quraşdırmağa çalışır.
2008-ci il mart ayının 14-də BMT-nin Baş Assambleyasının ―Azər-
baycanın işğal olunmuş ərazilərində vəziyyət‖ qətnaməsi də erməni in-
formasiya məkanında eyni tale ilə qarşılaşdı. Hətta erməni informasiya
maşını müəyyən qədər radikallaşdı və daha təcavüzkar xarakter aldı. Hə-
qiqətlərin gizlədilməsi, Azərbaycana qarşı iftira və böhtanların artması
erməni informasiya məkanında güclü axına çevrildi. Doğrudur, adıçəki-
lən qərarın Ermənistana nüfuz gətirməyəcəyini xatırladanlar da tapıldı.
Lakin bununla heç də həqiqət etiraf edilmədi, yalnız və yalnız Ermənis-
tan hökuməti obyektiv sənədin qəbul olunmasının qarşısını ala bilmə-
məkdə ittihamlandırıldı və sənədin qəbulu, əslində, bu sənədin obyektiv-
liyi əks etdirən sənəd olması ilə yox, erməni diplomatiyasının fərsizliyi
ilə əlaqələndirildi. Məsələn, müxalif Erməni Milli Konqresinin nümayən-
dəsi etiraf edirdi ki, BMT Baş Assambleyasının qəbul etdiyi sənədlər güc
və nüfuza malikdir. Ona görə də Azərbaycan tərəfi digər sənədlərində
Qarabağ münaqişəsi ilə bağlı BMT Baş Assambleyasının 14 mart 2008-
ci il tarixli qərarına istinad edir. Erməni ekspertinin fikrincə, bu sənədin
qəbul olunmasından sonra erməni tərəfi hazırladığı layihələrə daha hə-
min qərara zidd olan müddəaları sala bilməz. Belə sənədlər isə münaqi-
şənin nizamlanması üçün hüquqi sahə yaradır. Sonra da əlavə olunurdu
ki, münaqişənin nizamlanması üçün hüquqi sahənin yaradılmasında er-
məni tərəfi artıq öz üstünlüyünü əldən vermişdir (195).
2008-ci il mart ayının 14-də BMT Baş Assambleyasının 62-ci sessi-
yasının müzakirəsinə çıxarılan ―Azərbaycanın işğal olunmuş ərazilərində
vəziyyət‖ qətnaməsinin qəbul olunması lehinə 39 dövlət, əleyhinə 7 döv-