198
matiya stolunda Ermənistana od vurubdur. Onun dediklərinə görə, Mayn-
dorf bəyannaməsi isə qalib dövlət kimi Ermənistanın bütün üstünlükləri-
ni əlindən almışdır (180).
Erməni informasiya məkanında, xüsusilə elektron informasiya vasitə-
lərində hazırda da dövriyyədə olan bu tipli saysız-hesabsız materiallar
vardır. Məlumatsız oxucu üçün onları ümumiləşdirmək yəqin ki, heç də
asan olmazdı. Bu materialların ümumi xətti və məzmunu Ermənistanın
Azərbaycana təcavüz etməsi haqqında iddiaların yalnız böyük dövlətlə-
rin haqsız mövqeyi kimi təqdim etmək, nizamlanma prosesinin mahiyyə-
tinin anlaşılmasına maneçilik yaratmaq və ictimai rəydə Ermənistana
qarşı bir təəssübkeşlik əhval-ruhiyyəsi formalaşdırmaqdır.
Bəzi informasiya materiallarında erməni ideoloqları tərəfindən Mad-
rid prinsipləri bənd-bənd erməni maraqları baxımından təhlil edilir və
auditoriyaya çatdırılır. Belə yazılardan biri həmsədr dövlətlərin bəyana-
tından dərhal sonra, 2009-cu il iyulun 14-də ―panorama.am‖ saytında, di-
gəri isə bir neçə gün sonra, iyulun 31-də ―karabah88.ru‖ saytında işıq
üzü gördü. ―karabah88.ru‖ saytındakı yazı erməni informasiya məkanı-
nın Dağlıq Qarabağ təmsilçisi Masis Mailyanın, digəri isə redaksiya im-
zası ilə oxuculara çatdırılıb (181).
Madrid prinsiplərinin ilk bəndi olan – Dağlıq Qarabağ ətrafındakı əra-
zilərin Azərbaycanın nəzarəti altına qaytarılması – bəndi ―panora-
ma.am‖-da xeyli mücərrəd və dumanlı şəkildə şərh edilmişdir. Burada
bildirilir ki, təhlükəsizlik zonasını təşkil edən ərazilər həm coğrafi, həm
də təhlükəsizlik baxımından tərəflər üçün fərqli əhəmiyyət kəsb edir.
Ona görə bu məsələ tərəflərin diplomatları tərəfindən ayrıca müzakirə
edilməli, həm ərazilərin nə zaman, hansı formada qaytarılması və bu əra-
zilərin gələcəkdə hansı statusa malik olması müəyyənləşdirilməlidir. ―ka-
rabah88.ru‖ saytının təhlili isə kifayət qədər radikal və millətçidir.
M.Mailyana görə, Dağlıq Qarabağ Respublikasının (?) nəzarəti altında
olan ərazilərin hansınınsa Azərbaycana qaytarılması ilk növbədə Dağlıq
Qarabağ Respublikasının (?) Konstitusiyasının pozulmasıdır. Sonra da
əlavə olunurdu ki, erməni silahlı qüvvələrinin bu əraziləri tərk etməsi
Dağlıq Qarabağın hərbi təhlükəsizliyini zəiflədəcəkdir. Onun fikrincə,
söhbət ərazilərin qaytarılmasından deyil, Azərbaycanla Dağlıq Qarabağ
Respublikası (?) arasında sərhəd xəttinin müəyyənləşdirilməsindən get-
məlidir. Yəni Azərbaycan Dağlıq Qarabağ Respublikasının (?) müstəqil-
liyini tanıdıqdan sonra iki dövlət arasında dövlət sərhəd xəttinin demili-
tasiya və demarkasiyası aparılmalıdır.
199
Madrid prinsiplərinin – Dağlıq Qarabağa keçid statusunun verilməsi,
onun təhlükəsizliyinin və özünüidarəsinin təmin edilməsi bəndinə saytla-
rın münasibəti belədir:
– ―panorama.am‖ saytı: – Dağlıq Qarabağın son statusu müəyyənləşə-
nə kimi ona elə bir status verilməlidir ki, öz səviyyəsinə görə hazırkı sta-
tusdan aşağı olmasın. ―karabah88.ru‖ saytında isə bildirilir ki, bu bənd
Dağlıq Qarabağ Respublikasının (?) statusunun məhdudlaşdırılması cəh-
didir. Çünki bununla hazırkı status şübhə altına alınır və respublika öz
təhlükəsizlik sistemindən məhrum olunur.
Madrid prinsiplərinin sonrakı, Ermənistanla Dağlıq Qarabağ arasında
koridorun olması bəndinə saytların münasibəti belədir:
– ―panorama.am‖: – milli maraqlar və Dağlıq Qarabağın təhlükəsizli-
yi baxımından Qarabağla Ermənistan arasında daimi quru əlaqəsinin ol-
ması çox mühüm zəmanətdir. Azərbaycan əvvəllər belə koridorun olma-
sına razı olmurdu. Amma indi bu müddəa Madrid prinsiplərinə daxil edilib.
– ―karabah88.ru‖: – Dağlıq Qarabağla Ermənistan arasında quru əla-
qələri 1992-ci ildə açılıb və 1993-cü ildə aparılan döyüşlər zamanı bu ko-
ridor genişləndirilib. Bu koridorun daraldılması düzgün olmazdı. Müəllifə
görə bu təklifin ermənilərə güzəşt kimi təqdim olunması bir qəribəlik idi.
Madrid prinsiplərinin 4-cü bəndi – Hüquqi məcburiyyət daşıyan səs-
vermə yolu ilə gələcəkdə Dağlıq Qarabağın son statusunun müəyyənləş-
dirilməsi. Saytların bu bəndə münasibəti:
– ―panorama.am‖: – Bu müddəa bir neçə cəhətdən vacibdir. Burada
bildirilir ki, Dağlıq Qarabağ əhalisi öz gələcək dövlət hüququ statusunun
müəyyənləşdirilməsi üçün referendum yolu ilə qərar qəbul etmək hüqu-
qunu həyata keçirir. İkinci bir cəhət isə ondan ibarətdir ki, Qarabağ əha-
lisi öz müqəddəratını təyin etmək hüququnun subyektidir və öz iradəsini
ifadə etmək yolu ilə gələcək siyasi və hüquqi taleyini müəyyənləşdirir.
– ―karabah88.ru‖: – 10 dekabr 1991-ci ildə hüquqi məcburiyyət daşı-
yan səsvermə əsasında Dağlıq Qarabağ Respublikasının (?) statusu müəy-
yənləşib, 10 dekabr 2006-cı ildə keçirilən Konstitusiya referendumu ilə
isə bu status yenidən təsdiq olunub. Bundan başqa, prezident və parla-
ment seçkilərində Dağlıq Qarabağ əhalisi daha 8 dəfə öz iradəsini ifadə
edib. Bununla da son 18 il ərzində əhali Dağlıq Qarabağın mövcud statu-
su haqqında 10 dəfə səsvermədə iştirak edib.
Madrid prinsiplərinin 5-ci bəndində isə bütün qaçqınların və köçkün-
lərin öz əvvəlki yaşayış yerlərinə dönməsi hüququnun təmin edilməsi
qeyd olunur:
200
– ―panorama.am‖: – Bu bəndin çox yarımbəndləri vardır ki, onlar da-
nışıqlarda müzakirə olunmalıdır. Həm azərbaycanlı qaçqınlar, həm də er-
məni qaçqınlar geri dönmək imkanı alacaqlar. Bu zaman Şaumyan rayo-
nunun da statusu müəyyənləşdiriləcəkdir.
– ―karabah88.ru‖: – Dağlıq Qarabağ Respublikası (?) Azərbaycan tə-
rəfindən tanındıqdan sonra bu müddəa hər üç tərəfdən müzakirə oluna
bilər. Müddəada yalnız azərbaycanlıların deyil, bütün qaçqınların nəzər-
də tutulması müsbət haldır. Amma məlum deyil ki, əks tərəfə gələn yüz
minlərlə qaçqının təhlükəsizliyini kim təmin edəcəkdir.
Nəhayət, Madrid prinsiplərinin elan edilmiş sonuncu 6-cı bəndi sülh-
yaratma əməliyyatlarını nəzərdə tutan təhlükəsizliyə beynəlxalq zəmanət
məsələsidir.
– ―panorama.am‖: – Madrid prinsiplərinin məntiqinə görə, bu müd-
dəa təhlükəsizlik zonasını təşkil edən müəyyən ərazilərin geri qaytarıl-
ması ilə bağlıdır. Nəzərdə tutulur ki, təhlükəsizliyin təmin edilməsi üçün
bu ərazilərdə beynəlxalq qüvvələr yerləşdiriləcəkdir. Bütünlükdə bu şərh-
ləri verdikdən sonra ―panorama.am‖ saytı münaqişənin bu prinsiplər əsa-
sında həll olunmasına mənfi münasibət bildirmir. Hətta qarşı tərəfi, yəni
Azərbaycanı nizamlanmanın müəyyən mərhələsində bu prinsiplərdən im-
tina etməyəcəyi təqdirdə münaqişənin nizamlanacağına bir ümid də ifadə
olunur.
– ―karabah88.ru‖ saytı isə əvvəlki radikal mövqeyini davam etdirərək
sonuncu bəndlə əlaqədar bildirir ki, Dağlıq Qarabağın hazırda mövcud
olan təhlükəsizlik sisteminin beynəlxalq kontingentlə əvəzlənməsi təklif
olunur. Müəllifin fikrincə, Dağlıq Qarabağ Respublikasının (?) ərazisin-
də beynəlxalq kontingentin peyda olması Dağlıq Qarabağın suverenliyini
məhdudlaşdıracaqdır. Sonra isə bildirilir ki, Madrid prinsiplərinin qəbul
olunması Dağlıq Qarabağ Respublikasının (?) və Ermənistan Respubli-
kasının milli maraqlarına sağalmaz yara vuracaqdır.
Erməni informasiya məkanında Madrid prinsiplərinin təqdimatı za-
manı ictimai diqqətin bu prinsiplərin mahiyyətindən yayındırılması, bü-
tünlükdə isə Ermənistanın işğalçı və millətçi siyasətinin pərdələnməsi
üçün erməni informasiya ideoloqları bir sıra digər yozumları da dövriy-
yəyə buraxmışdılar. Məsələn:
– Madrid prinsiplərinin meydana gəlməsinin Ermənistan dövlətinin
xarici siyasətinin səmərəsizliyi ilə bağlanması. Erməni informasiya ideo-
loqları belə bir təsəvvür yaratmağa çalışırlar ki, Ermənistanın xarici siya-
sət strukturları iflic olub, hakimiyyət orqanları bir-birinin ardınca beynəl-
Dostları ilə paylaş: |