186
– münaqişənin həlli ilə bağlı tamhüquqlu danışıqlar Dağlıq Qarabağ
Respublikasının (?) müzakirələrə cəlb
edilməsi ilə ola bilər;
– Dağlıq Qarabağ münaqişəsinin nizamlanması yalnız Minsk Qrupu
formatında aparılmalıdır;
– Minsk Qrupu formatının dəyişdirilməsi münaqişənin həllinin uza-
dılması və destruktivlik deməkdir;
– Minsk Qrupu çərçivəsində də münaqişənin tezliklə həllini gözləmək
doğru deyildir. Çünki görülməli olan işlər çoxdur;
– münaqişənin həllinin yeganə yolu Dağlıq Qarabağda referendum
keçirilməsi və ya 1991-ci ildə keçirilən referendumun təsdiqlənməsidir;
– münaqişə ilə bağlı danışıqları Ermənistan aparır. Çünki Azərbaycan
Dağlıq Qarabağla danışmaq istəmir;
– münaqişənin həllində Azərbaycan tərəfi daha çox təbii ehtiyatlarına
və neftdən gələn dollarlara arxalanır, Azərbaycan silah alır və problemi
silahla
həll etmək istəyir;
– Dağlıq Qarabağ münaqişəsinin həllində üç prinsip – zor işlədilmə-
məsi, öz müqəddəratını müəyyənləşdirmə və ərazi bütövlüyü əsas götü-
rülməlidir;
– Qarabağın gələcək taleyinin həll edilməsi üçün Azərbaycan bütün
şanslarını itirib (161).
İnformasiya məkanında buna oxşar digər fikirlərlə də rastlaşmaq
mümkündür ki, mahiyyət etibarilə onlar bir-birindən elə də fərqlənmir.
Erməni rəsmiləri və millətçiləri də beynəlxalq təşkilatların mövqeyində
məhz yuxarıda sadalananlara yaxın olan bir mövqeni görmək istəyirlər.
Həmin mövqeni görməyəndə isə erməni informasiya-təbliğat maşını icti-
mai rəyə məhz erməni baxışlarının yeridilməsi ətrafında fəaliyyəti geniş-
ləndirirlər.
Azərbaycan tərəfinin isə münaqişənin nizamlanması prosesi ilə bağlı
mövqeyi belədir:
– Azərbaycanın ərazi bütövlüyü danışıqların mövzusu deyil;
– Azərbaycanın işğal olunmuş torpaqları geri qaytarılmalıdır;
– Azərbaycan ərazisində ikinci erməni dövlətinin yaranmasına icazə
verilməyəcək;
– Dağlıq Qarabağa Azərbaycan tərkibində ən yüksək muxtariyyət sta-
tusu
verilə bilər;
– öz ev-eşiyindən didərgin düşmüş azərbaycanlılar evlərinə qaytarıl-
malıdırlar;
187
– Dağlıq Qarabağ münaqişəsi beynəlxalq hüquq normaları, BMT
Təhlükəsizlik Şurasının 4 qətnaməsi əsasında həll edilməlidir;
– Azərbaycan razılıq verməyəcəyi halda heç kim qanunsuz Dağlıq
Qarabağ qurumunu müstəqil qurum kimi tanımayacaq;
– Azərbaycan vətəndaşları ev-eşiklərinə qayıtdıqdan sonra Dağlıq
Qarabağa
müvəqqəti status verilə bilər;
– Ermənistandan fərqli olaraq Azərbaycanın etnik təmizləmə aparmaq
niyyəti yoxdur;
– Dağlıq Qarabağda Azərbaycan və erməni icması birlikdə yaşamalıdır;
– Ermənistan danışıqlarda səmimi deyil və danışıqları süni şəkildə
uzadır;
– erməni tərəfi özündə siyasi iradə tapıb beynəlxalq təşkilatların qə-
rarlarını yerinə yetirməlidir;
– ermənilər mülki şəxslərə hücum edilməsinə son qoymalıdırlar;
– Azərbaycan və erməni icması arasında qarşılıqlı və sıx etimad güc-
ləndirilməli, humanitar sahədə xüsusi proqramlar həyata
keçirilməlidir;
– münaqişənin dondurulmuş şəkildə saxlanmasına cəhd göstərilməsi
Azərbaycanın təhlükəsizliyinə təhdiddir (162).
Göründüyü kimi, Dağlıq Qarabağ münaqişəsinin nizamlanması prose-
sinə tərəflərin mövqeyi bir-birindən kifayət qədər fərqlənir və bu fərqlilik
beynəlxalq təşkilatların mövqeyinə münasibətdə də özünü nümayiş etdirir.
a) Minsk Qrupunun vasitəçilik fəaliyyətinin informasiya
təqdimatı
Dağlıq Qarabağ münaqişəsinin nizamlanması üçün ilk beynəlxalq
cəhd 1991-ci ilin sentyabrında Rusiya və Qazaxıstan prezidentləri tərə-
findən göstərildi. Bu dövr elə bir dövr idi ki, Rusiyanın və Qazaxıstanın
müstəqil dövlətlər kimi formalaşması gedirdi. Lakin onlar ayrılıqda hələ
beynəlxalq və regional təşkilatların üzvləri deyildilər. Bununla belə, bu
ölkələrin prezidentləri münaqişənin nizamlanmasına ilk cəhd göstərdilər.
Onlar birlikdə Bakıda, İrəvanda və Xankəndində oldular və onların vasi-
təçilik cəhdinin nəticəsi kimi 1991-ci il sentyabrın 23-də Jeleznovodskda
Jeleznovodsk bəyannaməsi adlı bir sənəd imzalandı. Bəyannamə Azər-
baycan və Ermənistan rəhbərləri tərəfindən də imzalandı. Münaqişənin
nizamlanmasına bu bəyannamənin
elə bir təsiri olmasa da, onun müddəa-
larını eyni zamanda Rusiya və Qazaxıstan prezidentlərinin bu münaqişə-
nin həllinə yanaşması kimi qiymətləndirmək olar.
188
Münaqişənin nizamlanması sahəsində daha real vasitəçilik ATƏT-in
Minsk Qrupunun üzərinə düşür. 1992-ci il yanvar ayının 31-də ATƏT
xarici işlər nazirləri şurasının Parisdə keçirilən iclasında Azərbaycan və
Ermənistan bu təşkilata üzv seçildilər və elə həmin iclasda da qərara alındı
ki, regiona təşkilatın məruzəçisi göndərilsin. ATƏT şurasının 1992-ci il
martın 24-də Helsinkidə keçirilən iclasında isə qərara alındı ki,
xüsusi bir
vasitəçi dövlətlər qrupu yaradılsın və həmin vasitəçi qrup Qarabağ mü-
naqişəsinin tam şəkildə nizamlanması üçün danışıqlar prosesini hazırla-
sın və onun nəticələri 1993-cü ilin yayında Minskdə keçirilməsi planlaş-
dırılan konfransda müzakirə olunsun. Güman edilirdi ki, Minsk konfran-
sı çağırılanadək Qarabağ münaqişəsinin nizamlanması ilə bağlı razılaş-
malar əldə ediləcək və Minskdə də bu razılaşmalar sənədləşdiriləcəkdir.
Sonradan Minsk Qrupu adlandırılan vasitəçilər qrupuna Azərbaycan, Er-
mənistan, Belorus, Almaniya, İtaliya, Rusiya, ABŞ, Türkiyə, Finlandiya,
Fransa və İsveç daxil idi. Lakin təyin olunan vaxta münaqişənin nizam-
lanması ilə bağlı ciddi razılaşma əldə etmək mümkün olmadı. Ona görə
də Minsk konfransının çağırılması qeyri-müəyyən vaxta qədər təxirə sa-
lındı. ATƏT sammitinin Budapeştdə keçirilən 6 dekabr 1994-cü il tarixli
iclasında isə Minsk Qrupunun həmsədrləri institutu yaradıldı və Rusiya,
ABŞ və Fransa Minsk Qrupunun həmsədrləri seçildilər (163).
Keçən əsrin sonlarında Minsk Qrupunun fəaliyyəti son dərəcə sönük
keçmişdir. Əslində, bu günə kimi də bu təşkilatın münaqişənin nizamlan-
masına təsir edə biləcək ciddi bir fəaliyyəti yoxdur. Minsk Qrupu müəy-
yən vaxtlarda, xüsusilə, son 5–7 il ərzində müəyyən bəyanatlar və təklif-
lərlə çıxış etmişdir ki, bunlar da erməni tərəfinin müxtəlif informasiya
yozumları ilə qarşılaşmışdır.
1997–1998-ci illər arasında münaqişənin nizamlanması ilə bağlı Minsk
həmsədrləri tərəfindən münaqişə tərəflərinə bir neçə təklif təqdim olun-
du. Bu təkliflər sırasında münaqişənin ―paket şəklində həlli‖, ―mərhələli
həlli‖, ―ümumi dövlət‖ variantı təklif olundu. Qeyd etmək lazımdır ki, bu
təkliflər üzrə müzakirələr kifayət qədər gizli aparılırdı və ona görə də in-
formasiya məkanında bu müzakirələrin detalları haqqında lazımi məlu-
mat mövcud deyildi. Ümumiyyətlə, Dağlıq Qarabağ münaqişəsinin Minsk
Qrupu həmsədrlərinin vasitəçiliyi ilə nizamlanma prosesində daha çox
şəffaflıq Madrid prinsiplərinin meydana çıxmasından sonra yarandı. Ha-
zırkı tədqiqatda da, əsasən, Madrid prinsiplərinin müzakirə obyektinə
çevrilməsindən sonra erməni informasiya məkanında baş verən proseslər
nəzərdən keçirilmişdir.