61
düşəndən sonra gəlib çarpayısına uzanır. Belə bir məkanda
adam gününü gəzmək və əylənməklə keçirməlidir.
Məhz bundan sonra jurnalist sorğu-sualı dayandırdı.
Qonaqlar çayı içən kimi bir daha Əliyusifə pələməyə
getməyi təklif etdi.
- Mən bir qədər istirahət edəndən sonra, kompleksin
aşağı hissəsinə gəzintiyə çıxacam. – deyə müxbir minnət-
darlığını bildirərək, masanın üstünü təmizləməyə başladı.
Onlar heç bir əlavə təklif etmədən jurnalisti otaqda tək
buraxmalı oldular.
VI fəsil. Yorulmaq bilməyən müdir
Gecə yatağından duran Günəş özü, şərqdə yerləşən
dağların arxasından çıxmasa da, onun gözqamaşdırıcı iti
şüaları dağların arxasından qalxıb, ağ rəngli topa buludları
yara-yara səmaya tərəf ucalırdı. Hələlik Talış dağları öz
əzəmətilə, nəhəng Göy cisminin çıxmasına müqavimət
göstərirdi. Sanki o, yaşıl və tünd boz rəngli zirvələrilə
Günəşə meydan oxuyurdu. Lakin bütün bu müqavimətə
baxmayaraq, hər dəfə Günəş bu dueldən qalib çıxıb, həmin
əzəmətli dağların başı üzərində dövrə edərək, incimiş halda
62
bu ərazilərdən yan ötürdü və əks istiqamətdə Kiçik Qafqaz
dağlarını arxada qoyaraq, möhtəşəm Qara dəniz və Avropa
qitəsinin üzərində baş əyirdi. Yuxarıda hökmranlıq edən
qızıl disk on beş saatdan bir qədər artıq Göydə hərəkət edib,
öz yerini gümüşü rəngli diskə təhvil verərək, Talış
dağlarının gözündən yoxa çıxırdı.
Yay mövsümündə 5-6 saat davam edən qaranlıqdan
sonra Günəş bir daha Xəzər dənizinin o tayından
boylanaraq, “Relax”ın heyranedici səthini nura qərq edirdi.
Sözsüz ki, planetimizə ən yaxın olan ulduzun bu qeyri-adi
hərəkəti və Yer kürəsilə bu cür şıltaq davranışı təbiətin
möcüzəsi sayılırdı. Etiraf olunmalıdır ki, Allahın yaratdığı
təbiət aləmi Yer kürəsinə gözəllikdən başqa heç bir şey
bəxşiş etməmişdi.
Əliyusif müvəqqəti olaraq məskunlaşdığı mehmanxana-
nın eyvanında dayanıb, sübh zamanı yaranan bu mənzərə-
nin gözəlliyindən məftun olaraq, məhəbbət duyğularının
qığılcımlarının hərəkətini hiss etmədi. Burada çalışan
mühafizə xidmətinin əməkdaşları nəzərə alınmasa, təbiət
aşiqindən başqa heç kim yuxudan ayılmamışdı. Lakin
qəribə olsa da, diskoteka tərəfdən yüksək olmayan səs ilə
mahnı səsi gəlirdi. Ruhinin ifasında olan həmin “Sevdim”
adlı mahnı sutkanın bu çağında səslənəndə adam lap mey-
63
xoş olurdu. Müxbir qulaqlarını şəkləyib avazla səslənən
sözlərə diqqət yetirməyə başladı.
“Bir gün gecədən açılan,
Səhərin gözünə salam ver.
Hər gün sevgidən danışan,
Ürəyə yenə də aram ver”.
Əlbəttə ki, məhəbbət aşiqi olan Əliyusifi mahnının
sözləri riqqəttə gətirdi. İş ondadır ki, həmin mahnının
melodiyası elə notlarda yazılmışdı ki, sanki onun ifaçısı
burada yox, qat-qat uzaqlarda idi. Yəni, mahnı burada
səslənir, füsunkar gözəlliyə malik olan Ruhi isə yaşıl libasa
bürünümüş əzəmətli dağların arasında dayanıb, orada
oxuyurdu. Günəşin oyanması, sabahın açılması, təbiətin
şehə qərq olması və ürəyə yatımlı mahnının səslənməsinin
vəhdəti gözəl harmoniya yaradırdı.
Müxbir üfüqə və hərdənbir səmaya nəzər yetirərək,
mehmanxananın qarşısındakı uşaq meydançasına tərəf
gedib, orada əyləşmək üçün özünə münasib skamya
seçməyə başladı.
İki mehmanxananın və sıra ilə düzülmüş kotteclərin
qarşısı ilə, Lənkaran çayının üstündəki körpüdən başlanan
yol, istirahət kompleksinin yenicə inşa edilən ikinci
64
ərazisinə qədər uzanırdı və həmin yol boyu uşaq
meydançasında cürbəcür növlü skamyalar vardı – üstü
çətirli, tərpənməz, yellənən skamyalar. Skamya seçimində
tərəddüd edən Əliyusif ora-bura ayaq döysə də, bir qərara
gələ bilmirdi. O, gah şərqdən boylanan Günəşə və onun
aşağısındakı dağlı meşələrə, gah da qərbdə vadidə kök
salan Küləfirəngiyə qəribə nəzər salaraq, özü üçün münasib
yer seçməyə çətinlik çəkirdi.
Gənc jurnalist sanki özünü burada narahat hiss edirdi.
Elə bil vadidəki bu açıqlıq və insan əlləri ilə yaradılan bu
süni meydança onu sıxıntı işərisində saxlayırdı. Məhz buna
görə də o, özünə daha da münasib yer tapmaq üçün bir
qədər irəliyə, qarşıdakı uçuruma tərəf yollandı və oradan
aşağıdan yuxarıya qədər sarmaşıq kimi qalxan pilləkənin
vasitəsilə Lənkəran çayının sahilinə endi. Elə burada da
həm təbiətin, həm də insan əməyinin vəhdəti ilə gözəl
meydançalar yardılmışdı. Sol meydançanın qabağında
çayın üzərində, şəxsən Hacı İqbalın təşəbbüsü ilə süni göl
düzəldilmişdi ki, kompleksdə istirahət edən qonaqlar ora-
dakı katamaran və qayıqlarla gəzintiyə çıxsınlar. Sağ tərəf-
də isə açıq səma altında konsert meydançası yaradılırdı.
Demək olar ki, səhər tezdən gecə saat birə qədər hamının
mədəni istirahəti üçün şən diskoteka təşkil olunurdu.
Diskotekadan 50-60 metr sağ tərəfdə dəmir qəfəslərdə ayı,
Dostları ilə paylaş: |