dünya səviyyəli ekspertlər tərəfindən yüksək qiymətləndirilmişdir. İngiltərə, Almaniya,
İsrailin iş adamları müəssisənin fəaliyyətinə böyük maraq göstərmiş və burada toxunan
xalçaları bəyənmişlər. Şirkət bu il ʺAzərbaycan bu günʺ devizi altında keçirilən
Ümumazərbaycan toxuculuq müsabiqəsinin Fəxri Diplomuna layiq görülmüşdür.
Zalixə xanım deyir ki, nisbətən gənc olan şirkət hələ tam gücü ilə işləmir. Onun
arzusu müəssisənin istehsal gücünü artırmaqla daha 200 nəfəri işlə təmin etməkdir.
İstehsalın genişləndirilməsi isə müəssisənin yerləşdiyi binanın təmir olunmasını və
avadanlıqların yeniləşdirilməsini tələb edir. Şirkətin həmçinin xarici iqtisadi-ticarət
əlaqələrə və marketinq araşdırmalarına böyük ehtiyacı var. Çunki o, istehsal etdiyi
məhsulu yalnız yerli bazara deyil, həm də dünya bazarlarına çıxarmaq arzusundadır.
Təbiidir ki, mürəkkəb keçid iqtisadiyyatı dövründə müəssisə böyük problemlərlə
üzləşir: maliyyə çatışmamazlığı, kredit faizlərinin yüksək olması, bürokratik əngəllər
işin inkişafına mane olur.
Bu ilin yayında Azərbaycan prezidenti İlham Əliyevin şimal bölgəsinə safari
zamanı Zalixə xanım prezidentlə görüşüb və problemlərini ona bildirib. Prezidentin
səfəri çərçivəsində təşkil olunmuş bank işçiləri ilə görüş çox cəlbedici olub və bu
görüşün nəticələrinə böyük ümidlər bəsləyir.
Müəssisəyə rəhbərlik etməklə yanaşı Zalixə xanım ictimai fəaliyyətlə də məşğul
olur. O, rayon ʺSevilʺ Qadınlar Cəmiyyətinin sədridir, həmişə qadınların problemlərinə,
xüsusilə də onların məşğulluğu məsələlərinə böyük diqqət göstərir. İctimai - siyasi
fəaliyyətinə görə Qusar rayon İcra Hakimiyyətinin Fəxri Fərmanı ilə təltif olunan Zalixə
xanım həm də, bir sıra beynəlxalq səviyyəli seminar və treninqlərin iştirakçısı olub.
Zalixə xanımın gözəl ailəsi var. Həyat yoldaşı biznesdə onun yaxın köməkçisidir.
Oğlanları Rəşad və Ceyhun ali təhsil alıblar.
Söhbətimizin sonunda Zalixə xanım təşkilatımızla da bağlı öz istəklərini bildirdi:
ʺBiz yalnız dövlətdən deyil, sahibkarlığın inkişafına dəstək verən bir təşkilat kimi
Sizdən də yardım gözləyirik. İndiki zamanda ölkənin iqtisadi-siyasi həyatında ictimai
təşkilatların rolu böyükdür. Mən Sizin təşkil etdiyiniz bir sıra tədbirlərdə iştiak
etmişəm. Xüsusilə, BƏT-in dəstəyi ilə keçirilən ʺAzərbaycan və Gürcüstanda
işəgötürənlər təşkilatları vasitəsilə qadın sahibkarlığın inkişafıʺ layihəsi çərçivəsində
trenerlərin hazırlığı kursunda iştirakım işimi yenidən qurmağa təkan verib. Belə
tədbirlərin bizim üçün böyük əhəmiyyəti var. Arzu edərdik ki, işimizə təkan verə
biləcək müxtəlif seminar və treninqlər tez-tez keçirilsinʺ.
Seçdiyi çətin, lakin bazar iqtisadiyyatı şəraitində əhəmiyyət kəsb edən bu biznes
yolunda ona müvəffəqiyyətlər arzulayıb ondan ayrılırıq.
Nəzirə Əhmədova
ʺSumqayıt Xovlu İplikʺ ATSC İdarə Heyətinin sədri
Azərbaycanın aparıcı qadın sahibkarlarından söz düşəndə ilk növbədə Nəzirə
Əhmədovanın adını çəkmək lazımdır. Onun uşaqlığı sovet
dövründəki minlərcə
azərbaycanlı qızlarının həyatını xatırladır. Sonrakı həyat yolu isə çox mənalı və
ibrətlidir. Tərcümeyi-halı maraqlı, ömür taxiçəsi zəngin və enişli-yoxuşludur.
O, 1944-cü il noyabr ayının 15-də Zaqatala rayonunun Makov kəndində anadan
olmuşdur. Orta təhsil aldıqdan sonra 1961-66-cı illərdə Azərbaycan Dövlət Politexnik
İnstitutunun Texnologiya fakültəsində oxumuşdur.
Ali məktəbi bitirdikdən sonra Volodarski adına Tikiş Fabrikinə təyinat alır. 1969-
cu ilədək orada əvvəl usta, sonra sex rəisi işləyir.
Həmin il onu Azərbaycan Respublikası Yüngül Sənaye Nazirliyinə göndərirlər.
1975-ci ilə kimi orada aparıcı mühəndis, sonra baş mühəndis kimi çalışır.
1975-ci ildə 2№-li Tikiş fabrikinin, 1976 - 81 -ci illərdə Uşaq İstehsalat Birliyinin
direktoru vəzifələrində işləyir.
1982-86-cı illərdə Volodarski adına Tikiş Fabrikinin direktoru olur. Sovet
Azərbaycanının ən böyük müəssisələrindən biri olan bu fabrikdə Nəzirə xanım 5000
nəfərlik böyük bir kollektivə rəhbərlik edir.
Daha sonra Sumqayıt List Trikotaj patrikində direktor müavini, 1989-94-cü illərdə
Sumqayıt Tikiş Fabrikinin direktoru vəzifələrində işləyir.
1994-cü ildən o, Sumqayıt Xovlu İplik fabrikinin direktoru təyin edilir.1375 nəfər
işçisi olan müəssisənin fəaliyyət istiqaməti süni xovlu iplik istehsalı idi. İldə 3000 ton
məhsul istehsal edirdi. Onun 2600 tonu MDB ölkələrinə ixrac edilir, 400 tonu isə
respublikada satılırdı. Azərbaycanın 20-dən çox trikotaj müəssisəsi həmin
məhsullarının alıcıları idi. Xammal əsasən Belorusiya, Rusiya və Özbəkistandan
gətirilirdi.
1997-ci ildə fabrik ʺSumqayıt Xovlu İplikʺ Açıq tipli Səhmdar Cəmiyyətinə çevrilir.
Güclü maddi-texniki bazaya malik olması və süni xovlu iplik istehsalı sahəsində
Azərbaycan bazarında monopoliya təşkil etməsi, məhsullarına olan yüksək tələbat
müəssisə özəlləşdirilən zaman iş adamlarının böyük marağına səbəb olmuşdu. Nəzirə
Əhmədovanın zəngin iş təcrübəsi, bu istehsal sahəsini yaxşı bilməsi və müəssisənin
fəaliyyəti ilə yaxından bağlı olması məhz onun ʺSumqayıt Xovlu İplikʺ ATSC İdarə
Heyətinin sədri seçilməsinə səbəb olmuşdur.
Lakin bu dövrdə müəssisənin fəaliyyəti qənaətbəxş deyildi. Keçmiş sovet
respublikaları arasındakı iqtisadi-ticarət əlaqələrinin pozulması, xammal gətirilməsi və
məhsulun realizə edilməsi çətinləşmişdi. Müəssisənin böyük miqdarda borcu
yığylmışdı. Bununla belə həmin dövrdə qüvvəyə minən yeni qanunlar, verilmiş
fərmanlar özəlləşdirilmiş müəssisələrin dirçəlişi və inkişafı üçün yeni imkanlar açmışdı.
Şirkətin əvvəlki istehsal gücünü bərpa etmək üçün Nəzirə xanım daxili imkanları
hesabına mövcud istehsal sahəsini genişləndirmək və yeni məhsul çeşidləri istehsal
etmək qərarına gəlir.
Müəssisənin özəlləşdirilməsi başa çatdıqdan sonra 100 000 ABŞ dolları sərmayə
qoyuluşu hesabına yeni sexlər yaradılır, yun emal edən avadanlıqlar və Almaniyadan
darayıcı maşınlar alınır.
Respublikada xam yun bol olduğu üçün yarımyun və yun iplik, bundan başqa
yataq örtükləri və corab istehsalına başlanılır. Yeni yaradılmış trikotaj sexində qadın və
kişilər üçün kostyumlar, gödəkçələr istehsal edilir.
Hal-hazırda müəssisədə 150 nəfər işləyir. İldə 200 ton məhsul istehsal edilir.
Burada buraxılan həm iplik, həm də trikotaj məhsullar 3 ildir ki, Almaniyanın
Düseldorf şəhərində keçirilən yarmarkalarda nümayiş etdirilir. Bu sərgi-yarmarkalarda