SAM-ın İCMALI
| 31
Türkiyə ilə Ermənistan arasında sərhədlərin açılması ilə bağlı aparılan müzakirələr
və imzalanan protokollar yalnız Türkiyə-Ermənistan-Azərbaycan münasibətlərinin
normallaşdırılması baxımından diqqəti cəlb etmir. Bu proses regional sabitlik baxı-
mından daha çox əhəmiyət kəsb edir. Belə demək mümkünsə bu proses böyük güclər
arasında davam edən regional və qlobal geosiyasi oyunun bir parçasıdır. Dağlıq Qa-
rabağda işğal bitmədən sərhədlərin açılıb-açılmayacağı yalnız Azərbaycan üçün de-
yil, digər oyunçuların Cənubi Qafqaz siyasəti və regional sabitlik üçün də vacibdir.
3.1. Gürcüstan müdafiəsiz qalar
Bu şərtlər daxilində Türkiyə-Ermənistan sərhədlərinin açılmasından sadəcə
Azərbaycan və Türkiyə deyil, müttəfiqləri Gürcüstan da zərər görə bilər. Ermənistanın
işğalçı siyasət yürütməsindən qazanclı çıxan ölkələrdən biri də Gürcüstan olmuşdur.
Xəzərin karbohidrogenlə zəngin yataqlarından hasil edilən qaz və nefti Qərbə daşıyan
boru xətləri üçün Rusiya və İrana alternativ ən qısa və ən ucuz marşrut Ermənistan
olsa da, Azərbaycanın torpaqlarını işğal etdiyi üçün bu üstünlüyü Gürcüstan onun
əlindən almışdır. Gürcüstan enerji koridoru rolunu oynayaraq həm Qərb, həm də
Türkiyə-Azərbaycan cütlüyü üçün daha da qiymətli olmuşdur. Bunun nəticəsində
Rusiya-Gürcüstan münaqişəsində Türkiyə və Azərbaycan Rusiyanı dəstəkləməmiş,
Qərb isə birmənalı olaraq Gürcüstanın tərəfindən çıxış etmişdir. Bu isə Rusiyanın
Gürcüstana təzyiq siyasətinin uğursuzluğa düçar olması ilə nəticələnmişdir.
Məhz bu səbəbdən 2008-ci ilin avqust ayında baş vermiş müharibədən sonra Ru-
siyanın Gürcüstan siyasətinin əsas parametrlərindən biri bu ölkəni regionda təkləmək
olmuşdur. Bir tərəfdən Azərbaycanın və Türkiyənin Gürcüstana dəstəyini azaltma-
ğa çalışan Rusiya digər tərəfdən şərq-qərb enerji və kommunikasiya xətləri üçün
Gürcüstanın alternativi olan Ermənistanı fəallaşdırmağa çalışır. Türkiyə-Ermənistan
sərhədləri açılarsa, Gürcüstan geosiyasi üstünlüyünü Ermənistanla bölüşmək
məcburiyyətində qalacaqdır. Bu dəyişiklik Gürcüstana alternativ kimi Ermənistanın
ortaya çıxması, Türkiyə və Qərbin Gürcüstana dəstəyinin azalmasına səbəb ola bilər.
Ermənistanın Dağlıq Qarabağı işğal etməsi onun sadəcə geosiyasi üstünlüyünü
əldən verməsi ilə deyil, eyni zamanda, özünü Gürcüstandan asılı vəziyyətə salması
ilə nəticələndi. İndi Ermənistan həm dünya, həm də Rusiya ilə əlaqələrini Gürcüstan
vasitəsilə qurur. Ermənistanın Gürcüstandan asılılığı İrəvanın rəsmi Tbilisiyə qarşı
təcavüzkar siyasət yürütməsinin və Gürcüstandakı separatçı erməniləri dəstəkləmə
siyasətinin qarşısında bir əngəldir. Bundan əlavə, Gürcüstandan asılı olduğu
üçün Rusiyanın tələblərinə baxmayaraq, İrəvan Cənubi Osetiya və Abxaziyanın
müstəqilliyini tanımamışdır. Əgər Türkiyə-Ermənistan sərhədləri Dağlıq Qarabağda
işğal bitmədən, yəni Ermənistan “ağıllanmadan” açılarsa, o zaman Ermənistan Gür-
III FƏSİL.
“ERMƏNİ AÇILIMI”NIN REGİONA TƏSİRLƏRİ
32 |
SAM-ın İCMALI
cüstandan asılılığı azaldığı üçün Rusiyanın dəstəyi ilə Gürcüstana qarşı daha sərt bir
siyasət yürüdər, oradakı separatçı erməniləri dəstəkləyər, Cənubi Osetiya və Abxazi-
yanın müstəqilliyini tanıya bilər. Bu isə Gürcüstanın Ermənistan və Rusiyaya qarşı
müdafiəsiz qalması ilə nəticələnər, Türkiyə ilə Azərbaycan arasındakı bu həssas ölkə
Rusiyanın nəzarətinə keçə və sabitlik pozula bilər. Gürcüstanda sabitliyin pozulması
isə yalnız bu ölkəyə deyil, bütün regiona da mənfi təsir göstərəcəkdir.
3.2. Rusiya sərhədlərin açılmasına “qarşı deyil”
Türkiyə-Ermənistan sərhədlərinin bağlı olmasından ən çox qazanclı çı-
xan tərəflərdən biri də Rusiyadır. Tək səbəb olmasa da,
52
Türkiyə-Ermənistan
sərhədlərinin bağlı olması Ermənistanın Rusiyadan daha çox asılı vəziyyətə düşməsi
ilə nəticələnmişdir. Bir tərəfdən Türkiyə-Ermənistan sərhədlərinin açılmasına qarşı
çıxan Rusiya, digər tərəfdən iqtisadi sahədə Ermənistanı özündən asılı vəziyyətə
salmaq üçün bütün vasitələrdən istifadə etmişdir. Bunun üçün Ermənistan region-
dan təcrid olunmalı idi və bu səbəbdən də Rusiya Türkiyə-Ermənistan sərhədlərinin
açılmasına qarşı çıxmışdır. Bəlkə də, Türkiyə Azərbaycanın etirazlarına baxmayaraq
sərhədləri aça bilər, amma Ermənistan Rusiyanın razılığı olmadan sərhədləri aça
bilməz. Lakin Rusiya Türkiyə ilə Ermənistan arasında protokolların imzalanmasını
dəstəklədiyini bildirən ilk ölkələrdən biri olmuş, sərhədlərin açılmasına açıq dəstək
vermişdir. Rusiyanın Türkiyə-Ermənistan sərhədlərinin açılması siyasətində mövqe-
yinin dəyişməsinin bir neçə səbəbi var.
Birincisi, yuxarıda qeyd etdiyimiz kimi, Gürcüstanı təkləmək siyasətidir. İkin-
cisi, Türkiyə-Ermənistan sərhədləri açılarsa, “Rusiyanın Ermənistana təsiri azala-
caq” düşüncəsi nəzəri cəhətdən mümkün olsa da, təcrübədə bu ehtimal çox zəif gö-
rünür. Rusiya son 20 ildə Ermənistanın borclarına qarşı bütün strateji qurumlarını
“satın alaraq” bu ölkədəki mövqeyini gücləndirmişdir. Bundan başqa, Rusiyanın
Ermənistanda hərbi bazaları var və Ermənistan-Türkiyə, Ermənistan-İran sərhədləri
Rusiya ordusu tərəfindən qorunur. Rusiya Ermənistanı özündən asılı vəziyyətə salan
Dağlıq Qarabağ kartını əlində saxlayır. Yəni Rusiya həm müasir, həm də ənənəvi
güc vasitələri ilə Ermənistanı özündən asılı vəziyyətə salmışdır. Ermənistana nüfuz
etmək istəyən hər hansı bir güc Rusiya ilə razılaşmaq məcburiyyətindədir. Üçüncü-
sü, Rusiya şirkətləri Ermənistanda istehsal etdikləri malları ixrac edə bilmədikləri
üçün itkillərlə üzləşirlər. Ermənistanda istehsal edilən malın xaricə satılması üçün
isə ən münasib yol Türkiyədir. Bu məsələ ilə bağli bir neçə fakt səsləndirilib.
Məsələn, son məlumata görə, Türkiyə-Ermənistan arasındakı Qars-Gümrü dəmir
yolunun Ermənistandan keçən hissəsini Rusiya şirkəti təmir edəcəkdir. Digər bir
məqam: Abdullah Gülün Ermənistan ziyarətində tərəflər arasında elektrik enerjisinin
alqısı ilə bağlı müqavilə imzalanmışdır. Müqaviləyə görə, Türkiyə elektrik enerji-
sini Rusiyanın İnter RAO şirkətinin işlətdiyi Metsamor Atom Elektrik Stansiya-
52 Ermənistanın Rusiyadan asılı olmasının ən önəmli səbəbi Dağlıq Qarabağın işğalıdır.