SAM-ın İCMALI
| 7
GİRİŞ
Cənubi Qafqaz regionunda 16 ildir ki qeyri-normal vəziyyət hökm sürür. Bir
tərəfdə işğal nəticəsində öz doğma torpaqlarından zorla qovulan 1 milyondan çox
qaçqın, digər tərəfdə isə bir region ölkəsinin düşdüyü “blokada” şəraiti. İkinci hal bi-
rincinin nəticəsidir. Bu, ikitərəfli prosesdir və bir-birinin davamıdır. Biri düzəlmədən,
o biri dəyişə bilməz. Dəyişsə belə, uzun çəkməz. Qısacası, regionda normallaşma
prosesi ancaq burada mövcud olan problemlərin kompleks həlli nəticəsində yarana
bilər.
Bölgədəki geostrateji oyunun bir parçası olan dövlətlər bu qeyri-normal
vəziyyətə qarşı siyasətlərini zaman-zaman dəyişdirdilər. Bu proses Türkiyə-
Ermənistan arasında protokolların imzalanması ilə nəticələndi. Sürixdə imza
mərasimində iştirak edən fövqəlgüclər, əslində, bu normallaşma prosesində hansı
dövlətlərin maraqlı tərəf olmasına işarə idi. Fəqət bu protokollar regionda qeyri-
normal vəziyyətin yaranmasına səbəb olmuş bir tərəfi maraqlandırdığı üçün Cənubi
Qafqazda bütöv bir normallaşma havasının yaranıb-yaranmayacağı sual altındadır.
Üç fəsildən ibarət bu hesabatın birinci fəslində Türkiyə-Ermənistan
münasibətləri üç dövrə bölünərək təhlil edilir. Birinci dövr (1988-1993) həm
Türkiyə-Ermənistan münasibətlərini, həm də Türkiyənin Dağlıq Qarabağ siyasətini
əhatə edir. Bu dövr Türkiyənin Ermənistanla sərhədlərini bağladığı tarixdə bitir. İkin-
ci dövr (1993-2002) Türkiyə ilə Ermənistan arasında diplomatik əlaqələrin kəsilməsi
və sərhədlərin bağlı olmasına baxmayaraq, tərəflər arasında dolayı görüşlərin və
ticarətin davam etdiyini əks etdirir. Digər iki dövrdən fərqli olaraq, üçüncü döv-
rün özünəməxsus xüsusiyyətləri var. 2002-ci ildən sonra Ermənistanla münasibətləri
normallaşdırma siyasəti həyata keçirən Türkiyə bu ölkəyə qarşı bəzi qarşılıqsız ad-
dımlar atdı. Türkiyə-Ermənistan protokolları da məhz bu üçüncü dövrün məhsuludur.
İkinci fəsildə Türkiyə-Ermənistan arasında imzalanan protokollar və proto-
kolların əhatə etdiyi sahələr, protokolların region, Türkiyə və Azərbaycan üçün orta-
ya çıxara biləcəyi müsbət və mənfi nəticələr təhlil edilir.
Üçüncü fəsildə isə Türkiyə-Ermənistan münasibətlərində normallaşma prose-
sinin regional sabitliyə və sülhə təsiri nəzərdən keçirilir.
Hesabatın “Nəticə” və “Tövsiyələr” bölmələrində müzakirə edilən mövzulara
dair
ümumiləşdirici, alternativ fikirlər təqdim edilir.
8 |
SAM-ın İCMALI
Soyuq müharibədən sonra ortaya çıxan nəticələrə hazır olmayan Türkiyə yeni
təhlükə və çağırış mənbələri ilə qarşı-qarşıya qaldı. Cənubi Qafqazdan hiss etdiyi
SSRİ kimi böyük bir təhlükə ortadan qalxdı və yerində üç siyasi oyunçu meydana çıx-
dı. Qısamüddətli tərəddüddən sonra Türkiyə hər üç ölkənin müstəqilliyini tanısa da,
Cənubi Qafqaz ölkələrinin ona verdiyi reaksiyalar fərqli oldu. Azərbaycan və Gür-
cüstan Türkiyə ilə siyasi, iqtisadi və hərbi əlaqələrini genişləndirmək istəklərini or-
taya qoyduqları halda, Ermənistan ona qarşı fərqli iddialarla çıxış etdi və Türkiyənin
regional rəqibi olan Rusiya ilə eyni ittifaqda yer aldı.
Müasir Ermənistan ilə Türkiyə arasında ilk təmasların tarixi 1988-ci ilə təsadüf
edir. Belə ki, həmin ildə Ermənistanda baş vermiş zəlzələ zamanı Türkiyə bu ölkəyə
yardım etmişdir. Lakin az sonra bir türk jurnalistin İrəvana səfər etməsi Ermənistanda
etirazla qarşılanmış və bu tarixdən etibarən 1990-cı ilə qədər türk jurnalistlərin bu
ölkəyə səfəri qadağan olunmuşdur. 1990-cı ildə ermənilərin Türkiyədəki katoli-
kosu Qalustyanın ölümündən sonra Türkiyənin Rusiyadakı səfiri Volkan Vuralın
ermənilərə başsağlığı məktubu göndərməsi münasibətlərdə yaxınlaşma yaratmışdır.
Bu isə türk jurnalistlərin Ermənistana səfər etməsi qadağasının aradan qaldırılması
ilə nəticələnmişdir. Həmin il Ermənistanın prezidenti seçilən Levon Ter-Petrosyan
Türkiyə ilə iqtisadi əlaqələr qurmaq istəyini açıqlamış və bundan dərhal sonra
Moskvada erməni və türk iş adamları arasında əlaqələrin təməlini qoyan görüşlər
başlamışdır.
1
Lakin 1990-cı il avqustun 23-də Ermənistanın qəbul etdiyi Müstəqillik
Bəyannaməsinin 11-ci maddəsinə “Osmanlı Türkiyəsində və Qərbi Ermənistanda
ermənilərə qarşı törədilən soyqırımın beynəlxalq aləmdə tanınması”
2
cümləsinin sa-
lınması və Ermənistan parlamentinin 1991-ci ilin fevral ayında Qars müqaviləsi ilə
müəyyən olunmuş Türkiyə-Ermənistan sərhədlərini tanımadığını bəyan etməsi
3
bu
iki ölkə arasında diplomatik əlaqələrin qurulmasına öz mənfi təsirini göstərmişdir.
Ermənistanın bu addımlarına baxmayaraq, 1991-ci ilin aprel ayında İrəvana gedən
Volkan Vural Ter-Petrosyanla görüşmüş və tərəflər arasında xoş qonşuluq əlaqələri
qurmaq məqsədilə müqavilə planı hazırlanmışdır. Bu səfərdən sonra Ermənistandan
olan nümayəndə heyəti Türkiyə Baş nazirinin köməkçisi Əkrəm Pakdəmir tərəfindən
qəbul edilmiş və eyni zamanda, Türkiyənin 1991-ci ildə Mərkəzi Asiyaya ezam et-
diyi nümayəndə heyəti Ermənistanda da səfərdə olmuşdur. Bu zaman kəsiyində türk
xalqı Dağlıq Qarabağ münaqişəsinə görə Ermənistanla əlaqələrin qurulmasına qarşı
sərt mövqe nümayiş etdirdiyi halda, türkiyəli diplomatlar isə əksinə Ermənistanla
1 Hürriyet (25.09.1990).
2 Declaratıon of Independence, http://www.armeniaforeignministry.com/htms/doi.html
3 Turkish Times (12 Şubat 1991).
I FƏSİL.
SOYUQ MÜHARİBƏDƏN SONRA
TÜRKİYƏ-ERMƏNİSTAN MÜNASİBƏTLƏRİ