SAM-ın İCMALI
| 19
da Azərbaycan bayrağını təhqir edən polis işcisinin işdən azad olunmasından sonra
gərginlik də sona çatdı. Yaranmış gərgin vəziyyətdən istifadə edərək həm Türkiyə
daxilində, həm də qonşu dövlətlərdə Azərbaycan-Türkiyə münasibətlərinə zərər
vermək istəyənlər oldu. Hətta bu gərginliyi Azərbaycandakı “Rusiyaya meyil-
li” qüvvələrin yaratdığı iddia edildi. Lakin bu gün hər iki tərəfin göstərdiyi səylər
nəticəsində Türkiyə ilə Azərbaycan arasındakı etimatsızlıq, demək olar ki, orta-
dan qalxıb və münasibətlər əvvəlki axarına düşüb. Beləliklə, Türkiyə-Azərbaycan
münasibətlərinə zərər vermək istəyən güclər öz məqsədlərinə çatmadılar. Lakin bu,
heç də o qüvvələrin səylərindən imtina etməsi mənasına gəlmir. Hələ də Türkiyə
daxilində bəzi yazıçı və alimlərin yazıları və üslubları Azərbaycanda narahatlığa
səbəb olmaqdadır. Digər tərəfdən Türkiyənin də Azərbaycandan bəzi gözləntiləri
var.
2.3. Protokolların imzalanması
Hansı tarixdə ratifikasiya olunduğu dəqiq bilinməsə də, aşkarlandıqdan dörd ay
sonra, yəni 2009-cu il avqustun 31-də İsveçrənin Bern şəhərində protokolların mətni
açıqlandı. Protokolları nəzərdən keçirən zaman üç mühüm prosesdən keçəcəyini
görmək mümkündür: 1) daxili müzakirə; 2) imza və 3) təsdiqlənmə. Əvvəlcə proto-
kollar hər iki ölkə daxilində siyasi qüvvələr tərəfindən 6 həftə müzakirə edildikdən
sonra ölkə parlamentlərinə təqdim olunur. Protokollarda imzalanma tarixi əks olunsa
da, ölkələrin parlamentlərində təsdiq olunma tarixi göstərilmir. Yəni tərəflər proto-
kolların parlamentlərində təsdiqlənməsi tarixi barədə sərbəstdirlər. Bu isə o deməkdir
ki, tərəflərdən biri istəsə protokolu parlamentdə təsdiqləməyə bilər.
Əslində, iki dövlət arasında diplomatik əlaqələrin qurulması üçün Nazirlər Ka-
binetinin razılığı kifayətdir. Lakin hər iki ölkənin hökuməti protokolların qüvvəyə
minməsi üçün ölkə parlamentlərində təsdiqlənməsini istəyirdi. Protokolları
parlamentdən keçirməkdə məqsəd 2 səbəblə bağlı ola bilərdi: birincisi, protokolla-
rın arxasında xalq dəstəyinin olduğunu göstərmək; ikincisi, protokolların qüvvəyə
minmə müddətini uzatmaq.
Proseduraya uyğun olaraq Türkiyənin Xarici işlər naziri Əhməd Davudoğlu
müxalifət partiyalarını ziyarət edərək həm protokolların, həm də Türkiyə-Ermənistan
danışıqlarının məğzini açıqladı. Müxalifət partiyalarından Cümhuriyyət Xalq Parti-
yası, Demokratik Sol Partiyası, Böyük Birlik Partiyası, Səadət Partiyası və Demok-
ratik Partiya protokolların imzalanmasına qarşı çıxdılar.
29
Türkiyə Böyük Millət
Məclisində (TBMM) 20 millət vəkili olan və özünü kürdlərin təmsilçisi kimi tanı-
dan Demokratik Xalq Partiyası (Demokratik Toplum Partisi - DTP
30
) isə protokollar
parlamentə təqdim edilərsə, dəstəkləyəcəyini bildirdi.
Sərkisyan isə ölkə daxilində müxalifət partiyaları ilə görüşləri bitirdikdən sonra
29 Türkiyənin müxalifət partiyalarının protokollara qarşı çıxmalarının özünəməxsus səbəbləri var.
30 Bu partiya daha sonra məhkəmə qərarı ilə bağlansa da, onun yerinə Sülh və Demokratiya Partiyası (Barış və De-
mokrasi Partisi - BDP) quruldu.
20 |
SAM-ın İCMALI
diasporun üzvləri ilə görüşmək üçün xaricə üz tutdu. Xaricdəki erməni diasporunun
liderləri protokollar mövzusunda iki fərqli mövqe nümayiş etdirsələr də, ən güclü
erməni diasporu təşkilatları protokolların imzalanmasına qarşı çıxdı. Bu səbəbdən
Sərkisyan Fransa və ABŞ səfərlərində bu ölkələrdəki erməni diasporunun ciddi eti-
razları ilə qarşılaşdı. Ermənistan müxalifətindən də protokollara qarşı çıxanlar oldu,
hətta Daşnaksütyun Partiyası protokolların imzalanmasına etiraz əlaməti olaraq ac-
lıq elan etdi. Protokollara qarşı çıxan ermənilərin əsas arqumentləri odur ki, bununla
da soyqırım məsələsinin müzakirəsinə yol açılacaq, həmçinin Qars müqaviləsinə də
əsas veriləcək. Bu isə Ermənistanın soyqırım iddialarından imtina etməsi və Qərbi
Ermənistanı tamamilə itirməsi ilə nəticələnə bilər.
Həm Türkiyədə, həm də Ermənistanda 6 həftəlik daxili müzakirələr prosesində
ciddi etirazların olmasına baxmayaraq,
31
protokollar oktyabrın 10-da İsveçrədə
Türkiyənin Xarici işlər naziri Əhməd Davudoğlu və Ermənistanın Xarici işlər na-
ziri Eduard Nalbandyan tərəfindən imzalandı. Mərasimdə Minsk qrupunun həmsədr
ölkələrinin xarici işlər nazirləri də iştirak etdilər. İmzalanma mərasimində kiçik
bir böhran yaşandı. Belə ki, Ermənistan tərəfi imza mərasimindən sonrakı mətbuat
açıqlaması mətninə “protokolların ilkin şərt olmadan həyata keçirilməsi” cümləsini
əlavə etdirmək istədi. Türkiyə tərəfi isə öz mətnində dolayı yolla Dağlıq Qarabağı
vurğulamaq niyyətində idi. Lakin Rusiya və ABŞ-dan gələn təzyiqlər nəticəsində
bu böhran protokolların imzalanması ilə aradan qalxdı. Protokolun parafikasiyası
üçün rəsmi vasitəçi İsveçrə olsa da, əslində, vasitəçinin ABŞ
32
olduğuna dair çox
ciddi iddialar mövcuddur. Cümhuriyyət Xalq Partiyasının (Cümuriyyet Halk Par-
tisi - CHP) keçmiş sədr müavini Onur Öymənin açıqlamasına görə, Türkiyə ilə
Ermənistan arasında münasibətlərin normallaşma prosesinə ABŞ-ın Xarici İşlər
Nazirliyinin müşavirlərindən Devid L. Filip vasitəçilik etmişdir. Bu, Türkiyə ilə
Ermənistanı barışdırmaq üçün amerikalı diplomatın ilk cəhdi deyildi. Filip 2001-ci
ildə Türkiyə ilə Ermənistan arasında Türk-Erməni Barışdırma Komitəsinin (TARC-
Turkish-Armenian Reconciliation Comisson) yaradılmasında da vasitəçi olmuşdur.
33
O, bu məqsədlə dəfələrlə Ermənistanı və Türkiyəni ziyarət etmişdir.
34
Əgər tərəflər
vasitəçinin ABŞ olduğunu açıqlamış olsaydı, xüsusən Türkiyədə xalqın daha çox
hissəsi protokolların mətninin qəbuluna qarşı çıxardı. Çünkü həm Əfqanıstan və
İraq müharibəsi, həm də Buş dövründə ABŞ-ın Türkiyəyə qarşı apardığı siyasət
səbəbindən türk xalqı ABŞ-a etibar etmir.
Türkiyə və Ermənistan arasında iki növ protokol parafikasiya olunmuşdu:
35
bi-
31
Türkiyənin “Radikal” qəzetinin xarici siyasət yazarlarından Murad Yetkinə görə, ermənilərin protokolların imzalanma
tarixi üçün fərqli tələbləri olmuşdur. Belə ki, ermənilər 6 həftəlik daxili müzakirə müddətinin oktyabrın 5-də bitməsini
istəmişdir. Lakin Ankara Ermənistanın bu protokollardan oktyabrın 7-9-da Kişinyovda MDB-nin dövlət başçılarının
zirvə toplantısı çərçivəsində keçirilən Əliyev-Sərkisyan görüşündə Azərbaycana təzyiq vasitəsi kimi istifadə etmək
niyyətini başa düşmüş və elə ona görə də buna yol verməmək üçün protokolların Əliyev-Sərkisyan görüşündən sonra
imzalanmasını istəmişdir”. Murat Yetkin. Ermenistan ile Pratakolun Perde Arkası, Radikal. (02.09.2009).
32 Melih Aşık. Bakü`de Skandal. Milliyet (04.09.2009).
33 Aybars Görgülü. Göstərilən əsəri, s. 19.
34 http://www.chp.org.tr/HaberDetayi.aspx?NewsID=192
35 Parafikasiya-görüşmələrdə tərəflərin nümayəndələrinin adlarının baş həriflərinin yazması yolu ilə bir müqavilə