Ümumdünya BMT Assosiasiyaları Federasiyası,
Minilliyin Layihəsi
2007 Gələcəyin Durumu
30
Bütün insanlar üçün sağlamlığa və təhlükəsizliyə nail olunmasına cəhd etmək gülünc
hesab olunur. Həmçinin, bir gün təkbaşına fəaliyyət göstərən bir fərdin kütləvi qırğın silahı
düzəltməyəcəyini və ondan istifadə etməyəcəyini və ya sərhədlərsiz asan səyahətin
mövcud olduğu və bioloji müxtəlifliyin azaldığı bir dövrdə insanları və heyvanları şəhərdə
cəmləşdirdiyimiz bir şəraitdə pandemiyanın ciddi şəkildə artmayacağını düşünmək də
gülməlidir. Bir nəfərin rifahının hamının rifahı olması idealizmi terrorizmlə mübarizəyə,
hava limanlarının açıq saxlanılmasına və kütləvi qırğın silahlarının dövriyyəsinin qarşısını
alınmasına və insan təhlükəsizliyinə qarşı yönələn digər potensial
təhlükələrə praqmatik
uzunmüddətli yanaşma kimi çıxış edə bilərdi. Gülünc idealizmin ömrü qısadı, lakin
pessimizmin ciddiliyinə malik olmayan idealizm azdırıcıdır. Bizə bəşəriyyətin həm yaxşı,
həm də pis tərəflərini tədqiq etməyi və uğurlu strategiyalar işləyib hazırlayaraq onları
həyata keçirməyi bacaran məharətli idealistlər lazımdı.
Bir çox problemlərin bir çox da cavabları var, lakin ortada o qədər əlaqəsiz məlumat
mövcuddur ki, nəyin həqiqətən işə aid olduğunu müəyyən etmək və fikri ona cəmləmək
çətindir. Sağlam demokratiyalar müvafiq informasiyaya ehtiyac duyduqları və demokratiya
günü-gündən daha da qloballaşdığı üçün ictimaiyyətə bu tendensiyanı saxlamaq üçün
qlobal olaraq müvafiq informasiya lazım olacaq. Biz ümid edirik ki, illik Gələcəyin Durumu
hesabatları bu cür informasiyanın təmin olunmasına yardım edəcək.
Bu ilki Gələcəyin Durumu hesabatında göstərildiyi kimi, Minilliyin Layihəsinin 11-ci
fəaliyyət ilindəki araşdırmalar ümidsizlik, kortəbii inam və cahilcəsinə etinasızlıq kimi
bəşəriyyətin perspektivlərini inkişaf etdirmək cəhdlərinin qarşısını almış hallarla
mübarizə
aparan qərar qəbul edənlərə və müəllimlərə yardım göstərə bilər.
Ümumdünya BMT Assosiasiyaları Federasiyası, Minilliyin Layihəsi
2007 Gələcəyin Durumu
31
15 Qlobal Çağırış
15 Qlobal Çağırış bəşəriyyətin qlobal və yerli perspektivlərini qiymətləndirməyə əsas verir.
Çağırışlar bir-birindən qarşılıqlı şəkildə asılıdırlar: birindəki inkişaf digərlərinin də həllini
asanlaşdırır; birinin pisləşməsi digərlərinin də həllini çətinləşdirir; onlardan birinin
digərindən vacib olduğu haqda mübahisə etmək insanın
sinir sisteminin tənəffüs
sistemindən vacib olduğu haqda mübahisə etməyə bənzəyir.
Oxucular bu 15 Qlobal Çağırışın növbəti ilki buraxılışdakı xülasəsini təkmilləşdirmək
məqsədilə öz rəylərini göndərməyə
dəvət olunurlar. Xahiş olunur
www.StateoftheFuture.org saytındakı qaynar-xətt forumlara qoşulasınız (15 Qlobal
Çağırışı seçin).
Hər kəs üçün kifayət qədər təmiz suyu
münaqişəsiz necə əldə etməli
Əhali artımı və resursları necə
tarazlaşdırmalı
Avtoritar rejimlərdən həqiqi
demokratiyaya necə keçməli
Siyasi qərarların qəbul edilməsini qlobal
uzunmüddətli perspektivlərə qarşı
həssaslığını necə artırmalı
İnformasiya və kommunikasiya
texnologiyalarının məcmusu hər kəs
üçün necə işləməlidir
Etik bazar iqtisadiyyatını varlı və kasıb
arasında fərqin aradan qaldırılmasına
yardım etməyə necə vadar etməli
Yeni və yenidən baş qaldıran xəstəlik və immun
mikroorqanizmlərin təhlükəsi necə azaldılmalıdır
Qərar qəbuletmə bacarığı işin təbiəti və müəssisələr
dəyişdikcə necə təkmilləşdirilməlidir
Ortaq dəyərlər və yeni təhlükəsizlik strategiyaları
etnik münaqişə, terrorizm və kütləvi qırğın
silahlarının istifadəsini necə azaltmalı
Qadınların dəyişən statusunun insanların şəraitinin
yaxşılaşdırılmasına kömək etməsinənecə nail olmalı
Transmilli mütəşəkkil cinayətkar şəbəkələrini daha
güclü və mürəkkəb qlobal təsisata çevrilmədən necə
dayandırmalı
Enerjiyə artan tələbat necə təhlükəsiz və səmərəli
şəkildə təmin olunmalıdır
Elmi və texnoloji nailiyyətlər insanların vəziyyətinin
yaxşılaşdırılması üçün necə sürətləndirilməlidir
Etik düşüncələri qlobal qərarlarla daha mütəmadii
surətdə necə birləşdirməli
Hamı üçün dayanıqlı
inkişafa necə nail olmalı
Ümumdünya BMT Assosiasiyaları Federasiyası, Minilliyin Layihəsi
2007 Gələcəyin Durumu
32
1. Qlobal Çağırışlar
1-ci Fəsildə 1996-cı ildən bəri davam edən Delphi prosesi və ekoloji araşdırma vasitəsilə
müəyyən olunmuş 15 Qlobal çağırışın 2 səhifəlik şərhi təqdim edilir. Bu Çağırışlar
xarakterinə görə transmilli və həllinə görə transinstitusionaldır. Onların heç birinə təkcə
fəaliyyət göstərən hər hansı bir hökumət və ya institut cavab verə bilməz. Onlar
hökumətlər, beynəlxalq təşkilatlar,
korporasiyalar, universitetlər, QHT-lər və yaradıcı
fərdlər arasında müştərək fəaliyyət tələb edir. Ardıcıllıqla düzülməsinə baxmayaraq,
davamlı inkişafla bağlı 1-ci Çağırış qlobal əxlaqa dair 15-ci Çağırışdan nə çox, nə də az
vacib deyil. Bu çağırışlarda ifadə olunduğu kimi qlobal vəziyyətə və çağırışlara cavab
vermək üçün həyata keçirilən fəaliyyətlərə münasibətdə yekdillik kütləvi informasiya
vasitələrində göründüyündən daha çoxdur. 15 Qlobal Çağırış haqqında 1 100 səhifədən
ibarət təffərrüatları CD versiyasının 1-ci Fəslində tapmaq olar. Hər bir Çağırış üzrə daha
müfəssəl xülasə, alternativ fikirlər və ya iştirakçılar
tərəfindən xülasələrə, regional
perspektivlərə dair əlavə şərhlər və ən son ədəbiyyatdan götürülmüş müvafiq informasiya,
çağırışa cavab vermək üçün qərar qəbul edənlərlə aparılan müsahibələrdən əldə olunmuş
müxtəlif fikirlərə əsaslanan fəaliyyətlər məcmusu, əlavə fəaliyyətlər və o fəaliyyətlərə dair
fikirlər və hər Çağırış üzrə inkişafı və çatışmamazlıqları ölçmək
üçün təklif olunmuş
göstəricilər mövcuddur.
Həm çap, həm də kompakt disk versiyası təqribən 2400 iştirakçının irəli sürdüyü müştərək
və saflaşdırılmış mühakimələrdən ibarətdir. İştirakçıların demoqrafik göstəriciləri üçün
Əlavəyə, iştirakçıların tam siyahısı üçün isə kompakt disk versiyasının “A” Əlavəsinə
baxın. Bu çağırışların həm qısa, həm də daha dolğun təfərrüatlarını aşkara çıxarmaq
üçün 1996-cı ildən 2007-ci ilədək istifadə olunmuş anketlərin və müsahibə protokollarının
tam detallarını
www.acunu.org/millennium/lookout.html
saytında tapmaq olar.
Çağırışların inkişafını və gələcək perspektivlərini göstərmək üçün Cədvəllərin bəzilərində
2-ci Fəsildə izah edilmiş və əlavə edilən kompakt diskdə 2-ci Fəsildə təfərruatı verilmiş
Gələcəyin Durumu İndeksi hesablamalarından istifadə edilir.