istifadə edilir. Bundan başqa bu profil quyu lüləsi bir neçə
məhsuldar laydan keçdikdə yatağın ümumi işlənmə şəbəkəsini
saxlamaqla, həmin layların istənilən hər birini ayrılıqda
istismar etməyə imkan verir. İki əyri intervalı olan bu profil
mürəkkəbdir və qazıma prosesində novun əmələ gəlməsinə,
qazıma alətinin pərçimlənməsi və tutulmasına şərait yaradır.
E. Beşintervallı profil (şək.8.13.e) Ş+İART+AART+
ST+AZ intervallarından ibarətdir. Bu profil zenit bucağının
böyük qiymətini əldə etmək üçün əsasən inhirafı böyük olan
(quyunun dərinliyi ilə müqayisədə) quyuların qazılmasında
tətbiq edilir. Beləliklə, çox zəhmət tələb edən istiqamətlən-
dirilmiş QKAH – dan istifadə minimuma endirilir və nəticədə
keyfiyyətli səlis əyriliyə malik quyu lüləsi qazılır.
Yuxarıda göstərilən bütün profillərdən fərqli olaraq
burada zenit bucağının artırılmasının iki intervalı vardır:
istiqamətləndirilmiş QKAH ilə qazılan intervalda zenit bu-
cağının intensiv artırılması (İART) və istiqamətləndirilməmiş
QKAH ilə qazılan intervalda zenit bucağının az intensivliklə
artırılması (AART). Azərbaycanın dəniz yataqlarında beşinter-
vallı maili quyu profillərindən istifadə olunduğunu misal
göstərmək olar.
Fəza profili. Quyu lüləsinin ixtiyari əyilməsinə geoloji
amillərin təsiri çox olan rayonlarda maili quyuların qazıl-
masında istifadə edilir. Belə hallarda quyunun profilinin qurul-
ması üçün quyu lüləsinin təbii əyilmə qanunauyğunluqlarından
maksimum istifadə etmək və istiqamətləndirilmiş QKAH-dən
istifadə olunmasını minimuma endirməyə çalışmaq lazımdır.
Maili quyu profillərinin tipləri
Şəkil 8.13 İNTERVALLAR: Ş-şaquli; ART-zenit bucağının artırılması
(İ-intensiv,A-az intensiv); ST-zenit bucağının sabit saxlanılması; AZ-zenit bucağının
azaldılması;H-şaquli xətt üzrə quyunun dərinliyi; L-quyu lüləsinin şaquldan inhirafı
8.3. Maili quyu profilləri intervallarının xarakteri
Şaquli interval bilavasitə quyunun ağzından başlayır və
bir sıra amillərlə təyin olunan müxtəlif uzunluğa malikdir.
Şaquli interval nə qədər az olarsa, maili lüləni verilən
istiqamətə qazımaq bir o qədər asanlaşar. Lakin quyu
kəsilişinin yuxarı hissəsində dağ süxurlarının daha dayanıqsız
olması maili hissənin qazılmasına maneçilik törədir. Bundan
başqa, inhirafı kiçik olan dərin quyularda maili hissənin
qazılmasını kiçik dərinlikdən başlamaq münasib deyil, çünki
bu halda quyuda zenit bucağının qiyməti kiçik olacaq və
quyunun verilmiş azimutda qazılması çətin həyata keçiriləcək.
Maili lülənin qazılmasına böyük dərinlikdən başlamaq da
münasib deyil, çünki bu zaman bir çox texniki çətinliklər əmələ
gəlir ki, bunlardan böyük dərinlikdə əyri keçiricini verilmiş
istiqamətdə yönəltməyin müşgüllüyünü və quyu diametri ilə
məhdudlaşan əyri keçiricinin etibarsız işləyəcəyi ehtimalının
artmasını göstərmək olar. Kut üsul ilə qazımada maili hissənin
qazılması prosesində lülələrin görüşməməsi tələbi də nəzərə
alınmalıdır.
8.9.Zenit bucağının iki artırılma intervalı və bunlar
arasında sabit saxlanılma intervalı olan ÜQ profili
Bu mürəkkəb tip profil olub, beş intervaldan, yəni
şaquli, zenit bucağının birinci artırılma, stabilləşdirilmə, ikinci
artırılma və üfqi intervallardan ibarətdir. Bu tip profil quyu
lüləsinin məhsuldar laya daxil olduğu nöqtədə şaquldan inhirafı
böyük olan hal üçün istifadə olunur. Belə ÜQ profili
layihələndirilən zaman verilən oxboyu yükün quyu dibinə
çatdırılması, qoruyucu kəmərin müvəffəqiyyətlə buraxılması və
sonradan quyunun tamamlanmasını nəzərə alaraq, artırılma
intervallarında lülənin əyrilik intensivliyini, həmçinin stabilləş-
dirilmə intervalında zenit bucağını, müqavimət qüvvələrinin
minimum olması şərti ilə seçmək lazımdır. Quyu quruluşu
mürəkkəb olan halda intervalların yerdəyişməsinin qoruyucu
kəmərin buraxılma dərinliyinə uyğun gəlməsi əlverişlidir.
Quyu lüləsinin həqiqi yolunun layihədə nəzərdə
tutulduğundan kənara çıxdığı halda stabilləşdirilmə intervalının
olması profilin layihələndirilməsi üçün vəziyyəti düzəltməyə
müəyyən qədər imkan verir. Birinci artırılma intervalında əldə
edilmiş zenit bucağından asılı olaraq stabilləşdirilmə intervalı-
nın uzunluğunu dəyişmək olar.
8.10. Üfqi quyu profillərinin hesablanması
Profilin tipini seçdikdən sonra onun hesablanmasını
aparmaq lazımdır. Hesabat üçün ilkin məlumatlar, əsasən
məhsuldar layın yatma dərinliyi, onun yatım bucağı, üfqi
intervalın (şərti-üfqi) inhirafının başlanğıc nöqtəsi, zenit bucağı
və uzunluğu, quyunun konstruksiyasıdır.
Hər hansı tip profilin hesablanması lülənin zenit
bucağının, üfqi və şaquli proyeksiyasının dərinlikdən asılılığı-
nın təyin olunmasına gətirib çıxarır. Hesablama nəticəsində
Dostları ilə paylaş: |