131
Milli Qəhrəmanlar
50
illiyi
Qorxmaz Eyvazov
1967-1994
APREL
Qorxmaz Abış oğlu Eyvazov 1967-
ci il aprel ayının 1-də Laçın rayonunun
Güləbird kəndində anadan olmuşdur.
O, 1984-cü ildə orta məktəbi bitirərək,
127 saylı texniki-peşə məktəbinə daxil
olmuşdur. 1985-ci ildə ordu sıralarına
çağırılmış və Ukraynada hərbi xidmətdə
olarkən 6 aylıq serjantlıq kursunu bi-
tirmişdir. Xidmət müddətində fəxri
fərmanlarla yanaşı, birinci dərəcəli id-
mançı vəsiqəsi almış və döş nişanı ilə də
təltif edilmişdir.
Qorxmaz 1987-ci ildə əsgəri xidmətini
başa vurub vətənə dönmüş, 1988-ci ildə
Laçında yaradılmış partizan dəstəsinə
qoşulmuşdur.
1992-ci ilin mart ayında Laçın rayon
Polis şöbəsində işə qəbul edilmişdir.
Sıravi polis işçisi Q.Eyvazovun döyüş
yolu öz doğma yurdundan Qazdərəsi,
Suarası, Mazutlu kəndlərinə kimi uza-
nır. Qızartı dağı uğrunda gedən döyüşlər
zamanı onun xüsusi fəallığı nəticəsində
düşmənin bir tankı ələ keçirilir.
1992-ci ildə avqust ayının 4-də erməni
quldurları Qızartı dağını yenidən ələ
keçirmək üçün hücuma keçirlər. Cəsur
döyüşçü bu vuruşda qolundan güllə ya-
rası alır. O, sağalan kimi, qısa müddətdən
sonra yenidən döyüşə atılır, Füzuli rayo-
nu ərazisində gedən döyüşlərdə böyük
şücaət göstərir. Horadiz əməliyyatı za-
manı göstərdiyi igidliyə görə onu rota
komandiri təyin edirlər.
10 fevral 1994-cü ildə Cəbrayıl rayo-
nunun Cocuq Mərcanlı kəndində Qorx-
mazın son döyüşü olur. O, düşmənin
xeyli canlı qüvvəsini məhv etmiş və özü
də bu döyüşdə həlak olmuşdur.
Azərbaycan Respublikası Prezidenti-
nin 15 yanvar 1995-ci il tarixli 262 saylı
Fərmanı ilə Qorxmaz Abış oğlu Eyva-
zova ölümündən sonra “Azərbaycanın
Milli Qəhrəmanı” fəxri adı verilmişdir.
Sumqayıt şəhərindəki Şəhidlər Xiya-
banında dəfn edilmişdir.
Laçın rayonunun Güləbird kənd
xəstəxanası
qəhrəmanın adını daşıyır.
Ə d ə b i y y a t
Azərbaycan Respublikasının bir qrup hərbi qulluqçusuna və polis işçilərinə “Azərbaycanın Milli Qəhrəmanı” adı verilməsi haqqında:
[Eyvazov Qorxmaz Abış oğlu-Daxili İşlər Nazirliyi, starşina-Azərbaycan Respublikasının suverenliyi və ərazi bütövlüyünün qorunma-
sında, Vətənimizin torpaqlarının erməni işğalçılarından müdafiə edilməsində gedən döyüşlərdə qəhrəmanlıqla vuruşaraq göstərdiyi
şəxsi igidlik və şücaətə, öz müqəddəs əsgəri və xidməti borcunun şərəflə yerinə yetirilməsindəki misilsiz xidmətlərinə görə] : Azərbaycan
Respublikası Prezidentinin Fərmanı, 15 yanvar 1995-ci il //Azərbaycan.-1995.- 17 yanvar.- S. 1.- (ölümündən sonra).
Adına yaraşan oğul: Rejissor Yalçın Verdiyevin Milli Qəhrəman Qorxmaz Eyvazova həsr etdiyi eyniadlı sənədli filminin təqdimatı keçiri-
lib //Mədəniyyət.-2014.- 2 iyul.-S.7.
Eyvazov Qorxmaz Abış oğlu: biblioqrafiya //Azərbaycanın Milli Qəhrəmanları /Azərbaycan Milli Kitabxanası; tərt. H.Həmidova.- Bakı,
2008.- S.48.
Əliyev, O. Eyvazov Qorxmaz Abış oğlu //Əliyev O., Abbasov N. Heydər Əliyev və Azərbaycanın Milli Qəhrəmanları.- Müqəddəs amal.-
Bakı,2015.-S.183.
Əsgərov, V. Eyvazov Qorxmaz Abış oğlu //Əsgərov V. Azərbaycanın Milli Qəhrəmanları.- Sumqayıt, 2010.- S.65.
1
Milli Qəhrəman
132
Milli Qəhrəmanlar
65
illiyi
Alı Mustafayev
1952-1991
APREL
Alı Mustafa oğlu Mustafayev 1952-
ci il aprel ayının 14-də Qazax rayonunun
Qazaxbəyli kəndində, fəhlə ailəsində
doğulmuşdur. 1959-cu ildə Qazaxbəyli
kənd səkkizillik məktəbinə getmiş,
1969-cu ildə Daş Salahlı kənd orta
məktəbini bitirmişdir. 1971-1973-cü
illərdə ordu sıralarında xidmətdə olmuş-
dur. 1973-cü ildə əsgəri xidmətini başa
vurduqdan sonra Bakı Elektrik Maşın-
qayırma zavodunda əmək fəaliyyətinə
başlamışdır. Zavodda işlədiyi müddətdə
“Elektrik” qəzetində tez-tez maraqlı ya-
zılarla, şeirlərlə çıxış etmişdir.
A.Mustafayev 1976-cı ildə za-
vod həmkarlar təşkilatının və zavod
rəhbərliyinin göndərişiylə ADU-nun (in-
diki BDU-nin) jurnalistika fakültəsinə
daxil olmuş, 1981-ci ildə təhsilini bitirib,
Azərbaycan Dövlət Teleradio Şirkətinin
“Xəbərlər” proqramında jurnalist kimi
fəaliyyətə başlamışdır. Çox keçmir ki,
“İlin ən yaxşı jurnalisti”, “Qızıl Qələm”
mükafatlarına layiq görülür. İşləyə-
işləyə təhsilini davam etdirərək, Bakı
Ali Partiya Məktəbini də bitirir.
1989-1990-cı illərdə Moskva
şəhərində Azərbaycan Respublikası Ali
Məclisi tərəfindən parlament müxbiri
olmuşdur.
Ədəbi-bədii yaradıcılığa tələbəlik
illərindən başlamışdır. Onun lirik şeirləri
və publisist yazıları dövri mətbuatda
müntəzəm çap edilmişdir. Çevik,
qorxmaz bir telejurnalist idi, qaynar
nöqtələrdən reporajlar hazırlamağa bi-
rinci gedirdi. Erməni faşist quldurlarının
Azərbaycana hücumu dövründə Dağ-
lıq Qarabağdan - qaynar nöqtələrdən,
eləcə də yüksək dövlət səviyyəli rəsmi
görüşlərdən hazırladığı müsahibə və
reportajlarla rəğbət qazanmışdı. Bir
neçə dəfə vertolyot qəzasına düşsə də,
təhlükəli ezamiyyətlərə getməkdən
çəkinməmiş, dəfələrlə ölümdən qayıt-
mışdır.
1991-ci il noyabr ayının 19-da Dağ-
lıq Qarabağın Qarakənd kəndi yaxın-
lığında sülhməramlı nümayəndələri
aparan vertolyotun düşmən mərmisi
tərəfindən vurulması nəticəsində şəhid
olmuşdur. Bakıda Şəhidlər Xiyabanın-
da dəfn edilmişdir.
1991-ci ildə fəaliyyətinə görə “İlin
ən yaxşı jurnalisti” mükafatına, respub-
likanın “Əməkdar jurnalist” fəxri adına
layiq görülmüşdür.
Ölümündən sonra ona Azərbaycan
Respublikası Prezidentinin 6 noyabr
1992-ci il tarixli 294 saylı Fərmanı ilə
“Azərbaycanın Milli Qəhrəmanı” fəxri
adı verilmişdir.
Nərimanov rayonundakı 202 saylı
orta məktəb Alı Mustafayevin adını da-
şıyır.
Bakının 3-cü mikrorayonundakı
küçələrindən birinə qəhrəmanın adı ve-
rilmişdir.
Ə d ə b i y y a t
Dəli bir ağlamaq keçir
könlümdən: şeirlər
/A.Mustafayev.- Bakı:
Nicat, 1992.- 152 s.
Dəli bir ağlamaq keçdi
könlümdən... və ya jurna-
list Milli Qəhrəman Alı
Mustafayevin həyat yo-
lundan səhifələr //Mövqe.-
2015.- 27 oktyabr.-S.14.
Əsgərov, V. Mustafa-
yev Alı Mustafa oğlu
//Əsgərov V. Azərbaycanın
Milli Qəhrəmanları.-
Sumqayıt, 2010.- S.219.
Əliyev,O. Mustafa-
yev Alı Mustafa oğlu
//Əliyev O., Abbasov
N. Heydər Əliyev və
Azərbaycanın Milli
Qəhrəmanları -
Müqəddəs
amal.- Bakı,2015.-S.298.
Məhərrəmova,
N. Həm jurnalist,
həm də qəhrəman
/N.Məhərrəmova //Kaspi.-
2010. 24-26 aprel.- S.13.
Qarakəndin mavi
səmasında bitən jurnalist
ömrü //Xalq cəbhəsi.-
2015.- 17 aprel.- S.14,
Kaspi.-2015.- 25-27
aprel.- S.7.
14
Milli Qəhrəman