Vaqif aslan seçİLMİŞ ƏSƏRLƏRİ

Milli Kitabxana

 

 

 

737

                                               əlimi çəkincə mən, 

                          Hövlnak oyandım həmən. 

                          Bu yuxu nə yuxuydu, 

                                            şükür sənə,ey Xuda! 

                          Boynu qızıl zəncirli  

                                          bir it gördüm yuxuda. 

                          O əl kimin əliydi,    

                                           çubuq kimi çubuğu? 

                         Məni  elə yandırıb, 

                                         göynədibdir bu yuxu, 

                         Sızlayıram hələ də. 

                         Lənət qızıl zəncirə,  

                                             çubuq tutan ələ də! 

                         Lənət özgə itindən 

                                               sədaqət umana da! 

                         Qulaq kəsib Allaha, 

                                        Haqqa göz yumana da! 

                         Lənət,lənət korlara, 

                         Zülümlərə,zorlara! 

                         Şükür sənə,ey Xuda! 

                         Sən varsansa,çin olsun       

                                           gördüklərim yuxuda. 

                                                               05.05.2006. 

II 

                          Bir qadın səsi gəldi   

                                           qulağıma qəfildən, 

                          – Məni öldürmə, – deyə     

                                        yalvardı cani-dildən.  

                          Səs yanıqlı yalvarır,     

                                         diləyirdi hey imdad, 

                          – Kəsmə,öldürmə məni, –       

                                        deyə dad çəkirdi,dad. 

                          Yuxumda həyəcandan        

                                           titrəyirdim,əsirdim. 

                          Ona kömək etməyə 

                                            can atıb,tələsirdim. 

                          Birdən əlində bıçaq    

---

Milli Kitabxana

 

 

 

738

                                      bir zorba cani gördüm. 

                          Dad eləyən qadının       

                                     yoxdur həyanı gördüm. 

                          O,əli bıçaqlının  

                                             qabağında gedirdi. 

                          Nə imdad diləyirdi,  

                                            nə də fəryad edirdi. 

                          Yaxşı tanımaq üçün 

                                       boylanarkən oyandım. 

                          Oyanmağım üzündən 

                                   yandım,yandıqca yandım. 

                          Yenə də şükür sənə,  

                                           şükür sənə,Yaradan! 

                          O əlibıçaqlını 

                                              özün götür aradan. 

                          Eşit o günahsızın naləsini,ahını, 

                          Var isə,yox isə də    

                                                  bağışla günahını. 

                                                                  06.05.2006. 

III 

                          Dişlərini çəkilmiş gördüm, 

                                                     qan oldu bağrım.    

                          O qədər artdı ağrım,        

                          Hövlnak qalxdım yuxudan,     

                                                canım qan-tər içində. 

                          Başım dərd-sər içində. 

                          Səhəri diri-gözlü    

                                          açdım bu axşam yenə.  

                          Uzadıram da çatmır     

                                                niyə əllərim sənə? 

                          Dişlərini kim çəkib, 

                                                   ağzın əyilib niyə? 

                          Dişlərinə,ağzına  

                                              yəqin durmadın yiyə. 

                          Mən indi neynim,axı,    

                                           nə daş töküm başıma? 

                          Ayıldıqca od yağır    

---

Milli Kitabxana

 

 

 

739

                                              bu yuxu yaddaşıma. 

                          Mənim yuxum çin olur,    

                                            qorxmayım necə axı? 

                          Gördüyümü görmüşəm  

                                                yuxuda gecə axı! 

                          Əlim sənə çatmadı,  

                                           Tanrım çatsın dadına! 

                          Dişsizlik yazılmasın  

                                                        məhəbbətin adına. 

                          

01.06.2006. 

IV 

                            Yuxuda gördüm ki,toyundur sənin, 

                            Yaşıl budaqlarda işıqlar yanır. 

                            Sən demə,toyun da oyundur sənin, 

                            Ürəyim döyünür,həyəcanlanır.  

 

                            Çağırıb gəlinlik taxtına sarı 

                            Məni sevdiyini elan edirsən. 

                            Kəsir qabağımı toy adamları 

                            Amma soruşmurlar: – Hara gedirsən? 

 

                            Təmkinlə,aramla qalxıram bu an 

                            Taxtına söykənən nərdivan boyu. 

                            Taxta ayağımı qoyduğum zaman 

                            Kim isə saxlayır çalınan toyu. 

 

                            Sənə uzadınca əlimi həmən, 

                            Bir də görürəm ki,çaylaqdayam mən. 

                            Gedirəm təptəzə,geniş bir yolu, 

                            Eşqinlə,sevginlə ürəyim dolu. 

 

                            Adını çəkincə oyanıram,bax, 

                            Aya söyləyirəm duyğularımı. 

                            Mən yuxu yozmağı bacarmıram,ax, 

                            Şeirə çevirirəm yuxularımı. 

                                                                    25.03.2007. 

---

Milli Kitabxana

 

 

 

740

   

 

 

 

 

 

 

 

 

 

 

 

QAYMAQ DA GÖZƏLDİR,QUYMAQ DA... 

 

“HƏBLƏ” 

 

                                  Qarnın yekəsi 

                                       yiyəsinin dalına şələdir. 

                                  Ayağına tələdir, 

                                  Başına torba. 

                                  Burnun yekəsi  

                                            Nə qədər olsa da zorba, 

                                  Xanım zənni aldadandır. 

                                  Qaş-qabağını salladandır. 

 

                                  Başın yekəsi də elə, 

                                  Ağzın yekəsi də elə... 

                                  Şəkililər demişkən – 

                                  ... Həblə,.. həblə. 

                                                                15.01.2004. 

      ŞƏKİLİLƏR DEMİŞKƏN 

 

I 

                             Adamdan adam iyisi gələr, 

                             Badam iyisi gəlməz. 

                             Şəkililər demişkən, 

                             Kişinin dalınca     

---

Milli Kitabxana

 

 

 

741

                                               ciyisi gəlməz.  

                                                       

II 

                             Bundan adam iyisi gəlir, 

                             Ondan badam iyisi. 

                             Adam iyisi gələnin özü xoşdur,          

                             Badam iyisi gələnin ciyisi.                                                          

                                                                20.03.2005. 

                                                 

                                           GÖZƏLDİR     

                                    

                                    Qaymaq da gözəldir, 

                                    Quymaq da. 

                                Hər ikisinə  

                                               uymaq da.  

                                Demək də, 

                                Yemək də,   

                                               duymaq da. 

                                                            20.03.2005.                        

 

 BALAXANIM 

 

                        İlin dörd fəslindən bircəsi yazdır... 

                        Hey, Balaxanım! 

                        Di get,gələn yaza adını yazdır, 

                        Ey, Balaxanım! 

 

                        Güllər çəmən-çəmən dərildi,getdi... 

                        Yaylıqlar üstünə sərildi,getdi... 

                        Çox simlər kökləndi,gərildi,getdi... 

                        Çalındı tar,kaman,ney,Balaxanım. 

 

                        Açdı açılası,soldu solası, 

                        Sənli də,sənsiz də oldu olası. 

                        Qədəhlər çox idi,doldu dolası, 

                        İçildi,qalmadı mey,Balaxanım. 

 

---

Milli Kitabxana

 

 

 

742

                        Xəmir də çox qalsa,kündə küt gedər. 

                        Ya tək-tək tökülər,ya cüt-cüt gedər. 

                        Bəzəkli dünyadan hamı lüt gedər, 

                        Olacaq olası şey,Balaxanım. 

 

                        Böyük xanım oldu xırda xanımlar, 

                        Şərəfdir,bəzəkdir yurda xanımlar. 

                        Bəhsə-bəhs salıbdır burda xanımlar, 

                        Küllən,kül başına,key Balaxanım! 

                          

01.07.2004. 

 

 

---

Milli Kitabxana

 

 

 

743

       HAMIDAN 

 

                               A çər dəyib gəbərmiş, 

                               A gözləri bərəlmiş.         

                               Səninki nə xəbərmiş! 

                               Atan neçə nəfərmiş, 

                               Anan neçə nəfərmiş? 

 

                               Sən hamının qohumu, 

                               Hamının kirvəsisən. 

                               Hamılıq zirvəsisən. 

 

                               Ərəblər gec biliblər   

                                      qohumsanmış Buş ilə. 

                               Bağdaddan məktub gəlib  

                                              sənə qaranquş ilə. 

                               Bəsrədəki ciyin də, 

                               Leyləklər qanadında,     

                                       durnalar dimdiyində 

                                                sığallayıb çənəni     

                               Tutub şaxlı pul kimi    

                                            şıqqıldadım mən səni.   

 

                               Kəfkirli saat kimi   

                                    çıqqıldadım mən səni. 

                               Putinlə dostluğundan 

                                           danış ağız dolusu. 

                               Azmı yalan görmüşük  

                                        dəftər,kağız dolusu?  

                               Qədəh cingildətmisən       

                                         Parisdə Jak Şirakla. 

                               Axtarsınlar qoy səni  

                                             Şəkidə çilçıraqla.  

 

                               A çər dəyib gəbərmiş, 

                               A gözləri bərəlmiş, 

                               Səninki nə xəbərmiş! 

---

Milli Kitabxana

 

 

 

744

                               Sən hamının qohumu, 

                                         hamının adamısan. 

                             Ərmisən,arvadmısan, 

                                              anamı,atamısan?  

                             Dostmusan,düşmənmisən? 

                             Hər kim olsa,tənmisən? 

                             Vallah,sənə yaraşır  

                                    hər cürə hörmət,   

                                                         ad-san.        

                             Ünvansızın birisən,   

                                       axı,sən hamıdansan.  

                                                                                02.06.2005. 

ÇOXALIB 

 

                            Yolun haçalanıb haçandan bəri, 

                            Döngənin,dalanın sayı çoxalıb. 

                            Gündə bir ünvana qaçandan bəri, 

                            Əmi,xala,bibi,dayı çoxalıb. 

 

                            Gözünü qan tutub qanlı görüşdən, 

                            Qısır mal gec gələr,axı,örüşdən. 

                            Əlinə verirlər paydan,pürüşdən, 

                            Sanırsan hayının hayı çoxalıb. 

 

                            Bu nə acı çimir,ağır yuxudur, 

                            Sənə taleyinmi torlar toxudur? 

                            Bir təskinlik yerin var isə,budur; 

                            Sənin kimilərin tayı çoxalıb. 

 

                            Qoru,Vaqif Aslan,bir saf nəfəsi, 

                            İlahi sayma,gəl,hər yetən kəsi. 

                            Dolub ürəklərə armud həvəsi, 

                            Hayana baxırsan,ayı çoxalıb. 

                          

24.03.2006.                       

                                

 

---

Milli Kitabxana

 

 

 

745

 

 

---

Milli Kitabxana

 

 

 

746

 

 

 

 

 

 

Vaqif Aslan 

 

(Aslanov Vaqif Cumay oğlu) 

  

SEÇILMIŞ ƏSƏRLƏRI 

 

 IV cilddə 

 

I cild 

 

Kompüter tərtibatı:    İsayeva Xəyalə Akif qızı 

Texniki redaktor:   Cavad Alxasoğlu 

 

Çapa imzalanmışdır

: 16.03.2009.  

Kağız formatı

 60х84

1

/

16

 

Çap vərəqi 45. 

Sifariş:

 15.  

Qiyməti müqavilə ilə