261
Əbdülqadir Marağayinin Bağdad, Təbriz, Səmərqənd, Bursa,
Herat kimi şəhərlərdə yaşaması və bu yerlərin musiqi aləmi ilə
yaxından tanış olması türk, ərəb və fars musiqi ənənələrinin
dərindən mənimsəməsi onun yaradıcılığına, musiqi irsinə də
ciddi təsir göstərmişdir.
“Came əl-əlhan,”, “Məqasid əl-əlhan”, “Kənz əl-əlhan”,
“Fəvaid əşəra”, “Kitab əl-Ləhniyyə”, “Şərhül kitab əl-ədvar”
kimi musiqişünaslığa dair dəyərli əsərlərdə musiqinin müxtəlif
problemləri öz əksini tapmışdır. Marağayi irsinin araşdırıcıların-
dan biri Z.Səfərova özünün “Azərbaycan musiqi elmi” əsərində
böyük musiqişünasın elmə gətirdiyi yenilikləri dəyərləndirərək
yazır: “Əvvəla ingilis alimi Corc Farmerin Əbdülqadir Marağayi
haqqında dediyi fikirlə razıyıq ki, Əbdülqadir Marağayi musiqi
haqda orta əsr elminin son klassikidir. O, özündən əvvəl gələn
ənənələri yekunlaşdırmış və eyni zamanda elmə çoxlu yeniliklər
gətirmişdir. İlk növbədə elmdə 24 şöbə haqda nəzəriyyə təzədir
və bu sahədə birincilik Əbdülqadir Marağayiyə məxsusdur. O, 24
şöbəni açmış və bir-bir onun xasiyyətnaməsini vermişdir... Mara-
ğayi eyni zamanda ilk dəfə risalələrində öz dövrünün musiqi
formaları və janrlarının adını vermişdir. ...O, yeni ritmik silsilələr
və yeni musiqi alətləri icad etmişdir” (8, 215-216).
Əbdülqadir Marağayi bəstəkar, musiqişünas, xanəndə, sazən-
də kimi məşhurlaşsa da o, şair, rəssam, xəttat kimi də uğurlar
qazanmışdı.
Muğamlar
Yaxın və Orta Şərqdə geniş yayılmış xalq yaradıcılığı ənənə-
lərinə malik professional musiqi janrlarından biri də muğamdır.
Orta əsrlərdə çox populyar olan muğam Yaxın və Orta Şərq xalq-
larının birgə səyi ilə meydana gələn və ortaq məqamları olan özü-
nəməxsus bir musiqi janrıdır. Bu barədə Əfrasiyab Bədəlbəylinin
fikri maraqlıdır: «... muğamat – xalq musiqi təfəkkürünün ən
gözəl yaradıcılıq məhsuludur. Dərin məna, aydın və səlis ifadə
262
daşıyan məntiqi qaydalara, dürüst üsullara və müəyyən musiqi
sisteminə əsaslanan muğamat dolğun məzmuna və zəngin forma-
lara malikdir. Muğamatın yaranması və tarix boyu inkişafı işində
bir çox xalqlar iştirak etmişlər. Yaxın və Orta Şərq ölkələri ara-
sında olan qarşılıqlı iqtisadi və mədəni əlaqə, böyük karvan yolla-
rı üzərində salınmış şəhərlərdə musiqinin yayılması və sairə bu
kimi amillər ərazisi bir-birinə yaxın olan qonşu xalqların musiqi-
sində bir çox ümumi cəhətlərin varlığını meydana gətirmişdir» (1,
9).
Muğamın mənşəyi ilə bağlı müxtəlif fikirlər, mülahizələr
mövcuddur. Bu mülahizələrdən birinə görə bu janr poetik yara-
dıcılıqla birgə yaranmışdır. Yaxın Şərqdə, o cümlədən Azərbay-
canda da orta əsrlərdə şeirlərin deklamasiya şəklində oxunması
geniş tətbiq edilirdi. Şeirləri sözü uzadaraq oxuyurdular. Poetik
qafiyənin gözəlliyi və quruluşu baxımından öz-özlüyündə ahəng-
dar olan şeir musiqi deklamasiyalarının yaranmasına imkan
verirdi. Güman etmək olar ki, sözü uzadaraq
deyilən deklama-
siya üslubda, reçitativ quruluşda olan muğam melodiyalarının
meydana gəlməsinin qaynaqlarından biri olmuşdur. Muğamın
hələ qədimdən klassik şairlərin şeirlərində ifa olunmasını nəzərə
alsaq, bu fikir həqiqətə uyğun gəlir (13, 86). Başqa bir mülahizə
isə Quran mətnlərinin oxunması ilə əlaqədardır. Bu barədə
Yəmən musiqişünası Samxa El Xolinin fikri maraqlıdır: “İmpro-
vizasiyanın ən qədim və əsl ifadəsi Quran şeirlərinin oxunma-
sından irəli gəlir, bu oxumanın prosodiyası ilə əlaqələndirilsə də,
melodiyası müğənniyə sözlərin əhəmiyyətindən və mövcud
melodik üslubun şərtiliyindən asılı olaraq improvizasiya ixtiyarı
verir” (13, 86-87).
Bu mülahizələrdən aydın olur ki, muğamatın tarixi qədim
dövrlərə gedib çıxır. Türk musiqi araşdırıcısı Y. Öztuna muğam-
ların və onların ayrı-ayrı şöbələrinin yaranma tarixlərini təxmini
olaraq xronoloji ardıcıllıqla düzmüşdür. Onlardan Azərbaycanda
məşhur olanlarının yaranma tarixi təxminən aşağıdakı ardıcıllıq-
dadır: daha qədim olanlar – Cahargah, Hicaz, Hüseyni, İsfahan,
Kürdi, Nəva, Rast, Segah, Şahnaz, Üşşaq, Zəngulə, Mahur-1350-
263
ci il, Bayatı - 1400-cü il, Hisar - 1400-cü il, Hümayun - 1400-cü
il, Nivahənd - 1400-cü il, Zabul, - 1410-cu il, Bəstənigar - 1425-
ci il, və s. (7, 497-498).
Muğamda nə qədər ortaq cəhətlər olsa da, hər hansı bir xalq,
o cümlədən də Azərbaycan xalqı muğamata öz bədii-estetik dün-
yagörüşünə, musiqi ənənələrinə və s. uyğun olaraq özünəməxsus
çalarlar gətirmişdir. Ü.Hacıbəyov muğamın uzun bir inkişaf yolu
keçərək milli keyfiyyətlər qazanmasına işarə edərək yazırdı: «Ya-
xın Şərq xalqlarının musiqi mədəniyyəti XIV əsrə doğru özünün
yüksək səviyyəsinə çatmış və on iki sütunlu, altı bürclü «bina»
(dəstgah) şəklində iftixarla ucalmış və onun zirvəsindən dünyanın
bütün dörd tərəfi: Əndəlisdən Çinə və Orta Afrikadan Qafqaza
qədər geniş bir mənzərə görünmüşdür. XIV əsrin axırlarına doğru
baş verən ictimai-iqtisadi və siyasi dəyişikliklərlə əlaqədar olaraq,
bu möhtəşəm musiqi «binasının» divarları əvvəllər çatlamış və
sonralar isə büsbütün uçub dağılmışdır. Yaxın Şərq xalqları uçub
dağılmış bu «musiqi binasının» qiymətli «parçalarından» istifadə
edərək, özlərinin «lad tikinti» ləvazimatı ilə hər xalq ayrılıqda
özünə məxsus səciyyəvi üslubda yeni «musiqi barigahı» tikmiş-
dir. Təbiidir ki, 12 klassik muğamın adları və həmçinin bu
muğamların özləri də böyük dəyişikliklərə uğramışdır: əvvəllər
müstəqil hesab olunan muğamlar bəzi xalqlarda şöbə halına keçir
və yaxud, əksinə, əvvəllər şöbə hesab olunan musiqi sonralar
müstəqil muğama çevrilir. Yenə də bu qayda ilə, muğam və onun
şöbələrinin eyni adları ayrı-ayrı xalqlarda müxtəlif məna ifadə
edirdi» (14, 35-36).
Muğamla poeziyanı bir çox şeylər bağlayır (bədii istiqamətin
ümumiliyi, kompozisiya-quruluş xüsusiyyətləri və s.) və muğa-
mın inkişafında klassik poeziyanın, divan ədəbiyyatının rolu da-
nılmazdır. Orta əsrlərdə yaşayan Nizaminin, Xaqaninin, Nəsimi-
nin, Füzulinin qəzəlləri bu gün də Azərbaycan muğam ifaçılarının
repertuarından düşmür. R.Zöhrabov “Muğam” adlı əsərində ya-
zır: «... başqa Şərq xalqlarında olduğu kimi, Azərbaycan xalqının
da qədim dövrlərdən bəri zəngin, inkişaf etmiş poeziyası vardır.
Şeri, musiqini sevən bir xalq onları əlaqəli surətdə inkişaf et-
Dostları ilə paylaş: |