268
rast ladı, “Şur” muğamı – şur ladı və s (9, 89). Bu gün 7 əsas
muğamımızın - “Rast”, “Segah”, “Şüştər”, “Çahargah”, “Bayatı-
Şiraz”, “Humayun” əsasında Azərbaycan musiqisinin 7 əsas ladı
formalaşmışdır (9, 181).
Xalq mahnıları
Azərbaycan xalq mahnıları Azərbaycanın musiqi mədəniy-
yətində estetik təsir gücünə və asan qavranılmasına görə ən çox
yayğın olan musiqi janrlarından biridir.
İnsanlar qədimdən bəri həm təsərrüfat həyatını, həm ailə
məişətini və həm də dini təfəkkürlərlə bağlı müxtəlif mərasim-
lərini məhz musiqinin müşayiəti ilə keçirmişlər. Bu xüsusiyyət
orta əsrlər üçün də xarakterikdir. İnsanlar təsərrüfat işləri zamanı
vaxtlarını daha xoş keçirmək məqsədilə bayatı şəklində şerlər
deyir və mahnı oxuyurdular. Heyvandarlar sürünü dağlara ötü-
rərkən tütək çalmaqla məşğul olurdular. Maraqlıdır ki, dini məra-
simlərin icrası zamanı ayinlərin özünəməxsus tərzdə keçirilməsi
müəyyən musiqi sədaları altında olurdu. Göründüyü kimi,
təsərrüfat-mədəni və məişət həyatının izləri xalq musiqisində bu
və ya digər formada öz əksini tapmışdır. Eyni zamanda bu
xüsusiyyət ictimai motivlərinə, məzmun və xarakterinə görə
müxtəlif xalq mahnıları janrlarının meydana gəlməsinə səbəb
olmuşdur. Azərbaycan xalq mahnılarının araşdırıcılarından biri
olan R. İsmayılzadə Azərbaycan xalq mahnılarını janrlara görə
aşağıdakı kimi təsnif edir:
1) əmək mahnıları;
2) mərasim mahnıları;
3) məişət mahnıları;
4) tarixi mahnılar (12, 52).
Xalq mahnı yaradıcılığının zaman etibarilə ən qədimi sözsüz
ki, əmək mahnıları ilə bağlıdır. Əmək mahnıları xalqın təsərrüfat
269
həyatı ilə birbaşa ilişgəlidir. Məsələn, maldarlar arasında yayılmış
mahnılar yaylaq, qışlaq, qırxım, sağım, çobanların həyat tərzi və
s. ilə bağlı idi:
Nənəm a, şişək qoyun,
Yunu bir döşək qoyun.
Bulamanı bol elə,
Gözləyir uşaq, qoyun (12, 53).
Yaxud,
Qızıl inək yiyən mənəm,
Sənə qızıl deyən mənəm.
Tütü nənəm, nənəm, nənəm,
Səni sağan mənəm, mənəm (12, 53).
Qədim mahnılardan biri də əkinçiliklə bağlıdır. Bu mahnılar
holavar adlanır. “Holavar cüt sürülən zaman hodaqçı (yedəkçi,
şum edərkən qoşqu heyvanlarına istiqamət verən və onları işlə-
dən) tərəfindən oxunan mahnıdır (12, 53). Bunlara misal olaraq
“Şum nəğməsi”, “Çək şumla yeri” və s. kimi nəğmələri göstərə
bilərik.
Ümumiyyətlə, əmək mahnıları xalq yaradıcılığı ənənələrin-
dən qaynaqlanmaqla, əməklə bağlı təsərrüfat-məişət həyatının de-
mək olar ki, bütün sahələri ilə bağlı olub, əməkçilərin dünyagörü-
şünü, əməyə münasibətini, əməklə bağlı hiss və həyəcanlarını və
s. əks etdirir.
Mərasim mahnıları da musiqi folkloristikasının qədim tarixə
malik formalarından biridir. Mərasim mahnıları insanların təsər-
rüfat və ailə məişət həyatlarındakı mərasimlərlə bağlı idi. Bu
mahnıların xarakterik cəhətlərindən biri kollektiv şəkildə oxun-
ması idi. Ailə-məişət, mövsüm, təsərrüfat həyatı ilə bağlı Azər-
baycanda geniş yayılmış “Səməni”, “Xıdır İlyas”, “Kos-kosa”,
“Vəsfi-hal” və s. mahnılarla müşayiət olunan mərasimlərdəndir.
270
Mərasim mahnılarının mühüm bir hissəsini yas mərasimlərin-
də ifa olunan mahnılar təşkil edir. Belə mahnı nümunələrinə yas
mərasimlərində çağırılan ağılar, bayatılar, oxşama və s. ədəbi-
musiqi formaları daxildir (12, 57). Ağılar, oxşamalar və bayatılar
yas mərasimlərində səsi və söz ehtiyatı olan qadınlar tərəfindən
deyilirdi. Yas məclisində çox vaxt peşəkar ağıçılar olurdu.
“Ağılar, şikəstə kimi, “Segah” muğamı pərdələrində improvizə
olunduğu halda, bayatılar “Qatar” muğamı üstə, rast ladında
improvizə olunur. Ağı və bayatıların şerləri heca vəznində olur”
(12, 58). Q.Qasımov Nizamiyə əsaslanaraq yazır ki, «vəfat edən
şəxsləri dəf, sinclə və qəmgin nəğmələrlə dəfn edərmişlər» (23).
Bayramlarımız və toy mərasimi ilə bağlı da çoxlu mərasim
mahnıları vardır.
Məişət və tarixi mahnılar da Azərbaycan xalq mahnılarının
əhəmiyyətli bir hissəsini təşkil edir. Bu mahnılar öz xarakterinə,
bədii formasına, məzmununa görə çox rəngarəng olub uşaq
mahnıları, lirik mahnılar, yumorlu mahnılar, satiralı mahnılar,
qəhrəmanlıq mahnıları və s. kimi qruplara bölünür. Bu mahnılara
misal olaraq “Qarı və buz”, “Qış”, “Xoruz”, “Məstan pişik”, “Tap
görüm”, “Bənövşə”, “Qoy gülüm gəlsin ay nənə”, “Gül oğlan”,
“Ahu kimi”, “Qaragilə”, “Ay qadası”, “Küçələrə su səpmişəm”,
“Ay laçın”, “Apardı sellər Saranı”, “Kəklik”, “Qara tellər”, “Ay
qara qız”, “Sürməli qız”, “Gül başmaq”, “Getmə bulaq başına”,
“Aman nənə” və bir çox başqalarını göstərə bilərik.
Nizami Gəncəvi “Xosrov və Şirin” əsərində o dövrlərdə
məşhur olan 30-a qədər mahnının adını çəkir. Şair yazırdı:
Su kimi, bir bərbət tutaraq əlində,
Barbət sərxoş bülbül kimi gəldi.
O, sazında çaldığı yüz havadan
Xoş avazlı otuz nəğmə seçdi.
O, bal kimi olan otuz xoş nəğmə ilə,
Gah ürək verirdi, gah huş alırdı (18, 162).
271
Sonra şair bu mahnıları bir-bir sadalayaraq vəsf edir (18,
162-164). Qeyd etmək lazımdır ki, Nizami Gəncəvinin yaradıcılı-
ğında musiqinin müxtəlif janrları, musiqi alətləri və rəqslərlə
bağlı kifayət qədər məlumatlara rast gəlmək mümkündür. Bu
mənada musiqi araşdırıcılarından C.Səfərov haqlı olaraq Nizami
Gəncəvinin poemalarına əsaslanaraq xalqımızın zəngin musiqi
irsinə malik olduğunu söyləyir (24, 4).
Aşıq musiqisi
Ozan-aşıq yaradıcılığı ədəbiyyatla musiqinin sintezindən iba-
rət bir sənət növü olub, lap qədim zamanlardan Azərbaycan xalqı-
nın mədəni həyatında özünəməxsus yer tutmuşdur. T. Bünyadov
Azərbaycanda aşıq sənətinin ilk sinifli cəmiyyətdə tam formalaş-
dığını qeyd edir. (9, 198). Aşıqları ilk musiqi sənətkarları kimi
dəyərləndirən Üzeyir Hacıbəyov yazır ki, “Xalq musiqisinin ən
yaxşı ifaçıları aşıqlardır. Onlar doğru olaraq ilk musiqi sənətkar-
ları hesab olunurlar” (14, 365). Ə. Eldarova isə aşıq yaradıcılığını
xalqımızın musiqi həyatındakı rolunu dəyərləndirərək bildirir:
“Aşıq poeziyası və musiqisi şifahi formada inkişaf edib əsrlər
boyu nəsildən-nəslə keçərək, daim dəyişmələrlə və pardaqlanma-
ya uğrayaraq bizim günümüzədək gəlib çatmışdır. Aşıq havaları-
nın belə bir yolla cilalanması, təkmilləşməsi xalqın öz doğma ya-
radıcılıq irsinə qayğı və məhəbbətin parlaq təzahürüdür” (25, 31).
Qədim və orta əsrlərdə aşıqlar həm də varsaq, dədə, ozan
yanşaq və s. adlar ilə tanınmışlar. Oğuz türklərinin ana abidəsi
sayılan “Kitabi-Dədə Qorqud”da aşıq ozan kimi təqdim olunur.
Ustad ozan kimi tanınan Dədə Qorqud dastanda xalqın çox böyük
hörmət bəslədiyi, sözlərini, nəsihətlərini eşitmək istədiyi bir
obrazdır. Dastanda deyilir:
Dədəm Qorqud boy boyladı, soy soyladı, bu oğuznaməni
düzdü-qoşdu, belə dedi:
Onlar da bu dünyadan gəldi, keçdi.
Karvan kimi qondu, köçdü.
Dostları ilə paylaş: |