264
dirmişdir. Xüsusən, orta əsrlərdə poeziyanın bilavasitə musiqi ilə
üzvi surətdə əlaqəsi güclü olmuşdur» (15, 79). Bu xüsusiyyət
şairlərimizin yaradıcılığında da hiss olunur. Məsələn, Xaqani
deyir:
Dərd bülbülü istəsən əgər könül bağında,
Xaqaninin şerindən zil ilə bəm tələb et! (16, 179).
XII-XV əsrlərdə yaşayan şairlərimizin yaradıcılığında muğa-
ma dair bir çox məlumatlar öz əksini tapmışdır. Muğam sənətinin
öyrənilməsi, o cümlədən onun tarixinin araşdırılması baxımdan
bu məlumatların əhəmiyyəti çox böyükdür. Nizaminin əsərlərində
müxtəlif muğamlar barədə məlumat verilir. Şair öz əsərlərində
klassik muğamlardan 8-nin adını çəkir: «bunlar «Rast», «Üşşaq»,
«Hesari», «İraqi», «Novruzi», «İsfahan», «Rahəvi», və
«Zərəfkənd»dir» (17, 106-108).
Nizami Gəncəvi “Xosrov və Şirin” əsərində Xosrovun qurdu-
ğu məclisdə xanəndələr - Nəkisa və Barbətin oxuduğu muğamdan
bəhs edərək yazır:
Nəkisa o sənəmin istədiyi tərzdə
Bu qəzəli rast pərdəsində oxusu (18, 278).
Nəkisa cəngdə bu havanı uçuran kimi,
Barbətin setarı hava götürdü.
Üzürxahlar kimi, həzin avazla
Bu qəzəli İsfahan (havasında) oxudu (18, 287).
Xaqani muğamın musiqi məclislərinin yaraşığı olduğunu
söyləyərək yazır:
Onun gözəl musiqisi, qəlbə yatan muğamı var,
O mübarək şəclisinə cənnət deyir toplananlar
(16, 147)
265
XII əsrin müəllifi bilinməyən «Dastani - Əhməd Hərami»
adlı dastanında bir çox muğam və musiqi alətlərinin adı çəkilir:
«İraqü» «İsfahan», «Novruzü» «Şahnaz»
Edərdi bir-birinə iki şah naz.
«Nühüftivü» «Hüseynivü» «Hicazi»
Dilə gəlib çalardı sazi.
Həm on iki məqamı seyr edərlər
Dəvazdəvü şeşüni deyr edərlər.
Nühüft eyləyibən cəngi dizildi,
Qopuzu şeştə avazı düzildi.
«Dühəng»avazının vəzni bəlirdi,
İnilti ilə nay nəfrin qılırdı.
Şu kimsələr çalırdı udi,təmbur
Gözəl məhbubələr hər birisi hur (19, 137).
Qazi Bürhanəddin öz yaradıcılığında muğamla bağlı elə mə-
qamlara toxunmuşdur ki, bu gün də musiqi ilə bağlı araşdırmalar
üçün həm etnoqrafik baxımdan, həm də sənətşünaslıq cəhətdən
olduqca böyük marağa səbəb olur. Onun «Divan»ında verilən bir
sıra məlumatlara başqa müəlliflərin əsərlərində rast gəlmək müm-
kün deyildir. Burada hətta haqqında bəhs olunan musiqi alətlə-
rinin və klassik muğam və onun şöbələrinin adlarının çəkilməsi
onların qədim tarixi ilə bağlı müəyyən fikir söyləmək üçün də
olduqca əhəmiyyətlidir. Şairin aşağıdakı fikri maraq doğurur:
Bu rast qəddüni çəngi görürsə dutma əcəb,
Əgər müxalif edüp sazını mühəyyər ola.
Nigara udu saçun qıldı yenilə qanun,
Kanun xəyaliylə dil həmişə micmər ola (20, 19).
Yeri gəlmişkən qeyd edək ki, müxalif çahargah dəstgahında
hisar ilə mübərqə arasındakı şöbə deməkdir (1, 53).
Maraq doğuran məsələlərdən biri də şairin nəva və hicaz
haqqında məlumat verməsidir.
266
Çal bu nəva pərdəsində nəğmeyi-tənbur,
İrər isən bu hicaza səy ola məşkur (20, 43).
Nəva 12 əsas muğamdan ikincisidir və eyni zamanda bir sıra
şöbə və guşələrdən ibarət dəstgahdır. Şair mayədən də bəhs
etmişdir:
Eşq nəvasi ilə nühüftə könülüm,
Mayə ola olmaz, olur isə hicazi (20, 49).
Məlumdur ki, «Mayə - 1) məqamın əsas sabit pərdəsi; 2)
dəstgahların birinci şöbəsi. Muğamat ifaçılığında bir qayda olaraq
bəm registrdən zilə doğru, şöbədən şöbəyə keçərək dəstgahın in-
kişafı prosesi hər nə qədər davam etdirilirsə, etdirilsin, - muğa-
mın mayəsi öz cazibə qüvvəsinin əvvəl-axır üstün gələcəyini
göstərəcək, - dəstgah nəticədə yenə də mayəyə qayıdıb yenidən,
məhz mayədə, mayə pərdəsində tamamlanacaqdır; 3) Yaxın Şərq
xalqları musiqisinin əsasını təşkil edən altı avazatdan biri» (1,
47). Bundan əlavə şairin aşağıdakı məlumatları da maraq
doğurur:
Şəha, üşşaqdan qıldum nühüftə
Ki, şəhnaz ilə qılursın mühəyyər (20, 29).
Və ya
Hicaza gər varur isəm təvafdan sonra (20, 125).
Bilindiyi kimi, hicaz və üşşaq klassik 12 muğamlardandır.
Şahnaz haqqında müəllifin məlumat verməsi də böyük marağa
səbəb olur. Belə ki, «Şur-şahnaz - Şur məqamında şahnaz, dilkəş,
şəddi-şahnaz tərkib şöbələrindən ibarət muğam»dır (1, 82). Bu
deyilənlər onu göstərir ki, Qazi Bürhanəddin musiqini gözəl
bilmişdir.
267
Nəsimi yaradıcılığında da klassik muğamlarımıza geniş yer
verilmişdir. O özünün “Həsrət yaşı hər ləhzə qılır bənzimizi saz”
başlıqlı qəzəlində 17 muğam və guşənin adını çəkir:
Həsrət yaşı hər ləhzə qılır bənzimizi saz,
Bu pərdədə kim, nəsnə bizə olmadı dəmsaz.
“Üşşaq” meyindən qıla ol işarəti-“Novruz”,
Ta “Rast” gələ “Cəng”i-“Hüseyni”də sərəfraz.
Bər “Cargəhi” lütf qıla hüsnü “Büzürgi”,
“Kuçik” dəhnindən bizə, ey dilbəri-“Şəhnaz”!
“Zəngulə” sifət nalə qılam zari-“Segahə”,
Çün əzmi-“Hicaz” eyləyə məhbubi-xoşavaz.
Ahəngi-“Sifahan” qılur ol nayi-“Əraqi”,
“Pəhavi” yolunda yenə canım qıla pərvaz.
Könlümü “Hisar” eylədi bir ruyi-“Mübərqə”,
Gəl, olma müxalif bizə, ey dilbəri-pürnaz.
Şurə gəlibən eşq özünü söylə Nəsimi,
Şövqündən anın cuşə gələ Sədiyi-Şiraz (21, 113).
Nəsiminin adını çəkdiyi bu muğam və guşələrin demək olar
ki, hamısı günümüzə qədər gəlib çatıb və xanəndələrimiz
tərəfindən oxunmaqdadır.
Hazırda Azərbaycanda mövcud olan muğamları təhlil edər-
kən belə güman etmək olar ki, bu janrın kökləri intonasiya
məzmununun qabarıqlığı və funksional istiqaməti ilə səciyyə-
lənən kiçik lad törəmələri ilə bağlıdır. Melodik səslənmə, oxuma-
ların münasib birləşməsi bədii cəhətdən bitkin əsərlərin yaran-
masına gətirib çıxarmışdır. Təəccüblü deyildir ki, əsas muğamlar
səsləndikləri ladın adı ilə adlandırılır. Məsələn, “Rast” muğamı –
Dostları ilə paylaş: |