296
Rəqslər
Qədim rəqslər ibtidai insanların əmək prosesi gedişində, bir
sıra əhəmiyyətli mərasimlərlə əlaqədar keçirdiyi daxili hiss və
həyəcanlarını əks etdirən hərəkət kimi meydana gəlmişdir. Zaman
keçidində inkişaf edən bu rəqslər təkmilləşərək müəyyən ənənəyə
əsaslanmışdır. Hərəkətin harmoniyası, musiqiyə uyğun şəkildə
addımların cəld və asta ahənglə atılması və rəqqasın rəqsin məz-
mununa müvafiq olaraq mimik ifadələri əsas xüsusiyyətlərdir.
Hər bir dövrün mədəni səviyyəsinə uyğun gələn rəqsləri olmuş-
dur. Qeyd etmək lazımdır ki, rəqslər teatr sənətinə də öz təsirini
göstərmişdir. Müəyyən süjetə əsaslanan mərasim rəqslərində zən-
gin ifaçılıq texnikası nümayiş etdirilmişdir.
Azərbaycanda rəqslər mahiyyət etibarilə müxtəlif olmuşdur.
Yəni, kütləvi, tək, cüt və sair olmaqla fərqlənmişdir. Kütləvi rəqs-
lərin ən qədimi yallı olduğu aydınlaşır. Azərbaycan xalqının hələ
qədimlərdən yaranan yallı rəqsi kollektiv şəkildə ifa edilmişdir.
Qobustan qayaüstü təsvirləri buna misal ola bilər.
Ayrı-ayrılıqda qadın və kişi rəqsləri uzun müddət müxtəlif
mərasimlərdə nümayiş etdirilmişdir. Qeyd edək ki, qadın rəqsləri
kişi rəqslərinə nisbətən zərifliyi, həzinliyi və mülayimliyi ilə fərq-
lənmişdir. Kişi rəqslərində isə çeviklik, şuxluq, cəldlik kimi key-
fiyyətlər üstünlük təşkil etmişdir.
Aydındır ki, rəqslər musiqinin müşayiəti ilə ifa olunmuşdur.
Hər mərasimin də özünəməxsus rəqsi olmuşdur. Belə ki, toylarda,
bayramlarda başqa, dini mərasimlərin isə fərqli mahiyyətdə rəqs-
lər ifa edilmişdir. Bu fərqlilik özünü müvafiq hərəkətlərdə göstər-
mişdir. Rəqs musiqisində xarakter, məişət, estetik zövq, dini dün-
yagörüşü və s. özünü büruzə verir.
Xalq rəqslərində musiqi ilə bərabər hərəkətlər mühüm rol oy-
nayır. Hərəkətlərdə isə müxtəlif motivlər verilir. Məs., ov səhnə-
si, əmək, hərb və s. ifa tərzinə görə də fərqlənən rəqslər kütləvi,
tək, cəld, ahəstə ola bilər. Rəqslərin mahiyyəti və oynama keyfiy-
yəti hər bir xalqın özünəməxsusluğunu təcəssüm etdirir.
297
Şairlərimizin yaradıcılığında rəqslərdən geniş bəhs edilir.
K.Həsənov Nizami yaradıcılığına müraciət edərək yazır: «Nizami
öz qiymətli sətirlərində oyunun necə rəqsə keçdiyini təsvir edir.
Deməli, hələ qədim zamanlardan bəridir ki, oyun və rəqs bir-biri-
nə qovuşur, vahid bir süjetdə birləşir. Azərbaycan rəqslərindən
bir çoxu bizim günlərdə belə oyun xarakteri daşıyır» (49, 7). Gör-
kəmli şairin yaradıcılığında rəqslərdəki temp haqqında da məlu-
mata rast gəlinir. Məsələn, «Nizami Gəncəvi bir rəqsdən danışa-
raq onu icra edən qadının ayaq hərəkətlərini cəngin simləri üzə-
rində tez-tez gəzişən mizraba bənzədir. Cəng tar kimi çalğı aləti-
dir və mizrab onun simləri üzərində cəld-cəld gəzişir. Azərbaycan
qadın rəqsində də ayaqlar belə cəld hərəkət edir» (49, 7). Buradan
belə nəticəyə gəlmək olur ki, musiqi və rəqslər haqqında şairlə-
rimizin verdiyi məlumatlar bu irsi ətraflı öyrənməyə xeyli
köməkdir.
Rəqslərə öz yaradıcılığında geniş yer verən Xaqani rəqqasəyə
müraciətlə deyir:
Ey nazlı gözəl, şur ilə meyxanədə rəqs et!
Məst ol, çal, oxu, məclisi məstanədə rəqs et!
Rəqqasə əgər məst ola, şövq iləedər rəqs,
Ey badə, bir az sən də bu peymanədə rəqs et!
Adabı atıb, arı burax, boş sözə baxma,
Məhrəm də yaxındır bizə, biganə də, rəqs et!
Batində fəqət aşiq ilə rəqs elə, zahir
Aqil də sənə söyləsə, divanə də, rəqs et!
Bir ov yarasından tökülən qan kimi qayna,
Coşqun ürək ol, sineyi pərvanədə, rəqs et!
Xaqani, gedib bağdakı bülbüllərə uyma,
Bayquşların avazına viranədə, rəqs et (16, 327)!
Musiqilə rəqs bir-birilə qırılmaz surətdə bağlıdır. Onları ayrı
təsəvvür etmək belə mümkün deyildir. Qeyd edək ki, «mövzu
əsasına görə Azərbaycan xalq rəqsləri və rəqs musiqisi altı böyük
janra bölünür:
298
1. Ənənəvi rəqslər;
2. Məişət rəqsləri;
3. Zəhmət rəqsləri;
4. Qəhrəmanlıq, hərbi və idman oyunları, rəqsləri
5. Yallı (xorovod) oyun - rəqsləri
6. Müxtəlif mövzulu xalq rəqsləri» (50, 69).
Bununla bərabər kollektiv rəqs sayılan halaylar da mövcud
olmuşdur. Qeyd edək ki, ««halay» xorovod mahnılarının əksəriy-
yətinin poetik əsasını xalq arasında geniş yayılmış və son dərəcə
ahəngdar şer forması olan bayatı təşkil edir» (51, 6). Azərbaycan-
da bayatıların təsərrüfat və məişətin hər sahəsi üçün qoşulduğu
məlumdur.
Meyxanalarda rəqqasələrin ayaqlarında xalxal olması və rəqs
etməsi orta əsr şairlərinin əsərlərində yer almaqdadır. Dərvişlərin
xüsusi rəqs etməsi miniatür sənəti nümunəsində də təsvir edil-
məkdədir.
Orta əsrlərdə təsəvvüf musiqisində rəqs özünəməxsus yer tu-
tur. Müxtəlif təriqətlər bəzi ayinlərin icrasını musiqinin müşayiəti
ilə ritual rəqsləri icra edərək həyata keçirirdilər. Bu rəqslərdən
mövləvi təriqətinə aid səmavi rəqslər adı ilə məşhur olan və döv-
rümüzə qədər gəlib çatan rəqslər daha məşhurdur. Təriqətin yara-
dıcısı Cəlaləddin Rumi bu təriqət haqda deyirdi: "Tanrıya aparan
yollar çoxdur. Mən rəqs və musiqi yolunu seçdim" (52, 81). Möv-
ləvi səmasının yaranmasına dəyərli sufi intellektualı Şəms Təbri-
zinin mühüm təsiri bir çox tədqiqatçılar tərəfindən qeyd edilir.
Mövlanənin tərcümeyi-halın qələmə almış müəlliflərdən biri bu
barədə yazırdı: «Ustadımız Cəlaləddin Rumi Şəmslə görüşünə
qədər atasının həyat tərzinə uyğun bir şəkildə yaşayırdı. O, dərs
dəyirdi, zahid həyatı sürürdü, günün çox hissəsini ibadətdə ke-
çirirdi. Mərasim musiqisini - dini musiqini görən gözü yox idi.
Ancaq görüşəndən sonra Şəms ona dedi: «Rəqs etməyə başla.
Rəqsin bəxş etdiyi vəcddə adi həyatda tapmadığın duyğuları ara.
Din bunu ona görə yasaq sayır ki, insanın daxilindəki heyvani
hisslər rəqs məqamında oyana bilər. Bu yasaq kütlə üçün
Dostları ilə paylaş: |