281
dan artıq simləri olan sazlar isə “ana saz” adlanır (38, 206-207).
Bundan başqa S.Abdullayeva Xaqani Şirvani şeirlərinə istinad
edərək birsimli sazın olduğunu da göstərir (39, 4).
Cürə və ana saz
Orta əsr şairlərinin əsərlərində sazdan bəhs edilən məqamlara
rast gəlirik. Nəsimi şeirlərində sazla bağlı xeyli ifadələr vardır:
Pərdə icində çalınır bir saz,
Ki, edər eşq nəvasın ağaz (21, 305).
Başqa bir şerində isə:
Çərxin ağaxın anladır bu sözüm,
Saz, ədvar iləməğam oldum (21, 305).
282
Qazi Bürhanəddinin əsərlərində sazın adı çəkilir:
Əgər müxalif edüp sazını mühəyyər ola (20, 19).
Şair hətta sazın ən çox səs çıxaran simi olan zirdən də söz
açmışdır (20, 643).
Orta əsrlərdə Şərq, eləcə də türkdilli xalqlar arasında ən geniş
yayılmış simli musiqi alətlərindən biri də tənburdur.
Tənburlar
Tənbur növlərinə görə müxtəlifdir. Uzaq Şərqdən Qərb ölkə-
lərinə qədər böyük bir coğrafi ərazidə müxtəlif formaları olmuş,
müxtəlif adlarla yayılmışdır. Bu alət Orta Asiya türk xalqlarında
bu gündə geniş istifadə edilməkdədir. Qazaxlarda «dombra», qır-
ğızlarda «dombura», özbəklərdə «dombrak», türkmənlərdə «dan-
bura», osmanlı türklərinə yaxın olan türklərdə «tanbura», bir çox
Qərb xalqları arasında «domra» adı ilə yayılmış bu alət Azərbay-
283
canda tarixən tənbur adı ilə çox məşhur olmuşdur. Baş və orta
barmaqla çalınır. Gövdəsi tut, və ərik, üzü şam, qolu isə qoz
ağacından hazırlanır.
XIII əsrdə yaşamış Azərbaycanı görkəmli musiqişünası Sə-
fiəddin Urməvi «Kitabi-əl-ədvar» əsərində iki simli alət olan
Xorasan və Bağdad tənburları haqqında geniş məlumat verir.
Orta əsrlərdə bu alət Azərbaycanda quruluşuna görə fərqlən-
miş və bu müxtəlifliyinə görə Şirvan tənburu adı ilə məşhur ol-
muşdur. Əbdülqədir Marağayi Şirvan tənburu haqqında da ətraflı
məlumat verərək özünün «Məqasidül əl-əlhan» əsərində yazır:
«Şirvanlılar tənburu o sazdır ki, təbrizlilər ondan çox istifadə
edir. Onun quruluşu armud şəklində olur. Səthi uzundur. Ona iki
tək sim bağlanır. Qollarında pərdələri olur. Elə köklənir ki, onun
aşağı simində çalınan nəğmə yuxarı simində çalınan nəğmənin
8/9-nə barəbər olur. Segah çalmaq istədikdə şəhadət barmağı ilə
aşağı simi, başqa barmaq ilə də yuxarı simi tutursan. Beləliklə,
segah iki ahəngdə olur» (40, 74).
Qətran Təbrizi əsərlərində tənburun adını çəkir:
Bu arada onun o arı belinə bənzər belindən
Mən də tənburun altı kimi saralıb arıqladım (41, 140).
Qazi Bürhanəddin şeirlərində tənbur haqqında məlumat verir:
Çal bu nəva pərdəsində nəğmeyi-tənbur,
İrər isən bu hicaza səy ola məşkur (20, 43).
Füzuli “Həft-cam” əsərində setardan, tənburdan söhbət
açaraq onu təsvir edir:
Bu dəm dilə gəldi o xəbər sahibi – tənbur.
Üz tutdu əzəl sonra mənə söylədi: «Bir dur!
Gəl, olma, – dedi, – gizli çalan, pərdəni yırtan,
Vurma üzümə olsa da eybim, sən ey insan!
Rəğbət elə tənburə, müğənni, gəl ürəkdən,
Rəğbət açarilə ona da bir qapı aç sən.
284
Aç bir qapı ki, izhar olub nəşələr ondan,
Qəlblər gülərək daim olar gül kimi xəndan (42, 150).
Orta əsr miniatür sənəti əsərlərində bir sıra musiqi alətləri ilə
yanaşı tənburun da geniş təsviri verilmişdir. 1530-cu ildə ustad
Soltan Məhəmmədin çəkdiyi «Zöhhakın edamı» rəsmində yerdə
oturub iki telli, qısa qollu Şirvan tənburu çalan musiqiçinin təsviri
verilmişdir.
Orta əsrlərdə Azərbaycanda geniş yayılmış musiqi alətlərin-
dən biri də cəngdir. Quruluş etibarilə üçbucağa oxşayan bu mu-
siqi aləti qol və düz dayanacaq, eləcə də onlara keçirilən tellərdən
ibarətdir. Cəngin daha çox qadınlar tərəfindən çalındığı məlum-
dur (9, 230). Əbdülqadir Marağayi özünün “Came-əl-əlhan” əsə-
rində cəngin onun dövründə təkmilləşdirildiyini qeyd edir. O, ya-
zır ki, cəng alətinə 24 sim qoşulmuş, həmin simlər qoşa bağlan-
dığına görə onda 12 müxtəlif səs əldə etmək mümkün olmuşdur.
Cəng
Orta əsr Azərbaycan şairlərinin əsərlərində də cəngə dair çox-
lu məlumatlar vardır. Nizami Gəncəvi “Xosrov və Şirin” əsərində
cəng musiqi aləti barədə yazır:
285
Uca sərv, söyüd, ağcaqayın altında,
Cəngin səsi altında şərab içirdi (18, 352).
Şair başqa bir şeirində cəngi vəsf edərək yazır:
Müğənni gəl, cəngini köklə,
Demək üçün səsini xoş avaz et.
Mənə öz cəngini çalmaqla
Öz ahənginlə nəvaziş et (18, 485).
Xaqani Şirvani isə cəngi belə təsvir edir:
Göybaş kimi, o cəngə bax !
Zülfünədki ahəngə bax !
Dimdikdə zərrin rəngə bax !
Vurmuş ayağından çidar (16, 104).
Qazi Bürhanəddin öz əsərlərində çəngin də adını çəkmişdir:
Sübhdəmdür al ələ çəngi, bəgüm,
Gedərəlüm arada cəngi, bəgüm (16, 236).
Orta əsr müəlliflərindən Mücirəddin Beyləqani rud, mizrab,
cəng, rübab haqqında yazmışdır (43, 318, 324, 321). Bununla
yanaşı o ney, dəf və mütrübdən də söz açmışdır (43, 347, 353).
Məhsəti Gəncəvi mütrib, cəng kəlmələrindən istifadə etmişdir
(43, 364, 365). Qivami Mütərrizi isə təbil, cəng, rübab kimi
musiqi alətlərinin adlarını çəkmişlər (43, 396, 400).
Yaxın və Orta Şərqdə geniş yayılmış və qədim tarixə malik
musiqi alətlərindən biri də uddur. Orta əsrlərdə udun birsimli
musiqi aləti kimi çox populyar olduğu müxtəlif mənbələr
əsasında təsdiqlənir. Bu alətə ərəblər “əlud”, farslar isə “rud”
demişlər. Onun dörd simini orta əsr müəllifləri həyat mənbəyi
dörd ünsürlə - od, su, hava, torpaqla bağlamışlar (9, 232).
Udun təkmilləşdirilməsində, onun yeni səs düzümünün
yaradılmasında Səfiəddin Urməvinin çox böyük xidməti olmuş və
həm də o özü də udda məharətlə çalmışdır.
Dostları ilə paylaş: |