I fəsil. Alqı-satqı müqaviləsi
xüsusi prosedurlarla tənzimlənən obyektlər və ya hüquqlar və icraat
çərçivəsində, o cümlədən məcburi auksion satışı çərçivəsində satış
halında satın almaqda üstünlük hüququnun və digər üstünlük
hüquqlarının qüvvəsi yoxdur.
Başqasına verilməsi normativ hüquqi aktlarda nəzərdə tutulmuş
xüsusi prosedurlarla tənzimlənən obyektləri və ya digər dövriyyəsi
məhdudlaşdırılmış (mülki silah, partlayıcı və tez alışan maddələr və
s.) və əldə edilməsi üçün xüsusi razılıq tələb edən əşyaların müvafiq
icazəsi olmayan şəxslər tərəfindən əldə edilməsi üçün üstünlük
hüquqlarının verilməsini və yaxud AR MM-in 298.2-ci maddəsində
nəzərdə tutulan girov saxlayanın üstünlük hüquqlarını istisna edən
qaydanı misal olaraq göstərmək olar. Həmin maddəyə əsasən, əgər
girov qoyulmuş əşyanın satışından götürülən məbləğ girov
saxlayanın tələbini ödəmək üçün yetərli deyildirsə, o, çatışmayan
məbləği, əgər müqavilədə ayrı qayda nəzərdə tutulmayıbsa,
borclunun başqa əşyasından almaq hüququna malikdir. Bu halda
girov saxlayanın girova əsaslanan üstünlük hüququ yoxdur.
Növbəti misalı yenə də girov və ipoteka hüquqları ilə əlaqədar
qeyd etmək olar. Belə ki, qanunverici girovla və ipoteka ilə təmin
edilmiş öhdəlik üzrə girov saxlayanın və ipoteka saxlayanın
(kreditorun), borclunun həmin öhdəliyi icra etmədiyi halda girov
qoyulmuş və ya ipoteka ilə yüklü edilmiş əşyanın dəyərindən həmin
əşyanın mənsub olduğu şəxsin (girov qoyanın və ipoteka qoyanın)
digər kreditorlarına nisbətən üstün qaydada təminat almaq hüququnu
müəyyən etməklə bərabər, girov saxlayanın (ipoteka saxlayanın)
girov qoyulmuş və ya ipoteka ilə yüklü edilmiş əşyanı mənimsəmək
hüququ verən hər cür razılaşmanı etibarsız hesab edir. Üstəlik girov
qoyulmuş əşyanın yalnız açıq hərracdan ixtisaslaşdırılmış təşkilatlar
tərəfindən satış yolu ilə realizə edilməsi qaydası müəyyən olunur. Bu
zaman artıq AR MM-in 693.2-ci maddəsindəki qayda tətbiq oluna-
55
Rüfət Göyüşov
çaqdır. Həmin qaydaya əsasən, icraat çərçivəsində, o cümlədən
məcburi auksion satışı çərçivəsində satış halında satın almaqda
üstünlük hüququnun və digər üstünlük hüquqlarının qüvvəsi yoxdur.
Satın almaqda üstünlük hüququ müəyyən şəraitlə əlaqədar
əşyaların xüsusiyyətindən asılı olaraq məhdudlaşdırıla bilər.
Məsələn, quraqlığın təsiri altında məhsuldarlıq aşağı düşür və bu
zaman çox işlədilən ərzaq məhsullarına tələbat artır. Bununla
əlaqədar, AR MM-in 659.4-cü maddəsində göstərilir ki, əgər satın
almaqda üstünlük hüququ və müqaviləyə əsaslanan digər üstünlük
hüquqları qıt olan ən zəruri əşyalara və hüquqlara aiddirsə, onda
maraqlı şəxslər onların etibarhğı barəsində mübahisə edə bilərlər.
Subyektiv hüquq olaraq satın almaqda üstünlük hüququnu passiv
hüquqlar kateqoriyasına aid etmək olar. Çünki normal vəziyyətdə,
yəni satıcı (mükəlləfıyyətli şəxs) tərəfindən əşyanın satışı həyata
keçirilməyənə qədər bu hüquq sanki gözləmə vəziyyətində durur.
Yalnız satıcı tərəfindən əşyanın üçüncü şəxsə satılması halında qeyd
olunan hüququn realizəsi prosesi başlayır, yəni o aktivləşir. AR
MM-in 660.1-ci maddəsində göstərilir ki, hər hansı obyekti üstün
satın almağa ixtiyar verilmiş şəxs bu hüququnu satınalmaqda
üstünlük hüququ üzrə mükəlləfıyyətli olan şəxs həmin obyektin
alqı-satqısı barədə hər hansı üçüncü şəxslə müqavilə bağladıqdan
sonra həyata keçirə bilər.
Bu zaman belə bir əqdin bağlanması barədə məlumatın verilməsi
vəzifəsinin icrası satıcının (mükəlləfıyyətli şəxsin) və ya əşyanın
satıldığı üçüncü şəxsin üzərindədir. Qanunvericinin tələbinə əsasən
mükəlləfıyyətli şəxs üçüncü şəxslə bağladığı müqavilənin
məzmununu üstün satın almağa ixtiyar verilmiş şəxsə ləngimədən
bildirməlidir. Bu məlumatı üçüncü şəxs də verə bilər (bax. AR MM,
mad.660.1).
Satın almaqda üstünlük hüquqlarının həyata keçirilməsi
56
I fəsil. Alqı-satqı müqaviləsi
üçün qanunverici ümumi və xüsusi müddətlər müəyyən etmişdir.
Xüsusi müddətlər AR MM-in 218-ci maddəsi ilə müəyyən olunur.
Həmin normaya görə, ümumi paylı mülkiyyət hüqu- qundakı payını
üçüncü şəxslərə satarkən digər payçılar satılan əşyanın daşınar və ya
daşınmaz olmasından asılı olaraq 15 və ya 45 gün ərzində həmin
əşyanı əldə etmək istəmələrinə yönələn niyyətlərini bildirməlidirlər.
Satın almaqda üstünlük hüquqlarına aid ümumi müddət isə AR
MM-in 660.2-ci maddəsində göstərilmişdir. Həmin normaya əsasən,
satın almaqda üstünlük hüququ məlumat alındıqdan sonra iki ay
ərzində həyata keçirilə bilər. Bu müddət ərzində ixtiyarh şəxs həmin
əmlakı əldə etmək istəsə, bu barədə mükəlləfıyyətli şəxsə ərizə ilə
müraciət edir. Ərizədən ötrü alqı-satqı müqavilələri üçün
müəyyənləşdirilmiş forma tələb edilmir. Bundan sonra ixtiyarh şəxs
satın almaqda üstünlük hüququnu həyata keçirmək üçün
mükəlləfıyyətli şəxslə alqı-satqı müqaviləsi bağlayır.
Əgər ixtiyarh şəxs satın almaqda üstünlük hüququnu həyata
keçirənədək əşyaya mülkiyyət hüququnu üçüncü şəxs arxayın əldə
etmişdirsə, mükəlləfiyyətli şəxs barəsində ixtiyarh şəxsin hüquqi
müdafiə vasitələri onun icra etməmə nəticəsində zərərin əvəzinin
ödənilməsi tələbi ilə məhdudlaşdırılır (bax. AR MM, mad.660.4).
1.9.
Faktorinq müqaviləsi
Pul tələbinin güzəşti müqabilində maliyyələşdirmə Azərbaycan
mülki hüququ sahəsi üçün yeni institutdur. Hüquqi təbiətinə görə
Roma hüququndan bizə məlum olan və artıq iki min ildir ki, mülki
hüquq münasibətləri çərçivəsində mövcud olan və hal- hazırda bizim
Mülki Məcəlləmizin 9-cu fəslinin 3-cü paraqrafın- da əksini tapan
hüquqların və tələblərin güzəşti (sessiya) instutu-
57
Dostları ilə paylaş: |